#TalkFood
Вставка
- Опубліковано 29 вер 2024
- 土瓜灣區內四周都是舊樓,街頭巷尾卻有很多隱世美食,在高山劇場附近的安徽街,就有一家主打傳統手工懷舊菜「喜滿樓菜館」,驟眼看裝潢格局樸素平實,經過不太起眼,但店內卻發現多款坊間幾乎失傳的巧手懷舊粵菜,試過的話,必定成為回頭客,皆因美味令人念念不忘。
喜滿樓由資深大廚兼老闆輝哥主理,他來頭不細,自十八九歲由打荷做起,入行30年,曾於高級私房菜「大喜慶」及高級私人會所「木球會」做過廚師,更曾受邀到澳洲墨爾本賭埸內的高級粵菜食府「陳記」坐鎮10年,5年前因照顧媽媽而回港,並開設了喜滿樓菜館。
輝哥:「沒有正式拜師學藝,有很多懷舊菜都是逐間店鋪從旁學來的,大師傅看見你願意做,主動幫手又勤力便多教你一點,像通魚腸就是在大喜慶幫高榮新師傅時學懂的,而如何令雞醃得入味,就跟木球會大廚雄哥所學。」
輝哥大小事情均親力親為,每日都會到土瓜灣紅蘋果街市入貨,像午市的餐魚、大白鱔、鮮蝦、魚腸等等,保證食材新鮮。中午時段供應是日快餐也心機十足,每日款式不同,好像紅酒燴牛尾,肉質軟腍,味道酸甜,撈飯一流。最受街坊歡迎的皇牌醬油厚切豬扒飯,特別挑選的豬扒,厚身大件,鬆軟不韌,配特製豉油和流心煎蛋,美味得很,性價比相當高,每份午餐還附自家例湯,絕不馬虎。
11時後起開始就吃得到各款懷舊小菜,芸芸菜式當中,招牌手工芝麻雞是鎮店之寶,亦是工序最繁複的菜式之一。輝哥:「炸雞並不困難,要整到均勻入味,同時香脆就很困難,工序多,晚上醃雞,挖通髀位與胸位,然後入些炒過的准鹽,第二朝上皮水、風乾、上芝麻再炸,需要一至兩日功夫。」火候控制得好,雞皮炸得挺香脆,芝麻又沒過火變燶,入口帶濃濃芝麻香,雞肉嫩滑,另配芝麻醬,享受雙重芝麻風味。
懷舊蝦多士是以前酒樓常見的圍頭菜,大大件脹卜卜,麵包上鑲滿自家製蝦膠,並同時加入一隻基圍蝦,鮮蝦彈牙,麵包四角炸得香脆,吃起來啖啖肉,多士上還鋪了黑松露醬,更添層次,是不少熟客的摯愛。
這裏還有古法焗魚腸,用了蒜片、唐芹、薑米、油炸鬼和叉燒絲製作,靈魂味道來自新會陳皮,陳皮橘味濃郁,多加亦不會苦澀。這道菜之所以坊間少有,全因通魚腸步驟極考功夫,不慎弄穿的話,就會變得苦澀難嚥。魚腸、魚膶入口油腴甘香,夾着雞蛋吃,散淡陣陣陳皮甘香,思毫沒有苦腥味,灑一點胡椒粉,更添風味。
每家每戶的錦鹵雲吞都不一樣,輝哥選用自家製墨魚滑做雲吞餡,經典鹵汁用上豬膶、叉燒、大蝦、魷魚和新鮮菠蘿,雲吞皮炸得香脆,配上甜酸醬汁,胃口大開。
店子還有各式各樣的燉湯,其中一款必點的絕對是親民版的懷舊爵士燉湯,性價必極高,用日本蜜瓜入饌,配搭豬𦟌、金華火腿、雞腳等燉足十多小時,湯色清透,味香清潤,鮮甜無比。
除了懷舊菜,新派菜式如蜜椒脆鱔球亦相當受歡迎,輝哥特意把原條鱔起骨,選用魚身較肥美的部份,粉漿透薄,吃起來魚肉爽脆,表面帶點蜜味,加上黑椒的微辣,絕對瞬間清盤。
飲食業請人困難,工時長,懷舊菜步驟工序繁複,沒有新人願意入行,所以輝哥很尊重廚師員工,由買貨、備料、執碼、爐頭、砧板位置樣樣皆能,倘若「獨腳吧」休息放假,還要頂替水吧。基本上由早上七點多直踩到晚上十點多,不停氹氹轉做勻所有崗位。
