#MM
Вставка
- Опубліковано 21 сер 2024
- #MM #700萬種生活 // 全家數人同患癌 遺傳病如計時炸彈 90後掛造口袋攀岩上山下海 消化系統生過千瘜肉終變癌 確診後與男友結婚 丈夫助洗造口「醫生說只要我夠長命,一定會再有癌症」
「 醫生說只要我夠長命,一定會再有癌症,身體隨時都有個計時炸彈。」今年33歲的Michelle 15歲時發現患上一個可怕的家族遺傳病,這病會在消化系統生數百至數千粒瘜肉,最終這病的可怕基因會令瘜肉變成癌症。「我二家姐、母親、舅父和表妹,都是因為這個家族病而去世的。爸爸也因為腸癌離世了,所以我經常想,何時輪到自己。」
3年前Michelle體內瘜肉變成了腸癌,在肚皮上開了個永久造口,從此身上多了個每天24小時都要掛著的造口袋,但她依舊上山下海,熱愛攀岩、行山、泳綑、馬拉松等不同運動,她總說,自己的人生好像是在患癌後先真正開始。
Michelle家中有六兄弟姊妹,當中一半人患有家族性「結直腸瘜肉綜合徵」這病,首先發現這基因的是當年20歲的二家姐,後來全家一起做身體檢查,發現原來媽媽、大家姐和Michelle都有此基因。15歲時她發現大腸裡生滿瘜肉,需要在未變成癌症前切除大腸。「此病沒有隔代遺傳,父母隨便一個有這基因,兒女就有一半機會遺傳。二家姐離開時還未夠21歲。」Michelle回憶起那段時間一家三口都要入院做手術,媽媽做了切腸手術後沒有問題,但七年後還是變了腸癌,一年內已變成第四期,很快就離開了,當年她53歲。
「這個基因會在其他消化器官生瘜肉,由食道去到小腸都有機會,最近照胃鏡,發現我的12指腸和膽管出口附近都有瘜肉,而且跟腸癌的基因一樣,總有一天會變成癌症,很害怕,不知道甚麼時候會變,經常都不知道甚麼時候會發生。」她就像西西弗斯,每天重覆推石頭到山頂後,大石總是會滾下來,苦難又會重新開始,可能徒勞無功,但依然想與命運抗衡。
「上天關了窗,開了道門給你,雖然我有病,但我認識到我先生Leo。」原本是網友的二人一起不久後,Michelle就決定跟Leo坦白自己的家族病歷史,「我希望那個人在知道我的情況下選擇跟我一起,不想在一起久了,才介意我的狀況,然後分手。早讓對方知道,對他都公平一點。」
Leo笑指得知她病情後沒特別大反應,性格樂天的他就說不會太擔心,「煮到埋嚟就食」,「很多事都能解決得到,沒得擔心那麼多,有甚麼就一起面對。我跟她之間的事都沒有想那麼多,反而是考慮家人多一點,不知我家人怎樣看待她。」
拍拖三年後,Michelle最終確診患上腸癌,人生最艱難的時刻,他們決定結婚。「5月確診,7月就排期註冊,然後拍婚紗相,8月開始做電療化療。」Leo說老婆很想在手術前做好所有憧憬的事,而拍攝結婚照,就是她最夢寐以求的事,希望在最好狀態下完成。因為另一半有遺傳病,加上Michelle化療後都難以懷孕,喜歡孩子的二人無法生育,「他媽媽有問過,接著Leo說我有癌症,我們不會有小孩,最後他母親接受到,他媽媽對我比結婚前還要好。」
因為病情反覆,早前Michelle辭去工作,當家庭主婦照顧先生和專心養病。因為這是家族遺傳疾病,即使癌症康復了 這種基因仍會再次變成癌症,Michelle發現患病時只得15歲,家境不好,父母知識貧乏,所以一直買不到醫療保險,她慶幸自小有公立醫院醫生跟開她和家庭的個案,不用負擔太昂貴醫療開支。
