ద్వాదశ జ్యోతిర్లింగాలలో రెండవదైన శ్రీశైలం మల్లిఖార్జున జ్యోతిర్లింగం నల్లమల అటవీప్రాంతంలో ఉంది. శ్రీశైలం యాత్రలో నంధ్యాల నుండి సుమారు 60 కి.మీ, ఆత్మకూరునుండి 30 కి.మీ దూరంలో అదే నల్లమల అటవీ ప్రాంతంలో కొత్తపల్లే మండలం కొత్తపల్లే గ్రామంలో శ్రీపార్వతిదేవి సమేత శ్రీతాండవ మల్లేశ్వరస్వామి ఆలయం కూడా దర్శించవచ్చు. శ్రీశైలానికి రవాణా సౌకర్యం అధికంగా ఉండటంవల్ల శ్రీశైల మల్లిఖార్జునుడు జ్యోతిర్లింగం మరియు బ్రమరాంబిక అష్టాదశ శక్తిపీఠాల్లో ఆరవ శక్తిపీఠం కావడంవల్ల భక్తులు శ్రీశైలం శ్రీ బ్రమరాంబాసమెత మల్లిఖార్జున స్వామిని అధికంగా దర్శిస్తారు శ్రీపార్వతిదేవి సమేత శ్రీతాండవ మల్లేశ్వరస్వామి ఆలయమున్న నంద్యాల జిల్లా కొత్తపల్లె మండలం కొత్తపల్లె గ్రామం దట్టమైన నల్లమల అటవీప్రాంతంలో 1.హరివరం, 2.చింతలపల్లె, 3.తులసీపురం, 4.పాడు అను నాలుగు గ్రామాలుగా ఉండేది. దర్మిలా నాలుగు గ్రామాల కలయికతో కొత్తపల్లే గ్రామంఏర్పడి కొత్తపల్లి మండలకేంద్రం అయింది. శ్రీశైల మల్లికార్జున జ్యోతిర్లింగంవలె కనిపించు శ్రీ తాండవ మల్లేశ్వర శివలింగంకూడా చిన్నది, ఇతిహాసాల ప్రకారం ద్వాపర యుగంలో పాండవులు అరణ్యవాస కాలంలో తాండవ మల్లేశ్వర శివలింగానికి అభిషేకాది పూజలు నిర్వహించారు. ప్రస్తుత కలియుగంలో చోళరాజైన భూపాలుడు ఆస్థాన పండితులద్వారా పూర్వం ఈప్రాంతం శివుడు తాండవంచేసిన పుణ్యభూమిఅని తెలిసి అయిదువేల సంవత్సరాలనుండి బండలతో కప్పబడిన శ్రీ తాండవ మల్లేశ్వర శివలింగం కనుగొని ఆలయాన్ని నిర్మించాడని తెలుస్తున్నది. లభ్యమైన సమాచారం ప్రకారం శ్రీకృష్ణ దేవరాయలు శ్రీశైలం ఆలయ ప్రధానగోపురం నిర్మించునప్పుడు శ్రీశైలం సరిహద్దులోనున్న బయలువీరభద్రుని ఆలయంలో శాసనాలుగా లభించిన తాళపత్రగ్రంధాలు కనుగొని అంధులో వ్రాయబడిన శ్రీ తాండవ మల్లేశ్వర శివలింగం మహిమ తెలుసుకొని స్వామిని దర్శించి సేవించాడు. ఉత్తరాయణ కాలంలో సంక్రాంతి రోజున శ్రీ పార్వతిదేవి శ్రీ తాండవ మల్లేశ్వరస్వామివారి కళ్యాణం, పల్లకీసేవ, ప్రభోత్సవం నిర్వహిస్తారు. దేవాదాయ ధర్మాదాయ శాఖవారి అధ్వర్యంలో ఉన్ననూ శిధిలావస్థలోఉన్న ఇట్టి పురాతన శివాలయాలు తిరుమల తిరుపతి దేవస్థానంవారు శిధిలావస్థలోని దేవాలయాల పునరుద్ధరించు చున్నట్లు వారణాశి, శ్రేశైలం వంటి ఆదాయంకల శివాలయాల ఆదాయంనుండి కొంతభాగం కేటాయించి పురాతనమై జీర్ణావస్థలోఉన్న శివాలయాలు పునరుద్ధైంచడానికి కృషి చేయవలసినదిగా కోరుతున్నాం.