到蓮香樓體驗上一代人的飲茶文化 | 昔日茶樓酒樓大不同 | 飲茶約定俗成的老規矩 | 消失的術語和暗號
Вставка
- Опубліковано 14 тра 2022
- 到蓮香樓體驗上一代人的飲茶文化，茶樓文化你又知多少？
以前有很多香港人的早晨，往往是從一盅茶和兩件點心開始。由早期於古裝片經常出現的茶寮，慢慢演變成現在隨處可見的酒樓酒家，飲茶文化伴隨港人成長，腦海中總有些零碎片段，浮現出小時候飲茶的美好回憶。
即使姐姐推着點心車的叫賣聲不再，茶盅亦被茶壺慢慢取代，點心由人手製作慢慢轉為機器生產。屬於上一代人的飲茶文化亦消失殆盡，而蓮香樓作為香港傳承廣東茶樓文化歷史最悠久的一家茶樓，象徵着傳統飲茶文化的衰變與更易。
//九十五年老字號-蓮香樓
蓮香樓已營業逾九十五年，經過兩次搬遷來到現址威靈頓街，茶樓原名「連香樓」，是一間主賣糕點酥餅的餅館，因蓮蓉食品製作出色而聞名，改名為「蓮香樓」。
茶樓的樓梯儼如一條時光隧道，外面是有一堆現代高樓大廈的中上環，上面卻保留着屬於上一代人的傳統飲茶文化。沒有接待處，亦沒有伙記會帶位，茶客須在茶樓裏尋尋覓覓，挑選你認為他戴上口罩離開的一台旁邊靜靜等候。等位亦要靠「彩數」，分分鐘那一檯是「打躉」一族，你等位的努力就將會前功盡廢。
裝橫一如既往，密密集集的圓枱，牆邊留有名人字畫和花碼價錢牌，頭頂有多把懷舊吊扇，唯一不同的是，用作掛雀籠的橫桿消失不見，取而代之的則是一口口鐵釘，茶樓在鐵釘掛上雀籠裝飾。
開茶後伙記放在你檯面上的是茶盅而不是茶壺，可以考驗自己倒茶的功力。
點心車班次頻密，姐姐叫賣聲依舊中氣十足，點心車內更有一些在外面已經近乎絕跡的點心，例如豬肚燒賣、淮山雞扎和棉花雞等等。手快有手慢冇，亦是以前茶樓的一大特色。
//昔日茶樓酒樓大不同
以前茶樓和酒樓不論是經營模式、營業時段、客源以至是食材方面等等都涇渭分明。茶樓只在早午營業，提供簡單的包點，點心，並無提供其他類型的小菜，亦都不設晚市。通常光顧的客人都是勞苦大眾。茶樓供應「一盅兩件」，收費二厘，相當便宜。而酒樓則為達官貴人應酬的高級社交場所，一般只做晚市，提供佳餚美點，讓他們在裏面一邊吃飯一邊傾生意。而酒樓附近通常會有妓院，方便權貴風花雪月，邀請妓院小姐「出局」陪酒。
1903年，上環水坑口街妓寨發生大火災，正值當時石塘咀剛剛完成填海工作，港督彌敦想借色情事業開發該地，於是以安全為由作藉口，下令封閉水坑口街所有妓院，必須搬遷到石塘咀方可繼續營業。當時大部分酒樓都在水坑口街附近，酒樓和妓院關係的唇齒相依，因此有為數不少的酒樓因經營困難而選擇結業，另外一些酒樓為求生計，開始兼營早午茶市。直到1935年，港府禁絶娼妓，酒樓必須兼營茶市維生，自此茶樓酒樓再無太大分別。
//飲茶約定俗成的老規矩
去飲茶有些約定俗成的規矩，例如洗碗筷、斟茶七分滿、叩手禮和茶壺加水要打開茶壺蓋等等，很多人只知其意而不知其由。洗碗筷是早期茶樓用餐環境惡劣，店家為求效率，碗筷清洗得非常馬虎而衍生的習俗。而另一說法則是茶客不敢飲用「免費茶」，所以作用清洗碗筷。斟茶七分滿是因為禮貌，茶滿不好端，一不小心會溢出茶水，不但浪費更會燙到別人的手或撒潑到衣服上。
至於叩手禮和打開茶壺蓋，則是兩個較長的故事，因字數所限，請看圖5。
//消失的術語和暗號
在點心車出現之前，茶樓伙記會用一個大鐵盤放入點心，加上一條肩帶繫於肩上，捧著點心在茶樓叫賣。因為外形看似小孩捧著禮物向長輩賀壽，所以當時亦都稱這行為「賀壽」。而強壯有力的伙記會「揸大巴」，即是捧著一個大蒸籠直接從廚房走出來賣點心，因為以前大巴軚盤較大，看似巴士司機手握軚盤因而得名。
