Вставка
- Опубліковано 10 лис 2023
- #MM #700萬種生活 // 8、90後第四期癌症病友組團去旅行 自稱地獄旅行團不忌違講生死 27歲確診子宮頸癌 被告知剩下幾個月壽命 至今捱過3年 克服疼痛挑戰滑翔機（上集）
「我們所有人說話都很『地獄』，你越『四仔』，你跟地獄就越近。」「四仔旅行團」是由幾位80、90後的年輕癌症第四期病友組成，團裡有已經康復的人，有用藥物控制著病情，與癌共存的人，亦有病情反覆，至今仍在治療的人。剛過去的9月，他們展開了第一次旅程，目的地是清邁。
「我們很多人都被醫生說過，你可能只剩下幾個月命，其實你不笑著過，我也不知道怎樣過。」
打著「地獄旅行團」的旗號，沒有生死禁忌，沒有呼天搶地，也沒有說教式的老生常談，四仔們總說，當你看得越化，越容易把它當成笑話，也會容易點去面對事情。這也成了此趟旅程的基調，上一秒因為一個地獄笑話笑到肚攣，下一秒已在聊化療時副作用有多痛苦、身邊有哪位病友復發或離世了，或是深層次的「靈魂拷問」，談生死，談關係，談人生抉擇，別人覺得沉重的話題，都是他們的日常寫照。「因為沒人知有沒有明天，有沒有下一次，所有的當下就是我們的best timing。」
四仔旅行團團友因為癌症而認識，亦因為共同經歷和大家貪玩的性格而稔熟。團中有母系屬性最強，負責計劃主要行程的Niko；氣氛擔當Clark；有不方便出鏡但熱愛拍照打卡的R小姐；有毒舌得來說話又啜核的LamK；才華結他手Teriver；癌症資訊網代表Jasmine；還有身體狀況最不穩定，但最樂天的開心果Tiffany。
「我每次都當自己是去最後一次旅行。」今年31歲的Tiffany常常苦中作樂，但她也是抱著這態度，過了這三年多抗癌日子。27歲時她確診子宮頸癌2B期，做了30多次大小電療化療後，癌細胞卻已擴散至淋巴和肺部，被醫生宣判成為只剩下幾個月壽命的末期病人。「即使當時做化療，吃標靶藥等，數據上也只延長多一年命，因為化療太辛苦了，如果真的只剩下一年，我不想大半年都在床上度過餘生。」
總掛著一臉陽光笑容、外表亮麗的Tiffany，確診時說自己仍很精神，前一天剛跑完5公里馬拉松，她決意沒必要讓報告定義餘下的人生，所以當機立斷暫停所有治療，嘗試找其他方式調理身體，希望維持到生活質素。同時她開始拍UA-cam記錄治病的心路歷程。
Tiffany三年來病情反覆，2023年年初身體狀況再次有變，因為肺部腫瘤變大，同時有癌細胞進入了脊骨壓著神經，令她雙腳長期麻痺和腰痛，由去年仍能正常步行，到今年開始要以柺杖和輪椅扶助，「尤其是5、6月的時候，真的痛到睡不著，辛苦到流淚。當你每天在家卻做不到想做的事，真的很消磨你的動力。」當時她安排做電療前，已打算去一個友人婚前的旅行，那旅程也成了她盼望，「我一定要去到，所以我不能放棄。」
Tiffany Instagram上打著#27歲後的飛行模式，每年至少去幾次旅行，是她的人生格言，而從這些旅程中獲取的快樂，一直支撐著她，即使幾個月前她腰板也挺不直，體重創了新低，整個人瘦得像皮包骨，皮膚亦因電療而破爛脫皮，「我知道接下來有一個旅程時，即使身體狀況不理想，但也成了個目標，讓我克服到身體狀態。我不會花時間去後悔自己做不到甚麼，而是很感謝以前自己盡量試到很多東西。有些人會說康復後做吧，明天再做吧，但是我的明天可能是更差。」今年2月時她剛做完小手術，但經醫生批准後，她放膽滑了人生第一次雪，她說慶幸掙扎後有做到，因為現在是不可能再滑雪了。
