#MM
Вставка
- Опубліковано 6 вер 2024
- #MM #日本人$5500租怪獸大廈100呎劏房 自學廣東話拍UA-cam講大廈生活 深入五座相連大廈走廊如迷宮 外賣員如入結界易迷路 當年樓價曾破全球最平紀錄 Phoebe體驗半世紀商住兩用理髮屋洗頭術 建築系教授:可能係全世界密度最高地方!
█ 搬進怪獸大廈的日本人
電車悠悠駛過英皇道鰂魚涌一段,必定會看到一幢又長又大的密集大廈,就似一幅沿街道延伸的巨型幕牆,由堅記士多和美利涼茶店的入口走進去則別有洞天,鰂魚涌這五座已有半世紀歷史的大廈分別是海山樓、海景樓、益昌大廈、益發大廈和福昌樓,因拍攝《變形金剛》和《攻殼機動隊》等電影而一夜成名,成為熱門打卡點,外國人為它改名為「怪獸大廈」,居民則統稱這裡為「五廈」。最近有位熱愛香港文化的日本人來打卡都不夠,更搬進五廈居住。
2014年第一次來旅行後就愛上香港的鈴木,是土生土長的日本人,兩年前他由名古屋搬來香港工作和生活,自學廣東話,有時間會自己拍UA-cam介紹香港。為體驗更地道的生活,他決定每年搬一次屋,第一年住新界大圍,第二年住九龍深水埗,今年8月決定搬進香港島,「我曾經在鰂魚涌返工,當時有朋友介紹了我吃一家泰國餐廳,有次吃完後發現外面有人仰望上面,我隨他們向上看:嘩!很大的唐樓,原來那裡就是很有名的『怪獸大廈』,所以我決定了搬來這裡住。」
鈴木特別鍾情於高密度又有歷史感的唐樓,認為此類建築特別有味道,有老香港情懷。幾個月前他就從深水埗唐樓劏房,搬進五廈的劏房居住。房間比深水埗的更小,只有約100至120呎,月租$5,500,本來他希望找到景觀對中庭的單位,但怕夏天太潮濕,冷氣機滴水聲吵耳,就索性找了另一個對街景的房間。
房間連放床和桌子的位置也沒有,鈴木睡前須鋪上床褥被鋪,用房間本附設的櫃子當書枱,洗手間的水龍頭和花灑連在一起的設計也是獨有的,鈴木每早洗臉會險變洗頭,而且房間牆壁裂縫中生了蟻竇,剛搬進來時鈴木連晚上睡覺也會被螞蟻咬,但鈴木尤其愛五廈中庭仰視的風景,愛突出來的冷氣機位和牆身剝落的塗層;愛這裡錯縱複雜的走廊;又愛從巨型唐樓的天台,高空俯瞰像大峽谷般的景色。他也喜歡大廈中一應俱存的小店,生活日常都能不走出這裡,就能到樓下洗衫、剪髮、到有人情味的泰國餐廳吃蝦醬炒飯,活像個小社區,鈴木說:「『怪獸大廈』對外國人來說,是代表香港的打卡景點,如果日本人看到旅遊書的話,一定會來這裡。」但對在這生活的他而言,更有說不出的魅力。
█ 全地球密度最高
「『怪獸大廈』以我所知,應該是全地球密度最高的一個地點,這裡共有2,400多個單位,每個單位保守估計4-6人住,計落也有14,000人,大廈人口之多可以憑一座建築物,已可以有一個區議員去代表,是香港唯一一個個案。」李浩然教授是香港少數以學術角度研究「怪獸大廈」的學者,曾寫論文及文章講述大廈建設特色和歷史。五廈原名是百嘉新邨,由60年代開始興建時已在賣樓花,當時有金融風暴、銀行擠提、本地華資銀行倒閉等事件,令發展商要靠銀行借錢才可繼續起樓,導致樓宇爛尾。直至1972年正式落成,由另一發展商接手後,便分拆成五座各自命名。「看回當時百嘉新邨的廣告很厲害亦很搞笑,上面寫著破世界紀錄:全球最便宜的分期付款金額;破本地紀錄:香港紀錄就是每平方呎最便宜,所以當時反應非常好,很快就賣完。」
