#MM
Вставка
- Опубліковано 5 жов 2024
- #MM #試一次 // 挑戰做馬路劃線員地上寫「巴士站」 實試地盤工作刨瀝青、煮230度熱熔馬路膠 15分鐘寫好馬路字 全靠一個長方形鐵罐 寫錯字隨時成塊地刨走
一斟,一拉,一撒,流暢利落的三個動作,就寫成了地上的巨型書法,城市又多了一幅街頭藝術。我們經常在馬路上看見的大字和標誌,都是由一班馬路工程師傅一筆筆寫出來的。是次試一次,記者將會跟這批街頭藝術家學習馬路劃線。
已從事馬路油線工程超過40年的溫榮舜(Vincent),入行時是個海員,28歲時因為不想再過浮游不定的生活,經朋友介紹轉行做土木工程工作,再輾轉下入行做馬路工程,後來開了自己的公司,啟德機場、東區走廊、赤鱲角機場、青馬大橋西北交匯處等,包辦了全香港8成的馬路工程。
█ 馬路劃線參考「天書」字型
馬路劃線主要分為兩類,一種為翻油,為脫色的線或字重新上色;另一種是由零開始劃字。一般來說,馬路字字體需根據《運輸策劃及設計手冊》(行內俗稱「天書」)的指引去劃,手冊參考了美國、澳洲等國家的道路交通標誌的規則寫出來,Vincent解釋道:「馬路字和所有標誌都是運輸署設計,由路政署執行,除非那些標誌是天書上面沒有的,就需要我們自己去設計。」「收費區」、街道名稱如「觀塘道」、新市鎮名字如「將軍澳」等字,都是天書中沒有資料和字尺寸比例參考的,需要根據客人或建築商提供施工圖,如果連施工圖也沒有,就由師傅根據經驗去造字。
█ 劃巴士站步驟
劃巴士站的第一步,亦是最重要一步:開線。先用拉尺量度路面闊度,找出馬路字的中間點,以此作為依據計算出字的筆劃大小,再用粉筆畫下筆劃的交接點和輔助點。第二步是用粉袋彈線,將在地上剛劃下的記號連接起來,穿了長棉線的粉袋中裝了福粉,彈線時一人拉著線的一邊,定位後向地面彈一彈,一條白色的起稿線就誕生了。
拖罐是寫馬路字的靈魂,每一筆都得靠這小小的方型鐵罐去拉劃出來。馬路字會根據道路的類別而有大小之分,而且筆劃亦會有粗有幼,所以尺寸由最小25毫米到較大的600毫米都有。例如是這次寫的巴士站,就會用到150毫米和300毫米的拖罐。拖罐後面有個凹位,是方便讓油漆流出來,可均勻調校字型的厚度。為了保持品質,Vincent這些拖罐都是找工廠度身訂造的,每隔一段時間就會更換。
在師傅開線的同一時間,負責煮顏料的師傅已在工程車開爐,將呈粉狀的反光熱熔馬路膠倒在煮料缸中,烹煮半小時,將溫度調節至180至230度之間。用煮熱馬路膠寫的字,即使有重型貨車輾過也不會有損耗。將馬路膠倒進桶中準備劃線時,溫度不能太熱亦不能太冷,太熱會很稀薄,太冷會變稠,令寫字不順暢。師傅在拖罐落地寫字前先用火燒熱,防止油漆冷卻,結成塊狀黏在拖罐上,劃出來的線明顯就會變窄。
第三步就是正式劃字了。Vincent說有兩大準則:直路線要直,彎路線要順。劃字組一般有5位師傅同時工作,一位負責將壓尺放在地面度直線,一位負責寫,拿著拖罐向後拖拉;另一位負責倒油;第三位在剛劃好的油上灑上反光防滑玻璃珠,還有一位師傅待油漆半乾之間,撕起貼在地上、用以修好字型邊界的美紋膠紙。「劃線時拖罐和倒油的同事要一前一後,我左腳後,他就左腳前,步伐像跳探戈般,很講求默契。其中一邊太快或太慢都劃不好。」
█ 劃小型字靠人手𠝹紙模