因為避免太舟車勞頓，四仔行程都比較悠閒，都是吃吃逛逛，去咖啡店、逛市集、做水療，在度假村泳池玩玩水，當然都有些團友期待已久的刺激活動，包括Tiffany期待已久的滑翔機。
「我們應該跟嚴重程度來玩滑翔機，先死先走。因為我是離死神最近的，因為天氣不穩定，自私點先上機。」戲言背後帶著一絲無奈，Tiffany病情惡化後一直沒機會玩到念念不忘的Sky Dive，滑翔機少數她能伸身觸摸到雲層的高空活動。
那是個滂沱大雨的清邁清晨，接送我們的導遊都說預計不能起飛了。也許是四友的正能量磁場影響了天氣，在Tiffany起飛前一刻，污雲密佈的天空雲層漸散，裂開一道溫柔的暖陽，我們看著她歡天喜地上了飛機，朝著陽光那處飛去了。
「我終於知道在雲裡穿梭的感覺是怎樣，原來雲是暖的！」
兩年前確診的Niko患病前是典型頂天立地的職業女性和母親，35歲的她當時患上肺癌第四期，「在場所有家人都轉身在哭，我卻是不懂得害怕。其實那時很恐怖，癌細胞上了腦，而且一點點很零散，醫生說不醫治的話只剩下3個月。」Niko說自己幸運在罹患的是有較多標靶藥可試的ALK（陽性非小細胞肺癌），成功穩定控制病情。「別人都看不出我有病，至少我沒有經歷過其他癌友所說的可怕副作用。有些罹肺癌的可能只有兩三年命，我們癌症群組也有些幾個月就離世了，我現在每天只吃一顆藥，除了水腫問題很是困擾，之前淋巴部位會發痛，暫時情況也可以。」
團中最年輕的四仔LamK 23歲確診，他說20多年來身體健康，從未看過醫生，想不到第一次看醫生是因為癌症。「醫生說淋巴癌病病徵是出汗、發燒、皮膚癢，因為我的體溫比較高，所以發燒時也不確定，而且我喜歡用熱水沐浴，平日身體偶爾都會很痕癢，所以不以為意，後來因為頸部腫了很大塊看醫生才確診。」
事事要有計劃和目標，不喜歡浪費一分一秒的LamK，知道自己患癌時竟鬆了一口氣，「我那時候剛畢業工作了大半年左右，仍在調節人生軌道，適應期間卻突然轉了方向，我就覺得很煩惱，因為我不喜歡手忙腳亂，或者所有事情都是委曲順從，我平時一開始就想好未來十步怎樣走。知道患癌我起碼能為之後作打算，是要去醫治，抑或等死。」
總是獨立又理性的他，確診那一天他也異常冷靜。他回到家裡樓下大堂坐下來整理好自己情緒，就開始井然有序安排所有事，包括自己排期看醫生，自己做化療，自己覆診。父母起初都不知道他生病，某次醫院致電家中父親聽了電話，一下子晴天霹靂。LamK為這決定解畫，也是不少病人的心聲，「家人知道後，我就不只是安撫自己的情緒，我還要照顧每一個人，要清晰地交代發生甚麼事，同時盡量不讓他們太擔心。我還要想他們在假裝沒事，我總要有事令他放心。因為無論是好事壞事，他們都會很擔心。」
四仔們都大步檻過，死過翻生，病患改變了他們，以前常掛在口邊的YOLO再不是口號，曾執著的工作、人事、關係都放得更輕了，身體仍帶著癌細胞，但每步路都輕盈自由，拼命地玩樂，拼命地活著真好。
（四仔旅行團下集：若世界在明日結束）
策劃：Phoebe 王秋婷 Sam 梁中勝
拍攝、剪接：林亦
監製：梁中勝
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
癌症病人容易給人很多既定印象，生命在倒數、精神萎靡、無助沉重，大家對他們都充滿同情及無力感。來這Trip前我都抱住這種不安和小心翼翼，在想採訪同時怎樣用一個健康人的身份提供支援。但由認識四仔那刻開始，見識過他們的地獄精神和隨時笑死人的化學作用，就跟他們一起沒有顧忌地「遊戲人間」。