問到輝哥為何仍願意花心機堅持製作懷舊手工粵菜時,輝哥一臉正經說:「我們這家店,裝修真的很普通,很親民,所花的心機就是落在食物和材料上,我做飲食業很多年了,習慣了於會所與酒店工作,對自己總有些要求,無論做茶餐廳快餐還是傳統菜,都要有要求,自己手門就是這樣,從小到大都是粵菜落法,我把我懂得做的做出來,希望讓更多人嘗試以前的食物,繼續傳承下去。」
招牌芝麻雞$188/半隻
黑松露蝦多士 $188/6件
古法焗魚腸 $148 (小)
錦鹵雲吞 $168
懷舊爵士燉湯 $398/4人份
蜜椒脆鱔球$178
是日午餐
紅酒燴牛尾$50
皇牌醬油厚切豬扒煎蛋飯$58
喜滿樓菜館
地址:土瓜灣安徽街2號地下
(土瓜灣地鐵站C出口沿馬頭圍道走紅磡方向3分鐘/門外有咪錶泊車)
電話:2333 1448(敬請訂枱及預訂菜式)
營業時間:星期一至六7am-10pm(逢星期日休息)
採訪:Eunice Ng
攝影:Peter Li、Fong Ka Him
美術:Anita Lam
TalkFood 先填飽肚子再前進
UA-cam: / talkfood
Facebook: / talkfood
Instagram: / talkfood
#粵菜 #懷舊菜 #手工菜 #招牌芝麻雞 #蜜椒脆鱔球 #古法焗魚腸 #黑松露蝦多士 #蝦多士 #錦鹵雲吞 #懷舊爵士燉湯 #幫襯小店 #家庭式小店 #食晏 #晚餐 #CP值高#土瓜灣 #喜滿樓 #TalkFood #TalkFood_土瓜灣
延伸閱讀:
#TalkFood【#街坊嘢】觀塘熟食中心 炸子雞 食晏名物 超值回歸?! | 大廚龍哥 回歸觀塘開鋪 | 午市炸子雞半隻連飯$78 | @龍記小廚
• #TalkFood【#街坊嘢】觀塘熟食中心 ...
#TalkFood【#街坊嘢】40年老字號夏銘記魚蛋粉 | 三度結業重開 | 白加士街粉麵戰區插旗 | 招牌全條鮮炸魚片 @夏銘記
• #TalkFood【#街坊嘢】40年老字號夏...
後記:懷舊菜製作及備料上較繁複,為了保持食材新鮮,所有懷舊菜式都需要預早訂購,同時亦提提各位讀者,喜滿樓逢星期日休息,再次謝謝大家支持。🙏🙏
喜滿樓菜館
地址:土瓜灣安徽街2號地下
(土瓜灣地鐵站C出口沿馬頭圍道走紅磡方向3分鐘/門外有咪錶泊車)
電話:2333 1448(敬請訂枱及預訂菜式)
營業時間:星期一至六7am-10pm(逢星期日休息)
f
加油💪
難食到仆晒街,食到一肚火 去試完都會好似我咁,會講粗口
Yvonne 加油💪🏻💪🏻💪🏻
焗魚腸真係細個食過,大左都冇咩點見過
我想要個地址電話
上OpenRice自己睇啦!
喜滿樓菜館
地址:土瓜灣安徽街2號地下
(土瓜灣地鐵站C出口沿馬頭圍道走紅磡方向3分鐘/門外有咪錶泊車)
電話:2333 1448(敬請訂枱及預訂菜式)
營業時間:星期一至六7am-10pm(逢星期日休息)
一個貴字,冇乜出色。
上星期專程帶美國回港嘅朋友們去食,食咗芝麻雞、蝦多士、荔芋鴨、錦鹵雲吞、椒鹽鮑魚同其他鑊氣小炒。朋友讚不絕口,回味以前的味道,仲話想打包返美國比屋企人食。鬆一口氣,冇帶錯地方😊
難食到仆晒街,食到一肚火 去試完都會好似我咁,會講粗口,讚好嗰啲全部都係打手
師傅好誠懇,亦睇得出啲餸好好味,下次返香港一定會特登去試!
買、洗、通、起骨、打鱗、煮 一手包辦 , 簡直超人!
我都係做呢行 ,以前都開個飯店, 呢個師傅勁 ,咁辛苦都做到, 加油 ,有時間要嚟食一餐呢
有幾勁!???
