#TalkFood
Вставка
- Опубліковано 22 гру 2024
- 燒賣吃得多，甚麼是懷舊手工燒賣？全人手包，每粒大小不一，外形談不上工整，魅力之處在於每間小店用上不同餡料、調味和做法，通通都是自家獨有的味道。
最近，長沙灣冒起一家手工燒賣「周記醬料」，高峰期日賣過千粒，吃過的街坊紛紛讚好，吸引「香港燒賣關注組」成員專程到訪試食，評分甚高。
周記醬料的老本行是一家傳統加工醬料店，創辦人周長年屆90，在醬料行業工作超過七十年，近年退休，由第二代周浩濤（Billy）接手，今年四月開始推出手做燒賣，連燒賣豉油和辣椒油都一手包辦，誠意十足。
老闆：「起初無諗煮埋醬油同辣油，但以前細個食燒賣，真係靠醬汁，整粒燒賣都可以浸着食，賣相靚啲，味道又好啲，好多客人都話食返細個嗰種手工燒賣味道，如果冇人做，真係會失傳。」
周記的魚肉燒賣用越南頂級龍脷柳 ，加入自家鮮磨大地魚粉提昇魚肉的香味，再加魚露、雞汁、泰國胡椒粉、木薯粉和特製新鮮豬油攪拌。豬油並非現成貨，而是老闆特意早上7時到肉檔選購新鮮肥豬肉，再逐塊切件，攪拌成啫喱狀的豬油，相當花心機。燒賣餡料急凍一晚，第二天手打魚肉起膠，黏性大，蒸出來的燒賣彈性更佳。
想吃新鮮即包的燒賣，就要去燒賣工場，即位於青山道的老街坊菜館，門口設小食檔，有售三款小食，除了手工魚肉燒賣，還有用周記咖喱醬煮的陳皮魚蛋，以及同樣是自家柱候醬煮的牛雜。
部份燒賣包裝成急凍裝，老闆每朝從老街坊菜館，送到周記醬料發售，這裏沒有即蒸燒賣供應。
老闆說客人來買燒賣，都會叮囑最少蒸15分鐘，原因是周記的燒賣都是新鮮生肉鮮製，有別於坊間那些早已處理煮熟的急凍燒賣，所以務必要猛火蒸至熟透，也是所謂「生蒸」。剛蒸起的燒賣脹卜卜，挺大粒，吃起來魚肉味濃，滲透着豬油的香氣，明顯吃得出大地魚鮮味，質感軟腍，外皮煙韌，跟在鋪頭吃一樣好食！
為了這粒燒賣，老闆並無貪方便沿用周記固有的豉油，而是親自調製一個偏甜的香葱豉油配搭。
先燒熱銅鑊，加入一把又一把粗砂糖，掄起銅鏟，一邊打圈攪動，隨即直接把砧板放在灶頭，即切新鮮葱頭、香葱和薑等，直接扔入鍋裏不停轉動。後半段倒入自家超級生抽。當銅鑊燒得火紅之際，再加入老抽，以柔勁一划一拉，煮足半小時。銅鑊傳熱快，火候均勻，用它煮過的醬油，色澤鮮明掛色佳，惟暫時沒有單獨售賣，只用於配搭店內燒賣。
辣椒油亦特製了特辣版，用上大量印度魔鬼椒、指天椒和蒜頭煮足3小時而成，辣勁十足，惹味得很。如此極致的匠心燒賣，十元五粒，絕對值得一試。
招牌手打燒賣$10/5粒
急凍手打燒賣$30/15粒
咖喱魚蛋 $10/份
秘製滷牛雜$30/份
急凍手打燒賣$30/15粒
老街坊菜館
地址：深水埗青山道260-266號永隆大廈1樓B號舖及地下D號鋪
電話：5401 2601
營業時間：星期一至日9am-6pm
周記醬料
地址：長沙灣元州街413號地鋪
電話：2370 8922
營業時間：星期一至日10am-7pm
FB：周記醬料
採訪：Eunice Ng
攝影：Peter Li、Fong Ka Him
美術：Anita Lam
TalkFood 先填飽肚子再前進
UA-cam： / talkfood
Facebook： / talkfood
Instagram： / talkfood
#燒賣 #懷舊 #手工燒賣 #魚肉燒賣 #百年醬園 #劉成和 #周記醬料 #老店 #魚蛋 #牛雜 #人情味 #老區 #街坊小店 #掃街 #街頭小食 #香港燒賣關注組 #TalkFood #TalkFood長沙灣
延伸閱讀：
#TalkFood【#街坊嘢】40年老字號夏銘記魚蛋粉 | 三度結業重開 | 白加士街粉麵戰區插旗 | 招牌全條鮮炸魚片 @夏銘記
• #TalkFood【#街坊嘢】40年老字號夏...