沒有生死禁忌，沒有呼天搶地，也沒有說教式的老生常談，四仔們總說，當你看得越化，越容易把它當成笑話，也會容易點去面對事情。這也成了此趟旅程的基調，上一秒因為一個地獄笑話笑到肚攣，下一秒已在聊化療時副作用有多痛苦、身邊有哪位病友復發或離世了，或是深層次的「靈魂拷問」，談生死，談關係，談人生抉擇，別人覺得沉重的話題，都是他們的日常寫照。「因為沒人知有沒有明天，有沒有下一次，所有的當下就是我們的best timing。」
-----
6日都喺又笑又喊中渡過，但呢個係我最有得著、最feel blessed同難忘的旅程之一。多謝Sam Sam當初搵我做呢隻故仔；多謝同事林亦拍同剪得咁好；多謝每一位四仔畀我哋記錄同參與你哋嘅旅行
多謝mm Phoebe 同林亦
多謝Phoebe林亦阿Sam同我哋一齊癲💓
十分感謝🥹
多謝你地拍攝得好有意思❤
最難得係有咁嘅人又咁啱畀你撈到嚟拍，好嘢
我都係年輕癌症患者，而家康復中，做完治療真係有來回地獄又折返人間嘅感覺。呢個病係好衰格，但同時亦都係一個令我重生嘅機會，人生第二part而家開始，希望各位癌友一齊樂觀面對，無論生命長短，都活得無悔
加油！💪
加油!! 💪💪
一齊頂住！
樂觀面對挑戰！support🫂
打怪獸，加油
Tiffany 知道你離世後，我特意再來以度睇片，在片中我看到你，我不知不覺流淚。。雖然我同你素未謀面，因為你既樂觀同勇敢，不知為何原因令我覺得我同你好像認識好耐的朋友，願你在天國每日都開開心心，永遠遠離痛苦。
剛由這裡得知 Tiffany消息，感觸😢…
睇佢自拍抗癌頻道都好一段時間…多麽
開朗女孩，見佢 添豐富生命 和活著時
感受愛，願安息。我也由 上年3b期 睇
此片到今年擴散 正式入隊4仔。無耐…
但發展 就係咁推進，好多思緒 湧入個
腦喥，準備接受2線藥物，過隧道前抽
睇血報告 最煎熬，不敢悲觀 也沒法太
樂觀，畢竟要 再復發嘅 也可隨時發生
若試哂啲藥無效嘅，就直排末期隊伍..
見有啲人 就算 現階段藥物有效清哂病
瘤或只活多一段仔時間，一年兩年三..
你要加油！🥲❤️
我係九十後，上年確診乳癌，IIB期（同路人會知道係咩意思）。本身個病冇咩嘢，係做化療做到人都癲，每落一針都要好大勇氣，每隔三個星期我一定有連續三四日每日至少兩次肚痾痾到休克，一定有四五日完全冇哂味覺，一定有一個禮拜但凡出門口十分鐘就已經要坐吓抖吓。成個cycle維持咗半年。我比較好彩因為藥物幫助到我。事隔一年，我已經回復正常生活，返工、搵朋友玩、去旅行，頭髮都已經出返哂。我已經唔太記得個病，可能潛意識下唔想記住。想講呢，相比病痛，人生好多嘢其實冇咩咁大不了，大家唔好成日為無聊嘢而唔開心，當你每朝起身發現自己活著，你已經係賺咗。同埋，擁有健康嘅人真係好幸福，係好幸福。
你都要繼續加油啊👍🏻
好感人
我f
有i？丘
有頭髮嘅人係吾會明無頭髮嘅人嘅痛苦
我都係乳癌康復者，見到呢個旅行團，真係每個人都好正能量，令我覺得好感動🥺
加油！笑住面對一切！
💪🏻
💪🏻💪🏻🙏🏻🙏🏻💕❤️💕❤️
14年，面對突然確診4期肺癌的大哥，除左用盡自己所有假期陪佢以外，我唔識得可以點樣安慰佢，9個月後他離開了。
16年姐姐確診了3期乳癌，我也只懂陪伴她走過一年的醫治，不懂得如何安慰。
17年自己也確診了3期乳癌，我終於知道這個看似窮兇極惡嘅病，原來並唔係咁可怕。我在一年嘅病中竟然經過左大半世人都未試過嘅最輕鬆，係真真實實嘅成個人都感覺好輕鬆，病後藉著基督信仰，我整個人性格完完全全被改變過來，就如病時，每天都是開開心的。
❤ 癌病送俾我嘅禮物 ❤
如果你唔識珍惜生命嘅寬度，咁就算俾你有足夠嘅長度又有咩用 ！❤
平常很少留言 但被你們的故事感動
感謝你們教會我一課 !