有懷疑點解唔去試下@@JIMMYYUEN-p9f
難食到仆晒街,食到一肚火 去試完都會好似我咁,會講粗口
@@jaychow8537每人口味都唔同喇,你覺得好食時~人哋又會覺得好鬼難食㗎喇→係咪😅
啲野鹹,廚房佬有份
廣唔廣告唔重要,冇人講點會知有好嘢食!尋日幫襯咗,食過返尋味,出嚟食嘢價錢差唔多,煮得好食係番度,讚!
美味的功夫菜貴都值得,粤菜真的工序好煩覆,但正是如此才 矜貴,不是任何人都能做得出色!👍👍👍👍👍
中菜大多都係心機手工多,如果你自己做過一定會知當中功夫。越來越少人做,尼種師父買小見小😢
食咗片中介紹嘅芝麻雞丶爵士湯同蝦多士,味道出色有驚喜,其他鑊氣小炒蜜椒牛粒、避風塘鮮魷也掂👍
吃的已不只是味道
還有, 大廚的恒心及對新鮮食材的堅持! 加油!!
可惜有很多負評友,百幾蚊個小菜,剩識話貴,又唔系要你地餐餐食,多魚,叫呢D人自己煮,又話麻煩,為曹而曹,香港最麻煩就是這些垃圾人!
食材用貴,工序繁複,一D都唔貴
。
@@ABC10556宜家啲 cheap 兜剩係識食兩餸飯,夠平夠大兜就為之好,識鬼欣賞傳統功夫粵菜咩
我入行仲早😄😄😩
1960年已經進入京華飯店(中環娛樂戲院樓上)做廚。跟大廚盲仔潤潤叔。偷師學粵菜。此後。龍慶酒家。龍泉茶室(大道中),青山道陽光飯店,大道中蓮香。
大角咀金菊園。沙田畫舫海鮮艇。全部都是在廚房工作。接觸的。都是正宗粵菜師傅。他們很多來自廣州。今天的懷舊粵菜。
在我當年。並不懷舊。
都六十多年了。很懷念昔日的同伴😄🫣
我都唔知佢有咩好 訂位呀混亂 座位 極之狹窄 當晚我點咗個 爵士湯 水汪汪 跟住一個清蒸龍躉 啲龍躉肉 好似落咗漿糊咁 黐實啲荷葉 除咗隻芝麻雞 可以一試 其餘啲餸菜 不食也罷 最失敗嘅地方 報考慮清楚 可以容納幾多個客人 其實有訂枱服務 唔應該咁失敗 搞到 人山人海
師傅勁,好有心,加油,百幾蚊一個手工菜,系無聊花生友先負評,叫呢D人自己煮佢又鳩縮!🤭🤭🤭🤣
吓! 好多花生友? 好多業內人士就真。 現時好多網媒,靠呃飲呃食收錢幫人煲水。 唔係班所謂既KOL食乜?你去幫襯完再講啦。
@@darkhero4942 你又知我無幫襯過?你己經認左系網絡打手了🤣
@@darkhero4942完全認同你講嘅嘢!有智慧的網友一睇就分辨到!
貴唔貴丶好食唔好食,各花各眼丶各有各口味!小弟去過兩次,除咗懷舊菜,仲有其他菜式超多,客觀整體評分85,都值得去嘅!
謝謝你的分享🙏🏼🤩
有85分已屬優質👍🌟
有時間去試試😋😋
芝麻雞好吸引 出面食個雞煲都二百幾蚊 各花各眼啦
雞煲只係斬開隻雞撈埋雞煲醬同配菜焗熟左就食,冇乜技術含量,點同芝麻雞比
輝哥煮食物落足心機❤,誠意滿滿👍扺讚💯
試過一次,坐得唔舒服,又趕頭趕命咁要交枱,野食就普通水準冇驚喜,個湯就水多料少仲收咁貴,蝦多士索晒啲油唔值得推介,其他就正正常常
乾乾淨淨咪幾好
大時大節唔好出街食飯
廚師好慘㗎 +1
老闆做得好有心❤一定會去試試👍
嚴格嚟講難食,我諗呢啲都係打手,只得一隻芝麻雞好啲
粵菜真係吾簡單多功夫,每道菜要整得好食,備料要認真,選料要細❤,做菜要用❤,多謝今集Talk Food介紹🙏🙏🙏,找個時間要去試下。
大部分人都系身在福中不知福貴就自己買餸整來食啦👌🤣💩
唉!60蚊一碟豬扒飯都話貴,咁返口國食啦!