#TalkFood【#街坊嘢】圍板內的石圍角｜留得住麥當勞叔叔 | 36年牛雜店 | 街坊打躉吹水飯堂｜續租還是結業？老屋邨翻新的掙扎｜日賣過千粒手工魚肉燒賣｜被牛雜麵耽誤的燒賣專家｜#達人說 @冠華粥麵
• #TalkFood【#街坊嘢】圍板內的石圍角...
後記：提提大家~即食$10/5粒手工燒賣只於青山道老街坊菜館有售。🙌
急凍版燒賣於青山道老街坊菜館以及元州街周記總店都有～詳情可以留意「周記醬料」FB專頁,
老闆會更新最新供應情況,,記得留意番喇～～🤤🤤再次謝謝支持！
老街坊菜館
地址：深水埗青山道260-266號永隆大廈1樓B號舖及地下D號鋪
電話：5401 2601
營業時間：星期一至日9am-6pm
周記醬料
地址：長沙灣元州街413號地鋪
電話：2370 8922
營業時間：星期一至日10am-7pm
FB：周記醬料
條片出咗，日日都大排長龍，有排先可以再買嚟食
唔寫埋咩MTR，咩出口😅😅
唔係住果邊
自己上網搵唔係好難喎
我都想買嚟食，搭地鐵去到貴舖嗎？
@@maskxbullet917 呢個唔係店主出的片, 係Talk food出的, 佢哋慣性唔答人, 做完訪問就算
各位朋友大家好👋🏽我係周記醬料Billy，多謝Talkfood一班專業團隊用心制作出精彩嘅片段介紹我地舖頭，片段播出後好多朋友嚟買燒賣，多謝各位支持，但始終人手操作，貨量供不應求，同時希望其他醬料同出品可以保持水準，所以有時候會喺fb專頁提出暫停熟食供應，去制作其他產品，現今手造醬料在香港已經係夕陽行業，加上租金壓力成本不斷上升，相信總會有一天不向現實低頭，不過我亦盡力能夠為大家服務，做出好質量嘅產品比大家，燒賣係初哥😅有咩意見大家盡情提出，祝福大家事事如意❤
要交租 生意難做 出品好 應該加價 賺錢 😢😢
老闆, 可唔可以教我整😂😂😂
多謝你咁用心做燒賣，我好想食返兒時嘅味道，可惜我住在加拿大
me too ..im in uk...😌
您好呀Billy! 我們一家都十分欣賞您的堅持及您們一家齊心合力！我買了生燒賣及其他糧油貨，你的呀姨做嘢好快手😂又見到大伯精神好👍🏻 🈶️小建議：必需記得帶冰袋（因為新鮮感做，買完要即刻放雪櫃，本人住港島區回到家中燒賣個樣冇咁靚仔，但不影響囗感）
要值得一讃🎉囗感真係好正煙韌軟糯適中！燒賣的辣椒油亦好正👍🏻不過唯一想比多少意見就係--魚味🤔️唔夠突出，可以說是沒什魚味，這裡是有小小失望的）
說真的，不是小編所講驚為天人，之不過人家是新鮮造，希望你日可以再加以改良✊🏻✊🏻加油支持小店！
聽老闆講野好舒服，講野好老實、實際，無論做燒賣定炒醬都攞個心出黎做，真材實料，依家呢種人就黎絕種，香港依家啲鋪淨係識搵錢又難食，我相信老闆一定搵到錢既，香港人啲野好食貴啲都會食，遲啲一定幫襯老闆。
❤❤❤
看完這段影片後第二天就剛好行經周記醬料舖頭，有幸得見周老先生、周媽媽及阿姨，亦有幸買得到急凍燒賣，不得不說，Billy哥所造的燒賣，一吃便知道是用心的製作，口感彈牙、油香四溢，配以他自家的燒賣豉油，讓我充分感受到製作者所付出的誠意，他用的是龍脷也好，鯰魚也沒關係，只要看過他那認真的製作過程，相信也很難不佩服他的那一份堅持，請繼續努力！
難得公開配方，其實計番買料，自己攪料到完成一粒燒賣，真係用好多時間，比起別人呢間店利潤真係賺得少，好嘢．，值得支持，替佢父母感到安慰有咁勤力同創新嘅仔👏🏻👏🏼👏🏼
@SadDays-21 果啲人應該自己試下整🤭
未睇價錢時，我估$8/粒先合理
之後睇到 $6/粒😅
@@QueeN_zR $2/粒！10$/5粒
嗰日響屋企貪得意整咗10粒燒賣用咗兩個鐘，食完就算幾好味都舉起雙手投降唔會再整😅
@@meileung6147 咁勁既, 你自己整..? 家裡食? 聽你意思唔係開鋪整吧..?
