學揸棍波車2，介紹兩個操控棍波的重要概念，實戰控制極力
Вставка
- Опубліковано 29 лип 2024
- 完全棍波由零上手課程（廣東話） -- 下集
養車易主持人Joe繼續分享揸棍波車竅門，棍波車由零上手嘅下集。今集嘅實戰分為三個部份。第一部份會教大家控制油門， 用固定速度來數左腳極力子嘅拍子。第二部份，會去到一啲實際嘅路況上，點樣實戰應用，介紹點樣控制離合器。第三部份會同大家分享，初學車又或者未上手，對棍波嘅迷思。會同大家一齊討論一下、分享一下，師傅亦唔會教嘅棍波車重要概念，包括Rev matching、Power band等。
▬ Contents of this video ▬▬▬▬▬▬▬▬▬▬
0:00 - 棍波車由零上手-下集
1:06 - 第一部分：固定速度鬆左腳
2:44 - 第二部分：實際路面操控棍波
5:47 - 第三部分：操控棍波進階法 - Авто та транспорт
我啱啱報堂車，多謝你嘅教學，
希望可以繼續睇到，清晰易明。
學到野，多謝講解！
感謝Joe哥, 等我呢D學到懷疑人生既深淵拖出嚟!
加油 多謝你咁好睇嘅短片
最好就係攞到牌,揸車上路,唔好惊死火！唔好理後面砵，記住學車時阿Sir 教嘅嘢，一步一步黎，特别係半坡起步！我十幾年前就係咁樣，一攞到棍波牌就揸上路！個時各種死火！各種俾人砵！我心唸有本事你飛過去😊
😂🙏🌹謝謝分享！我27號開始！
講解清晰，謝謝你
學到嘢，好有用，加深咗自己平時－啲揸車習慣，謝謝分享
👍多謝捧場
多謝分享💪🏻💪🏻💪🏻
多謝
好實用😊
謝謝 Joe 哥教學🙏
好正👍
多謝支持！
講得仲清楚過好多教車師傅! 👍🏼
我自己都係揸棍波, 睇完片先醒起自己有壞習慣拖完波有時唔記得補油😅
多謝分享🙏🏼
睇你影片真係學到嘢 好有用嘅影片🎬
多謝Joe 哥， 終於明白哂補油既做法🎉
👍
對於一個有棍波牌但未揸過棍波車嘅我嚟講，理論就睇過好多，但都唔夠呢條片實用。獲益良多，感謝Joe哥😊希望下次分享埋heel toe
多謝支持，高興可以幫到手
遇到前面需要停車既環境，先用brake收慢相應所需車速，隨車速下降，落相應波段。
如前方可以再通行，你保時入啱對應車速既波段，先可以作出即時反應加速。
落波方面，可以因應熟練程度，跳波，如4>2
絕大多數前方要停車既情況下，最多落到2波就夠，因為之後只會遇到兩個情況。
1. 前方再通行，如果你本身仲只係減速中，未停定，2波比1波(或其他對應當時車速既相應波段)，會更適合加速。如果真係落到1波，會太高轉，幾乎即時又要上返2波。
2. 前方仍然停下，你亦需要跟隊尾停車，當時你應該已落到2波，保時2波，踩brake>踩離合>停車>手制>空波。前方通行後才再用1波起步。
2. 呢個做法，考試不會被視為空波滑行。
當然，如情況緊急，3波踩離合停車，都可以，不會被視為空波滑行，但會比考官剔"警覺及判斷力弱"。
多謝補充，好詳細。
💪👍👍👍🌹講的很好！😊點讚！
謝謝你令我明白"拖波"的意思和用意🙏
多謝捧場。高興幫到手。
講的好清楚