大型馬路字就要用拖罐一筆筆寫出來,不過要做停車場車位、巴士路線號碼等小型字,就要人手𠝹出這些紙模。Vincent說馬路工程這一行最麻煩是遇到壞天氣,就得取消當天工作。師傅沒事做時就會回公司𠝹定後備的紙模,儲存在貨倉。
馬路劃線內容包括路上所有地名、街名、黃線、箭咀、影子線、望左望右等交通標誌和指示。有時更負責製作馬路上的路拱。除了接路政署的工程,也有不少是私家地方,例如是屋苑停車場劃專用車位、請勿吸煙等標示。「做馬路面第一個字是安全,第二就是要快,你不能在地上揭開天書來逐隻字去核對,所以標準常用字的尺寸,例如慢駛、停、巴士站、巴士線、電車線等尺寸早全記在腦中。」
Vincent說初入行時見識過70年代老師傅的「神來之筆」,只需彈線劃出一個白色格子,就能徒手用大把的油髹上去,「直情像寫毛筆那樣!很漂亮的。這環境下我們也要慢慢學,或者回去研究怎樣寫得漂亮又寫得快。」Vincent認為最難寫的是「灣」字,筆劃多而且結構複雜,遇著「蝴蝶灣」這種組合字更要懂得計準結構分佈和字距,「剛入行因為沒經驗,老師傅叫我寫跑馬地三字,最後寫出來的馬字腳都拉得很長,變了象形文字。」
█ 劃線員工作壓力不為人知
師傅們工作快速利落,一般只需花15至20分鐘就寫好一套字,優雅又協調的步伐背後卻承受不少工作壓力,常被道路使用者或路人投訴工地大塵,或阻礙了行車。工程進行時偶爾會遇到危險駕駛的司機直衝入已放了雪糕筒的施工地,「曾經有個夥計在大欖隧道被醉駕司機撞死了,他很年輕,只有20多30歲。所以工作時我們都打醒十二分精神,一有異狀就會大叫:快走!」做了劃線員30年的偉哥如是說。
Vincent苦笑道,馬路工程一單Job只有數千元,他們試過睇錯尺寫錯了一個影子線,最終需要整幅瀝青剷起重新鋪過,公司賠了8萬元,「所以管工都很大壓力,一做錯不是說笑的。」劃線工作被滾燙油漆燙傷是常見意外,工作也得配合其他道路工程的進度,「例如當時政府刊了憲報公佈東區走廊1985年9月剪綵,那天一定要通車,如果馬路上別家公司仍在鋪瀝青,他們未鋪好我們劃不到線。做這行可以說辛苦,但都是種樂趣,當你做完一個大工程,就會有種滿足感。」
策劃:王秋婷 Phoebe
拍攝:李軒、張志孟、伍永健、蔡政峰
剪接:李軒
監製:鄭汝翹
#挑戰 #實測 #實試 #馬路
#工程 #書法 #MillMILK
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
呢個訪問由10月開台前做訪問,最後等到近期先有工程可拍,促成咗我第一條「試一次」🙆🏻♀️
馬路劃線通車前凌晨時段開工較多,師傅要捱住眼瞓及高度專注狀態下工作,有時等埋位開工時會喺路邊恰一恰,瞓醒迷迷糊糊時其實好易出意外,所以Vincent話會有同事負責睇現場環境,如果遇到任何交通異狀,就會大叫一聲,叫大家散開。要喺高壓環境下保持專業,單係呢種職人精神已令人敬佩🙌🏻
問師傅有冇女性入行,他話過去只有一位,但做咗無耐就辭職,因為工作上女士較難去廁所。所以我都算是行內少見的女馬路劃線員呢,哈哈。
喺呢度想特別credit今次的攝影師同導演,突登出去拍咁靚的航拍,大家可去返MillMILK Facebook欣賞高空之下望落去的馬路字呢,都係平時難睇到的視覺☺
大家仲想睇我下次試咩?留言話我知🤣🙋🏻♀️
可以試下去包報紙(不過半夜時段黎
見佢地就咁坐係地下睇到辛苦
下次試下絲網印刷?😂
唔怪之得點解你啲頭髮顏色唔同咗
電車、馬路畫線都做咗,可以考慮巴士廠
巴士貼紙!
