ثرموستات الكوعة ... أهميته ! اعراض تلفه ! طريقة اختباره ! هل يمكن الاستغناء عنه
Вставка
- Опубліковано 20 кві 2021
- @Arabity
.... إيه هو ثرموستات الكوعة؟؟
ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير
المحبس ده بيفتح ويقفل أوتوماتيك ومن غير أي تدخل خارجي، يعني ولا حساس ولا كمبيوتر.
من وجهة نظري فكرته عبقرية
فكرة المحبس ده ببساطة هي نفس فكرة الثرمومتر الزئبقي... اللي جواه زئبق بيتمدد مع الحرارة ومنه نقدر نعرف درجة الحرارة كام
الثرموستات ده عبارة عن اسطوانة جواها مادة بتمدد بالحرارة برضو... المادة دي هي شمع البارافين، ولما الشمع يتعرض لدرجة حرارة عالية بيتمدد ويخلي الاسطوانة تتحرك تدريجيا بعيد عن اسطوانة المحبس.
الترموستات بيبقى متعاير (مظبوط) على درجة حرارة معينة (بتبقى مكتوبة عليه)... اللي عندها بيبقى مفتوح على الآخر
طيب ... إيه اللي بيحصل لما الثرموستات ده بيبقى راكب وشغال صح في العربية؟؟
أول ما بتشغل العربية مية التبريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت،
ولما المياه تسخن يبدأ يفتح السكة للرادياتير عشان يبردها...
ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا
وبكده يحافظ على درجة حرارة ثابتة للتشغيل
عشان كده... ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية
طيب ليه درجة حرارة التشغيل لازم تبقى ثابتة؟؟
الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة
لما الموتور بيسخن زيادة عن اللزوم.. الأجزاء المعدنية حتتمدد زيادة عن اللزوم.. والموضوع ده ممكن يعمل احتكاك في بعض الأجزاء المتحركة جوه الموتور (البساتم مع السلندرات تحديدا) وأغلب المعادن بتتغير خواصها مع درجات الحرارة العالية وبتبقى أضعف.. فده ممكن يسبب تشوهات جامدة ممكن توصل لحد إن الموتور يقف.
لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. خصوصا إن مش كل الأجزاء معمولة من نفس المعادن .. ده غير إن الزيت ما بيكونش وصل للزوجة الصحيحة للتزييت...
والنتيجة .. إنه بيحصل تآكل ما بين الشمايز والبساتم وسبايك عمود الكرنك.
من الآخر... الموتور البارد موتور بيفوت بسرعة.
بس أهم ميزة في ثرموستات الكوعة إنه بيساعد كمان على التبريد المنتظم للموتور.... لوشلته الموتور مش حيتبرد كويس، وهتبقى السلندرات الأمامية (القريبة من الثرموستات) باردة والسلندرات البعيدة سخنة زيادة عن اللزوم.
ده غير إنك لو شلته وسقت على طريق سريع (في الشتا بالذات)... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان.. لإن أغلب العربيات الحديثة بتراقب درجة الحرارة .. ولو الكمبيوتر شاف إن الموتور بارد فهيخلي كمية البنزين زيادة في خليط الوقود علشان الموتور يسخن بسرعة (حسب ما هو فاهم طبعا).
طيب إيه أهم أعطال الثرموستات؟؟
الثرموستات لما يعطل معناه إنه ما بقاش يعمل المطلوب منه.. يعني إنه يبطل يفتح ويقفل مع تغير درجة حرارة المية وما يتحركش .
فممكن يعطل وهو مقفول... وفي الوضع ده المية مش هتتبرد في الرادياتير... والحكاية دي بتخلي الموتور يسخن جدا ..
وده معناه إن الشمع اللي جوه اتسرب.. في الحالة دي لازم الثرموستات يتغير فورا... بس لازم نراجع الأول علي الأعطال اللي سببتها السخونية سواء بقي كانت اثرت علي خراطيم مياه او جوانات او غيره ... قبل ما نغير الثرموثتات
تاني حاجه بقي ممكن يعطل وهو مفتوح (أو شبه مفتوح).. وهنا غالبا العربية مش هتسخن كويس...
