學揸棍波車1，極力子上手竅門，由零開始完全教學

[@joecmk]

同意支持Joe哥所講學棍點都畀學自動波益處多，尤其考棍Van牌。另外揸軚同個波棍手勢同我之前學車師傅教所講一樣

[@幽靈達人]

我考完牌揸左十幾年車，從來未揸過自動波……棍波好難咩？我反而覺得自動波完全唔係自己控制，完全做唔倒人車合一
我發現十幾年我嘅駕駛完全就係你所講嘅正確駕駛方式🎉其實點解唔好反手揸軑仲有個原因，幾十年前特別係大型車……佢地軑盤唔似依加嘅風油軑！架車一行到凹凸路面，個軑盤會跟住發！隻手如果反手穿入去除時會比佢發到手骨斷！呢個教我車嘅師傅講比我聽，真的假就唔知！不過因為佢呢句，我從來唔會反手穿入去扭軑

[@HKBFC2014]

我都係考棍波van 1 take pass，非常同意你所講，學識一樣嘢對自己絕對有利 👍 而家好多商用車都仲係棍波，例如小巴，考牌一定係考棍波！ 揸棍波車係好有趣味，不過我喺香港都係揸自動波車，原因係因為棍波車比自動波貴，而且香港成日都塞車多山路，自動波操作起上嚟比較方便，但係我絕對冇後悔學棍波車，因為學完之後係一生受用，喺邊度都可以暢行無阻！

[@FeedCar2]

「原因係因為棍波車比自動波貴」棍波車響香港直頭係珍品

[@LaHermitOfDragonHill]

記得我响1980年開始學車考駕駛執照 (車牌) 嘅時候，香港市面仲未有太多自動波車嘅出現。跟住教車師傅揸佢嗰部老爺車，就係要吊住極力子 (離合器) 腳掣，至能夠用波棍轉動波箱 (變速器) 完成入波嘅動作 (制動)。
路試考牌嗰日，仲係自己揸住呢架棍波車，載埋考牌官上路，去考場附近「兜風」進行測驗評分嘅。
記得揸棍波車考牌最難嘅關頭，就係喺「掘頭巷」或者窄路細街要「掉頭」「到ton」(倒車退後) 轉方向嘅時候。嗰種「車前倒後、手忙腳亂」、嗰心卟卟跳、考官嗰對牛咁大嘅眼又「𥄫」住我嘅手腳動作，佢枝筆猛咁郁 (剔吓剔吓)....全程都俾我好大嘅壓力--緊張到暈呀！
嗰次路試我卒之肥咗。考牌結果顯示，我因喺市區揸車好勇 (車速太快)、到路口又冇睇情況減速停車、冇做足安全駕駛嘅標準動作....俾考官猛咁「剔」，總共扣咗27分。多過25分極限，以2分之微Fail咗。
第一次考牌第三part 路試「wo」咗之後，我冇氣綏放棄，而係再接再勵去補課，多學咗十幾個鐘。
第二次考路試，仍然係曾師傅借我嚟考牌嗰部棍波車。呢次路試我打醒精神，揸得好定。終於成功過關。
今日舊事重提，回首前塵，發覺「小心駛得萬年船」呢句俗語講得真係冇錯。我哋做人，無論學乜嘢、做咩事，都要認真同埋仔細，俾心機學嘢。仲要唔怕苦、堅持努力不懈，咁至會有好嘅效果同埋理想嘅成績。
各位朋友，大家加油哦，為美好明天努力！🙏🤗🙏

[@DB0502]

講解得好清晰，解答咗好多上堂冇問嘅問題
我學棍波係驚有日咁啱俾人租哂啲自動波車，焗住要租棍波車時都操作到😂

[@lksforu]

多謝師傅，我黎咗英國，想自己十幾年前考嘅棍波牌唔好廢咗佢，揸咗一年自動波熟咗英國路面後，啱啱買咗部棍波車希望可以揸番棍波享受駕駛樂趣。條片好有用，會加油練習

[@bhsj9639]

多謝師傅講得咁詳細，我學車個陣自覺同自學無分別，咩野都無點講就叫我開車，考試就好似考天才咁，自學成功就合格，唔係就不斷重考

[@FeedCar2]