多謝！
十分感謝🙏多謝你嘅支持，我會繼續努力！
好有紀念價值，你係我收到嘅第一個super thanks！多謝多謝
謝謝, 真係好有用
多謝。請繼續支持
正阿Joe哥~ 好清晰
多謝多謝
好實用👍🏻希望你再拍多啲例子
thanks for sharing
作為新手真係未掂部車，仲未好通到你所講既嘢，不過記住先，希望遲少少會用得上同上到手，多謝你既教學
好睇
多謝支持
推😊
Thanks！
Joe 哥，多謝你講解，我十多年前考左棍波自此都未駕過。當中既疑惑你段片已談及，非常好。
我係有心機聽的一群，我想知道幾多波先 match 幾多轉數？車速、轉數、波段之間既關係我都想了解多d。
謝謝
support,好有心機
多謝支持
好詳細^^
多謝支持
謝謝廣東話教學，令學棍波車有個容易啲概念，另外想問，學大車考試要用兩腳極力子，請教吓點樣容易上落波順暢 ？
推
Thanks！
👍🏿車手Joe
真係唔算係
@@FeedCar2 一身好武功香港揸AT浪費晒你🤭
二波停，停定先入返一波，好處係前面啲車響我停定之前起動，可以快啲作出反應，燈位經常有呢個情況。三波停車未試過俾阿sir話，但係一波直上三波就話唔得，考試有機會扣分。
感謝 🙏🏿
啱啱入左部棍仔，變咗新牌仔
睇完段片 解決咗好多迷思🙏🏿 🙏🏿
想問吓如果過一d 停車場好高嘅減速膊 ，應該點樣做？ 因為如果收到架車好慢去過嘅話🙏🏿有機會過唔到或者死火，太快坐嗰個又唔舒服又傷車
車好慢都未必一定死火，只要keep到一千轉就唔會死火。如果真係右腳定唔到，咪左腳踩小小，吊下個極力子，咁想幾慢都得。
棍波技巧真係無底深潭😅 多謝Joe哥帶我地行近一步
言重。多謝你捧場至真
好清晰！謝謝你！ 你同時間show 度錶板，pedals, 同入咩波，又解釋得清楚易明。請問可唔可以再post 多d棍波片，因為其他人既youtube 片唔係好清晰，同埋揸發唔係考試要用既
Joe 哥有件事想請教
如果短暫停車，你會踩油門入空波拉手掣停定有其他方法？每次喺讓路口同班馬線學到懷疑人生。
真係好詳細，改變左我之前對棍波車既少少概念，尤其以前d師傅教車唔會甘仔細🙏🏻
我呢啲片已經有人唔滿意了🤫
學神同師傅走埋一齊
共同目的都係考試合格啫
祇要操熟考試要做嘅嘢就好
有乜嘢之後有牌有車先有得自己去繼續鑽研
@@FeedCar2joe 哥，你呢啲廣東話嘅片好重要架，英語channel大衆未必100%明白，尤其係用機械工程來解釋力學及引擎轉數等(以下有些不滿的留言者，唯有相信他們本身是車神，不過車神呢個朵有點老套）。
多謝支持。最理想嘅係，channel同觀眾都能夠一起成長，日後慢慢有啲深入嘅嘢，可以一齊分享吓。
棍波車真係好好玩
成功操控感，同自動波係兩個世界
但係唔係部部車都可以好順咁樣放clutch就行。我部掃把佬放clutch有動力但係好易就stall。所以都係俾少少油先。
👍🏻
多謝
Joe 哥，估唔到你棍波都咁熟練👍🏼，Joe 哥 有機會不如講吓係英國揸車經歴和揸車文化同香港有什麼唔同吖🤗 All the best !