👍👍👍
難食到仆晒街,食到一肚火 去試完都會好似我咁,會講粗口,全部都係媒
多謝 talk food
拍片有心機❤👍
呢位大厨用心做菜
值得支持
態度勝於价格 ❤
一定會去食
加油😃
lihenry pls pay monthly fee now for 🌭🌭🌭☕☕☕🍷🍷🍷🍻🍻🍻😝😝😝😜😜😜
難食到仆晒街,食到一肚火 去試完都會好似我咁,會講粗口
真係一分錢一分貨,令我唸起大班樓,食過就知點解咁貴,但貴得有道理
食過兩三次晚飯, 幾好食, 唔貴, 值得去
隱世、低調、失傳?咁點解又出現、高調賣廣告、餐牌上有而仲食到又何來失傳?一睇到隱世、失傳這類廣告字眼就知賣廣告同打手造勢,而價錢拍得住中環同名店,而裝修賣相就….!
睇你有幾多身家姐,如果有一千萬身家200$一餐都唔會覺得貴,豬扒飯60$正常價,到到都50幾-60啦快餐,晚餐正常都要80$的。如果你身家十幾萬都無都系番屋企自己煮吧。晚餐我都比較小出街食,我覺得比較貴,我窮西來^.^
正如時新漢堡以前都有人話垃圾,執左又有人話好可惜,開返又話大不如前😂😂😂 真係街坊,鐘意食就鐘意食😋
土友都幾多澳洲返來,以前崇潔街有間整risotto好好食,真火侯真al dento。 歡迎彈茁彈入發光發熱🎉
can you give us the name plz?
@@swimsinsin4235 好似叫西岸/Westwood? 十年前啦都。 米心嗰種口感,可惜香港跟唔到嘅節奏。 而家庇利街口新樓嗰間嘅rosotto就5分鐘出餐,食lunch咁係易就啲嘅
老實講 偏貴
蜜椒脆鱔球賣$178確實幾貴,主要係睇片見到鱔肉份量唔多
最撚慘成兩舊水得嗰幾件蝦多士! 成60蚊一碟豬扒飯搵你阿媽食呀!!!!😢
依家飲食業青黄不接,仲可以食到呢啲懷舊菜,夫復何求!味道真唔錯,令人回味無窮,多謝推介!
難食到仆晒街,食到一肚火 去試完都會好似我咁,會講粗口,呢間嘢買好多讚好好評
我都係土友
疫情前幫襯過 同依家咁介紹係兩回事
希望真係好啦
好少地方會做懷舊小菜,睇完想試
良心大廚做好菜
上過電視,只覺虚名,香港食肆服務差,呢簡飯店把香港人推去北上消費,出左200分力,要幫襯,三思再三思
香港飲食點會平呀?
你估唔駛人工咩?
香港舖租又貴!🙈
呢間嘢都食過幾次,
幾乎都是盡所有小菜
及精品菜式、燉湯…
啲小菜可謂不過不失,
菜式亦屬坊間少有,
祇不過索價亦令人咋舌…
甚至乎有某幾樣餸菜、燉湯,
簡直就係~『劏客』❗
😢
色香味俱全,款式多,價錢!適中,回頭指數高!
上次去試個湯幾好飲,會再返去食
感覺老闆用心去經營!
文化中文化~謝謝制作~🎉🎉🎉🎉🎉
食過 lunch 極之普通,同埋聲稱唔落味精但係食得出超級味精
今晚9pm可以睇埋詳細影片, 有好多手工懷舊菜式啊~~
膳片😂
食過,除了價錢進取咗D,味道一般
昨晚試過之後唔會再去
股樓升500$一餐都無問題,可惜大勢向下,大把人流血,188一餐我睇唔系好多人接受到,上年紀老人家有長者生活津貼當然去燒費,家有一老如有一寶
過年前一家人係度食團年飯,都滿意,阿嫲食得開心,因為有錦鹵雲吞丶焗魚腸丶梅子鴨呢啲懷舊菜食,好似舊地重遊
Hats off to the chef boss!