وعادة دي بتحصل لما الصدا يكتر في مية الرادياتير ويحصل ترسبات على الثرموستات تخليه يتحجر... في الحالة دي لازم نغير الثرموستات وننضف دايرة التبريد كويس ونحط ميه خضرا او حمراء حسب ما بتوصي الشركة المصنعة
طيب ليه الناس بتقول نلغي الثرموستات لو العربية فيها مشاكل سخونية؟؟
الميكانيكي اللي بيلغي الثرموستات بيعمل كده علشان مش عارف سبب السخونية أساسا جاي منين.. وإلغاء الثرموستات يعتبر مسكن لمشكلة الحرارة الأصلية.. فكل اللي حصل إن المشكلة ما زالت موجودة .. ولكن مع زيادة التآكل في بداية تشغيل العربية وزيادة استهلاك البنزين.
وازاي أعرف إن الثرموستات ده شغال كويس ولا لأ؟؟؟؟
الموضوع سهل وعلى 3 خطوات
بس الأول هنبقى محتاجين نخلع الثرموستات ونعرف درجة حرارة التشغيل اللي مكتوبة عليه
1- لما نخلع الثرموستات ونسيبه في درجة حرارة الغرفة العادية.. المفروض نلاقيه قافل كويس
2- نجيب حوض ميه ونسخنه لحد 15 درجة مئوية قبل درجة حرارة التشغيل... يعني لو مكتوب عليه 90 درجة نسخن لحد 75 بس... ساعتها المفروض يفضل مقفول برضو.
3- نسخن المية لحد درجة حرارة التشغيل... ساعتها المفروض يبقى مفتوح على الآخر.
لو لقيت إن أي خطوة من التلاتة دول مش مظبوطة... يبقى لازم نغير الثرموستات
ملحوظة: فيه بعض أنواع الثرموستات ممكن تتظبط يدوي... زي الكريسيدا. - Авто та транспорт
انت جاوبت على كل اسالتي الله يفتح عليك يااااخي .. برافو
اشكرك علي تقديرك يا استاذ محمد
شرح وأضح ومبسط ومفهوم . شكرا من الاردن .
تحياتي ليك و لكل اهل الاردن
شكرآ تفصيل مهم وواضح
شرح ممتاز جزاك الله خير
شكرا بارك الله فيك
فعلا انت معلوماتك قيمه
شكرا اخي الغالي علي ردك المشجع
الله ينور عليك . شرحك محترم
اشكرك يا استاذ سامح
بارك الله فيك و الله يوفقك للمزيد
شكرا يا اخي الكريم
شرحك جميل الله ينور عليك
اشكرك علي تشجيعك يا استاذ محمد
معلومات مفيدة جدآ
تحياتي لك
اشكرك جدا علي تعليقك يا اخي الكريم
الله ينور عليك يا هندسه
تسلم يا استاذ محمد
الله ينور ياهندسة
تسلم يا استاذ اسلام
شرح ممتاز وموضوع مهم الله ينور عليك
حبيبي يا هندسه .... تسلم
احسنت النشر
شكرا على شرحك الوافي (/ينفع يركب ترموستات الكوعه فى الفيات ١٢٨نوف موديل ٩٨وكم درجة حرارة الترموستات /من فضلك رد عليا وجزاك الله خيرا
ما شاء الله
معي كرسيدا ٩٠ الترمستات فتحت الهوا الي فيه تركب إتجاه الكربرتير أو اتجاه المروحه
ممكن تعمل فيديو علي علبة البيئة ازاي ننظفها وازاي نعرف انها مكتومه
حاضر يا استاذ اسلام هحاول اعملها قريب
هل فيه رقم ثرموثتات الكوعه مكتوب عليه حسب نوع العربيه انا معايا توسان وجبت كذا واحد وكله مبيفتحش الا لما ادوس بنزين
السلام عليكم
اخي الكريم الثرموستات ما تفتح عندي مع اني غيرته جديد
وغيرت طرمبة الماء
اتمنى الإفادة شاكر لك جهدك في تقديم معلومات مهمة الناس تستفيد منها
للاسف ممكن يكون جديد ومش شغال بتحصل كتير .. حضرتك ممكن تجربة في مياه مغليه و لو مفتحش يبقي هوا فيه مشكله و رجعه للتاجر
@@Arabity غيرته مرتين يا هندسة
عندي القربه بتغلي وعداد الحراره لايرتفع هل هذا طبيعي وشكرا
شكران علي الشرح
لكن اناا لدي مشكله الحرارة تنزال لاخر علي الطريق و اريد تركيب ترمستات ولكن لا اعرف كم درجة الحرارة الترمستات......نوع السيارة اوبل استرا موديل 2000 يارت ترد علي تعلقي وتفيدناااا ....
