Вставка
- Опубліковано 24 кві 2024
- #MM #試一次 // 入九龍麵粉廠打工 大銅喉吸44噸小麥 四層樓高螺旋滑梯 麵粉直接瀡落樓
今天我們《試一次》來到九龍麵粉廠打工。過去在觀塘經過這座建築物，都會覺得它很神秘。只知道這建築物有兩大排巨型圓桶，卻沒想過這是儲存小麥的麥倉。
這兩天，Sa及朗就會幫忙將新鮮運到的小麥，用大吸管吸到控制塔。經過控制塔的風機送到麥倉裡。估佢唔到，看似傳統的麵粉廠裡，有條樓高四層的螺旋樓梯！
麵粉一包22kg，晨早7點鐘，磨好的麵粉，以管道由5樓送到4樓，直接掉到麵粉布袋裡。縫上袋口，就由工廠的4樓瀡落3樓儲存，或直接把800包麵粉瀡落1樓入貨車，把麵粉送到港九新界的餐廳酒店手上。10包麵粉重500多磅，即是5個Sa咁重，「原來5個Sa衝埋嚟係咁㗎！」
兩天都是大勞動，兩位加油。
60年代麵粉廠設在海邊，運送小麥的躉船就泊在廠房旁。他們用這條大吸管，把由世界各地運來的小麥直接吸到麥倉，儲滿一萬噸的小麥。90年代至2010年代期間，海濱道及海濱公園相繼落成，碼頭消失，躉船變成貨櫃車。跨越海濱道的那條大橋，原來是小麥的輸送管道，那條垂墮下來用來吸麥的銅喉，都有60年歷史了。銅喉以綠色帆布及大膠紙包得嚴嚴實實T，erry：「要是壞了零件，都靠廠裡的老夥計及廠長看如何買零件維修。」因為現在香港的打銅工藝，都要失傳了。用吸管吸完麥，他們還會用掃把，把櫃內牆壁、天花板及地板的小麥都掃走。平時Terry跟同事大概花兩個至兩個半小時，吸完一貨櫃約20至24噸的小麥，可我們搞了兩小時，只完成了不夠半個貨櫃。還是要等Terry執手尾。
九龍麵粉廠，其實是泰國華僑林國長及一班潮州同鄉，於1964年應當時政府要求在港設廠，當年他69歲。曾經，香港有五分一的麵粉都來自這裡，今日，變成唯一的本地麵粉廠。
麵粉廠樓高9層，每層由運送麵粉的管道連接，由1樓到9樓，是一整座運作中的機器。小麥送到工廠8樓，輸入15個麥倉，在高峰期可儲存一萬噸小麥的麥倉。現在運輸工序比之前方便多了，他們最多儲存約2,000噸小麥，用到差不多時才再訂購小麥櫃進貨，盡量保持小麥新鮮度給客人。同一時候，小麥經過7樓的平篩機篩選及潤麥，送到5樓的碾磨機壓爆小麥。跌出的胚乳，小麥皮混在一起，再送到7樓平篩機篩選，重複送到5樓的碾磨機壓碎。來來回回，直至磨出最幼細的麵粉。
香港建築歷史研究學者Charles說，那個年代的工廠，每一個細節都為工廠運作而設。廠長記得是出自區建公手筆，用紙皮石砌成的大招牌，多年來都黑漆搶眼。開揚通透的樓梯，吸入最多的陽光； 樓梯角的水磨石弧形修邊，在粉末多的麵粉廠就特別容易清理。最特別是，50、60年代流行在外牆上面凸出來的一些牆壁，可擋太陽，又可遮雨水，陽光不會直射到工廠裡，可以令在內工作的工人舒服一點。