多謝支持。多謝意見。👌
師傅部車bite point好似剛剛過左一半行程 但都70000幾咪 磨蝕情況算係甘 應該可以玩到10萬咪都得
我想問你係片大概8分果時講3波前邊有紅綠燈要落1波/2波口心❤個情況
我可唔可以次次都轉空波等佢滑行收慢 然後再睇車速同轉數再上返1/2/3波咁？？
多謝Joe哥分享，我諗Joe係咪係英國？ 見背景唔係香港交通但又係右軚車
❤
thanks
一般考試其實有限制，1波起步2波停車！落低波唔只係保持動力，重有一個更大嘅原因！就係為左安全……同樣車速下3波收車比2波收車慢(即係3波比2波要用更長嘅行車距離先停倒），一般2波作停車嘅安全性同穩定性係最可以接受嘅（1波更加唔洗講）
一般我地私家車1波作起步，2波黎停車！揸開棍波行到咩速度，身體自然有反應去轉最合適嘅波段…貨van因為扭力大而且回拉力夠強，所以自己揸貨van都係2波起步3波停車（貨van2波起步仲好力過私家車1波起步！當然3波嘅引擎收速能力都比私家車2波弱！變成貨van1波只有在車重貨嘅上斜起步先會用到）…至於咩叫拖波，就係當你轉數未達到最順嘅位置就強行入低波！車速合因為引擎拉力而強力收慢（有種踩brake嘅感覺，當然你冇踩brake）咁就為之拖波！拖波有緊急剎車嘅付加幫助能力（後驅特別明顯，會有種雙重剎車嘅感覺）係一種幫助性同追求安全性嘅技術！拖波就係要引擎拉慢架車，冇引擎拉慢就唔係拖波！例如上斜唔夠力，我地為左保持車速去轉低1個波就會踩油去轉！實際就同你片入面操作一樣……咁樣最多只可以叫做一般轉波嘅操作！因為冇引擎拉慢架車啊～所以唔可以叫拖波
一般習慣棍波車嘅司機甚至會慢慢變成左手長期貼住波棍……我就係呢種人！人一上駕駛座，左手永遠不離波棍……
Joe師傅，我想問下，行緊3波係咪可以直接煞停架車直接轉返1波起步？咁如果4波呢？都可以咁做？
我係幾快都好，一定空波用Brake停，姐係考車一定肥既空波滑行，因為我吾得閒慢慢轉波，懶
自動波繼續黎溫故支持下👍
多謝晒
學習了！造福學神
重拾棍波感覺 😄
正
@8:51 我當年有點都唔明師傅講解，加上佢70幾歲講到1999，
到自己有架手波車，咩都自己試都領悟到架車發生咩事
始終揸車路面經驗好重要，考到車先係啱啱開始學車
香港學車同考車都真係求求期。真正入門係從有自己的車開始。
Should your heel of your foot be on the floor when you have the bite point of the clutch? or does a floating heel is better for control of the clutch?
好睇個人習慣，自己覺得舒服就OK。
操緊棍仔 雖然知道轉低波補油 有時做得太慢都會chok😢 揸緊zc32s 教出迴旋處嗰度好幫到我 要睇多幾次😊
右腳太慢或者唔match到節奏。唔夠油會chok，太大油會標前。
試多啲就OK。
我胆粗粗考棍私一take pass(香港考), 我唔知同棍van 考有幾多唔同, 不過係控制架車上面師傅係教左好多.
例如燈位前, 要keep 3波定速, 堅停就要少brake落2波, 補少少少油, 再brake 到將近停先極力寺再踩停 (師傅指定要brake 到差唔多停-車要震啦, 先好落離合再N波, 佢話唔好一齊落, 因為落左離合就其實要轉波, 你未必知下一刻要停定去)
師傅教2波可以直接停, 但如果踩左離合時, 落左N, 又綠燈, 可以馬上連返上1波再起步.
當時仲要練轉90度彎, 1波只係起步, 要練熟到彎心時己經上到2波 (其實係好難)
仲要棍波既樂趣係, 每個彎加上斜度, 都可以俾自己思考下用邊個波, 點樣去過, 過得順又靚, 係有種成功感. 玩完你會好熟果區每一條路.
我俾其他新手既心得係, 當大家都清楚棍波既步驟(基本), 最困難 (總有平台期, 唔使驚) 係真係使出黎, 左右手, 左右腳, 眼同腦要高度協調, 所以都係不斷練. 如果我成個課程係10堂, 基本上我花左8堂時間係克服自己既操控 (即係同架車既協調上) 😊
多謝留言。
我補充小小：補油多小在於波段遠定近，如果遠，係要補大啖d 油。
想問下頻主，1波情況下，如果要轉細彎要慢車係咪可以吾踩break只踩半離合減速去轉？😮
好睇情況。。。例如，如果響停車場轉灣，剛有對頭車，唔係好夠位扭，我會吊一吊極力子，慢車，比對頭車過左，先放返極力子過。
你講果個"細灣"唔太清楚係點，但如果係一般路口，應該唔駛吊極力子，踩brake 就可以。
JOE哥 如果死火應該入空波先撻車 定踩住極力子就可以撻?