多謝支持。
真係好多人都覺得，學車變左租車😢

[@FATFATTURTLE]

尋日成世仔第一次揸車，學棍波Van，真心覺得好正，個極力子其實一啲都唔難控，一次生兩次熟，希望可以快啲考到車牌揸車❤

[@sklai1907]

18 19 20牌 下檔要double clutch 同呼一下油可能要少少技巧。

[@wilsonang4161]

多謝鼓勵！我學緊棍波私家車，遇到兩個師傅叫我考慮學自動波！

[@tobytung]

非常詳細的講解👍

[@HKBabyDriver]

揸棍波真係好開心！好有成功感🤣不過亦唔反對自動波，舒服代步一流！其實兩者之間唔駛對立嘅👀自己揀啱適合自己部車就得啦🤓

[@HKDriverMike]

講得好👍

[@FeedCar2]

係，無對立。從代步角度出發，棍波都應該會被取代。如果話要enjoy角度出發，就好似依家啲人玩菲林相機同黑膠一樣。無對立的，拍菲林相機又唔會話唔用DC一樣。
如果純粹問「值唔值得學棍波」，我覺得絕對值得，學識之後渣咩我無偏好。如果我係開工要揸車（例如貨VAN），我都覺得自動波係好D。

[@Isaacsung429]

@@FeedCar2但係棍波Van同棍波私家車都已經兩回事
其實我覺得棍波私家車對技術無論踩油門定係搵磨擦點兩者之間嘅協調嘅要求更高

[@Isaacsung429]

@@FeedCar2如果遇着塞車，自動波真係舒服好多

[@torque-converter-w2y]

@@Isaacsung429
歐洲先排流行棍波
其實都係因為流行柴油私家車

[@percyyip]

我係初學者，師傅你講解得好清楚，多謝你🙏

[@chungyanwong5884]

好清晰
謝謝

[@Roy_N]

雖然自動波係方便，但有棍波底會對車速/轉數有幫助，概念用嚟揸自動波都有用

[@wendileung]

我剛剛學揸棍波，有睇Joe哥呢條片，講得好好，夠清晰， 對我呢啲初學者好有幫助，謝謝😊

[@FeedCar2]

多謝，請繼續支持，多多捧場

[@tshima671]

多謝 Joe 分享你的經驗👍👍

[@vfvf8046]

呢段片真係我睇過最詳細既棍波教學

[@FeedCar2]

多謝

[@ccola1012]

manual is the best 👏🏻

[@FeedCar2]

享受角度出發：「無可擋的感覺」

[@yiukitkit]

Joe 哥 講得好詳細 又有條理 仲有好多細心位 新手真係學到好多野🙏🙏

[@FeedCar2]

多謝支持

[@ej20daniel]

我都係比較鍾意棍波車 我之前都有一部Subaru嘅GC8 不過賣咗好耐lu 認同你嘅講法 棍波車真係俾我好大嘅樂趣

[@FeedCar2]

多謝認同

[@peachmultimedia-9297]

謝謝 Joe 哥分享, 好實用, 解開心魔真是重要🙏🙏

[@superfatbobtail]

棍波，自動波
自己有得揀先係老闆

[@SkyChan77]

正。拍多啲依D 手波車教學

[@FeedCar2]

👌多謝支持

[@waiyimhongwai]

第一次睇你影片已訂閱咗你而且撳埋個long long🔔 同埋share咗你嘅影片↩

[@Neilngng]

謝謝, 去學都無教得咁仔細

[@FeedCar2]

多謝支持

[@強者強者]

請問車輛未動時，將要開動，此時手掣沒有放下，已入一波，踩油門，車會繼續不動，還是會動？

[@Fancyw]

🤩好好呀! 內容正正是大家有棍波車牌的心結呀, 立即訂閱

[@louispoon4495]

宜家有好多油門當迫力既意外，都係自動波車，棍波車會令駕駛者更加專注，尤其係慢速時，操作得吾好就會死火，跑馬仔，吾似自動波簡單到連小朋友都識揸，太容易，就會忽視，好容易出意外

[@FeedCar2]

所以棍仔係值得學嘅😎

[@fredfu4178]