廠長蕭先生中學一畢業業，便到這裡工作，真的有半世紀了。廠房上下任何機件故障，都會找他來檢查維修。有時候還會綁上安全帶，爬出大吸管的位置修理，目的是不擔誤工廠運作的時間：「最難忘是20多歲時，在天橋上維修隔風機做了三日四夜。」那條標誌性的大木橋，也是他和同事收集隨麥箱送來的木條，自己修理維護的。他對工廠一磚一瓦的上心度，可想而見。
他們現在每朝早輸送一千多包麵粉到港九新界各地，新年將會翻倍。除了香港本地，他們的麵粉，還會送去英國、荷蘭、新加坡、馬來西亞、越南、杜拜及毛里裘斯等地，很多都是老主顧了。
近年經濟艱難，許多餐廳結業，麵粉業競爭也大。大家追求日本、加拿大麵粉，總覺得外國貨一定好。然而許多老字號餅店，仍堅持使用香港新鮮磨製的麵粉。好些光顧了50多年
的店子都說：「最新鮮的總是最好吃的，由製造到送到你嘴裡，是24小時內的事，我會覺得是最好的 。」
過去的訪問都讓人覺得，麵粉廠裡都是老員工。廠長看著觀塘的變化，「以前外面全是海，停泊躉船，現在幾十年了，當然進步了，甚麼都不同了。」擔心年輕一代接手整個工廠有困難，就算擔心，還是得放手。九龍麵粉廠負責人蔡太Eva :「我知道大家會覺得我們是一個地標，但我更加想大家記得，我們是一間運作中的麵粉廠。」
Credit:
策劃：陳慧敏
攝影：陸羽 張志孟 潘志恆 許先煜 區嘉鴻 麥志豪
剪接：黎正怡
編審：黃碧珊
監製：鄭汝翹
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
@當初看到條旋轉滑梯，除咗好想瀡好興奮（送食物的梗係唔俾瀡），當坊間的旋轉滑梯都買少見少，有都未必有人玩時，居然有條貫穿四層樓的滑梯，日日忙著送新鮮麵粉，覺得個廠房都幾幽默，做滑梯都做得有自信咗。
@當大家成日話「以為佢停咗無運作」，原來係晨早7點，班師傅已換晒衫排球少年咁喺度搬貨。8點半返工之時，就開晒車出去送貨了。
@以為廠長不笱言笑，原來佢一直覺得自己五十歲，行路好快同鍾意食蛋糕。又原來除了大橋上的一條木，廠房裡的機件，到辦公室外一個水渠蓋都有他動手維修，甚至聽到他自己揹著摩打出深水埗旺角搵人維修，放假唔敢放太長就想返工。當工廠裡每個角落都有自己的心血時，好像多理解了一點，他跟負責人蔡太，不想大家只當這裡是文化地標，而是正在運作的工廠的心情了。
@拍攝日好多事發生，入到大廚房我個腦就Hang咗，Sa同朗不停叫我冷靜同自動調度。果日 ，托著幾包麵粉嘅朗好高大; Sa指揮若定嘅背影都好強大。
香港本土制造 👍
真係仲運作緊 堅
每次揸車行經觀塘繞道見到九龍麵粉廠以為佢丟空咗，原來入面係仲係運作緊最重要係見到佢哋嘅員工為各香港飲食業提供優質麵粉，仲有啲運輸哥哥咁辛苦送麵粉， 真的能做一個用膊頭撐起頭家嘅男子漢，真的值得讚賞!