شرح جيد جدا. بالتوفيق
شكرا جدا استاذ سمير علي تشجيعك و دعمك لنا
لديه افيو من اشغل تبريد الحراره ترتفع والعداد يتحرك ابكيفه والماء يخرج كن الدبه ما هوه الحل؟
أستئذنك هو حضرتك فاتح ورشة او مركز او شغال ف مكان ف القاهرة؟
السلام عليكم
كل عام وانتم بخير ياهندسه...
من فضلك
مؤشر الحراره يرتفع إثناء الركنه فقط وع الطريق المؤشر في المعدل الطبيعي... واما اعمل (آمبليه مرتين كده) ينزل بسرعه لمعدله الطبيعب.... السياره اتوماتيك... فما السبب في ذلك ياغالي..
مع الشكر
تحياتي لك
مبدأيا كده بنسبه كبيره طرمبة المياه تقليبها ضعيف بسبب تآكل في الريش بتاعتها و لما تزود بنزين بتلف اسرع و بتضطر المياه انها تتقلب في دورة التبريد . اتمني اني اكون ساعدتك و كل عام و انت بخير يا استاذي الغالي 🌹🌹
مساء الخير عندي سوبر بان ٢٠٠٣ ركبت ثرمو ستات اسي ديلكو ومازالت الحرارة ، ربع الا اذا الجو حر يوصل لقبل النصف مادري اش المشكلة
اختبر الثرموثتات خارجيا في مياه ساخنة و اتاكد انه بيفتح و يقفل لانه ممكن يكون فاتح فقط و علشان كده الدايرة مفتوحة علطول
السلام عليكم عندي سيارة كريت ويل فولكس صيني 2012 الحرارة بسيارتي 3 حبايات حراري ثابته طبيعيه وبدلت بلف الحرارة من 82 الى71 والحرارة الان زادت حبه يعني بتصعد حبه زياده واصبحت 4 بدلا من 3 علما اني البلف قديم من الشركة المصنعه وعمره 9 سنوات شو بعمل ممكن نصيحتك مع خالص حبي وتقديري
وبعدين مياه لخضره بس حراره منخفضه انا ما بحط مياه عادي الا مياه خضره
سعره كام
من فضلك انا اشتريت ترموستات كوعه بس راكب داخل الكوعه ومحتاج اجربه قبل تركيبه بس مش بيتفك من داخل الكوعه اجربه ازاى ؟؟
اعتقد كده حضرتك مضطر تركبه و تسيب غطاء الريداتير او القربه مفتوح و تستني لما المراوح تشتغل ... و في الغالب طالما المراوح اشتغلت يبقي هوا فتح و المياه خرجت من المحرك للريداتير ... اما لو تأخر تشغيل المراوح و الحرارة بدأت ترفع .. اعرف كده انه مش بيفتح ... و في نفس الوقت لما المراوح تشتغل ان شاء الله هتلاقي الخرطومين بتوع الريداتير سخنين مش واحد سخن و واحد بارد
نيو اكسنت اتوماتيك ٢٠٠٨ اجيب ترموستات كام درجة حراره؟
82 درجة مئوية (180 درجة فهرنهايت): هذه هي درجة حرارة الترموستات الأكثر شيوعًا لسيارة نيو اكسنت اتوماتيك ٢٠٠٨.