揸一兩千公里後, 應該熟晒唔會死火, 最易死火反面係停車唔記得入返一波留喺隻三度, 轉燈開車死火至知

[@peterchu88hsbhd]

呢個真。
就算棍仔真係唔小心踩break
同時踩到油門，
只要你踩低極力子
你都剎得停

[@mrckmrck4729]

冇錯冇錯！
兩隻脚踏板嘅車就一定存在呢種風險。尤其著住隻新鞋揸車，就算係老手，都有機會犯上呢種錯誤。
所以，人手操作離合器(棍波三隻踏板)，係必然安全過自動波

[@mrckmrck4729]

​@@FeedCar2係一定要識，唔用另計，但是不能只有A仔牌。

[@happylife20246]

數拍子，真係work ！

[@isaacli6135]

難得見到咁有系統既教學，精彩👍。請問有無渣電單車，出教學片分享下就正。

[@Anson-1080]

棍波一D都唔難，只要有恆心就可以
但路面係一世都學唔完，每日都會變
所以搞唔掂棍波就唔好講路面…
朋友飲醉左又可以代駕
走路又可以乜車都啱用
Btw好多謝十幾年前元朗駕駛學院既師傅悉心教我棍波，我揸到宜家都係棍波

[@onkq-t9b]

其實現今的車馬力和扭力都比從前的車大，吊極力子所需要掌握的技巧少很多，沒有了難揸的車，這年代的人已經學唔返那些技術，至於影片的講者評價專線小巴司機那段，我首先在想這位講者有沒有做過小巴行業，首先知不知道那些阿叔可能從前是巴士司機，退休後做小巴才揸棍波，其次年紀大工時長唔係等於揸私家車去到目的地就完事喎，最後就係那些垃圾小巴的軚盤腳掣重量也不可能是私家車咁輕，有沒有諗過職業司機做到有各種輕微痛症要照樣開工的問題呢？而我的評論是，那些垃圾小巴的座位根本完全不附合人體工學，最盛行的牌子那張座椅更是最少調較功能的，揸完8個鐘唔攰係冇可能

[@SCLai-em4ht]

我記得當初學車個陣,有時要睇下現時是什麼波,但係師傅話唔駛睇架,聽到架,我心諗,若果我已去到識聽嘅景界,我仲駛跟你學 !

[@marsmanhkp]

有好多人真係揸唔掂棍波，如果佢真係只係為咗代步，真係唔好咁辛苦，你冇見到佢哋學，你唔會想像到究竟件事會有幾咁大壓力同沮喪。每個人天生都有唔同，有啲人做到，有啲人係真係做唔到。
等於1個鋼琴考到演奏級嘅人，咁佢覺得考三四級一定好容易，但係一啲冇天份嘅人係真係覺得冇可能考得到。
有時佢哋目的只係當一架車係工具揸去買餸接放學，唔需要咁辛苦嘅

[@FeedCar2]

從代步角度出發，棍波都應該會被取代。如果話要enjoy角度出發，就好似依家啲人玩菲林相機同黑膠一樣。無對立的，拍菲林相機又唔會話唔用DC一樣。但係如果只有自動牌，你就只可用DC。

[@Aragorn333]

我都學緊手波車，師傅因壞車我揸過3部棍波車，每次都要重新適應過。加上師傅經常脫期又唔補翻比我，揼鐘，冇乜主動指正錯處，每堂只會問我有冇問題要問佢，進度非常慢，後來更建議我考慮轉學自動波。其實都有d嬲，明知佢有問題，但因為香港人响英國好少學手波，冇乜人可以介紹相熟師傅比我，自己亦未買車可以私下練習，唯有自己上網不斷睇其他師傅既教學影片自學，追看既都有5至6位，集思廣益，始終每個都有d points 其他師傅冇point out 出黎。宜家心態係當租佢架車叫做有個人坐响隔離保安全既心態繼續。近來終於有突破性進展，掌握到三個pedals 既操作，信心多咗。影片內你講右腳在操控油門和brake時腳踭可放地上呢一點覺得好有用，謝謝分享。身邊既人都係揸自動波，有朋友話第二時係電車既天下，學手波車到時都冇乜用。我既諗法係唔係好信電車既發展係環保，正如當年英國想完全淘汰柴油車一樣，結果係電油車並沒有比柴油車更環保。我應該都會堅持學好手波車。

