සූරියවැව මහමෙව්නාව භවනා අසපුව .suriyawewa mahamewenawa. Chala VISION
Вставка
- Опубліковано 10 лют 2025
- මහමෙව්නාව භාවනා අසපුව - සූරියවැව
*පෙර ඉතා දුෂ්කර ග්‍රාමීය ප්‍රදේශයක් වූ, මේ වන විට ඉතා දියුණු නගරයක් බවට පත්වී ඇති සූරියවැව නගරයට පැමිණ, මහින්ද රාජපක්ෂ ජාත්‍යන්තර ක්‍රීඩාංගන මාවතේ 4km ක් පමණ ගමන් කිරීමෙන් මේ පින්බිමට පිවිසිය හැකිය.
මහමෙව්නාව භාවනා අසපුව,
සුරුවිරුගම, සූරියවැව ප්‍රදේශයට මහමෙව්නාව භාවනා අසපු ශාඛාවක් දායාද වූ පින්බර දිනය වූයේ 2005-03-14 දා ය. අන්‍යාගමිකකරණයට ලක්වී තිබූ මෙම ගම්මානයේ වාසය කළ මිනිසුන් මෙම පුණ්‍ය භූමිය ආරම්භ කිරීමෙන් පසු නැවතත් ගෞතම බුදුරජුන්ගේ ශ්‍රාවකයන් බවට පත්වූහ. ගැමි සුන්දරත්වයෙන් පිරි නිහඬ පරිසරයක ඉදිවී ඇති සූරියවැව මහමෙව්නාව භාවනා අසපුවේ මේ වන විට පින්වත් ස්වාමීන් වහන්සේලාට වැඩ සිටීමට කුටි 17 ක් පමණ ද, සුවිසල් ධර්ම ශාලාවක්, දාන ශාලාවක් ඇතුලු විහාරාංගයන්ගෙන් ද ,දොළොස් මහේ පහනකින්ද සමන්විත වේ. බොහෝ සැදැහැවතුන් පිරිසකගේ මූල්‍යමය හා ශ්‍රම පරිත්‍යාගයෙන් ඉදිකරන ලද, සර්වඥ ධාතූන් වහන්සේලා හා අරහන්ත ධාතූන් වහන්සේලා නිධන් කරන ලද, අඩි 108 ක් පමණ උසින් යුතු “සිරි ගෞතම කන්දකුමාර මහාසෑය” නමින් දර්ශනීය චෛත්‍ය රජාණන් වහන්සේ නමක් ද මෙම පින්බිම තුළ වැඩසිටී. එමෙන්ම ආනන්ද බෝධීන් වහන්සේලා පරිවාර කොටගත් ජය ශ්‍රී මහා බෝධින් වහන්සේගේ බෝධි මණ්ඩපය ද මෙහි දක්නට ලැබේ. මෙවන් වු භවනා අසපු ලාංකික බෞද්ධයන්ට දායාද කිරීමට සහය දැක්වු සියලුම ගිහි පැවදි සියලුම දෙනාට පිං !
Super