以前尚未有電腦，未有點心卡的年代，「埋單」相當麻煩，簡單而言，只要茶客未「埋單」，伙記就不會收拾檯面上的點心碟方便統計總數，有如現代迴轉壽司一樣。規模較小的茶樓，在茶客結帳之時，伙記會對住收銀大嗌術語，例如「開嚟拿住」，「開嚟禮拜」等等。這些術語其實分別代表不同數字，拿住即是五，禮拜即是七。其後點心卡出現後，這些術語亦隨即消失。
每間茶樓都必然會有熟客，而每間茶樓亦有幾個「茶博士」。「茶博士」是茶樓的企堂，他們的職責除了維持茶樓日常運作外，亦負責和客人「吹水」，相當於現今餐廳公關。熟客一踏進茶樓門口後，會以手勢向「茶博士」示意開茶。鼻即是要香片，意指清香撲鼻；指嘴邊即是要水仙，因為嘴邊有口水；指耳即是要普洱，因為洱字有耳字邊；指眉就即是要壽眉。
//飲茶文化不斷在進化
現今茶樓的主要客群，仍然是以老人家為主。年輕人甚少到茶樓飲茶，皆因茶樓的慢，與年輕人的「快」格格不入。但其實年輕人對點心並不厭惡，他們喜歡光顧添好運和唐記等等的點心舖，因為用餐較為方便快捷。可見飲茶文化不斷在衰變與更易，未來「一盅兩件」，或會成為歷史。
#飲茶#茶樓#蓮香樓#酒樓
__________________________________________________________
home852VICTOR Instagram: / home852victor
蓮香樓地址 ：上環威靈頓街160號
🎵 Track Info:
Title: Faithful Mission by Artificial.Music
Genre and Mood: R&B & Soul + Calm
延伸閱讀：
專訪觀塘寄賣市集AMPM Mart店主 | 一件產品嘅價值 唔單止在於用途 | 冀香港人身體力行支持本地產業 | 對待本地產業需要寬容並給予機會
• 專訪觀塘寄賣市集AMPM Mart店主 | ...
港式奶茶的由來及演變 | 奶茶製作六部曲！一撈二焗三撞四回五吊六冲 | 屋企DIY絲襪奶茶！ [茶記文化EP2]
www.youtube.com/watch?v=wywxM...
[行半日街] 土瓜灣懷舊之旅 | 「夕拾」舊物店尋寶 | 有200間車房嘅十三街 | 街坊先識嘅地標「維他奶」 | 到訪博物館「土家」| 土瓜灣喺未來可能唔再係舊區？
www.youtube.com/watch?v=uVBi_...
[簡單講解]天星小輪鳴笛求救！以後分分鐘冇得搭？| 客量稀少下除票務收入外如何賺取穩定收益？ | 除疫情外香港人少搭天星小輪的原因 | 渡輪被政府邊緣化？| 天星小輪甚少於政策中得益？
www.youtube.com/watch?v=-zzD5...
升KEY雀與咕姑固 - 擾人清夢的罪魁禍首｜升KEY雀只生不養極醜惡？｜咕姑固的奇怪築巢習慣？
www.youtube.com/watch?v=AnJhN...
沙嗲牛肉麵的由來及興起 | 廣為人知的背後是因為潮州人和公仔麵？ [茶記文化EP1]
www.youtube.com/watch?v=d0CwW...
[高登連登故]創意無限的高登連登仔歷年來為大家帶來了多少精彩的故事？為何能吸引眾多讀者？
www.youtube.com/watch?v=P0IMG...
淺談香港電影工業正面對住甚麼困難？為何「唔正常」的我們會拼命支持香港的文化創作？
www.youtube.com/watch?v=nDh8y...
[簡單講解] 點解觀塘成日塞車？六個原因快快講 | 見女友點先可以唔使揸戰機？
www.youtube.com/watch?v=hftfz...