Michelle和Leo性格南轅北轍,一個性格較負面,一個樂天派,天跌落嚟當被冚,二人平日內斂很少直接表達,其實暗裡經常「放閃」,尤其每次Michelle放負時,Leo都會有這種口頭禪:「不用介意,有甚麼所謂」;「我覺得沒甚麼大問題」。除了患病,Michelle天生右手殘缺,出生時幾隻手指都連住了,自小就常要做矯型手術。現在Michelle可以自然地提及右手的事情,都是靠Leo在旁默默鼓勵。
「小時候常因為右手而被同學排斥,會說我是怪物,說我的手很噁心,以前又試過被街童欺凌,所以一向都很自卑。」鏡頭前Michelle說擔心別人對她的手有負評,又怕Leo的朋友會看見,Leo微笑安慰說:「在意的是你自己而已,你右手就像隻小朋友手罷了, 不要把不開心 不好的事放到那麼大,我覺得你做完這麼大的手術都可以痊癒,跟正常人沒有分別,就毋須再這麼在意這事情。」說罷太太又莞爾一笑,「幸好你遇到我這個終極樂觀的人。」
沒有了大腸,Michelle的永久造口開在小腸上,所有高纖的蔬菜生果、堅果都不能吃,而吃了難消化的東西亦容易腸塞。因為要清潔造口袋,芝麻糊、朱古力等深色食物都要避免,但嘴饞的Michelle愛吃魚生、BBQ、打邊爐、燒肉等食物,「但吃這些都會很易肚瀉,造口袋的排泄物很快就很多,然後脹了袋子,這些東西要找有廁所的餐廳才敢吃。我總覺得這頭吃完那頭就排泄出來很浪費錢,好像沒有消化過一樣。」
而Michelle覺得比患癌更難接受的,是這麼年輕就有永久造口,她回憶起手術後兩個月她都無法接受,情緒跌入低谷,反而是Leo主動自學如何處理病人造口,那段時間都由他為太太換造口袋。按照造口大小剪裁出袋子底板的袋口位、噴保護膜保護皮膚,有時袋子黏太久皮膚有損傷或敏感,就要灑造口粉;更換時要用除膠劑慢慢將舊袋子撕走,換上新袋子前又要用皮膚保護膜填補凹陷的位置,繁複的程序變常生活日常,Leo沒有一句怨言,「習慣適應了就可以,也不覺特別噁心,知道造口是甚麼一回事,其實是很正常的事,老婆自己選擇的,照顧就預了是一輩子的責任。我從來沒當她是病人,都是正常人地相處。」
兩個月後Michelle亦慢慢走出陰霾,可以獨自照顧自己,也重拾昔日熱愛的運動,更比以前挑戰得更hardcore,畏高的她愛上了攀岩。常被人誤解,身上的造口袋會傳出臭味、沒有自理能力、行動能力弱等,身為年輕的「造口人」Michelle加入造口人協會,希望用自己經歷幫助其他造口人士,希望打破外界對他們的既定印象和迷思。「其實造口袋我們都會做足防漏措施,一點味道也沒有,而你看我這樣上山下海就見到,其實造口人也能活動自如,與平常人無異。」
攀岩的過程除了令Michelle高度專注,能暫時忘記現實煩惱,在懸崖峭壁上怎樣爬、落甚麼腳、手應放哪裡,經歷的困難都需要孤身應對,尤其做「領攀」的角色時,需要把繩子掛到最頂,再給下一個人攀爬上去,好像對應著,她甚麼都靠自己的人生。
「如果我不堅強,可能很難面對這麼多東西,如果可以選擇,我也不想有這麼多經歷。」Michelle一邊翻看舊相簿,一邊回想種種成長片段,努力找了很久,發現原來一家八口沒有留下一張齊人的合照。她淡淡地形容,一家人並沒有因為患同一病而團結,反而二家姐和媽媽離開後,家裡反而變了一盤散沙。自小跟爸爸關係疏離,父母亦忙碌於工作,年幼的她就要學懂照顧自己和弟妹,有問題都習慣自己解決,不靠別人。
「從小到大我都很堅強,覺得哭就像弱者一樣,15歲時做切大腸手術,我抱著媽媽哭,那次後都沒有在別人面前哭過。媽媽最疼愛我,因為常怪責自己生到我有缺陷。」最愛的母親離開時Michelle只有22歲,她害怕會隨年月對父母印象漸模糊,便在前臂紋上父母親的合照,再加上二人的簽名。