考牌要問師傅。真正行街當然可以。
你好啊，我想知道比如出迴旋處個時2波個時應該點停車，同個步驟係點？謝謝你😭
考試：停定，入返一波，做齊所有步驟，再開車。唔駛急。
正常情況：睇當時路況同車速，夠車速又即刻可以出，2波出。
要等，或極慢唔夠速度，都係入返一波。
Joe, 想請問點解我渣架honda fit 怠速會起唔到步? 而你架車又得
同問，我上次借人地架golf都係，齋放極力子係唔唔到步，點都要畀油先得，搞到頻頻死火開唔到車
Joe 哥可以考番個師傅牌stream 教車 :D
暫時唔會
我想問上斜 遇到慢流塞車 係咪一直踩低左腳極力子少少 而右腳繼續比少少油？ 我發現如果放哂極力子又行得太快 右腳唔比少少油又就快死火🙏🏾
右腳keep 住比小小油。如果太快，左腳踩深小小，如果要郁，左腳鬆高小小。即係所謂吊極力子
幾時教埋踭子
我一直揸棍波都有一個迷思，踩得耐極力子係咪會令極力子個分離啤令消耗得好快？
唔會。唯一損耗應該係半接合，扇極力子果下
Joe哥可唔可以示範下Honda腳同埋慢速上落多層停車場？謝謝你🙏
我唔太鍾意用風琴腳。上落停車場右腳定住，記緊如果轉灣+上斜（上一層），略略加大小小小油，部車羅直即縮返原位。
不如數片頭個Joe Joe Joe果段聲XD
😂
想問下應該點用 engine break (低波?/拖波?) 落長斜路？
例如你係四波落緊斜，左腳踩極力子落三波（右腳同時補油），如果補油放極力子後仲聽到引擎叫左聲就代表你補得唔夠油
其實條片九分幾鐘有講
理想做法係落斜前就轉定低波
啲大車事故往往都係衝緊落斜
先發覺行得太高波而迫力又用盡哂
而乜都做唔到等運到…
多謝補充。補油太多會標前一下，補油唔夠就會唔順暢
睇完呢條片，半年後考棍van想唔1take pass都難😊
祝你一take pass
準備考棍van了，阿sir話依家d van夠力，淨係用磨擦點上斜夠了，唔洗俾油，有另一說法話斜路起步唔俾油會肥，好疑惑😢
吊啱離合, 即係攞準磨擦點, 就夠你上之餘唔死火
學車係急停先要3波停, 正常見到要停都要落2波,
唔係好易空波滑行
我學車嘅時候試過3坡停車，10Kph左右踩極力子再踩腳制，師傅話我做得好😀
呢個情況係三波嘅時候，老綠轉黃燈嘅時候用
雖然我日日揸棍波,但啲理論叫我講點解咁,我真係唔識講,我自從學咗中型貨車後都慣咗2>3>4兩腳極力子轉波.
大家交流吓
師兄中型pass咗未？想知兩腳極力子係唔係即係heel toe?
@@bigball36D 當然唔係啦！揸
考中型貨車啫！唔使咁高技術，兩腳極力子係，當上波時例如1去2波，由1波轉上2波時踩低極力子去空波時再踩多一下極力子先上2波，但由2波落1波時，去到空波時要做多下俾油動作，先再踩極力子落1波。
你可以搵片睇下考中型貨車點樣操作就明。
幾時有泊車教學？想聽翻廣東話😊
多謝建議。有合適地點會拍👌我都好想拍S位，網上好多都無講重點
講超市泊車丫 謝謝
OK👌
睇吓會唔會夾到其他啲野，同一集介紹
想問吓點解唔係轉波都要吊離合器嘅🤔🤔 5:16
踩緊brake 唔踩離合器會死火
起步中。部車停定要踩離合器。
試過坐滿人二波上一條幾斜既路地板油都無力 直頭係行路都快過佢個隻 但係個轉數又龜速咁慢慢上緊 呢個時候應該死頂 搏下極速轉返一波 定 停定重新起步好?
你部乜車呀？咁嘅😂😂😂
太早上二波, 一波行快D先上二波, 咁二波上斜先加到速
@@benleung2253 我個時借左架ford focus 係中大練緊點樣揸返棍波😂
@@hnc96 學車個時教架車一郁就要上二波 一去到條斜路先發覺唔夠力 所以先搞到咁尷尬
@@chapmanlee1689 Focus 應該唔會冇力，你可能冇一波俾大油轉二波姐，如果二波行行吓又覺得冇力，咁你就要補一腳油入返一波，之後從復動作直到行完。
你好，有人講過話：即使收慢到接近停，除非架車完全停止，否則唔使轉返落1波起步。上述正確嗎？
睇情況同你部車，冇咩loading又唔係斜路，2波亦唔會死火。
有啲舊車1波無整銅索牙
架車未停定的話係無得就咁入到1波
收到低過10km/h左右就考慮落1波啦, 因為高波落1波好損耗1波銅索牙, 有速度下好多車會掃牙或者入唔倒1波. 所以就盡量少咁做, 減低損耗.