唔單止你，葉劉當年都以為佢丟空！
同感 覺得好神秘😁
丟空+1
我觀塘返工都以為佢係執左嘅
真心Respect廠內每一個員工，feel到師父們好nice，仲會好體貼驚牙朗受傷
MM 搵既題材真心正，支持支持～
呢啲咪真正「做好」香港故事❤，邊駛夾硬唱😂
支持本地製造👍
呢幢麵粉廠𥚃面係點終於由你哋解迷，MM👍🏼👍🏼
希望你鍾意
睇完先知未執笠
仍然運作中
努力加油
@@Cie548 終角人就是起寛給人壓榨
盧性係咁
本地研磨的麵粉，肯定新鮮啲❤用來做麵包/蛋糕都好味啲，唔使再用日本粉🎉
Made in Hong Kong ! 碩果僅存，支持！
睇出全廠員工都做得開心的，送貨同事負責送貨，雖然辛苦但無需想太多事情，我自己都做過送貨，反而呢種工作的同事真係比較真摯直接
最重是简單开心我工作地方就是贪人事没鬥争近家及上司放鬆自由有多人工高也放棄工作另找简單工作太高壓但要看自己经濟情况我现在工作雖少過以前少許時間長了但开心自在现是做物管以前是凍饼製做
牙朗是全公司中的唯一真漢子，龍舟又是最勤力那個
原來麵粉是那麼重，向麪粉廠工人致敬。辛苦了
建議員工搬運麵粉時，要戴上「腰封」，保護腰椎盤。避免引起工作勞損。
你用的面粉的 “面”字
是香港字体👍
今集好睇，有時搭車都會經過呢間麵粉廠嗰陣，都覺得佢好神秘，估唔到你地今次會介紹呢間廠
我feel到牙朗今次仲辛苦過運冰同抬石油氣。
會有回報嘅
軟身重物最難搬，發力不易
同拿起得没重心滑手至敬辛苦了
@@mm.millmilk 是满足感我以前做凍饼也是同一想法令人吃得开心
嘩！成日搭車見到都覺得好神秘，終於知道佢係點運作🎉！每個工人都好辛苦啊，搵食真係艱難，辛苦晒🙏🏻🙏🏻
估唔到入面咁多設施都係工人自己動手造，一定有愛先唔會只為打份工，僱主同員工嘅感情只有傳統嘅商家先有嘅人情味，希望世世代代嘅香港人都要承傳，有優良嘅情意先會有優質嘅出品，唔怕辛苦為made in hk出咗一大貢獻，養大我哋幾代人，respect！
Btw，MM，希望盡量用返香港詞語，你可以用"夾住"、"攝住"、"撠住"、"塞住"，卡住"係北方語，表達上唔夠傳神，而麵粉袋倒唔落去嘅情形正正""撠住"/"塞住"，繪形繪聲，我哋本來就有正統詞彙，冇必要借人地嘅詞彙
這幾位年青人真值得一讚、親身體驗及介紹香港舊工業、絕對值得保存及保育、有這樣有心的年青人去介紹香港本土的絕對支持！真正愛香港老一輩的也多謝你
呢D行業分秒必爭，班伙記真係好好脾氣🤣🤣
老闆真係有凝聚力，同事可以為公司整心合力！
感謝九龍麵粉廠同MM俾機會我睇到入面運作，好開心見到麵粉瀡滑梯🥰
今集好好睇，原來入面係咁樣，同埋仲有咁多家用本地出品，希望各位員工都身體健康，開工返工，多啲訂單生意興隆！
感恩2024年仍然有一班人努力做好屬於香港既品牌。大家加油❤
Ah man嘅溫度故仔x 牙朗大力擔當 x Sa 盡咗力工作🫶🏻
眾志成城呀，好叠馬
正呀❤終於成日經過呢間咁神秘嘅景點原來裡面咁多奥秘同d 員工好似好有歸屬感
不知道香港有麵粉廠
@@chau9362一直知道有。我喺果頭附近返工。不過一直以為已經轉型做代理分銷外地麪粉，原來仲有繼續製造❤佢入小麥嗰下我真係第一次見。❤❤
睇完條片先知原來九龍麵粉廠仲運作緊，上網search完發現原來佢依家有出1kg嘅家用size😳遲啲買返包返去試試
次次都係牙朗做啲粗重工，係時候應該叫老闆加佢人工👍
呢集好正呀，想知道九龍麵粉廠呢個老牌子好耐了，今日終於達成心願。多謝Mill Milk 和九龍麵粉廠。
感謝，我都會睇住上面幾家店去買。支持本地企業
好睇！希望九龍面麵粉廠可以同香港一樣永存！
某日行過先講起呢間野，係咪冇人架喇，原來重運作緊，呢啲設計真係好有智慧，好有時代嘅溫度
12:02 咁細粒呀Sa搬得起咁大袋麵粉，師傅們的歡呼好頂癮😂😂🤣🤣🤣
19:00 金園茶餐廳 睇落D蛋撻好正
多謝mm做依個故事，搭車經過九龍麵粉廠咁多年都唔知原來入面仲係運作緊。多謝你哋拍攝，麵粉廠工作氣氛好好，師傅剛中帶柔，好細心提點阿朗小心焗爐，希望各地繼續支持九龍麵粉廠，繼續為大家帶來質量好嘅麵粉❤😊
謝謝你們的付出！好有人情味！
好有心嘅拍攝，好暖心嘅故事，香港加油！
會唔會有一集講果2個後生仔，點解會入去做呢？第二/三代傳人？對公司文化/變化嘅衝擊？
respect mm 同九龍麪粉廠每一位員工, 支持本地制作.