突然覺得平時自己遇到的問題都不是問題
感謝 & all the best
❤❤
多謝Torres! 希望所有人都笑住過每一天！
❤❤
❤💕❤️💕💪🏻💪🏻💪🏻💪🏻
好出色嘅題材，生死課題係大多數人嘅禁忌，可以做到咁輕鬆而又表達到癌症病人嘅無奈，睇到我又喊又笑。係近期MM最成功嘅片，Phoebe好嘢！！❤
希望團友們早日康復
講真，癌症我醫生話，除咗生冷食物，咩都食得，所以其實真係唔使太在意😂（我係淋巴癌康復者，其他癌友例如胃癌唔清楚）反而我屋企人會上網查一堆嘢「尼唔食得！個個唔食得！呢個食得啊？」，食物有好多種，然後佢哋會自己開始吵架，各自都覺得對方係錯😅
啊！仲有！化療期間真係作嘔作悶，比較起諗有咩唔食得，不如諗點樣先可以食嘢！！！個個簡直就好似厭食症咁，你係食唔到嘢，反而咩營養都無吸收，人生最重要係食同睡！食同睡！！！
不過睇到佢哋去旅行真係好，當初醫病真係長期都訓係病床上面，會心諗「我明明有錢，但係只可以訓係度，有好多嘢都未試過，儲錢有咩用」，但醫完病又發現我係為左生活，所以想要儲錢，打回原點😂意思係我得20+歲，雖然有20%復發率，但尼個係為將來打算嫁選擇。但因為有尼個經歷，我選擇折中，開始嘗試自己之前唔敢嘗試嫁新事物，其實咩生活方式都好，只要選擇你唔會好後悔嫁路就OK🎉
👍
恭喜你打咗場靚仗 祝福你之後每一日都過得快樂健康;)
🫂
💪🏻
我都係癌症康復者，參加完6化33電既地獄旅程，仲繼續適應緊同d副作用共存，手腳麻痹，吞嚥困難，出去食野會比人望實晒，亦試過坐地鐵比大叔話我咁後生都唔讓座，自己都驚左出街同埋對人。。。睇完呢個片真係好感動亦好有共鳴，希望大家每一位戰士都能夠浴火重生，身心靈都要健康！！
祈望早日有根治癌症既藥物，而且是任何一個人都能負擔得起的價錢。
祝福每位在奮戰中的朋友都能夠心中有平安，繼續做自己想做既事，吃想吃的，每天充實滿足。
其實，大家有冇想過，依家咁多人有呢個病，系咪同吃D嘢有好大關係呢？大家留意下出面吃D野，冇乜係健康。同埋超市賣D野，九成有害身體嘅。
@BItcoinJJ 最近的許多研究表明，這與遺傳基因無關。這一切都與食物、生活方式和我們的精神（思想）有關。
你哋好用心做好有意思嘅故仔，亦都好有才華，我哋香港好需要你呀，請繼續加油，我哋每一個人都覺得啲video好療癒，亦都提升咗我哋嘅視野!