「母親走後,如果我一個人有甚麼事,都不能回家尋求幫助, 自小爸爸有甚麼資源都會給弟弟,阿妹跟我關係比較好,但她已移民外國。所以感覺上除了我老公,沒有甚麼親人在香港。」雖然跟父親關係不好,但Michelle在他臨終前,跟妹妹都有陪伴他走過最後的日子,死亡面前再大的喜怒仇怨都放下來,二人終於和解,叫作沒有遺憾,「我老公都有功勞,他說始終都是家人,每個月都跟我跟爸爸吃飯。」
「始終自己有缺陷,無論如何努力也很難,腹部不能太用力,手又握得不太好,又怕撞到造口袋,攀岩時很多事情要想和兼顧。」隨眼前這位只有150多厘米高的女生去攀岩,這頭羨慕完前輩三爬兩撥就攀到一條難度頗高的新路線,那頭她就被激起鬥心走去挑戰。眼看她前段爬得很快,攀至中間有個凹凸位就「卡關」了,進退維谷苦尋無路,途中更鬆了繩,以為她正要放棄之際,她又重整旗鼓吸了一口氣,繼續向上攀。中間卡了幾次關口,最後全部都克服到抵達終點。完成後她卻說:「我想攀多一次,想一氣呵成地爬上去。」
眼前的Michelle好像有種西西弗斯式的精神,如果無法改變命運 就選擇蔑視命運,她說自己的命比巨石更堅硬。「人生很多事情都卡關,好像一出生手就有缺陷,之後到我有遺傳病、家人過世、自己又患癌,經常都要過關,大佬大完一個又要打另一個,不知道何時才是最終大佬。不過前路幾難都好都要頂硬上,『關關難過關關過』,唯有這樣跟自己說。」
策劃:Phoebe王秋婷
拍攝:歐嘉鴻 許先煜
剪接:歐嘉鴻
監製:甄俊宇
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
第一次聽michelle故仔已覺得好戲劇性
亦令我諗起永無止境受懲罰但最後戰勝到命運嘅西西弗斯
拍攝3日我哋好似見證佢不斷突破自己嘅過程
由倔強易自卑到可以喺人前做爽朗直率嘅自己;
明明個人好叻好勁抽但總係容易自我否定
到可以接受人哋讚美;
由好介意人哋睇佢嘅眼光,到可以自在地分享自己深處嘅感受同經歷;
由一開始嘅小小拘謹同怕醜仔,到攀岩時展露自信又陽光嘅笑容;
仲有同Leo呢頭鬥咀,轉個頭聽到老公讚佢,都係會忍唔住笑到心花怒放🥰
比起想人哋覺得呢個女仔「好慘」,我哋更喜歡呢啲突出到Michelle性格嘅細節
Michelle到今日都仲擔心緊人哋會用咩眼光睇佢🤣不過我對呢點有信心:人哋睇到嘅一定係你嘅勁抽多過你嘅軟弱,因為你真係叻㗎🤍🤍🤍
Michelle IG係:michellew.soul
歡迎大家支持吓佢🙌
祝大家身體健康
情人節快樂
希望Michelle 同Leo繼續放閃 健康甜蜜行落去🫶🏻
呢個男人好善良⋯⋯世間少有👍🏽
完美的好老公,羨煞旁人。❤
嗟來的天使
看完這條片 真的不好再怨天怨地 好好愛惜自己和身邊人 祝願Michelle 和他的丈夫 開心渡過每一天 😎
衷心祝福佢同佢老公生活愉快 我天生就有脊柱側彎 已經因為咁而影響外觀 21年嗰陣同男朋友嗌交嗌到突然腦中風入咗院 先知道自己原來有煙霧症 即係大動脈4條塞咗2條 所以比平常人易中風 出院之後就成日頭痛痛到嘔 每次頭痛都勁辛苦 次次一痛起上嚟都會諗係未我做咗錯咗啲咩 個天要懲罰我 但好彩男朋友無因為咁而離開我 仲肯搬返我屋企同我屋企人照顧我 我仲因為個病變得樂觀咗 依家諗返都覺得好慶幸嗰日男朋友有同我嗌交 先發現原來有呢個病 如果係年紀大咗先中風就真係唔知有無咁好嘅復原能力 可以好得咁快🥲