2波轉1波要補多2 ,3 千轉起麻,又要做double declutch (3轉2都要其實), 好少轉番去1波
正確
Bookmarked👍🏻
Thanks！
有個無知嘅問題想問，拖波同kick down係咪同一個概念？
我想講得清晰啲。kick down 係一個"指示", 叫自動波轉低一個波，一般用於上斜或者爬頭。
如果拖波，應該直接撥波棍。（係，自動波嘅波棍都要動，唔係長期D)
@@FeedCar2 即係kick down純粹用腳踩深啲個油門，拖波就係用+/-波手動啪低一粒波？
我有棍波牌，但都係揸自動波，平時入迴旋處/想加速都會用+/-波啪低1/2粒波咁用，好奇點解有啲人話kick down會傷車🤔
感謝Joe哥回覆🙏🏼
🤔咁要問下話會傷波箱嘅朋友，咁＋/-波幾時用？仲有連車原裝手冊，都有教kickdown，就係一腳到底，咁有幾傷？
不過自動波拖波，要電腦補油同轉數許可，先會落一粒波，同手波嘅反應差好遠。
你把聲有少少似林家謙🤣
介紹得好詳細 揸開自動真係唔知背後咁複雜
多謝捧場
澳門考車係一定要1波波上 1波波落 唔可以跳波3跳1
考左出黎自已點揸都得😢，忍下。
香港都喺，跳波考到先用😉
sorry, 片中無提到考牌唔可以跳波。不過香港考牌又唔會上到4波，頂盡3波。
不過今天揾部棍波車揸並不容易😂
今時今日車廠再投資R&D一副新型棍波波箱
去配搭返新型嘅引擎係無前途嘅事
就算肯繼續出棍波車
都係將新偈detune到細啲馬力
以免將副舊棍波波箱頂唔順扭爆就算
多謝講解。學棍van師傅根本唔會教呢啲。
Btw，One two "fee"？ Hand 壁？跛point？不如講返中文啦，聽得舒服啲。
相信好多人睇完條片都係唔會明，如果有咁情況最好去了解一下棍波嘅機械結構，點解要補油，收油，何為飛輪極力子，其實好間單。
🤔依家好多「新人」都無興趣知，如果由波箱、 飛輪講起，可能無人睇😊依家咁雞精都小咗人睇😅
@@FeedCar2 証明依家啲人係低能嘅，乜都要自動唔肯用腦，如果有興趣揸棍波車但又揸得唔好，咁就要好好去了解一啲基本機械常識，依家啲新嘅棍波車已經比以前好得多，佢會提示你何時轉波，行巡航如果唔夠力佢會叫你落一個波，右腳唔使俾油只要做𨍭波動作佢會幫你補油。
今時今日如果係無心操棍嘅
咁夾硬揸架棍波車又為咗乜呢…
揸架棍波車有乜做得差甚至出意外
會俾人覺得100%都係司機嘅錯
@@torque-converter-w2y 我唔係好明你下段寫乜嘢？揸棍波車出意外就覺得係司機錯，難道自動波車出意外就唔關司機事？
@@benleung2253
自動波車有部分機械操作司機唔使控制甚至控制唔到
萬一出意外司機為咗推卸責任往往歸咎于機械故障導致
棍波就相反 傳統觀念上所有操作都係司機親力親為
甚至會將揸棍波嘅都當成專業駕駛者
出咗事故後司機想賴架車唔妥基本上唔會有人信
1&2&3 香港用唔到 太慢 比人BEAT死
主要睇扭力和轉數的關係，NA車低轉扭力太低，要提升轉數才能滿足不同的需求和情況，體會到就好易明，相反就完全吾知講乜
所以要明左啲比較「悶」嘅理理論，渣起上來就會多樂趣好多。講真依家好多人都唔太在乎，反正部車閒閒地都百零二百匹起跳。
路面情況己經好複雜，仲要搞波/極力子，睇到都覺得煩，用自動波廢牌算
不用你教