[@torque-converter-w2y]

柴油車向VW爆出醜聞之後
日本有機構亦拎咗啲柴油乘用車做路試
結果亦祇有Mazda的排放量和宣稱接近
但帳面規格同實駕感受
佢嘅柴油偈係比其他廠又大食又細力仲易積碳
Mazda6舊年就無再銷售棍波車
今年連Mazda3同CX-5亦都絕版棍波車

[@kaitsunjohnwashingtonfung4552]

考咗4次，上月喺倫敦Hendon pass咗，而家有架Skoda Scala兩年半車齡嘅二手6前速棍波。咁根據手法嗰part嘅理論，6波係咪隻手應在10點或11點位置拉枝波棍？

[@JayLiuChunFai]

師傅,,,,,,我全部都認同你!!!

[@FeedCar2]

多謝支持

[@kwchan22]

香港揸緊棍🙋🏻‍♂️🙋🏻‍♂️🙋🏻‍♂️
我覺得人一世物一世點都要經歷下塞紅隧吊下極力子🤣
同埋山路揸棍可以體驗到人車合一
左手不停chok嚟chok去先至真係揸車嘅感覺嘛！

[@FeedCar2]

Yes！

[@laujudy3580]

你好！ 有什麼棍波車推介？想換部1500cc

[@快樂閒人]

我以前考車牌年代，學棍波，考個陣，路試肥佬，中期試就合格（後來又考咗三次路試，都係衰咗，比咗皮幾嘢香港駕駛學院賺😅），又過咗十幾年，成功揾師傅補堂通過自動波路試獲得車牌，跟住就一直揸自動波車。大約十年前，為咗揸一部棍波車，補考棍波路試，仲要被要求寫信比運輸署署長解釋一下。😂

[@kk-sw4pe]

現在一次都皮幾

[@matommy8163]

我係學完棍VAN 考完牌之後到而家都係揸緊1500cc棍私當日用車 揸極唔厭

[@FeedCar2]

勁。響香港？響香港好難搵到棍仔，棍仔真係買小見小，新車行貨好似得Suzuki。

[@matommy8163]

@@FeedCar2 唔好意思個youtube唔出你覆我post既通知... 棍波盤唔算難搵 但係要搵到一架狀態良好既棍波車就唔容易

[@ava18603]

師傅從來無講過呢堆，不過真心有用

[@FeedCar2]

你係唔係比師傅叫左去買奶茶

[@ava18603]

所謂政府指定學院，唉

[@good020]

棍波好玩呀，之前考完即刻買左部05年Echo仔，一個人去攞車揸返屋企，係停燈位同等回旋處死過幾次火之後就好好多了😂😂唔係養唔起，真心唔捨得放😮

[@FeedCar2]

唔緊要，你部Echo仔已幫你解封棍波。日後大把好車等住你揸。

[@alexat7914]

Joe, 好在學咗棍波，唔係係歐洲寸步難行

[@MrNohohonko]

唔知點解諗起成龍，我覺棍波最難系斜路泊s位，難睇位同油門要控制得好好

[@FeedCar2]

霹靂火😎
最難係：斜路 ＋ s位 ＋ 唔係直路（灣位S位） ＋ 頭尾窄 ＋ 落雨夜晚😁

[@edwardlee9163]

多謝分享，終生受用

[@FeedCar2]

言重。多謝支持

[@TimothyYNWA]

渣緊自動波既表示入黎溫故下先~

[@dannydao1660]

我本身係棍波牌, 有棍波牌可一樣揸自動波, 但調轉則不可以. 時至今日, 絕大部分車廠出產的私家車都是自動波, 想刻易買部棍波的都唔容易.