呢個第二代好實際，真的，力不到不為財，要創新努力，否則就會被社會淘汰。下次返嚟一定要支持試吓！
小編都真心覺得老闆好勤力好實在，仲好孝順！👍
老闆態度正確👍人品老實。。。講得無錯！力不到不為財👍👍👍
今日過去周記總店,見到老板媽媽,ㄧ様係老實人,好nice,他們係舊式雜貨店,有各式醬料買左甜豉油、酸X頭,香港製造,要支持!今次急凍燒賣賣晒,唯有下次。
好颠，完全冇保留😂老闆真系上一代既老實人性格
Billy 好嘢 👍
千祈唔好話搵唔搵到大錢，只要堅持做到最好、做到極致，錢錢錢都一定自動上門揾你！他日睇翻轉頭，原來早已經發咗只係自己唔覺！…因爲 “追求極致”，對 “發” 嘅定義都極致晒！！！Support💪 、堅持，香港人好嘢！
全部公開⋯⋯坦蕩蕩，非常值得欣賞同支持⋯⋯仲係辛苦嘢👍🏽👍🏽👍🏽
係啊 老闆份人好nice 坦蕩蕩 講乜都得!!😆👍👍
二代目片尾提到，呢個社會係好現實，現實就係，要做到生活簡簡單單都唔容易，周老闆加油！燒賣萬歲，周記醬油長做長有，做到百年，千年，萬年老鋪！
老闆真係好熟手，喺急功近利的年代，仲有二代掌門肯落手落腳去守護家業，的確好難得。老闆加油啊!
金華係OK但工廠交貨都賣10蚊5粒超貴，這個新一代老闆辛苦自家製作真良心價有時間一定去幫襯下👍👍👍
香港情懷，醬料才是主角。
後生老板老實人有誠意,説話真誠,要多多支持。多謝介紹!
支持 原創獨有味道 第一代老闆健康 新一代繼續前進 香港精神為您們加油
超級有誠意，對食物的執着和尊重👍👍👍香港精神！
原來「專業未死」🎉
佢好平實，好真，好自然
有心、有誠意做既燒賣❤ 你哋可以日日食到，真係好幸福！ 我好似睇緊生活的香港懷舊博物館。大伯90幾歲仲咁健康仲喺舖頭過日神，仲有福運媽媽煮嘅菜都好溫暖，令我感覺好友香港🇭🇰情懷❤好溫暖好幸福。希望下次返香港可以試到你哋嘅手勢。
周生的勤力和堅持值年青人學習, 祝生意隆事事順利🎉
好有味道的一段片，人情味、懷舊味、真美味，都是舊香港的特色，睇完真係會有一種感動存在。🥲
好難得的第二代, 辛苦工利錢少, 公開配方都未必有人會跟著做.
咁有誠意做嘢嘅人越來越少, 我住新界區, 遲啲也會去幫襯.