@@leeszeman9650請問你側彎係幾歲發現?係咪中學的健康檢查?細個果陣姿勢正確嗎?🙏🏻
@@userqwert6299 幾歲發現就真係唔記得 不過記得好似係小五升小六嗰陣開始帶固定架 一日戴足廿幾個鐘 淨係沖涼嗰陣先唔洗戴 不過都好彩當時有戴足咁多個鐘 依家先唔太明顯 係着緊身衫/背心先明顯啲 不過我個角度都大 我係S形嘅 上面係43度 下面22度
同埋我係遺傳嘅 所以唔關姿勢習慣事 因為我原本有個叔公都係有脊柱側彎 不過我有個好壞嘅瞓覺姿勢就真 我由細到大都係焗燒豬瞓 即係趴係到瞓 仲要一隻腳屈起 依家就後悔 因為個胸又扁 仲要搞到度數彎到43度😭😭😭所以真係勸喻所有有脊柱側彎嘅人 唔好趴住瞓覺😮💨
其實Leo的mindset都好值得借鑑提醒:
1)不要放大悲觀方面
2)任何事情都可轉念:現在學懂照顧患病老婆,將來家人有什麼事情提早知道如何應對;冇小朋友:有固然好,冇嘅話另一方向諗:多啲自由空間,想做咩就做咩
3)在意的是你自己,人地唔在意,「殘缺手>多咗隻小朋友手only」
4)口頭禪:「唔使介意,有乜所謂」,「我覺得冇咩大問題」,能生活到就OK啦
5) 人生有好多整定 擔心唔到咁多
6) 覺得傳統奶奶會好似好衰咁「係因為你標籤咗」
正
完美的好老公,羨煞旁人。❤
認識Leo呢位髮型師已經幾年貨仔時間,俾我嘅感覺係專業同埋擁有妙手回春嘅能力😂,佢永遠笑面迎人,用從容嘅態度去面對一切嘅事物,每次提起太太都係甜絲絲嘅!睇完呢篇訪問,原來佢真係咁善良,同埋正能量!
祝福Leo 同 Michelle 永遠幸福快樂 要健健康康喔!💪🏽
頑張ってください
可以透露是哪一間髮型屋嗎?🙏
喺葵芳 佢有iG㗎
求介紹啊😂
@@Purple_yammie 果間髮型屋係咪S字開頭?🙏🏻
@@bubblel3537 葵芳球場隔離嗰間😉
我都係腸癌康復者 曾經都用過造口袋 帶袋的日子 我真係覺得好難受 每日都驚流便便出來 好大壓力 不太敢常常出街 我覺得你真係好叻 祝你身體健康 生活快樂❤
雖然生活總有不如意你都唔好放棄,心態決定心情,祝福你呀🍀 大家都身心健康💪🏽
見你話「曾經」,是否康復後,不需再用造口袋?純粹好奇,如冒犯,抱歉抱歉🙏🏻
@@dankahc 我係康復者 現在唔需要造口袋
丈夫很偉大~~~ 祝大家身體健康!過好前路的每一天!
Michelle,你好叻。你比我還早確診,我19歲發現這個病,是母係遺傳,婆婆媽媽舅父都是腸癌走。雖然切了大腸預防,近年患了甲狀腺癌,NET ,你讓我或其他病人學到都要加油,借鏡,好榜樣
我成日話點解自己人生好多石頭,一舊比一舊大,看見你攀石,好感動
祝你早日康復!享受生命
祝你每日開開心心 過到你想要既生活
保重,祝早日康復❤
Sandy祝福你❤
加油呀,活在當下就夠,每天都要開開心心❤
真係好感動!希望這夫妻可長命百歳!
雖然Michelle 輕描淡寫的說出自己經歷,但相信當中過程毫不容易。Michelle 丈夫Leo有情有義,高EQ。衷心祝福Michelle 同Leo,每天都過著美好同有意義的生活。
好inspiring, 之前聽過一句說話,世界上只有一種真正的英雄主義,那就是在認識生命的真相後,依然熱愛生活。在妳身上能夠看到這種熱誠❤
超級感人,多謝MM,呢條片真係真係超級好,男女主角對生命嘅態度值得所有人學習,希望你地繼續加油,活出彩虹!好開心我可以認識到你地嘅故事,真係一路睇一路眼濕濕,你哋表現左對生命嘅熱愛,對抗困難嘅態度同埋詮釋左咩係完全嘅愛!真心祝福你哋一生平安,白頭到老!