日曬雨淋的道路劃線工程,佢地真係付出好多血汗先至有今天的成就,向所有道路工程人員致敬
題材幾得意,老闆講嘢好清楚幾靚仔😂
師傅們好和氣,又好肯花時間心機同你試玩
當然MM眾訪得好、影得好、剪得又好👍
希望下次講下痴巴士車身或者地鐵入面d大型廣告既工作😆
三十幾年前我做過地鐵所有大型廣告. 出口地點指示. 好好玩
@@aho1232 好想知多d呀😍 mm快d拍啦
積極考慮!
@@phoebewong1462 期待呀🙋♀️😆
巴士車身👍🏻👍🏻👍🏻,因為覺得啲接駁位都幾難整,搭巴士都會望吓
原來咁低人工,難怪少人入行
去地盤做雜工唔需要任何技能都有$800日薪
真係辛苦呢班有技能嘅師傅,仲要長期喺高危嘅馬路工作
佢近乎獨市理應可以同政府再叫高D
@@X26-u5d 可能佢叫價低,先做到咁多政府project啦,價低者得呀
應該唔會冇人爭
外判...
@@tonytang5452 外判未必一定低人工,仲要係有技術嘅工種
好特別的題材!!令大家更了解香港其實好多大大小小不同的職人,在背後為學港默默耕耘!
謝謝 #MM 為大家發掘咁多大家真係未見過的項目。
平時已經有留意啲字點解可以寫得咁公整?你地解答了我心中疑問❓
大感謝師傅們的血汗🙇🏻♀️辛苦了!大家互相尊重體諒,不要將脾氣發洩無辜的人身上啊!
真心行行出狀元,每個行業嘅最頂尖一定係有佢出色嘅地方亦搵到可觀收入。
師父令人尊敬。看似微不足道,但其實係為市民提供服務。工作態度嚴謹,認真。謝謝你們。MM的報導也很精彩。
根本佢地就係藝術家, 係街頭既藝術家。
14:53 呢個「U」 turn,新手嚟講根本值95分!好犀利
寫果吓以為有得停,點知師傅叫我繼續,好彩冇出𠝹😂
公司搵過佢地做野,真係唔錯。d字真係靚d,而且有手尾,做完會跟一跟,好過其他同行
市場佔有率咁大同埋專做一帆嘢就真係爭好遠
真係好有日本職人feel 明明係手寫 但都可以寫到電腦print出嚟咁 好勁!!!好想可以出呢個字體
有,台灣justfont 道路體
@@aijess 台灣道路字體和香港不同喔!台灣道路字為了讓駕駛者看清楚地上的字,所以字體是上大下細的,以駕駛者角度望向地面才是正常的字;而台灣道路字是以這樣的基礎去改的,和香港馬路字很不一樣!
另外有興趣的話可以找香港消防局字體喔,也是很有趣的字體
可惜冇日本職人嘅收入😢
施工現場係香港大學嘅太古橋,喺拍攝條路行落10米,正正係2022年1月29日突然被校方聘工人圍起移除嘅標語「冷血屠城烈士英魂不朽,誓殲豺狼民主星火不滅」,係1989年64後,由太古堂宿生會同學所寫,每年港大學生會都會上前重髹。依家移除咗,聞者歎息!
非常好呢條片,好有意思,敬佩他們,值得表揚
非常之專業嘅工藝平時我哋踩喺腳下嘅完全一啲都唔為意原來係咁多學問係咁唔容易先可以製作到出嚟真係好多謝一班師傅們嘅付出
多謝mm、phoebe做呢個偏門題材🤟🏻🤟🏻
感謝為呢個城市默默付出 不為人知嘅每一位🤟🏻
Btw 諗起有人會叫巴士迷做巴膠,佢地每一程車都可以好似人生第一次搭咁又好奇又興奮。希望大家都可以做各種不同嘅膠,平凡中搵樂趣。
真心尊敬哩班馬路藝術家🙇♂️
節目表達清楚有深度,是一個好的社會性節目。Phoebe越睇越靚,把聲又好聽,掂掂。
講真,17000 - 18000 (早更)一個月我覺得算低,就算隨時做保安都有呢個數
日曬雨淋,又要趕進度,又要高技術
講真,做地盤好過啦
不過都要向佢地致敬,多謝佢地
我估地盤應該比較辛苦啲啲?