多謝你，會繼續努力
我都係四仔，今年一月查出後，當日就戒煙戒糖，16次大小化療，連續35日放療。8月前完成治療，依家係修養期，味覺仲未返嚟，食乜都唔知味，唯有靠記憶😊。依然未有口水分泌，等待恢復。年紀唔細，退休在即，生死有命，冇嘢好擔心，反而家人比我更加緊張，視頻內容提到家人朋友都好避忌提起癌症cancer呢個詞😅，其實我已經冇放喺心上，自己經營餐飲業，鋪頭都係自己物業，所以已經無怨無悔無憾，一切隨其自然，有得食就食，有得玩就要開始計劃了。珍惜眼前人，感恩每一刻每一秒，祝願人人都身體健康，世界和平❤
🫂
懂得放下就好
這一集拍得很好很真實，故事引人落淚又淚中帶笑，這片集不單是同病相憐者互訴病歷心聲的片集話題，更帶給照顧癌症病患者身邊的每一個人或家庭成員，能將正能量帶給病患者，不要自暴自棄，積極面對好好享受人生余下的日子。人話世上，終須一死。每個人最終都要接受不同的方式離開這個世界,…. 正常人也好，病患者也好，能活著就要豁出去，好好享受每一天。很多謝Phoebe 同MM團隊，將一些令人避忌觸及生死的題材用這拍攝方式表達出來，令人對生與死有所反思🙇🏻♂️🙇🏻♂️🙇🏻♂️
我媽媽係腦癌，係我小學果時走咗
跟住爸爸發現有大腸癌，聽日睇醫生，岩岩又睇到條呢片，真係好touching
希望大家都要加油，盡情enjoy life～
加油❤
Helen 你除咗景觀爸爸，都要照顧下自己呀🫂🙏🏻
人生在世其實應該有幾多年壽命才是正確？
真係無人能預知，所以
能把握生命裡的時間去完成自己願望及理想，就已無遺憾，生命長或短根本唔重要，活得開心同有意義才最重要，
這是們讓我深深領悟到的，謝謝你們慷慨分享👍😂
我哥哥走嘅時候才37歲，抗癌7年，好了又復發，不停輪迴出現，最終都走了…. 明白這段抗癌路不好走，除了自己，身邊的家人也很難受。很開心見到依幾年網絡上多了自組的癌症病人支援… 大家互相支持，做自己想做的事。祝生活愉快，安康。
好感動，各位笑看人生，活在當下的感覺自慚不如，主持人Phoebe 的訪問和內容很精彩，期待下集4仔，加油
多謝mill milk 和四仔團的勇氣向大眾分享你們的故事和經歷 ❤️
呢個系列真係好有意義，又想提醒番我要活在當下，永遠唔知下一秒係會發生咩事，但心態係最重要❤
多謝4仔旅行團同MM分享佢地嘅旅行💕
多謝你哋拍呢條片，好受感動同鼓勵。多謝團友的分享，好感受到你哋嘅能量啊，希望大家都chill爆人生，開心落去❤️❤️❤️
多謝你支持！正能量太重要。
多謝你❤最後果句最重要！
我都係cancer 都係因為睇Tiffany令到我將個病睇淡咗😂多謝你 希望你地繼續放眼世界🌎
💓💓
我上年確診你哋片內講嘅卵巢癌4期，醫生初初計畫做完化療就做手術，切晒子宮卵巢，但係有部份腫瘤唔乖，生咗喺重要器官附近，所以做唔到手術，宜家每個月打標靶藥做治療。我做化療睇到Tiffany 嘅UA-cam ，覺得好似有個同路人話比我知患癌並唔可怕，只係比其他人早D知道世事無常，想做嘅事要趁早做，無人知道下一秒仲有無機會做。
咁多個團友都笑看人生，攪到我都想Join四仔旅行團😆😆大家加油，我哋值得擁有更多❤
加油啊你都
我身邊最愛嘅人都suffer 過cancer, 好明嗰種痛及難過😫⋯⋯難得你哋咁樂觀面對！加油希望你哋身體繼續健康🙏💪💪💪
🫂
四仔團bravo👏🏻👏🏻🫶🏻🫶🏻MM 好嘢👍🏼冇見過冇想過咁犀利豁出去，XO百無禁忌，黑色幽默令我又笑又流眼淚，佩服到五體投地‼️‼️
身為一個癌症病人，完全明白受訪者們的經歷及感受。願康復的保持健康；治療中的保持開朗的心態面對治療。
😢😢好感動，願世界波有戰爭，沒有病痛，你地加油一定會康復❤
我都係90後乳癌後患者，不過好好彩我係初期，而家係醫院做緊化療治療緊，同路人大家加油❤
好開心看呢條片
比大家感動 自己面對
2年照左正電子掃描
患左色素腫即時右眼開刀
現在右眼帶義眼 諗住Ok
肺部右有4粒腫瘤 開始面對藥物副作用 雖然辛苦