原來呢集平常心無咩期待,但click完入嚟睇真係好好睇,每位師傅嘅專業同用心,感受到點解昔日"香港製造"係信心保證
條片好睇呀！阿朗同Sa今次既試一次 正
日日觀塘繞道經過,見到都好有特式,多謝MM報導
好高興見到 MM 今次介紹這間九龍麵粉廠，當我仍孩童時，每有機會經過見到條吸管和天橋都很吸引和覺得是好神秘的厰房，還走去問長輩有九龍麵粉廠會否有香港麵粉廠？😅😅 ，當長大再有機會經過此公司便自問此廠仍存在喎，他們好叻。
多謝 MM 幫我解構這神秘廠房😊
主持們體驗還體驗，要注意安全，好擔心您哋受傷。。。始終師傅工多藝熟識用力識保護。多謝您哋嘅用心❤
13:24😂 啲師父仔好好人 好鼓勵 好有愛❤
咁係因為mm佢地係返2,3日拍片，你試下入去做，做得咁慢，佢千字粗口都出曬黎😂
你冇錯
但純粹想講佢地心態好似幾年輕同感覺幾玩得
（只從呢段片感受）
@@ed37633ed都唔係咁講既，都要班師父本身有修養同埋主持都直係出埋力，唔係揸流灘咁係咁意影影相就算果種
又一條高質內容及製作的影片，可以話：MM出品，必屬佳品！極讚！！👍🏼
Terry 哥，真人真係好好人，又勁幫同事，又風趣👍
裱起D麵粉袋好正好型
以前經濟唔好D人會用麵粉袋造衫造底褲
外國有D麵粉廠特登印花紋上去俾人造衫添
而家有D人會用麵粉袋整Tote bag
見過用來整腸粉
👍👍👍十分有睇頭！原來呢間麵粉廠係咁樣運作，令我大開見聞！🙏🤗🙏
師傅們個個都型英帥靚正！！勁！！
🤩🤩一直覺得呢幢嘢好型，仲要睇到裏邊！！希望呢幢嘢可以捱耐啲
又牙朗 真係辛苦哂
Btw 旁白既懶音都不得了
辛苦晒𪍑粉廠員工
多謝製作團隊，今次真係增廣見聞
辛苦你哋！十分支持加油啊！
今集好好睇 , 增廣見聞!
辛苦野，餐餐都係搵牙朗！😁😁😁😜
加油牙朗！你應該有唔少fans！👍😁
❤❤❤值得尊重！加油👏keep住每一集都睇☺️
題材好，故事好，可惜太多懶音，聽得好辛苦。除了主持人和旁白把「麥」讀成「物」，7:31 9:36「廠」、8:36「等級」的「等」字讀音不正確、7:25「蕭生」讀成「蕭山」，等等。希望下次有改善。 我會繼續支持你哋架！
同意，有懶音真係聽得好辛苦
真係好正，多謝mm令我地可以一探內裡既運作，運輸哥哥好勁，件工衣都好有型
多謝這些為大眾服務的員工，社會有了你們，才可以正常的運作，你們是人民英雄。
要向所有師傅致敬💪💪💪💪💪💪💪💪💪
九龍麵粉廠嘅麵粉品質算非常好。
靚故仔！大開眼界！謝謝MM
以前搭車日日望到呢棟建築, 終於有機會一探究竟啦. 多謝MM 同ah man 搵到呢啲日常中差啲被遺忘既故仔.