絕對千萬分欣賞老一輩的營業態度，只求以優良品質取得客戶信心，伯伯咁大年紀個心仲非常記掛舖頭，敬業樂業精神，很受尊敬👍🏻🙏祝繼續身壯力健💪🏻，比多啲意見仔仔，生意越做越強大👍🏻👍🏻👍🏻🍻
現時香港已經很少仍有人做番傳統地道風味及家傳秘方的美食，我也品嘗過周記的燒賣和魚蛋，其中我非常欣賞燒賣，口感比較彈牙，和一般在街邊賣的燒賣完全不同，有獨特的風味，難怪出片後這幾天有很多人從其他地方慕名而來，更有專程自駕到來光顧，此外，我也品嘗過它的魚蛋，同樣爽口彈牙，咖哩汁濃郁，只不過細粒左D，但都oK嘅，多謝老細(Billy)給我們更好的美食，可以推薦給其他人
TalkFood首席記者果然冇令人失望👍 把聲甜到暈👂
拍燒賣都拍到咁精彩 聽日即刻幫襯😍
龍記之後仲信Talkfood?😂
👎
香港周記加油❤🎉❤
你真係食神啊！自己無食過，就能做出別人口中的味道，米芝蓮大廚都未必可以！
難得這位老闆咁有心、值得敬佩！😊😊😊
我由劉成和幫襯到佢上年,而家喺澳洲依然記得佢哋嘅麵豉味道,加油呀
呢d真係值得支持👍👍👍👍
老闆好老實好實在
多謝週記帶俾香港人，美味情懷，會去幫襯，希望能傳承下去，加油呀
好難得有咁好心機既手工野,依家既食店大部分唔垃圾扮上菜價都偷笑,支持,貴都食
睇得出少東孝順❤執着！勤奮！堅持！從而維繫一家人在一起👍🏻👍🏻👍🏻
難得第二代仲肯接手，希望可以保持呢份堅持延續落去💪💪明天就去幫襯下先😊
老闆好實際，值得捧場，明天去試吓😋
香港精神，良心店舖。永存留❤
辛苦錢，唔怕抄👍
第一次睇，真係要讚吓無論拍攝剪接，成個節奏都好睇過米紙好多！！！唔會有好多嬌情內容，靠嘅係周記嘅真實力，呢個真係好抵讚🤙🏻 係一條真正好睇嘅food documentary!!
同意
燒買同醬料的配搭，才是食出靈魂所在缺一不可。😂😂今次内容非常好繼續努力👍👍🤝
欣賞老板務實,勤力,店舖整齊企理,㕑房乾淨,難得!要多多支持❤
年紀大已經很少食香港小食，但今日睇到你介紹，我一定會去試
老闆做野同講嘢都好掂，好務實👍👍
支持傳統醬料舖，歷史文化傳承
這種魚肉燒賣較酒樓那些豬肉燒賣更好食呀😊❤這個燒賣很好食還有特制豉油來配燒賣簡直是絕味呀😊❤❤
剛剛4奌到,20幾人排隊,等左半個鐘吃到燒賣、魚旦,燒賣軟糯魚香好食,魚旦有咬口,好好食!可惜急凍賣晒。見到老板捧ㄧ盤燒賣出爐,但好快就賣晒。老板加油🎉🎉🎉
我調返轉去周記醬油舖買只有急凍冇現成食，因為我收工去到可以買嘅只有周記醬油舖因為佢哋收七點每次都買兩盒唔係話驚為天人，但係兩蚊一粒嘅價錢，因為全球都買唔到咁嘅品質同味道，感謝Billy
真材實料，加上謙虛誠意，值得支持幫襯😋😋
不溜都有買開佢嘅腐乳,同出邊嘅真係天淵之別，佢哋嘅制成品好食好多倍。
真材實料唔算貴啦！重要係好食喎，都要搵日過去試下，希望有急凍可以買到。老闆加油！
支持，我就是上了年紀，完全記得味道，最懷念古早味所有香港小販檔。
燒賣真係最緊要就係豉油&辣油👍
大伯94歲看來比真實年齡年輕得來，又夠魄力!
