Paulin Nuotclà - Qua vast darcheu

Qua vast darcheu - La chanzun nr. 5 our da l'album "che fain'hoz?" (1977; restampa 2007).
Tuot ils drets appartegnan a Paulin Nuotclà.
Text:
Qua vast darcheu
dovrond quel pass
bain controllà,
quai nun es spass.
Quai nun es spass,
quai es serius.
E tuot fa bain
dad esser prus.
Dret tschanc, tschanc dret
per nos pajais,
ingün sco quel
tant bel nun ais.
La libertà
vain jent pro no,
vain da dalöntsch
e's metta jò.
As metta jò
e dorma claus,
nu disturbar
seis ütil paus.
Quist es il dret
e quist il faus.
Dozai ils peis
povers mamaus!
Povers mamaus,
dozai ils peis!
Minchün cugnuoscha
fich bain il seis.
Chi chi nun ha
terrester bön
fila gualiv,
tascha chamön!
Tascha chamön,
sudà normal!
Vessast pudü
gnir uffizial.
No nu vain peida
pel clavarun
chi nun incleja
la raschun.
Na, na meis mats,
eu nu's dumond
sch'eu fetsch nardats
sün vos cumond.
Ma scha l'inimi
vain cunter no,
tir'inavant
tir'inavo.
tir'inavant
tir'inavo.