[@FeedCar2]

聽過依家響香港買棍仔行貨，要上行登記，佢哋集夠單會落一水。sales都講唔知要等幾耐。

[@ccpoon5010]

我好多年前已考咗棍波2號牌，嗰陣一路都無揸過自動波車，我已前去車行租車嗰陣有三分二嘅車都係棍波車離！租親都一定要係棍波先租，反而當時因為未揸過自動波無乜信心揸自動波，過咗幾年之後愈來愈少棍波車租，我就問吓人自動波車係點樣揸法，然後再去到車行想租棍波車時，啲職員話現在無晒棍波車租喇！咁當時我就試吓第一次租自動波車玩，感覺好容易上手。

[@ArthurWong-s4g]

Thank you very much

[@crazyhan19]

我傾向踩逼力遞高隻腳（腳踭離地），用前腳掌去踩逼力
棍波其中一樣要做係rev match
第二樣係heel toe, 抬高腳，腳踭離地咁踩逼力，就會易掌握嚟樣技術！

[@FeedCar2]

多謝補充，你講左下一集嘅腳法🤪

[@ahwo2010]

@@FeedCar2其實踩極力子，腳踭可唔可以掂地？我初學貨van, 一放手掣，隻左腳郁一郁，架車就chok. Thanks

[@allezvenga7617]

謝謝 Joe 哥的分享。
好實用👍

[@FeedCar2]

多謝你

[@loszelam9904]

thanks for sharing

[@mifordlau]

簡單事情複雜化，揸車大部分時間都係講感覺，邊講得哂咁多理論，款款車都唔同，有啲跑車嘅設計同你講嘅完全唔同，有啲個clutch嘅行程仲短過油門。

[@FeedCar2]

賽車嘅極力子行程極短。因為可以賽完一次就調校或換新，但行街車無可能咁做。
另外我明白依家d 師傅好多都覺得，大部份時間都應該講感覺，所以佢地教車都費事講咁多😅

[@francisyu5511]

感覺都需要理論支持…

[@GodofGuanyin]

Joe兄不如開個IG post下架車嘅日常都好

[@FeedCar2]

UA-cam都唔係好update得掂

[@vincentmj28]

Yeah🎉. You get the point ❤❤❤

[@nightclub8085]

師傅教極力子點樣操作， 贏曬出面嗰啲嗰啲 拾九師傅， 獲益良多🙏🙏

[@FeedCar2]

多謝

[@tangrobert]

歐洲租同買棍波車都平啲，所以識揸有著數。香港反而自動波平啲又多選擇。當年學棍波之後長揸自動波，所以揸棍波方法已經忘記晒，多謝Joe哥分享教學！

[@FeedCar2]

係㗎，之前香港部EK9 CIVIC因為係自動波，我先「買得起」，如果係棍仔，部車已上左神台，貴多3-4倍，真心唔太值

[@lokman2295]

@@FeedCar2
你確定你個架係ek9？

[@FeedCar2]

@@lokman2295 手快打錯，係十九EK3 至真。😁因實在太朝思夜想EK9. 除咗我唔鐘意EK9為左偷輕，層油做薄左，其他都好OK。

[@Isaacsung429]

@@FeedCar2 EK9 炒到三十幾個🫣

[@rcco3006]

外國租／買棍波車會比較便宜？係唔係真？定而家都無咩分別？

[@louisyeung7986]

現在豐田研究電車點樣模擬轉波，反而有D反智

[@FeedCar2]

依家CVT都模擬波段，未來有咩發展真係唔知

[@sklai1907]

所有商用車輛都係🕹️波車，起碼仲有廿卅年。基本上學好棍波就可以駕駛任何車輛🚗🛻🚚🚛🚌🚐，我2006年考重型貨車🚚，雪藏咗18年點知公司個司機忽然die咗，我3秒鐘都唔使冧，自己跳上車就出發，有D技能學咗就無人可以壢走❤😊， 小心D，其實Hiace 2.8t定ISUZU 3.5t技巧同揸架9t 16t 泥車無乜分別。

[@MegaC121]

棍波唔係人人學到, 如果只係為左揸車學棍唔掂轉返去學自動波係無可厚非
但如果學到嘅做乜唔學棍, 學多樣野點都好D

[@CHAN-dw1ix]

其實棍波喺駕駛方面係會令到個駕駛者技術有好大提升空間，相反自動波係會比較局限，學自動波嘅人好多都唔識睇轉數同咩叫定速定油，我自己坐過好多得自動波牌嘅朋友車，坐佢哋車真心覺得辛苦！油門經常控制不當，令到架車好chok。

[@FeedCar2]