上天好錫你,有這位丈夫,是所有女士都羨慕的,你值得擁有,因為你內心好美麗。感謝你分享你的生命。
命運對你不公 但上天補番個老公比你 希望你兩夫婦健康快樂咁生活落去
Michelle你真係好堅強勇敢,我都有基因遺傳病好明基因病嘅痛苦,所以真係好佩服你,你個老公真係好好,加油啊👏祝福🙏身體健康
呢個老公100分, 對老婆不單只唔介意, 仲密密支持, Michelle加油~凡事都有可能, 有奇蹟的~💪💪💪
好正面,好勵志, 好積極,好感動的故事! 值得所有港人學習!
老公係天上黎既守護天使👍👍
妳嘅堅強令我係最近嘅煩惱中感覺好渺小。希望妳們一直幸福落去🫶🏻
我有幾年揾Leo 整頭, 好温柔好細心! 同埋言談間feel 到佢既樂觀. Michelle, 可能你一生裡有好多不幸, combo 換返黎最大既幸運, 可能就係個天俾個愛惜你既老公你❤接納自己同對方既愛, 有時識做唔等如咩都要自己做既, [被需要]都係一種幸福, 你倆都要幸福啊~~祝福你們❤
多謝MM同Michelle 做訪問, 鼓勵到港人之外, 給我跟十幾年無見的她再次見面, 好感動! ❤ Michelle 如果你見到這留言, 希望給我聯絡, 我們小時候在順天和你家玩遊戲的, 你記得我嗎?
這套片好應該比有重病和冇病冇痛既人好應去看看這段片,一定有很多反思. Michelle 既勇氣強大令到自已看不見,但別人看得好清楚.她的與别不同令她得到更多,亦值得得到更多鼓勵和支持.正如得到一位真愛既另一半❤❤
一路睇都眼濕濕 打從心底覺得你好犀利好堅強 一直行過嚟嘅路唔容易 其他人難以想像 亦都只有你自己最清楚 比起加油 更加想祝願你往後可以繼續做自己鍾意嘅嘢 兩夫婦繼續幸福甜蜜❤️
我媽也是造口人士,深知照顧者的壓力和患者所面對的各種困難,你真是很厲害和堅強,祝你在有生日子都幸福快樂
Michelle 係一個好可愛的女仔,堅毅不屈,好鍾意佢。
仲有,只有佢老公咁正能量嘅人先配得上佢。好合襯,羡煞旁人❣️
衷心祝福你倆白頭到老❣️生活愉快❣️🙏🏻
Michelle 真係超堅強,怎來的勇氣面對一個又一個難關?Leo 的愛亦至高無上,祝願他和 Michelle 有更多美好的日子。
十分認同丈夫係片尾既分享。有時遇到困難,唔駛去封閉自己或者逞強以為自己可以搞掂…懂得接受別人既幫助,反而有機會令到個問題以一個自己意想不到既方法得以解決
很感動,有幸在情人節看到呢條充滿愛與堅毅的片。
多謝MM, 團隊拍得好正,報道的角度很勵志,不賣惨作招來,最後的大片石牆和壯闊海洋,令人充滿鬥志。
Michelle 祝福你,你擁有鐵一般的毅力,一定無野難倒你!
Leo 你的樂觀為身邊人帶來最大幸福!