做地盤辛苦九萬幾倍我講建造嗰啲
比上面食左節,得返萬幾
好專業的工作! 多謝MM介紹! 好好睇!
😎.係呀!間中見師傅寫大字都會停低睇吓!又曬又熱馬路再加熱漆真佩服呢種行業!辛苦哂!💪
以前就係試過做過一間馬路維修公司,所以有機會接觸road marking ,,果時番工都幾開心,係日夜顛倒,凌晨一兩點打邊爐😂
由細到大我都覺得呢D 係藝術, 有一次我企喺條街度睇D 師傅寫晒"望左" 同拍埋片, 當日非常滿足, 但係個師傅就寫下又望下我, 搞到我都唔係咁好意思
多謝MM,請你哋多d報導呢d平時唔會知道辛酸嘅工作,如果唔係班咁辛苦工作嘅工程大佬大家都冇咁清晰嘅指引可以安心揸車!感激咁多位匠人!
成日開車經過都覺得班師傅好犀利, 辛苦晒!
感謝各位師傅嘅付出, 辛勞地工作👍👍 🤗戶外工作,曬到黑掹掹, 大汗搭細汗。 訪問中, 個個大男人, 原來都談吐溫文, 鐵漢柔情。🤭🤭 祝願各位師傅工作順利, 出入平安。
班師傅好專業呀!👍👍👍
職業冇分貴賤 對工作有專業嘅執着已經值得respect🥰
以前睇過外國的 video , 如何劃線, 但Mill Milk , 由頭到尾都解釋得 好清楚, 好嘢。 👍👍
好好睇啊! 一直都好奇係點寫,有時遇到馬路畫線都會特登停低望下過程點做,鐘意呢個題材係可以腦補返成件事,交代得好清楚,我睇得好開心呀😍😍
好鍾意呢集,細細個已經鍾好謎思馬路字係點寫,好有趣,好佩服,仲有好多謝你哋稱呢班師傅係"職人"
支持MM, CLS
呢樣工作我都想睇好耐, 原來十幾分鐘就可以完成乾埋
你地D節目真系好好睇👍
畫嘅過程好治癒😍如果有workshop體驗班就好
讚成攪WORKSHOP,我都好想試下
這是個辛苦的戶外工作,也要睇天做人,了解多一樣野,人就更會互相體諒
超好睇 連屋企人都睇到眼定定❤️
題材揀得好好!多謝你地發掘啲平時好少見嘅行業
只可惜而家有好多地盤工廠外判咗畀東南亞裔嘅工人, 佢哋劃嗰啲線歪嚟歪斜到不得了😪 大家如果係新界有踩單車可以見到。 有啲嘢真係香港人先靠得住
清晰易明又詳盡嘅解說超好睇,希望可以睇多啲唔同嘅工程片。拍得比市面上CIC,房署或者其他工程組織拍嘅片仲好❤
我鍾意睇呢啲類型嘅片‘辛苦晒🙏🙏😭❤️
依個系列會睇上癮!好睇得嚟又可以認識到好多香港行業嘅故事👍🏻👍🏻
一直都好好奇馬路啲字同線點整出嚟,多謝MM;每個行業都有佢哋嘅專業,respect!
好好睇啊,呢啲行業真係冇咩人知而又應該得到尊重的!
條片好好睇,一路以為係路政署自己做,原來係有公司專做呢d野,真係好辛苦既工作🥲🥲
好多都外判了。。
佢地真係付出好多血汗先至有今天的成就, 識得欣賞每一個細節同工藝非常好👍
好多謝你地拍里段片, 一直都對佢地的工作好好奇,而家了解晒👍🏼
向師傅們致敬,啲字寫得好靚。👍
一直都好想知道路字係點樣整出黎,應謝這班師傅呀!辛苦晒🙏
D師傅都係好敬業又專業既藝術家!