舊時自動波都有檔位，而依家好多都係CVT，雖然可能會用電腦模擬返波段，但可能會模擬好多波，所以好多駕駛者都唔明點解要match同keep轉數。右腳踩油門會無concept了

[@torque-converter-w2y]

@@CHAN-dw1ix
大家都咁唔識揸車
俾架自動波起碼上斜識俾大油就得
俾架棍波又唔識keep住低波走
夾硬轉高波跟住俾油都唔去
果啲咪仲攞命

[@hkDesigner]

一二一二隻腳啊，幾時輪到隻手啊！小兒麻痹呀你！加油啦 又開追悼會嫁啦

[@fufu2683]

多謝joe出片🎉

[@FeedCar2]

多謝你支持至真

[@Sisisic]

支持Joe哥，支持棍波

[@FeedCar2]

多謝支持

[@fsfs3679]

今時今日唔係渣貨車既話考棍波真係冇乜用 以前就話玩日本車棍波好玩

[@kevinyung1347]

有冇諗住係呢到攞個教車牌做CFu, 我覺得你可以試下!

[@FeedCar2]

。。。暫時唔會

[@brandonwong3453]

好實用啊, 支持支持~~~ 我係雪藏棍波牌, 都唔記得晒D 野啦, 可以重溫下都好啊。 我都係近排先補完自動波呢, 未敢棍波住呢~~~

[@FeedCar2]

多謝支持

[@alan-leung]

Joe哥有跟開連登lihkg喎 🤣

[@FeedCar2]

有時間會look下

[@Isaacsung429]

喺香港好搞笑，二手車棍波貴過自動波
諗返起我喺香港買咗部棍波嘅時候，死咗10幾廿次火，停車場上斜溜後到瀡滑梯咁都10次八次！
跟住過多10日挑戰港島區，喺蒲飛路上薄扶林道個燈口又係死咗10幾次火先起到步！跟住走嘅時候揸齊香港仔隧道同紅隧跟住再上大山去元朗食飯，落地隻腳係震個貓王！
跟住揸吓揸吓直到有一次喺沙田坳道上斜起步(1:5嘅斜路)，俾油俾到3500轉搵到磨擦點一鬆手制都有少少溜後，跟住油門調多少少之後冇死過火就起到步之後就好似覺悟左開始熟習咗棍波。
之後就一直好享受揸棍波車😄

[@TheSamleepika]

岩呀😂隻腳真係好攰

[@Isaacsung429]

@@TheSamleepika 但係熟習咗之後或者係山路嘅時候你人車合一嗰個境界，自動波真係俾唔到你

[@joelee2412]

,,😊

[@FeedCar2]

「之後就一直好享受揸棍波車」，呢個就係重點。呢片享受嘅天空，係自己入到先會明白

[@fredfu4178]

而家買新車行貨都好少有手波啦, 水貨或者特別版至有, 我諗我呢部好大機會係我最後一部手波

[@Carol-ku9nt]

作為學緊車人士，真心奉勸一句，學車真係唔好去駕駛學院⋯如果堅持要去，事前做好research留意邊個老師細心教得好，比指名費都要mark好老師，否則都係hea教老師⋯
Hea教特徵係唔鍾意學生問問題；唔認真教完要學嘅嘢，堅持叫你一知半解咁跟佢嘅指示做，刻意等你學到亂亂地就係咁話你學得唔好；到你淆底出去搵人補鐘，一堂就明晒清楚哂，hea老師又會搵位留難你⋯
呢條有系統講、只有20mins嘅內容，駕院hea老師可以玩你半個課程以上⋯

[@FeedCar2]

多謝捧場。以後多多支持

[@ygxzldly6996]

確實是這樣一知半覺！催你快快快！一緊張就會亂晒！還被罵！去一次就不想再去了！學得不開心，壓力很大！你想換師傅難！安排上堂時間和間隔也不好！可能人家說學生太多！去一次就夠了！理論課還是不錯的！

[@nihuyiohc]

早晨Joe哥

[@FeedCar2]

歡迎！

[@omissibleyiu]

反手軚仲有一個好大嘅問題，就係轉梗灣途中如果有突發情況要反軚就反唔到，好危險

[@FeedCar2]