我都係大約17歲左右就有造口
25。6歲到就洗血
亦都同屋企人關係唔係好
生活咩都靠自己。。。
但睇得出你好開朗好健談👍🏻
反而我就越活越少說話
你好叻呀!自己一個人搞得掂證明你好堅強好勁!冇所謂講嘢多好定少好㗎,邊樣舒服咪邊樣囉
靠自己唔人人都得,你真係好叻!自己愛錫自己開心過每一天,我都有呢個病年半啦,一齊加油💪💪💪
加油呀,活在當下,命運有時真的很難,希望你努力跨過❤
❤❤❤
💪💪💪❤
老公係一份好好既支持 多謝你對佢既無條件付出 ❤
丈夫大愛👍🏻😊❤🙏
冇人係冇缺憾,但係我哋可以努力改變同面對佢(你既力量比好多人都強大), michelle同你老公都好靚😊由心而發嘅靚,加油努力👍
希望 Michelle 戰勝癌症,身體健康,日日放閃❤
非常感動的故事,希望兩公婆能夠面對所有嘅困難原來你覺得好難面對嘅事,大把人比你更艱難珍惜生命珍惜每一天
有個好丈夫陪伴,又正能量。大家幸福生活下去。加油
Leo嘅輕描淡寫,更顯得情比金堅。
關關難過關關過、一段很鼓勵的說話,敬佩故事的女孩,也敬重一個有美好性格正面的丈夫無條件的付出及支持
睇到你嘅故事反而要好好檢討吓自己唔好抱怨咁生活,活咗40幾年其實已經係好幸福了😢祝福你繼續堅強樂觀地活下去💪💪💪希望你keep住開心嘅情緒同埋注意飲食係好緊要❤❤❤
主持的聲音導航,聽得出她要盡力壓抑情緒,但字與字之間卻流露出「眼淚 」來 。
情人節看到最好的情人故事!
老公好好 !
Michelle好堅強!
絕世好男人 祝你們幸福
愈睇套片愈覺得michelle真係好強好樂觀積極開朗好正能量,好欣賞佢❤
上天俾左個不幸,幸運是她有聖強的精神.也令她碰上對的人,不用海誓山盟,支持陪伴到這份愛已在您們心裡、愛真美好.祝福你們
多謝MM,多謝phoebe比我地睇到一個咁有溫度o既故事
我都係一個長期病患者,係充滿無助同不安o既一日之後可以睇到一個有滿滿正能量既故事
帶比我可以繼續堅持落去o既力量, 多謝你
感覺呢個世界仲有其他人係更困難之下,用更大既毅力繼續面對緊自己o既人生
我都唔可以輸!
多謝你phoebe (想同你講我好鍾意你拍果條一家五口生果家族,睇左好多好多次)
南無觀世音菩薩「大慈大悲救苦救難廣大靈感……」
菩薩免費提供藥方:
枳壳、木賊、槐花,各六分。共研末用開水冲蜜服用。一日三次不限時間。菩薩加持 二週見效果。
心存善念 常行善行
南無常住觀世音菩薩摩訶薩
祝福MICHELLE和LEO幸福健康快樂
Michelle加油, 上天好公平,人人都有佢嘅價值
好感動,睇到一半已經喊咗。Michelle容許我難聽講一句「你好痴線呀」,你好堅強,好叻,繼續加油,祝身體健康。
活得有意義Michelle, 每天在生活 不給自己停下來 攀石也要思考 怎上 左或右 右手用力倍加小心 很佩服妳的堅毅 向上邁進精神 也祝福妳和先生新春大吉 順心順意 白頭到老🫶
祝福 Michelle 和 Leo 永遠幸福。一段令人鼓舞的真人故事❤。
你哋拍片真係好有質素,俾到好多人知有好多人係好積極面對生活👍
真的感動,希望你可以同丈夫幸福快樂的,你真係好叻的,希望你可以戰勝病魔的。
媽媽爸爸永遠在你心中,佢哋嘅愛包圍住你,不會忘記的!
好有啟發性同鼓勵性既訪問! Michelle同Leo好積極樂觀,好有愛既兩公婆♥️ 希望奇蹟會出現,祝願兩位一直健康幸福快樂
Michelle 你依條片必定影響到好多人,活在當下,祝妳同你先生身體健康
你好堅強亦好勇敢!! 你的勇氣可以給因為感情或金錢而做傻事的人做一個好好的借鏡!! 祝你身體健康!!
真係好感動。希望,希望佢哋2個可以一直幸福生活落去。Michelle你真係好勇敢,老公亦好好👍🏻係身邊一直支持你。
幸福真的不是必然,好佩服Michelle 的勇氣!更欣賞她丈夫對她的愛,但願他們能夠永遠幸福快樂過每一天,😊
他俩夫妻好勇敢、好恩愛,反之很多現代夫妻棄難取易、逃避貴任、自殘生命,相對這對夫妻,值得現代人反醒!