87 درجة مئوية (190 درجة فهرنهايت): قد تُستخدم هذه الدرجة في المناخات الحارة.
77 درجة مئوية (170 درجة فهرنهايت): قد تُستخدم هذه الدرجة في المناخات الباردة.
الميكانيكي الأردني عنده نفس الاختراع كمان 😂😂😂
عندنا بالسعوديه الجو حار. والسياره ترتفع حرارتها وعملت تبديل للثرمستات ثرمستات المصنع يفتح على ٩٥ وركبت ثرمستات يفتح على ٧٦. وصارت الحراره في المؤشر اقل بدرجه قبل التبديل كان المؤشر على ١٠٠ والان على ٩٠. سياره شروكي XJ هل يوجد خطر على المحرك.
لاء ان شاء الله مفيش خطر ٩٠ مش بعيد اوي عن ١٠٠ المهم العربيه مش بتبرد
بس تابعها في فصل الشتاء لو نزلت عن ٩٠ ابقي رجع الترموثتات الاصلي بتاعها في الشتاء
@@Arabity بالضبط. الميكانيكي قال لي في الشتاء لو نزلت الحراره اكثر رجع ثرمستات المصنع. او ضع شى عازل على مقدمه السياره على الشبك الامامي شكرا لك. 🌷
السلام عليكم
اشتري ثرمستات جديدة و لا. استيراد؟؟؟
الميكانيكي بيقولي استيراد بس الاستيراد غاليه جدا و هو مش بيثق في قطع الغيار الجديدة فتنصحني اشتري ايه؟؟؟
و عليكم السلام و رحمة الله و بركاته
انصحك بالاستيراد طبعا .. لان الجديد في الغالب ليس منتج اصلي .. و هذه القطعة لا قدر الله اذا حصل بها عطل قد تؤدي الي اعطال كبيرة في الموتور انت في غنى عنها
و في الاستيراد تباع كوعة المياه كاملة بالثرموثتات بداخلها . فيرجي عند الشراء التأكد من عدم وجود اي بقع باللون البني تدل علي وجود اي اثار صدأ داخل الكوعة .. حتي تضمن انها كانت في سيارة يهتم صاحبها بمنظومة التبريد و كانت تعمل بسائل تبريد ليس مياه عاديه
و ان شاء الله تجدها بسعر مناسب
تسلم الله يبارك في حضرتك شرح فوق الممتاز
من فضلك أنا اشتريت اكسنت والترموستات اكتشفت أنها بالفعل ملغيه لما حصل معايا بعض المشاكل سؤالي اكسنت 1300موديل 2001 أشتري ترموستات كام درجة حرارة التشغيل بتاعته؟ شكراً جزيلاً لموضوعك الممتاز اللي أنا وكتير من الناس استفدنا منه
شكرا استاذ صابر علي تعليقك الجميل .. الاكسنت عموما بيشتغل بثرموثتات درجة حرارة 82
@@Arabity 🙏
لو الترومستات قفلت ومش عايزه تفتح والسياره سخنت اتصرف ازاي وانا عالطريق
لازم تفك الكوعه بعد العربية ما تبرد طبعا و تشيل الثرموثتات خالص و تقفل الكوعه تاني و تمشي من غير ثرموثتات اصلا
انا مشكلة حصلت معي كثيرا..عندما اذهب لمكانيكي ليقوم بعمل اصلاح ما في الماتور..يقوم ويشيل الترموستات من السيارة.من غير ما يبلغني..وبعد فترة اكتشف ان الترموستات غير موجود...