欣賞周生👍
多謝分享，好喜歡内容、燒賣同醬料😊
謝謝支持！有機會經過長沙灣試試佢！
用行動支持周記。多謝TalkFood介紹👍
周記麵豉醬及酸薑都好味
之前阿媽鐘意响屋企蒸腸粉食，一路都搵唔到好嘅甜醬，最後都係周記啲掂，果時印象中都冇燒賣😁
真正香港人精神！
太難得啦！多謝B illy🙏🏻! 令呢個世界更美好！現在d生意人已經好少用咁多功夫去做d真才實料嘅食物！多謝你呀！
燒買要試周記，粉果要試英記，我都記住了，要找回兒時的味道😊
新蒲崗英記？
難得不怕艱辛 承傳下去
真是好好味 加油 支持
周老闆好野👍肯承傳，敢創新！
喜歡老闆踏實 有堅持 有信念 有心，繼續努力加油 希望下次返香港時可以品嚐！ 😍😍😍
睇見都肚餓, 整粒好食燒賣係學問, 係經驗
眼鏡兄 一定要比個Like你 初心 親力親為
我見很多出了名氣後的店 因名氣後重量不重質 努力
佩服你的动力，有机会去香港一定要吃一次。
好想食吓😋 老實講, E家真係好難可以食噃以前D小食嘅味道
香港人~有你這想法真好~加油~我會來買吃的😋
i love siew mai. when i first visit HK as a young man, i was captivated by HK siew mai. The taste is so much different from Singapore back then ( mid 90s). Great work Billy. Looking forward to taste your siew mai soon.
多謝老闆為本港造出這美食。👍💪祝生意興隆!
今天下午專程去想試吓燒賣，但撲個空，即食、冷凍及辣椒油都賣曬！一場去到買了一樽麵鼓醬及腐乳😅
逗留片刻已經有很多人嚟都係想買燒賣😂
自家制作，有誠意。🤗🤗🤗🤗🤗🤗
後生可畏 加油 加油 💪💪💪👍👍👍
誠意之作！👍🏻
香港燒賣第一❤
呢間的燒賣真係好食👍
我有日都經過這裡.現在經過他介紹.我一定會行去買來計試食😊
多謝你介紹
睇到流口水，好想食呀！❤️👍
難得堅持~本港味道~謝謝分享訪談~
好大方全部過程公開❤😊👍👍
好耐冇去，我從專程係麵豉和磨豆醬的，曾見過從外國回來的客人專程去買。
燒賣好正，成日都食，好想去試😍
請提供週記地址 ，都想一試😋，🙏🙏🙏
住天水圍嘅都想特登過嚟食，一定過去支持吓先
一粒燒賣咁多功夫🥵，真唔簡單！🤦♂️辛苦晒！🙇♀️
我喺英國見到想即刻飛返嚟食
長沙灣街坊都表示，距地d辣椒油同燒賣好食。同行加油🤭🤭
老闆請問長沙灣近邊度呀可以講個真正地址俾我知嗎
路過一定會試呢間燒賣
睇到好肚餓，好想食😂
正 食燒賣 順便買埋啲醬試下😋😋😋
好務實👍值得支持
匠人精神🫡
老板真是超级勤力!
最緊要自己舒服，加上8成時間在家。落啲本都值得嘅。👍
魚肉燒賣真的好吃。😊
好嘢，周记，好嘢👏
Respect! 老細好豁達好有型
下次經過一定會幫襯周記
加油💪💪
我返香港一定要食你整的燒賣😋😋
周記醬料都好正.
Hello siew Mai looks nice happy eating😢😊
2蚊粒絕對好合理，果啲買現貨返黎轉售既都係兩蚊粒啦，又唔好食，呢啲手工野根本賣2.5-3蚊粒都係冇問題，一個只得個樣既糖皮蛋糕，又唔好食，都賣成千蚊。一樣係手工野，點解竟然有人會覺得2蚊粒都貴？最好蝕比你。然後冇人做好食既野，香港直接消失街頭小食啦，而家已經越來越多垃圾食店，完全唔值個價錢，香港人真心自私，錢又唔比人賺又想食好味又有質素既野
尊敬各位~謝天謝地謝各位~風調雨順~人人平安、康樂🎉🎉🎉🎉