珍惜每一天 遇到好老公
我理解 Michelle
自己家族都有癌症遺傳
就算冇果種遺傳癌症,都有患另一種
而家自己健康,把握時間 見親人
天佑你身體安康,平平安安🙏🙏
好感動,喺情人節睇到呢條片真係覺得好sweet
非常感動🥹你真係做左一件有意義既事,謝謝你
你哋兩公婆真係好勁,祝你地永遠幸福快樂❤🎉
祝你身體健康!你們的故事,很感動!❤
真愛的體現。欣賞你們, Michelle and Leo🥰🥰
Michelle好堅,不過呢個片真係好欣賞Leo, 個人生觀同價值觀真係不得了,好似一個經歷好多嘢嘅智者。以後遇到有長期有病患照顧者都要分享呢條片比佢地👍
Michelle, 你很坚强,替你祷告,祝福你与你先生!
Michelle, 你的故事真的鼓勵我們❤❤
感激你
感受到滿滿嘅正能量 加油 nothing is impossible 💪🏽
老公真係天生係老婆身邊既天使
真係好感動!希望這夫妻可以繼續開開心心,快慘樂樂。
如果家人都知道有家族遺傳病真係唔應該生小朋友😞
Michelle,你真係好勇敢
祝福🙏🏻好respect你咁努力樂觀活出自己人生❤
活在當下! 祝福michelle 同leo ❤
Michelle 同 Leo 兩位都好叻,加油,祝福你地. 希望大家都身體健康,生活偷快.
多謝你們的服務, 努力和旁述
Michelle, 你加油, 很心痛。未來是開心健康!
Michelle你地兩公婆要加油 !! 睇完訪問好感動, 你的生命好有意義, 雖然辛苦但有恩典, 你父母一定會為你驕傲 !!
祝福你哋, Michelle and Leo!
Michelle 加油!明天會更好💪💪
Michelle 加油,你好叻, 辛苦晒了
要向你學習你的堅強,你的勇敢💪
熱愛生命的少女!大病中好勇敢面對!願上天佑保佑你和家人!
老公個內心好強大EQ高, Michelle 遇到他好幸福
加油👏好多唔識你哋嘅人都留言支持你們,看了你的故事,真的好感動,衷心祝福你和老公每天都過得幸福快樂 身體健康 ,好好享受上天給予的每一天,活在當下珍惜眼前人,為自己的人生活出精彩🎉
好感動,我都有頑疾,睇完Michelle,比咗好大啟發我,係一個戰士、榜樣❤ 兩夫妻好sweet❤❤❤ 充滿愛💕💕 多謝兩位出黎分享你地嘅故事❤❤❤
Michelle好堅強好叻女!
雖然佢人生充滿難關
但上天比左佢一份好大嘅禮物
就係識到一個咁有愛心嘅老公
真的佩服Michelle的生活態度,妳比任何人都强!祝福你倆!
看后异常感动,M生活转向正面不因环境,而是一个完全支持的身边人,希望两位身体好,多D好时光一齐。
幫襯咗Leo十幾年,每次聽佢講佢老婆果陣佢個樣都係好開心好陶醉。Respect you bro🫡
好佩服佢,想問下佢喺邊度做?想幫襯佢。
正面人生! 唔易做
女的好堅強,男的正能量,祝福你們健康快樂,幸福美滿!
上天派了一個天使來幫你,使你不致孤單,加油 Michelle 💪🏽
Michelle, 能有一個天使的老公陪伴,真好!希望你們永遠快樂!加油!
係真愛❤,好感動🥹
Michelle,看到你的人生,深深感受到聖經裏所說的:化咒詛為祝福❤
雖然你的前半生也很悲凉自卑,但你從沒放棄自己,到現在我深深感受到你丈夫对你的愛,大愛,完全承托你,照顧你,我自己作為丈夫也汗顏😅令我有很大的反思何謂愛❤支持你,好好过每一天
P.S.真的很欽敬你丈夫,真的萬中無一😂
祝Michelle和老公笑口常開!😃
好欣賞Michelle 丈夫樂觀性格、好欣賞Michelle嘅毅力, 加油