هل ترمثتات الكوعه ليها علاقه بتقص الزيت بما انها بتتسبب في تغير مقاسات المعادن
لو ثرموثتات الكوعة ثبت علي وضع الغلق و بالتالي رفع درجه الحرارة ازيد من المطلوب ... هيحصل اهتراء و تلف لجوان راس المحرك و بالتالي ممكن يؤدي لتريب الزيت علي الماء او داخل غرف الاحتراق ... لكن في حالة انه يعمل بكفاءة لن يكون له اي تأثير علي زيت المحرك
@@Arabity معلش انا كان قصدي لو المكانيكي ربنا يسمحه شلها هل ليها علاقه
لو سمحت يابشمهندس أنا مركب تريموستات من أسبوعين العربيه بتاخد ٢٠ دقيقه بسخن عشان الحراره توصل للنص وبعدين اجري خمس دقايق أو اشغل التكيف خمس دقايق تنزل الحراره زي الصورة الاخيره بالظبط .. كده التريموستات بايظ ع الوضع المفتوح ولا ايه بعد اذنك
ايوه طبعا الوصف اللي حضرتك بتقوله كده الدايره مفتوحه علطول يعني الثرموثتات مش شغال ... معلق علي الوضع مفتوح
@@Arabity متشكر جدا لاهتمام حضرتك هروح بكره اعمله كرولا ٢٠٠٥ تنصحني أجيب جديد ولا استيراد مع العلم إن إللي راكب ده كان جديد صيني مركبه من أسبوعين
استيراد .. غالبا هيديك الكوعه علي بعضها بالثرموثتات ... و بص جواها و اتاكد انها مش مملحه ولا فيها صدأ ... علشان تلاقي الثرموثتات سليم ان شاء الله
انا عندي مشكلة بدائرة التبريد من 20 يوم تقريبا المي بتنقص من نص لتر الى لتر بشكل يومي دون وجود تسريب وحرارة المحرك طبيعية غيرت القربة وغيرت غطاء الرديتر وعملت تنظيف للدورة دون نتيجة .
الملاحظ ان هناك مياه تخرج من القربة بعد ارتفاع الحرارة هل للثرمستات علاقة بذلك .
بنسبة كبيرة عندك تنفيث في جوان وش السليندر (جوان راس المكينة) و الماء بيطلع مع العادم علي هيئة بخار ماء
@@Arabity
جزاك الله خير
لكن اي سبب تفوير الماء من القربة اذا كانت المشكلة في رأس المحرك.
طا انا عندي المروحة مش عايزا تشتغل والميا بتغلي ف الاربا والردياتير رغم ان مؤشر الحرار عندي مش بيرفع يعني كان اقل من النص كالمعتاد وروحت لكهربائي وكشف عل المروحة والترموستات وكل حاجة سليمه ومع ذلك المروحة مش بتشتغل لما العربية تسخن ف العيب ممكن يكون من ترموستات الكوعة دي ولا اي؟؟
طالما الغليان وصل للقربة و الريداتير معني كده ان حساس الكوعه فاتح و خرج المياه من داخل المحرك اللي دورة التبريد و ده الطبيعي لكن ممكن يكون حساس تشغيل المراوح هو اللي فيه المشكلة او كنترول المراوح نفسه و بيكون راكب بجوار المراوح
الله يجزاك خير شرح ممتاز
عندي استفسار لما امشي مشوار بالسيارة القربة بتتملى مية على الأخر ولما أقف وأركن شوية كده المية بترجع تاني الرديتر ده ممكن يكون سببه ايه والحمدلله مفيش حرارة ولا أي حاجة والدنيا طبيعي السيارة لانسر بومة ٢٠٠٩
لو غطاء الريداتير مش اصلي هيعمل معاك كده
ضغط الغطاء الاصلي ١.١ لسيارة لانسر
لو لقيت عندك ضغط غير كده ممكن يكون ده سبب
بس طبيعي ان العربية لما بتسخن بترمي شوية مياه في القربه و بتسحبهم تاني لما تبرد
