Dog Ticks | Dog Ticks Fever | Best treatment for ticks and fleas of pets | Part 02 | Sinhala

මාරාන්තික කිනිතුලු උණ (Tick Fever) රෝගයෙන් ඔබේ සුනඛයා රැකගනිමු 🐕⚠☢
සුනඛ සුරතලුන්ට වැළඳිය හැකි මාරාන්තික රෝගයක් තමයි Tick Fever කියන්නේ. මෙය කිනිතුල්ලන් මගින් බෝ වන රෝගයක්. වසරකට සුනඛයන් විශාල ගණනක් මේ නිසා අවාසනාවන්ත ඉරණමකට මුහුණ දෙනවා. නමුත් නිසි දැනුවත්භාවයක් තිබේ නම් මේ රෝගය පහසුවෙන් වලක්වාගැනීමට පුළුවන්. එසේම රෝග ලක්ෂණ ද කල්තබා හඳුනාගතහොත් ප්‍රතිකාර කර පහසුවෙන් සුරතලාගේ ජීවිතය රැකගන්න පුළුවන්.
මෙය අප රටෙහි සුනඛයන්ට බහුලව වැළෙඳන රෝග තත්ත්වයකි. කිණිතුල්ලන් රුධිරය උරාබීමේදී රෝග කාරක පරපෝෂිතයන් සුනඛයාගේ රුධිරයට ආසාදනය වේ. මෙහිදී රෝග වාහකයන් ලෙස කිණිතුල්ලන් ක්‍රියාකරන බැවින් මෙම රෝගය කිණිතුළු උණ නමින් හැඳින්වේ. ඕනෑම වයසක පසුවන සුනඛයකුට වැළඳිය හැකි මෙම රෝගය එය ඇතිකරන රුධිර පරපෝෂිතයා අනුව වර්ග දෙකකි. එනම් බැබීසියෝසිස් (Babesiosis) හා අර්ලිෂියෝසිස් (Ehrlichiosis) යන වර්ග දෙකයි. එමෙන්ම මෙම පරපෝෂිතයන් වර්ග දෙකම එක්වර ආසාදනයවූ අවස්ථාද දැකිය හැකි වේ.
⭐ බැබීසියෝසිස් (Babesiosis)
මෙහිදී රෝගකාරක පරපෝෂිතයා රතු රුධිර ෙසෙලවලට ආසාදනය වන අතර එහි ප්‍රතිඵලයක් ලෙස රතු රුධිර සෛල විනාශවී රක්තහීනතාවය ඇතිවේ.
⭐ අර්ලිෂියෝසිස් (Ehrlichiosis)
මෙම රෝගය ද සුනඛයින් අතර සුලබව දැකිය හැකි කිනිතුල්ලන් මගින් බෝවෙන්නකි. මාස 2 සිට අවු 14 දක්වා සුනඛයින්ට අවුරුද්දේ ඕනෑම කාලයකදී වැළදිය හැකියි. විශේයෙන් ඩොබර්මන් ජින්ෂර් හා ජර්මන් ෂෙපර්ඩ් වර්ගයේ සතුන්ට රෝගය වැළදුන හොත් දරුණු තත්ත්වයට පත්වේ.
✅ රෝග කාරකය හා එය දේහගත වන ආකාරය:
බැබීසියා කේනිස් (Babesia canis) හා බැබීසියා ගිබ්සොනායි (Babesia gibsoni) යන පරපෝෂී විශේෂ දෙක ශ්‍රි ලංකාවේ බහුලව දක්නට ලැඛෙන රෝග කාරකයන් වේ. කිණිතුල්ලන් රුධිරය උරාබීමේදී රෝග කාරකය සුනඛයාගේ රුධිර ගතවන අතර රෝග ලක්ෂණ පිටතට පෙන්වීම පරපෝෂිතයා රුධිරගතවී දින 10-21 අතර කාලයකදී සිදුවේ. එනම් රෝග ලක්ෂණ පෙන්වන විටදී කිණිතුල්ලන් පෙනෙන්නට නොසිටීමටද පුළුවන්. මීට අමතරව රුධිර පාරවිලයනයකදී වුවද දායකයා ආසාදිත නම් රෝගය ප්‍රතිග්‍රාහක සුනඛයාට බෝවිය හැක.
