#TalkFood
Вставка
- Опубліковано 10 січ 2024
- 在香港想找到一間專門吃海魚的餐廳並不容易，不過在鴨脷洲就有這樣一間，名字叫美美小廚，開店三年，以水上人慣常吃魚的做法，午市供應本地海魚套餐。千萬別以為吃海魚就得花大錢，這裏的海魚套餐價錢親民，像這天吃的鹹鮮本地池仔$58，冬菜蒸扯旗鱲$68，果皮清蒸芝麻斑$98等等，不僅街坊視作飯堂，甚至遠至中環的區外客也專程來光顧。
只是美美小廚每天的海魚款式並不固定，要取決於當天早上，漁船撈獲那些海魚送到香港仔魚市場，所以來美美小廚吃海魚，都是充滿驚喜的未知數。
當中最受客人歡迎的一定是自家曬的馬友一夜情，「一夜情」是甚麼？一夜情就是一夜乾的意思，老闆娘May May笑說：「一夜情是指魚在魚船上和海風渡過一晚後，呈現的半乾濕狀態，呢個做法就係水上人所說嘅鹹鮮，馬友、池仔都可以做鹹鮮，不過馬友魚油豐富，特別受歡迎。」她希望藉着有趣的名字，引起客人的注意。
製作鹹鮮一夜情，主要由MayMay的老爺負責，由處理魚到風乾，都會在他的魚船上進行。過程不算複雜，先把馬友的內臟去掉，特別使用海水清洗魚身，之後放進桶內加海水和粗鹽醃製一會，然後放到網上風乾一晚，至魚身表面略變乾，鎖住內裏的肉汁。
烹調的時候簡單清洗魚身，就可以清蒸和香煎。兩種做法各有風味，清蒸馬友會加些薑絲去蒸，蒸好，迫出馬友的魚油魚汁，吃時毋須添加豉油，把魚肉和魚汁一同伴飯吃，既吃到馬友本身的魚味，又帶些少鹹香，魚肉嫩滑，吃過一次絕對忘不了。
香煎馬友比起清蒸，香口得多，魚皮兩面煎至金黃香脆，魚肉嫩滑，更有客人說：「其實我本身從未吃過馬友，自從在這兒吃了一次後便愛上，因為油香很重，魚味獨特。」另一客人說：「自己家人也會煎馬友，但經常變成炸馬友，這兒是真的香煎，不會燶，魚肉不乾，而且內臟、魚腩位很乾淨，無腥味。」不論清蒸還是香煎，還有套餐價或原條選擇，總有一款合你口味。
除了鹹鮮一夜情，店內每天都會用海魚煮魚湯，三四款不同海魚，到底用那些海魚說不準，但都是魚味鮮甜適合煮湯的海魚，拍攝當日用牛鰍、曹白、紅線仔和紅衫魚；燒熱鐵鑊，放入大量的薑塊，然後把原條海魚放進鑊中翻炒至爛，直接加熱水大火熬煮近兩小時呈奶白色。
為甚麼魚湯這麼好喝？MayMay說「秘技是我們的海魚沒有打鱗，能保留到魚的膠質，加上海魚的魚肉本身更濃味，所以煮好的魚湯更濃郁。」
這碗的海魚濃湯不但能在店子吃得到，店內提供各式各樣的魚湯泡飯，推薦招牌珍珠蠔仔肉碎泡飯，珍珠蠔仔體積大脹卜卜，入口一咬爆開，滿嘴鮮香，再配搭鮮甜的魚湯，好吃極了。
想外賣回家也可以。MayMay最近把這個魚湯濃縮製成「濃湯寶」，買回家加水、肉食、蔬菜等材料煮開，快捷做好一道美味的魚湯料理。「大家工作忙，回到家已很疲累，有時想喝碗熱湯也沒有力氣煮，有濃湯寶就方便得多，自己再加材料，又或當打邊爐的湯底，有益又方便。」MayMay補充，把濃湯寶放在冰格妥當保存，放一個月也沒問題。
原條鹹鮮馬友一夜情 $118 （套餐+$12連白飯同湯）
招牌珍珠蠔仔肉碎泡飯 $65
皮蛋芫荽肉碎魚湯泡飯 $60
養顏花膠筒肉碎魚湯泡飯 $88
手工純海魚濃湯寶(外賣)大碗$68 細碗$38
美美小廚
地址：鴨脷洲鴨脷洲大街108號地下前鋪
電話：5400 9289