ولازم انك متكونش مالي القربه للاخر لان هي المفروض ليها حدود ... و غالبا بيكون ربعها فاضي
@@Arabity تمام أنا مركب غطا الرديتر بتاع هيونداي وضغطه ٩. ممكن هو السبب
@@mohram9381 بنسبة مليون في الميه هو ده السبب
و هتلاقي مياه الريداتير بتنقص كل اسبوع حوالي كوب ماء
لازم ضغط لانسر يكون ١.١ علشان الدايرة تكون محكمه
@@Arabity الله يجزاك الجنة بإذن الله بجيب الغطا الأصلي وأجرب واتابع القربة والمية وببعتلك ايه اللي تم
تسلم ياغالي
السلام عليكم
ياغالي أنا دورت ملقتش غير غطا هيونداي بس جبت اللي ضغطه ١.١ يمشي الحال بإذن الله ولا ايه رأيك
السلام عليكم
من الأفضل اغير ترمستات الكوعه كل كام كيلو ؟؟؟
يعني انا مش عايز استنى لما تبوس
للاسف ملهاش عمر افتراضي .. لو حضرتك بتستخدم سائل تبريد مخصص لدورة التبريد و يكون المنتج من نوع معتمد ... هتعيش معاك فتره طويله جدا ... علي العكس لو بنستخدم مياه عاديه
البتاع دة كان هيدمر لى العربية والمتور كله - انا كنت عايش من غيره تمام ولما ركبيته زعلت
ليه اي الحصل
Non
كلام متكرر يجب تفادي التكرار لعدم الازعاج وشكرا
طب ياهندسة انا عربيتى لانوس وبعدين بحس الماتور بعد ماشى ساعة او اكتر يسخن اوى فى حين ان عداد الحرارة قبل النص بشويه اللى هوة وضعو الطبيعى ومش بيعلى عنة ولا بينزل عنة وكل شىء طبيعى بس حاسس ان الماتور بيبقى سخن اوى وعلى فكرة المراوح بتشتغل طبيعى عادى وبسرعتها عادى ساعات سريعة وساعات بطيئه وشغالة طبيعية عادى بس بحس السخونة بتاعة المحرك سخنة اوى غير العادى والعداد مش بيعلى طبيعى برغم انى حطيت مياة زرقة توتال وعملت تنظيف للريداتير ودورة المياة لدرجة انى ركنت قبل الفطار فمرة بساعة وبعد المغرب بنص ساعة نزلت وبلمس الماتور لقيتوة بارد بس مايل للدفء يعنى كأن لسه فيه سخنيه بسيطة اوى ملموسه فهل كدة ممكن يكون مشكله ترموستات ولا جوان وش السلندر ولا طرمبة المياة؟
طالما المؤشر طبيعي و انت شاكك في الحرارة ... اتاكد ان مفيش تسقيف في الموتور لما تكون حاسس ان الموتور سخن زياده .. يعني دوس مره واحده خطف كده و انت ممور العربية و لو ظهر معاك صوت تسقيف و انت شغال بنزين 92 ممكن يكون في حرارة فعلا ... و تاني حاجه تثبتلك الموضوع ده راجع علي ضغط خراطيم المياه لو كان فيها ضغط جامد يعني متقدرش تضغطها بايدك يبقي كده في مشكله فعلا في دورة التبريد اما لو الخراطيم بتنضغط معاك عادي يبقي كده مفيش حاجه بس خلي بالك ان الخراطيم بتكون سخنه اعمل حسابك لكده قبل الضغط علها .... راجع علي الحاجات دي و عرفني وصلت لايه ممكن يكون مشكله في غطاء القربة مثلا او لو الخراطيم مضغوطة جامد و محجرة دا بيكون من علامات جوان وش السلندر بس ان شاء الله تلاقي كل حاجه عندك مظبوطه