我身體家人和朋叫我打不死
感恩活到2年 大家加油
地獄旅團也教曉我們keep住隨心自在樂觀，這態度等同置身樂土🎉😊。若身體健康而不快樂也等同活在地獄。感謝分享😊
笑住面對！
心態的確最重要🫶🏻
我都係三十幾就生惡性淋巴癌，前年大手術加6次化療休息左1年，媽媽上個月又肺癌四期過身，身體健康最重要，想做就做，唔好屈住自己，生命好脆弱，珍惜時光，及時行樂，多謝MM制作咁有意義嘅一集！
睇到喊，好明白你們的感受，令我又想起6次化療加33次電療，由130磅跌到八十幾磅，要每十五分鐘先飲到一啖營養奶，你們也要加油
你也要加油🫂
營養奶嘅共鳴😭
加油呀！
You too!!❤
睇完這段片，令我重新對死亡有種新睇法，原來可以笑住死，不是終日眉頭深鎖，
你們每一個給了大家正能量，原來可以甘架！用你們的睇法，面對、接受、好好享受餘生，去令同樣受重病的人得已釋懷，可以笑，可以喊，好有意思，感染身邊的人，笑住面對，多謝你們大家，顧主的愛臨到大家的心裡，平安，喜樂
Phoebe 加油 ！
你每段片都很感動我
我表姐今年8月肺癌病逝，生前癌細胞入骨，骨痛令佢無法入眠，還痛到叫
Tiffany真係好勁，癌細胞入咗骨，還去到旅行，活在當下，令自己無悔
你哋全部都好叻，好勇敢，多謝你哋嘅分享~
我都係淋巴癌康復者， 做埋自身骨髓移植，睇完都好感觸， 睇到佢哋嘅坦然面對， 感同身受， 忍唔住都喊咗好多次
好感動呀！祝福4仔團每一位活出彩虹❤❤🙏🙏🙏
我都係30出頭
岩岩確診左4期 真係好迷茫
黎緊先開始落藥同化療
睇完你地咁樂觀 真係滿滿正能量
因為tiffany既channel都了解左好多 治療過程
所以以先唔再沉落去
多謝你地既分享
各位4仔要加油阿❤
加油❤祝福你早日康復！！😊
Add oil❤
呢集真係好正👍🏻👍🏻👍🏻👍🏻Good job! Well done❤
MM所拍嘅節目全部都好有質素，你地要加油呀
多謝支持，一齊加油！
謝謝分享，為生命勇士鼓掌，活在當下，加油！💕💕💕👏👏👏
好勵志，好touching ！！特別下集，I am so moved
你哋好叻、睇到你哋真係好感動，好活在當下、加油💪🏻💪🏻
你哋好勁，個個都好叻
多謝你哋好真誠咁分享你哋嘅經歷，實在難以想像
呢個topic非常好！祝福片中所有人，mill milk都加油！
質數高。題才新鮮，真實😀😀。個一路睇一路令我揪心
此一集有重大意義,充滿正能量。希望繼續有這類题材的節目。
多謝MM用心製作呢一集
睇到好感動
祝福各位繼續加油🙏🏻❤️
睇完好正能量 你地都要加油！亦感謝MM再次做到D咁好題材既影片 支持你地！
呢個trip嘅片，令我流淚幾次，亦都思考多左唔同人生難題
多謝你哋拍呢條片故事和經歷,Tiffany 開朗女孩,知道你離世後,一路好走🙏🙏🙏
非常好睇嘅一條片👍🏼👍🏼👍🏼👍🏼👍🏼
多謝所有提供正能量嘅你哋：四仔成員及制作團隊👍🏻
各位四仔勇士加油💪🏽💪🏽💪🏽
多謝mm 用心製作❤
👍🏻❤️❤️❤️正面去面對生命，謝謝你們的分享！活在當下！👍🏻
多謝四仔旅行團，讓我上了寶貴的生命課； 無論風雨，每刻都要開心活在當下。❤
感謝拍攝如此高質的影片🙏🏻
祝福你們每一位主角和拍攝團隊❤️
你們的分享將會啟發很多人- 非常有福報❤️
人生無常，希望大家都能活在當下，盡量開心面對每一天，Tiffany 加油，雖然不認識你，但你的堅強令我很感動，我會繼續為你祈禱。
好感動，四仔旅行團團友加油，感謝MM
看到了一群充滿正能量的年青人，很感動! 加油！❤❤🎉 活出彩虹🌈
多謝M M及四仔團拍此片發放正能量，讓同路人及照顧者舒緩壓力，學習與癌共存
欣賞你們，活在當下，祝福每一位都身體健康🍀
Thank you for this video, it is very inspiring
偶然睇到條片非常感動,你們的勇氣及心態去面對病魔,希望大家努力戰勝病魔,我希望能一直睇到你地每位康復為止,努力加油.