喺外國生活過,先知道香港做嘅馬路工程員幾犀利。外國就算好簡單嘅工程,最少都要半年,香港為咗唔塞車,好快就搞掂
成日都好好奇 多謝MM😍
佩服師傅們 唔簡單👏🏻👏🏻
由細到大都覺得啲馬路字係好靚,啲字好工整,真係一種藝術品❤️
好鍾意呢條片,細個成日好好奇係點畫出黎,而家終於知道!謝謝你^^
Phoebe 既片真係好好睇! 大愛呢一類題材!
Thank you MM . 👍👍👍
有睇過外國的劃線片,但最想想睇到香港劃線片,多謝MM,睇師傅劃線好治愈好舒服,非常歡迎Vincent公司開IG upload劃線片😂不過得閒先啦
其實每一份工無分貴殘都要尊重。 有時做嘢唔開心, 望埋其他人嘅行業代入佢地嘅位置, 望落好易好風光, 好靚。 但倒頭來o林吓做每份工都要付出同學習。 師父用十年先可以練到一手好嘅字。 用手寫都未必寫到,Respect!
最鍾意睇MM既試一次
依班師傅好值得人尊敬!
香港真係有好多令人敬佩嘅職人
19:03 師傅好細心,怕你踩到地下張野,幫你踢走佢,真係粗中帶幼
Phoebe個妝都畫得好靚😍
最中意睇呢d片😄香港道路要写繁體中文好多笔画覺得佢地好犀利👍外国都係写英文字母简單d
Phoebe 世一!❤️
呢個chanel真係好好睇
睇落好玩,但要長期吸塵又烏底身。真係要感謝班師傅為市民服務。👍
好危險的工作,為他們付出感謝
冇呢個行業 香港交通個個司機都靠估行 有佢地指示清晰 多謝佢地
前排喺路邊都見到佢地畫緊字~好治癒feel🥰🥰🥰 其實好多工程唔同範疇既師傅都係藝術家
人哋外國都轉晒用噴,又smooth 又靚
好鍾意呢個系列!
想睇下次試一次做私家偵探~
好專業既師傅!多謝介紹!
辛苦晒各位師傅, 多謝你地
辛苦晒咁多位.
哩個 Topic 幾有趣~早排我先見倒有寫馬路字工程~
Thank you Phoebe 🙌🏻
好專業的工作,敬佩他們,值得表揚
多謝MM介紹! 好好睇!
好有意思嘅訪問💪🏻💪🏻
我起地盤工作超過20年,地盤工作,危險、辛苦,人工又唔高,仲成日比人睇唔起,仲成日比人投訴,話阻住佢哋。又冇乜後生入行,地盤工人平均年齡越來越高。人手不足,仲嚴重過醫院,遲早成個香港建築物依度爛果度欄冇人理……
非常好的影片,值得表揚,期待更多影片!
我都係近幾年係街見過佢地寫字,我先知原來D字係咁整出黎,好神奇呀
了解左佢地既行業,真心佩服,多謝MM
題材好好..之前已經好奇馬路線系點畫 睇完明曬
好敬佩呢班師傅👍👍
叻女,做得好好👍
好開心可以有渠道多d了解身邊既事 加油!
超好睇,真係長知識
Great content by #MM once again! Underrated pros featured in this video for sure.
師傅們真係好厲害
啲Uncle都好好人🥺
呢集好好睇,好鍾意。
好值得尊敬行業
辛苦工友 只有做過先明白個種辛苦~
感恩 mill milk 讓我地知道唔同職業嘅專業同精神。感謝。🙇🏻🙏🏻
試工系列好正,我最愛睇,有個行業我都好想知,就係職業殺手,記者去試吓啦!
👍🏼👍🏼👍🏼好好的主題
記得細個DT 堂要用T尺畫返個[巴士站]嘅字出嚟,果時都覺得好難好麻煩,真心repect 班師傅,勁!
唔睇唔知,原來咁多學問👍
Respect to you all dudes !
又長知識🤔好精彩 謝MM👍👍