多謝補充

[@marcolee2042]

這段片的車 後波在1波的左邊 或是5波的下邊 想當年渣了5年的公司日本車5波下邊後波 突然換部韓國車都要2天時間去適應

[@marcolee2042]

2O14年後渣了的士 天天十二小時 近三年 左腳不用踏極力子 出現水腫 初初落車時 左腳行路醬爆感覺 回到家除鞋後左腳水腫 原來極力子 可以平行身體

[@FeedCar2]

比你發現呢個point😁

[@fredfu4178]

我部jazz有六波, 最右下係後波, 所以我未曾試過六波, 怕唔小心入錯後波

[@fredfu4178]

​@@marcolee2042
我第一次揸自動波, 夾埋揸成10個鐘, 揸完晒落車隻左腳跛跛哋勁痛, 第二日再揸至發覺原來隻左腳踩到好實個地台, 鬥力咁

[@Imarvitaliko]

Practical advice! Liked!

[@FeedCar2]

Glad it was helpful!

[@Okura84]

繼續支持Joe出多d片！
我係揸自動波，都有d心大心細想去學個棍波牌。

[@FeedCar2]

如果純粹問「值唔值得學棍波」，我覺得絕對值得，學識之後渣咩我無偏好。如果我係開工要揸車（例如貨VAN），我都覺得自動波係好D。

[@mrckmrck4729]

一定要去學埋棍波，成世人淨係揸自動波車係一種遺憾

[@alantik2977]

想問吓‘’拖波‘會唔會好傷極力子？

[@torque-converter-w2y]

轉波果陣支波棍要推幾咁大力
就幾咁傷極力子同同索牙

[@fredfu4178]

其實如果你拖少少迫力, 架車落斜速度保持到, 又或者你拖住迫力已經可以收慢到停車, 冇必要拖波

[@FeedCar2]

你所講「拖波」要講得詳細啲。。。。
1. 如果係靠"扇"極力子來入低，波就肯定好傷同埋唔應該咁做。
2. 如果「拖波」是為了減速，亦都唔合適，亦唔應該咁做。
3. 「拖波」是為了keep轉數，例如出灣時有power，不過都係舊時NA車嘅時候咁做。

[@torque-converter-w2y]

⁠@@FeedCar2
師傅你咁講就有啲唔啱囉我覺得…
我覺得玩棍波最過癮就係
俾人跟住你行成程車行識去又識收
但迫力燈又好似壞咗咁成程車都無著過😜

[@59on26]

非常用心既教學，請大家多多支持。 搞到我都想拍返集電單車版添😂

[@FeedCar2]

多謝支持💪

[@benleung2253]

我到目前為止買過十幾部車，當中只有頭兩部係日本車同自動波，之後所買嘅車都係歐洲車棍波，原因係日本自動波冇力同唔能夠做到人車合一，不過相信將來都好難買到棍波車。

[@fredfu4178]

我咁多年只係揸過三日自動波夾埋廿零個鐘, 個感受係除咗起步開頭幾秒, 之後任何速段加速都唔多精神逐啲衝上去咁, 然後係隻左腳冇著落好唔自在, 連續揸兩三個鐘落車個膝頭好似打咗石膏咁梗咗

[@benleung2253]

@@fredfu4178 我就冇好似你咁隻左腳硬晒，不過揸車嘅時候隻右手好似唔受控制咁，成Q日去搵棍𨍭波姐🤣🤣🤣

[@denniskuan]

真係好有用！

[@FeedCar2]

多謝

[@dikdik1988]

反棍嗰啲comment,我唔會反對你，只可以講，條片唔啱你睇，超出左你嘅象限(which is fine)，但唔代表冇價值

[@fredfu4178]

係囉, 就唔明點解唔鐘意棍波又嘥時間嚟睇

[@torque-converter-w2y]

鐘意就一回事
但唔好口口聲聲話自己非棍不可
但俾架無同索牙嘅舊車又舞唔掂企咗向度咁囉😒

[@Edmondphk]

我有香港棍波雪藏牌，但來到英國都係買自動波車，因為無路面經驗怕搞唔掂咁多野

[@fredfu4178]