好特別既一集
好睇啊 好正！！ 多謝mm
拍和被拍的，都是叻叻的香港人呀，條片好好睇🎉，加油！支持!
條片好好睇!! 高質, 大家辛苦了~~~ 關於懶音, 小"物"果堆有人講左啦, 我想講... 善意地求其舉個例... 04:23 果度:「同一班潮州同"heung", 係1964年, 應"Don"時政府要求係香"趕"設廠, "Don"年佢69歲, "陳"經...」, 旁白把聲超好聽, 個 tone 亦好舒服, 亦唔會有 vocal fry, 發音練習下會正到爆. p.s.: 當然, 特別強調呢種懶音不止旁述一人係咁, 係周圍都聽得到, 網上常有, MM都常有, 餐Ten(廳)、飲Tonn(湯), etc.
謝謝你們的講述, 服務。
第一次睇到貴台，竟然有咁好質數嘅制作，讚嘆不已，請求努力加油 ❤❤❤
也要大贊一下在麵粉廠內工作的年輕師傅加油
緊張！期待！
好嘢，🍻好特別的大廈
多謝介紹
多謝 你哋再一次令我哋睇到到香港嘅活歷史
九龍麵粉廠, 上下一心, 加油.
多謝MM 分享 ❤❤
最鍾意MM睇亞朗，太耐MM片冇佢曝光喇，簡中放下佢黎~
早幾日娥羅納英那一集正是牙朗策劃 (雖然奇怪), 我記得佢有出場
@@mankinchuk7636 亞朗,專體驗最辛苦基層工作，未來將會絕跡工作,各界人事及年青人認識同了解~
点觧香港市塲找不到買呢？！
又！又又又係亞朗做呢啲角色！上次送石油氣！今次！！！😂
@@tangchiyaatang6432 正常，做批發，需要一定數量，如果家用一包食幾個月個~都未食完🤔
長知識, 謝謝 MM
D 師傅好好人好有禮貌
力的表現和合作，勁
以前喺附近返工好彩有見過佢地吸麥，成個過程好過癮
仲有佢地地下正門其實嗰個60年代風格既入口真係好正，如果擺過展介紹間廠等多啲人識就好
阿SA真係好L靚....好L可愛
牙朗係苦力擔當😂送水送石油氣而家麵粉都撈埋
好好笑😂 牙朗自信換膊, 點知換完膊再收多次皮😂笑死..
d師傅好好呀, 又好笑😂拍手拍得好齊😂😂
多謝支持！
喂，呢集好正。
好好睇！睇完我都想入去做😂
Thank you for the production. Very enjoy watching. Know the daily procedures of the flour factory.
阿Sa 和朗都很落力拍攝。
最鍾意睇牙朗搬野
想睇淘大醬油廠或者嘉頓麵包既運作❤
好開心還有香港麵粉廠有香港制造👍👍👍👍💪💪💪💪🙏🙏🙏🙏
香港麵粉廠即係南順麵粉 廠房已搬回內地蛇口了 與九龍麵粉廠是不同的 九龍麵粉廠現在是香港唯一的本地生產的麵粉廠了
麵粉sir滑梯 🛝 好厲害呀
睇完呢集增廣見聞
牙朗勁，牙朗加油💪💪
年輕叻仔加油👍👍❤️❤️
Thank you MM 揭開九龍麵廠的故事！
好野黎架，九龍麵粉廠，歷史悠久，本地品牌
應該好睇，期待，留名等睇片
大開眼界👍👍👍
好眼，好實際。
阿朗真係辛苦晒！
阿傑好型勁大隻
係喎！
期待下次去果欄，牙郎
真係有少少驚喜，十幾年嚟每次經過呢間麵粉廠，都以為係一個遺址添，原來仲係operate緊，終於解開一個十幾年嘅迷團，要贊👍❤