營業時間：星期一至六6am-4:30pm（星期日休息）
撰文：Yvonne Lam
攝影：Peter Li、Yau Kok Tat
剪接：Peter Li
美術：Anita Lam
TalkFood 先填飽肚子再前進
UA-cam : / talkfood
Facebook : / talkfood
Instagram : / talkfood
全自費真實食評，內容反映當日質素，並非廣告！最新價格以餐廳為準。
#美美小廚 #鴨脷洲 #湯飯 #泡飯 #鴨脷洲大街 #海魚 #魚湯 #水上人 #一夜情 #馬友 #蒸馬友 #煎馬友 #手工純海魚濃湯寶 #濃湯寶 #招牌珍珠蠔仔肉碎泡飯 #食晏 #外賣 #打邊爐 #鴨脷洲美食 #TalkFood #TalkFood鴨脷洲
延伸閱讀：
【#街坊嘢】土瓜灣20年人氣湯飯店回歸｜新富盈川味米線・湯飯
/ c01zgq9sd2p
【#街坊嘢】鴨脷洲街市名店陳新記｜最高峰日賣200份一口西多士｜陳新記
/ czjqh_hoxmb - Розваги
細條的馬友味道很獨特，新鮮咸鮮都好食
食完之後再一次愛上馬友🤭
好開心看到丫小编👏👏👏👍👍👍
Y小編見到呢個留言都好開心🥰
Y小編終於復出😄支持👍🏼
其實我一直都有出片㗎！不過匿埋咗係鏡頭後面炸>
@@TALKFOOD 支持你復出於鏡頭前😁
咸鮮🎉
避風塘的海水很有風味
一夜情好似好多地方都係咁叫個喔
老細個樣有啲似韓孝周
Btw蠔仔泡飯勁好味😋😋
望落都覺得好食
快啲去食啦🤗
好掛住你呀Y小編 前日先IG問你幾時出鏡 終於見到你喇 🎉 快d出多d啦
期望2024年可以再同大家一齊搵食！🥰
丫小編加油💪💪💪
收到你！
牙帶都好好味
Yvonne 加油💪🏻💪🏻💪🏻
Yvonne good show💪🏻💪🏻💪🏻
Y小編 支持👍🏼😍😍
多謝你！
🎉🎉🎉
另外鴨脷洲乘車往西貢約35分鐘！
明晚去美美吃
支持！
唔開夜晚家🚬
煎魚手勢麻麻
幾年前MM定果籽見過依個老闆娘
❤
即係猫魚湯/猫飯(以前沒人吃)水上人才會吃
一些不新鮮嘅貓魚
阳江特产 一夜埕
漁船風乾起碼無鳥蠅。
不嬲都有叫開做一夜情...
一夜情起碼二十年前已經會咁叫，何來佢創作啊😂
「一夜情」「一夜埕」「生死戀」
此叫法和做法，由來已久，並非出自妹。
並非出自此妹妹
佢晒果D係養馬友黎. 唔係海魚. 除非海養既都算係海魚
嗰啲煲湯魚對眼都凹陷、一啲都唔新鮮😢
N年前睇名廚介绍，已有一夜情的名稱，夾硬話係自己命名，有夠無恥！主编也不加查証，好冇責任。揾D唔識煮的人，吹噓煎魚有多難，為店家宣傳
你開間囉，咁撚叻😂😂
@@kawaing8746 有常識唔代表要開店，但做飲食節目冇常識就笑死人
@@yiucara5662 你行撚開啦😂咩岩定錯，唔同鄉下味唔同囉，你話你岩哂？我話你on9姐
好心啦。。。搵個茄哩啡講係屋企都係炸，大家係屋企炸定煎會慳多啲油，炸會多左幾多油？邊樣好食啲？唔好用言語藝術呃人啦。
老闆都識講煎好食啲啦。之後搵條友講話屋企多數係炸？油又用多左，食又無咁好食。自己諗囉。
魚湯。。雪死，可以成個月。。。大家去試下。笑死
@@user-qy8jp4ki3w臭西講臭話
very useless video to tell a place that sell cheap fuish
吹太大😂
Yvonne 加油💪🏻💪🏻💪🏻