笑中有淚，呢集系最真實最好睇
多謝你們帶出正能量，真的不易！
希望你們開心過每一天🥰
E 個 topic 好好, 拍得好好
呢集高質！
很正面的分享， 加油
有正能量，👍🏻👍🏻。support all the time, think positive! 努力努！
有一起樂觀迎接一切的同道朋友很幸福！支持你地，再去多點地方玩 ~❤
珍惜開心嘅時候，人生活著，每個人開始和結局都一樣。
好睇，好感動，有意思的一集
多謝你！
好正! 期待下集 ! 大家加油 !
感謝MM拍呢輯影片！令大家都知道Tiffany是如何樂觀面對佢既病🙏🏻
希望各位身體健康！百病不侵！
他們很了不起，祝願他們過自己開心的生活！天主保佑！
對各位可以咁正面面對，非常感動！加油，一定可以戰勝！
超級鍾意今集運鏡同配樂，好似睇緊《happy together》一樣
又一笑中有淚既特輯
歸功我哋出色嘅剪拍同事🫶🏻
👍🏻Phoebe每個專題都帶住對受訪者感同身受地去做，所以每次都會好好睇，有好深嘅touching❤
多謝你呀
有將拍嘅對象同睇片嘅人connect到就好了🫶🏻
叔叔最近骨癌過咗身，深深感受到人的化學，要好好珍惜每一天及身邊人。好多野都唔係必然…………..😢❤亦都有好多人唔知自己有幾幸福，唔識得去幫助人🥹🥹🥹😤😤😤😤😤😤⋯⋯
這集拍得好好, 珍惜時間 同 生活
多謝你！記得留意聽晚下集。
上咗寶貴一課！多謝！
這是我最愛的一集。給了我很多，感恩！謝謝你們每一位❤❤❤
都係廿中生cancer，當時身邊冇乜親戚可以依靠，又唔敢煩朋友，好多時自己出入，諗返都好sad😂個病令我身體好多疤痕同埋唔知個計時炸彈會再出現，不過佢令我更重視飲食同運動。所以奉勸大家好好注意健康 don’t take it for granted! :)
點解癌友可以做到大聲笑，細聲喊！真係戰士呀！隔住個屏都充哂啲能量出黎呀！
比一啖呑20，30粒藥既Tiffany既笑容冧到！
睇左都要講返聲睇左，你哋都企得出嚟，我打下字無理由懶！
祝福你們平安，你們是最捧的勇士😘😘😘
好感動，因為距離死亡近反而更珍惜活在當下，提醒自己唔好過份憂慮，好好enjoy 每一天
你哋好勁呀！💪💪💪
多謝你地，好有共鳴，好感動，祝身體健康
各位加油，身體健康💪🏻
感謝你們的分享，你們的正能量，願您們繼續以生命燃亮別人的生命
A meaningful trip for all and MM recorded their gladdest moments...
hi見到4仔旅行團，我都要出發去下旅行(利申我是胰臟癌4仔)😊
謝謝你們對生命的熱愛同真誠。MM，喜歡你們每次預計不到的主題。
感激你們的分享,你們加油！！！❤
睇到我不斷流眼淚...
好多謝一班團隊每集的努力！非常感謝！希望世界不要再有癌症
籍著呢段片 希望幫助些同路人活在當下
有睇開Tiffany channel！多謝MM 紀錄佢地咁精彩嘅旅行❤
😘