感謝你咁用心機講解廣東人飲茶文化，昔日嘅香港情懷，非常值得記載和保留 🙏🙏
你好叻，令我回想起小時候！多謝🙏多謝🙏努力💪
因為唔想條片咁長，今次有幾多嘢都冇寫，
例如係星期美點，一蚊雞嘅由來，消失咗嘅大排檔同埋電話間等等。
今次想講嘢喺條片入面最尾已經講埋，呢度就唔特別打打出嚟了。
最後都係嗰句，希望大家睇完之後對飲茶文化多咗少少認識，ME就心滿意足了。
Very informative 🙏🙏💟💟
這間連香樓是廣州最早來香港的茶樓！
現址蓮香樓只係90年代才搬過去的。以前係另一餅家。一直住附近出入。
蓮香早期响荷李活道中秋有造月餅會，對面就係大笪地，橫街後面係東華三院，對面斜路係水坑口，旁邊仲有大排檔6 O年代的我，斗令有白粥油炸鬼，半年前曾經回到出生地，高陞戱院再上少少就係國家醫院，即係贊育醫院啦，但係街道依舊，人面全非⋯⋯真是歲月摧人老，謝謝你的影片比我回憶不少。
當年多數用斜揹帶托住盤蒸籠
放假得閒同屋企人飲個茶都唔錯嘅
會想帶佢哋去啲高級啲嘅飲😂
其實90年末部分酒樓仍有點心車運作
可惜蓮香樓已結業
睇完就發現其實好多規矩之前從來唔知點解 但又一直都照做😂😂
我本身都唔知點解加水要打開個茶壺蓋😂
👍🏻👍🏻
以前一盅兩件而家係一中三件
最後倒米😂 下次可以去中央飯店試下
一定係公道㗎喇😂😂
中央飯店試過了 咁嘅價錢幾難食我都絕對唔會皺一下眉頭 😂
上環平香好靓㗎，可惜冇提及
😢😢😢😢😢😢沒了沒了😢😢😢😢😢😢
焗盅用曬？
即刻落樓梯口嗰度個櫃枱仔買啦！有得散買㗎，唔需要買曬成套茶具，你買一隻焗盅一隻茶杯，價錢都係兩位數好平
買完順手攞上嚟用
但係要注意：蓮香樓啲焗盅好厚好重手如果唔係好熟手好有技術嘅話要多加留意同小心
因為一般揸焗盅手法係拇指食指中指但係蓮香樓焗盅太重啦用3隻手指會用唔掂……所以我建議該用潮州揸焗盅嘅果種手法：拇指撳蓋，其餘手指撳圈足，倒果陣時嘅手勢係扭鎖匙咁扭，轉動你嘅手腕，順勢倒出嚟。
+++++
聽人講啲夥記見你係後生話要用焗盅飲茶冇人會理你？
長知識了😂😂😂
我覺得禮貌地問佢哋攞應該有嘅 真係唔知😂
@@home852victor9
不過講開又講，而家大部分人接觸茶嘅地方就係茶樓
你叫佢哋真係攞個茶壺沖茶嘅話未必會鍾意，大部分人寧願會去飲珍珠奶茶果汁茶樽裝茶，感覺上茶壺沖茶係老人家嘅興趣
最慘嘅係茶具都唔係好多地方有得賣，最出名嘅淨係識英記
你喺香港想買個茶壺喺屋企用你都要周圍撲就算畀你喺家庭用品舖揾到個瓷茶壺一係鬼死咁大一係得個壺買，茶杯又唔知邊度買
相反台灣嗰啲一大堆茶莊茶用具
大陸又會有一個商業城或者一條街有茶葉茶具賣
所以你想喺香港飲茶要好有耐心
利申：27歲 茶愛好者
我以為英記得茶葉賣😂
香港人乜都要快 邊有咁多心神慢慢沖茶
@@home852victor9
英記除咗茶葉買之外仲有茶具買，擺櫥窗果啲就係。
不過睇下你要買啲咩，買瓷器茶具佢要你成套買，咁樣買唔值得，有啲用具你未必需要
紫砂壺就反而可以單買一個，但係買完之後得個壺冇杯，仲有啲濕濕碎碎嘅用具要買。
有啲個款好似萬壽無疆嘅瓷杯又唔係個個啱
@@home852victor9
不過如果以香港人性格又要快又要沖到茶嚟飲嘅話飄逸杯係最佳選擇
買飄逸杯最好買返台灣果隻，佢寫明曬係用奶樽嗰隻膠，所有材料都係食用級級數，佢止水嗰度都係用粒金屬球，整體構造簡單，除非你掟爛成隻杯，否則應該冇咩可能會爛。
市面上嗰啲有好多都飄逸杯係老翻你睇下止水嗰度無端端有個膠圈，唔講佢啲材料係咪食用級數，用得膠圈止水果啲咁上下又要換嗰隻新
如果你要買飄逸杯嘅話去工夫茶舍買，人哋寫明係台灣飄逸實業有限公司，有曬註冊正牌正貨
茶壺焗盅果啲係要等你真係鍾意飲茶先好買
中還个間唔好啦|