我揸咗廿萬公里手波, 嚟到英國真係諗過係咪要換自動波, 因為住呢邊全部斜路燈又密, 不過最後都係買手波, 唔想少咗個極力士少樣嘢玩

[@Edmondphk]

@@fredfu4178 咁你揸開車，同我雪藏牌比係兩回事既。我識好多香港人在香港都無揸開，來到先硬住頭皮練返

[@H.K.Tang2025]

棍波車～不會踏錯油門當煞掣＇出事率較低！

[@torque-converter-w2y]

但係棍波車出事
都因為犯低級而致命性嘅錯誤多🫣

[@stanleyip1178]

我響香港學自動波之前, 其實想報棍波先, 但係一問某駕駛學院, 居然話好難搵到棍波車學, 於是就學左自動波

[@ricoasuka]

2:23 摩托車駕駛技術圖解，我都有睇過呢本書

[@FeedCar2]

師兄wor。呢本正野👍👍👍

[@ccy97210333]

好正宗！

[@FeedCar2]

多謝

[@HKDriverMike]

Joe 哥，睇地下啲number，睇嚟我嘅落腳點好似同你一樣😂 希望遲啲會喺英國見到你😂

[@HKBabyDriver]

👋🏻 Joe哥嘅鄰居👀

[@yamkimfai]

我都係kingston商場見過佢，佢上兩條片D外景都係附近，睇黎大家都係呢區落腳

[@FeedCar2]

下次say 個 Hi😊

[@thmalex]

今時今日CVT無段變速之下，自動波車好渣好多。
自從肥左棍van, 合格左自動van之後, 已經無心機學返棍車了.
26就反而棍波1 take pass.

[@lunchpork]

上斜路又要有速度就知棍波幾好用

[@torque-converter-w2y]

上斜路如果跟住架棍波車的話
最好離開多遠一啲

[@BCY227]

最緊要唔好怕死火，試多Ｄ就識，
棍波真係唔難，識用，又慳油，維修保養都平Ｄ
重有反手都講好好，除左個膊頭之外，如果因為突發事，反手可能會因受傷同反應慢

[@FeedCar2]

多謝補充

[@torque-converter-w2y]

反手抽軚呢個習慣主因有
啲舊車堂軚重到唔用埋腰力腳力咁抽就抽唔郁
而家啲車個airbag向個軚芯度爆出嚟
手同臂就儘量唔好擺向堂軚上面以免一爆就打斷手

[@ounaku]

我想學好耐， 係時候要練車

[@FeedCar2]

「走路又可以乜車都啱用」。
神奇，我都有呢個諗法。

[@davidtsang4232]

最終意就係揸棍波車！

[@samc388]

👍👍👍

[@FeedCar2]

多謝支持

[@wk8042]

Like左先。 棍波人報到

[@FeedCar2]

多謝支持

[@peterchu88hsbhd]

鐘意咪揸棍
唔鐘意嘅揸自動波
個人喜好，無需要嘈

[@FeedCar2]

對，👍好似玩黑膠碟咁，個人選擇。仲有就算玩黑膠，我都會/我都可以聽MP3

[@18Mneuzhe]

我以前都係諗住考到牌就買到棍仔CL7玩下 點知依家升值到仆街

[@johnathanli9623]

有冇諗住係英國做師傅😂？ 我說緊老婆考棍波，呢條片一定share比佢

[@FeedCar2]

多謝支持先。
暫時無咁諗法，如果真係師傅，可能好多野都唔會拍😅

[@iamkhtray]

其實唔撻著部車,唔踩極力子,有拉手掣,就咁轉波應該冇問題....

[@ericchan7882]

幾時再拍地獄車場介紹

[@yamkimfai]

英國冇香港咁細咁多地獄車場

[@FeedCar2]

唔知呢邊有冇🤔

[@johung88]

👍🏻

[@FeedCar2]

thanks

[@raymondho1988]

而家學緊棍波, 有兩三堂個教練因為自己部車壞左, 租左另一架車
即時係咁死火 完全唔慣個極力子 😂

[@CHAN-dw1ix]

要俾多啲時間去練，當你隻左腳熟到後，基本上坐上唔同嘅棍波車都應付自如。

[@FeedCar2]

會唔會之前部車怠速其實較高左？