@@Arabity بص الخرطومين اللى فى الريداتير الطحان بدوس عليهم بيداس عليهم عادى وسخنين زى بعض حتى الخرطيم الصغيرة اللى دخلة وخرجة من القربة سخنة قوى وفى كركرة فالعربية خصوصا لما العربية بتمشى ساعة مثل فى الحر وخصوصا وانا طالع على ارض عاليه او كبرى فى كركرة كانى حاطيتت بنزين سىء وانا بحط ديما 92 وغيرت كذا بنزينة وبقيت احط 95 نفس الموضوع ساعات يقل من مرة الى التانيه لكن برضو فى تسقيف وغيرت ايديل ونظفت بوابه ورجعت سير الكاتينة ونظفت دورة المياة والريداتير وغيرت قلب طرمبة بنزين وغيرت بوشجهات وموبينة واسلاك ونفس الموضوع والزيت غالبا مش بينقص وغطاء زيت المحرك مش عليه حاجه خالص ولا القربة فيها اثر لزيت ولا اى شىء وعداد الحرارة طبيعى ولا بينزل ولا بيطلع بس بحس الماتور سخن اوى غير الطبيعى والخراطيم كلها مش عارف ليه؟
ازكى التحيات لاخي الكريم :
ساضع لك مشكلة كبيرة ما زلت ابحث عن سببها
لدي سيارة من نوع فورد فوكوس MK1 بنزين 16V 1.4 . تقريبا من سنة ارتفعت حرارة المحرك لاكثر من عادتها بحث تصل الى 104 درجة ولا ينفتح الترموستات فتنتفخ الدوريات ويخرج الماء المغلي بقوة كبيرة من القرعة .
قيل لي انه جوان كيلاس فتحنا المحرك ووجدناه جيدا ومع ذلك غيرناه بواحد اخر .
قيل لي عليك بتنظيف الرايدياتور وقمنا بتنظيفه وركبنا مضخة الماء جديدة . وبقي المشكل كما كان قبل هذا الاصلاح .
بعدها قمنا بوضع ثلاث ثق ب صغيرة على الترموستات وركبناها في مكانها وعملت بشكل جيد اذا تصل الحرارة الى 84 درجة لتشتغل المروحة . لكنها في الصباح لا نرتفع حرارة المحرك الا بعد نصف ساعة او اكثر.
اخي الكريم . ماذا يمكن ان يكون السبب في عدم فتح الترموستات المجرب بالسيارة .
كملاحظة اخرى قمت بتغيير لاشين ولاحظت انها لم تكن في مكانها الصحيح فاصبحت السيارة بها قوة وعزم اكثر. . لكن ارتفاع استهلاك البنزين ما زال بسبب انخفاض حرارة المحرك . والاستهلاك يصل داخل المدينة الى 10٪ .
انتظر اجابتك استاذي الجايل . وشكرا مسبقا
اخي الكريم اولا انت كده بهذه الثقوب لغيت عمل الثرموثتات نهائي ... مع العلم انه من الممكن ان يكون السبب في ثرموثتات الحرارة و ليس ثرموثتات المياه ... من الممكن انه كان يفتح في ميعاده عادي جدا و لكن المراوح هي التي تتأخر في التشغيل و بالتالي ترفع الحرارة
انصحك بتغيير ثرموثتات الكوعة بواحد اصلي او استيراد من موتور مستعمل .. ثم التجربه مره اخري و لو لاحظت ارتفاع في درجة الحرارة .. تأكد اولا من ان خراطيم المياه الداخل و الخارج من المحرك بنفس درجة الحرارة .. لكن لو واحد بارد و الثاني ساخن هذا سيكون الدليل الوحيد علي عدم فتح الثرموثتات ... اما اذا كانوا الاثنين ساخنين هذا يعني فتح الثرموثتات و ان العيب من المراوح ... و من اسباب ارتفاع الحرارة ايضا يمكن ان يكون سدد في منظومة العادم و تحديدا دبه التلوث او علبة البيئة .. تأكد يا اخي الكريم اولا و رد عليا و انا هتابع مع حضرتك ان شاء الله
@@Arabity تحياتي الخالصة لاخ كريم واستاذي في مجال ميكانيك السيارات . ساعمل على تطبيق كل نصاءحك وسارد عليك ان شاء الله .
مع ازكى التحايا من المغرب. شكرا لك جزيلا. بارك الله فيك . استودعك الله
Non