細個都仲成日見,而家真係好少人做呢D懷舊粵菜
食咗六菜一湯,芝麻雞、薑蔥蠔、梅子鴨、蝦多士、蜜汁脆鱔、蒜蓉豆苗+爵士湯!由訂枱至食飯等咗兩個星期,四個字:名過其實,大失所望,唔合格!我朋友仲精簡,俾一個字佢:屌
食過, 冇乜特別,唔會再去,夠膽死限時個半鐘😅
唔好講舊派菜少人食,新派菜都少人食,得個貴字,後生仔鐘意食快餐,中年食住家菜,只有老一輩先幫襯,中菜館會否息微要再努力啲!😅
劏人的。
大喜慶,當年係好巴閉🈵🉐💯👍🌈
呢間垃圾利不得了,一d都5好食
又貴又難吃,服務態度奇差😡😡😡不值得推荐👎🏻👎🏻👎🏻
Thank you 所有辛苦的㕑師🙏🙏🙏👍🍷
已試魚腸188元、無味很難食、其他的都很普通、做老襯一次已夠!
輝哥,加油,上等菜,初心不變❤
一看呢個師傅是有心機做菜
一家人去食過,食過返尋味!芝麻雞夠特色丶爵士湯夠滋潤丶風沙鱔夠惹味丶焗魚腸夠心機!食落口嘅唔好計價錢,幾十蚊比啲垃圾你食有咩意思!
係好食做唔切都唔想比人介紹,這類片互相利用,信者失救。
多謝輝哥嘅堅持, 加油呀
九十年代前香港菜館遍地開花,有粵菜館、海鮮菜館、上海菜館、東江(客家)菜館等等,好食到不得了,而家乜都冇哂啦!
沒法啦,租貴,人工貴,食材貴,又少人入行,現在又多了人北上,好難撐得住。
讀到書,坐office,噤個制就人工高過大廚,自然識揀既
唔係咩特別菜式,質素好一般,仲要價錢唔平,唔怪得噤多人北上消費啦
Wonderful content
Chef is a humble n seasoned chef with heart.
Great setup.
❤😊
Good biz n good heath
Joe Tang
但係呢間嘅網上好多劣評㗎喎
佢話啲食物味道一般
服務態度差劣
賣相唔錯
但係爵士燉湯成五百蚊六人份
根本就唔好食,淡茂茂
大部分菜式都係淡淡地
完全食唔到風味
只係虛有其名
手勢唔掂服務態度都唔掂
又係言過其實網上吹捧
土友,食過唔錯👍
色香味俱全,特別推介芝麻雞丶蝦多士丶古法大鱔有火腩好正,錦鹵雲吞個汁可以酸啲,已預訂下次約多啲人再食過!
這位大㕑師傅 用心去經營,
值得一贊👍 請大家多多支持他❤
唉,人係要放假既,你唔令到個工作環境係人地可以做,咁就緊係得你自己做啦⋯⋯
很失望由加拿大回去和朋友去食,並一星期前訂位,兩天前訂菜,最終令我們失望,芝麻雞不熱又柴,全部的菜只是暖暖的,失望😔
精彩!加油👏
看了节目,慕名而来。中午一进门,小孩子在狂叫,过了一会职员三人有开始吵架,刚刚落单,已经不想吃了😂
一個月前去過一次,唔錯。上個禮拜再去完全唔掂,可能生意好好得滯。
良心 承傳
幫襯過啦不外而是, 絕對唔係想像中咁好食。
我睇過Open rice對呢間嘢好多負評
最撚慘成兩舊水得嗰幾件蝦多士! 成60蚊一碟豬扒飯搵你阿媽食呀!!!!😢😢
好食就唔使買廣告啦
@@dixpeter4458呢句係金科玉律👍
見到好多打手話好食🧐
愿称佢为 咯 哥,讲咩都咯
呢間想試好耐,搵日試下先
好想試 魚腸❤芝麻雞❤
唔算街坊親民😅价。。
我對此視頻祇有一個意見、請不要用隱世乜乜、香港還有隱世地方?
老闆娘串過西
係咩!咁有性格?!😂😂😂😂
可能係好好食,但最至命一㸃就係要限时,你話㸃样留港消费?要賺到盡。
10萬了
D野食好食啊,老闆樣樣野都親力親為
假到仆晒街,啲嘢無一樣好食,食到一肚火
千個差
蝦多士,炸得太硬。爵士湯唔夠料。咕嚕肉肉質死實,味道尚可
名不符實
好難食喎
又一城望月樓都有焗魚腸食,仲有炒銀針粉
呢間同哥xx一樣,盲先至行入去食!
而家食乜都要貪快,邊會食到好野
食過'呃人,名過其實
Low class ad
Thx and support!