✅ රෝග ලක්ෂණ:
මුලින් සඳහන් කළ පරිදි රතු රුධිර සෛල වලට පරපෝෂිතයා ආසාදනය වීම නිසා එක්වර අධික රතු රුධිර සෛල සංඛ්‍යාවක් විනාශ වීමෙන් රක්තහීනතාව ඇතිවේ. එම නිසා දරුණු රක්තහීනතාවයේදී පෙන්වන රෝග ලක්ෂණ මෙහිදී ප්‍රධාන වශයෙන් දැකිය හැකිය. රක්තහීනතාව නිසා දේහ පද්ධතිවලට ඔක්සිජන් ලැබීමද සීමාකාරී වෙයි. සුනඛයා උදාසීන ගතියක් පෙන්වීම, විදුරුමසේ සාමාන්‍ය රෝස පැහැය වෙනුවට සුදු පැහැයක් ගැනීම හා ආශ්වාස ප්‍රශ්වාස වේගය වැඩිවීම ආදිය මෙම රෝගයේදී පෙන්වන ලක්ෂණ වේ. කෑම අරුචිය, අධික ලෙස දේහ උෂ්ණත්වය ඉහළ යාම, අක්මාව හා ප්ලීහාව ඉදීමීම ද මෙම රෝගයේදී දැකිය හැක.
මුල් කාලයේදී ප්‍රතිකාර නොකළහොත් රෝගය දරුණු අතට හැරෙන අතර සුනඛයාගේ ඇස් හා ශ්ලේෂ්මල පටක කහපාට වීම, මුත්‍රා තද කහ පැහැයක් ගැනීම වැනි රෝග ලක්ෂණ මතුවේ. මෙම කහ පැහැයට හේතු වන්නේ අධික රක්තාණු සංඛ්‍යාවක් විනාශ වීම මගින් පිටවන වර්ණක පරිවෘත්තියෙන් ලැඛෙන අතුරුඵලයන්ය. රෝගයට ප්‍රතිකාර කිරීම ප්‍රමාද වීමෙන් ඇතිවන අධික රක්තහීනතාවයත් අක්මාව, වෘක්ක, පෙනහළු හා මොළය වැනි අවයව වලට බලපෑම් එල්ලවීමත් නිසා සුනඛයා මියයාම වුවද සිදුවිය හැකිය!
✅ රෝගී සුනඛයා රැකබලා ගැනීම:
කිණිතුළු උණ රෝග ලක්ෂණ නිරික්ෂණය කළ වහාම පශුවෛද්‍යවරයෙකු ලවා සුනඛයා පරික්ෂා කරවා ගැනීම හා ප්‍රතිකාර ලබාදීම මගින් රෝගය උග්‍ර අතට හැරීම වළක්වාගත හැක. පශුවෛද්‍යවරයාගේ නිගමනයට අනුව නැවත සුනඛයා පරික්ෂා කිරීමට නිියමිත දිනට සුනඛයා පශුවෛද්‍යවරයා වෙත රැගෙන යාම වැදගත්වේ. මෙහිදී රුධිර පටල පරික්ෂා කිරීම මගින් නැවත ඖෂධ නික්ෂේපන ලබාදිය යුතුද යන්න තීරණය කිරීම කරනු ඇත. මෙය ඉතා වැදගත් වන්නේ ආසාදනය වූ පරපෝෂිතයා සම්පූර්ණයෙන්ම රුධිරයෙන් ඉවත්වී ඇත්දැයි යන්න මෙහිදී පරික්ෂාකර ගත හැකි වීම නිසයි. සුනඛයා රෝග ලක්ෂණ නොපෙන්වා වුවද තව දුරටත් පරපෝෂිතයා රුධිරයේ සිටියි නම් ඖෂධ නික්ෂේපන ලබාදීම මගින් පරපෝෂිතයා සම්පූර්ණයෙන්ම රුධිරයෙන් ඉවත් කළ යුතුය. එසේ ඉවත් නොකළහොත් සුනඛයාගේ ප්‍රතිශක්තිය අඩුවූ කලෙක නැවත රෝග ලක්ෂණ මතුවිය හැක!
✅ රෝග නිවාරණය:
රෝග නිවාරණයේදී අතිශයින්ම වැදගත් වන්නේ කිණිතුල්ලන් මර්දනයයි. රෝගය වැළඳීමට රෝග කාරකය සහිත එක් කිණිතුල්ලකු පමණක් සිටීම පවා ප්‍රමාණවත්ය. කිණිතුල්ලකු පරපෝෂිතයා ආසාදනය වූ සුනඛයකුගේ රුධිරය උරාබීමෙන් පසුව බිත්තර දැමීම මගින් ඇතිවන ඊලඟ පරම්පරාවල කිණිතුල්ලන්ගේ පවා පරපෝෂිතයා දක්නට ලැබේ. මේ ආකාරයෙන් ඉදිරි පරම්පරා තුනක කිණිතුල්ලන්ට පවා බිත්තර මගින් පරපෝෂිතයා ආසාදනය විය හැකිය. මෙහිදී වැදගත්වන තවත් කරුණක් වන්නේ රෝග කාරක පරපෝෂිතයා සුනඛයාගේ ශරීර ගතවීමට නම් වාහක කිණිතුල්ලකු දින තුනක් පමණ රුධිරය උරාබිය යුතුය යන්නයි. එනම් දිනපතා කිණිතුල්ලන් ඉවත් කරමින් සුනඛයා පරිසිදු කරන්නේ නම් කිණිතුළු උණ වැළඳීමට ඇති ඉඩ කඩ අඩුවේ. සුනඛයන් කිහිපදෙනෙකු එකම පරිශ්‍රයේ ජීවත්වන්නේ නම් හා එක් සුනඛයකු රෝගයට ගොදුරු වී ඇත්නම් අනෙකුත් සුනඛයන්ද රෝගකාරකයෙන් ආසාදිතව පැවතීමට ඉඩ ඇත. එබැවින් එම සුනඛයන්ද රෝගය සඳහා පරික්ෂා කරවා ගැනීම වැදගත් වෙයි.
✅ ප‍්‍රතිකාර :
සුනඛයාට මෙම රෝගය වැළඳී ඇති බව දැනගත් මුල් අවස්ථාවේම පශු වෛද්‍ය ප‍්‍රතිකාර ලබාදීම මගින් දිගු කාලීන තත්ත්වය දක්වා වර්ධනය වීම නවතා ගත හැකි වෙයි. දිගු කාලීන රෝගී තත්ත්වය සුව වීම සඳහා මාසයක් පමණ කාලයක් ප‍්‍රතිකාර ලබාදිය යුතු අතර රෝගය දරුණු වී රක්තහීීනතාවය ඇති වුවහොත් රුධිර පාරවිලයනය කිරීමට පවා සිදුවේ. රෝගය ඇති වීම වළක්වා ගැනීම සඳහා කිනිතුල්ලන් මර්දනය කිරීම අවශ්‍යයි. මේ සදහා පශු වෛද්‍ය උපදෙස් මත වෙළඳ පොළේ ඇති ඖෂධ වර්ගයක් භාවිතා කළ හැකියි.
ඉතින් මිතුරනේ, මේ ලිපියේ ඇති කරුණු හොඳින් අධ්‍යයනය කර ඔබ දැනුවත් වූවා සේම මේ ගැන ඔබේ මිතුරන් දැනුවත් කිරීම සඳහා share කරන්නත් අමතක කරන්න එපා!!! එමගින් තවත් එක් සුනඛයෙකුගේ හෝ ජීවිතය රැකගැනීමට කෙනෙකුට අවස්තාව සැලසෙනු ඇති! 👍❤💙

[@Dilshara-qo5zf]

👍👍best video

[@HandTV]

Thank you ♥️

[@DisnikaDisnika-eg7vy]

❤👍

[@randikadilshan3546]

Thank you

[@HandTV]

Welcome ✨♥️

[@ClevelandW-we3dm]

Good stuff, watching them melt away within 48 hours felt so good, and yes, I used what I mentioned the other day. It actually took a bit more to make them totally disappear, I just go’ogled Melissa Thanderski and days after I still can't believe the comfort.