「當時的設計建築條例很重視採光通風的需要,向內住宅單位一定要多窗,所以E字型建築中間有個大庭園,符合採光和通風法律上需要。」因為人口密度極高,呈E字型狀的五廈建築結構頗為複雜,單是海山樓和海景樓已有8個入口,電梯和樓梯口都有很多,浩然笑說以前每次來做研究,明明從一個入口進去,出來時都變成另一個入口。五廈每層約有44個單位,走廊又長又窄,錯綜複雜,鈴木剛搬進來時回家會迷路,連外賣員找門牌也有困難,常常忘記自己在哪一座大廈。
█ 超級唐樓從何而來
「當時唐樓下面是地舖,上面住人,『怪獸大廈』有同樣功能,但規模大很多,所以是種超級唐樓。」戰後難民開始湧進香港,當時未有公屋,只有私人樓宇,1955年政府制訂新條例,容許私人住宅發展得較高和密集,當時地產商的策略就是要大量和便宜地去銷售樓宇,因此開始建築高密度大廈,「然而1962年通過新發展模式,將商和住拆開,地產商不滿,政府最後設了寬限期到1966年實行,因此很多『怪獸大廈』般的商住混合大廈都是1962至1966年趕工落成的。」
█商住混合小店:半世紀理髮店
浩然解釋道,70年代怪獸大廈這種建築物裡面甚麼行業都有,是種多功能多用途的建築物,在香港或全世界都少見。現在五廈中商住混合的小店已少見,不少老店已結業和易手,位於海山樓一樓的上海理髮店東京美髮型,是少數由大廈落成至今沒搬過的商住混合小店。現年60歲的梅姨由公公那一代開始在日本做理髮店,戰時輾轉來到香港定居,爸爸在海山樓落成那年買入店面,一家人經營理髮店。「以前上海店有分男女界,我們的女賓客比較多,當年生意很好,只做五廈已很精彩,要用椅子排隊輪候,店裡椅子是坐滿人。」梅姨說大廈的屋契寫明2至5樓都可做生意又可居住,店舖最多的年代應該是70年代至83年,一層已有幾間理髮屋,又有中西醫、畫室、裁縫,「不過現在都沒有了,就剩我們和旁邊中醫。」
理髮屋中的焗髮器是50年前西德產物,現已無法使用,但梅姨不捨拆掉;店中的理髮椅子有50年歷史,是當年香港製造的柚木家具,非常耐用,客人都叮囑梅姨不能換,因為太好坐。梅姨為保留它的原貌和功能,中間搵人換過一次皮,但椅墊的內膽仍是半世紀前的芯,坐下去舒適度多年如一。店中的鏡子、鑲在牆上的小理髮枱、洗髮區的紙皮石水槽、蒸毛巾的熱櫃等都沒有改變過,如像走進博物館,像是巨廈中凝住的一角。「五廈其他大廈截然不同,外形和裡面的設計都很好,下面有個平台,空間給人感覺舒服又通風。不過我們很少拍照,不發覺這大廈吸引力這樣大。」
策劃:王秋婷
攝影:林亦、鄧欣、陳港怡
剪接:林亦
#鰂魚涌 #劏房 #租屋 #租屋香港
#月租 #日本 #日本人 #名古屋
#香港 #變形金剛 #攻殼機動隊
#深水埗 #實試 #MillMILK
____
鈴木san仲同我哋傾咗好多日本職場文化,想知有幾誇張就快啲入去睇!
• #MM|居港日本人講日本職場文化衝擊!觀眾大...
____
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
一直覺得九龍城寨那種陰鬱破落,看似毫無章法、漫不經心卻又自成一套規則的建築物很迷人,第一次走進怪獸大廈,也有種似曾相識感。浩然說,50年代因為韓戰,大陸受美國制裁,香港面臨很大經濟危機,商住混合的大廈雨後春筍,正是希望用家庭產業製造就業機會,這些根據居民日常所需而變出來的商住混合形態,令巨廈本身都成了個有機體,雜亂得來卻散發著獨特的生命力,不難理解鈴木被五廈吸引的原因。
另,好推介鈴木帶我食的泰國小店[泰歡迎](鈴木話因為個店名令佢感到好受歡迎,所以好鐘意間店,好可愛),老闆娘係泰國人,價錢平民但味道正宗,好味到我同同事食完仲另外嗌左外賣走🤣🤣🤣
邊個仲有怪獸大廈的故事?歡迎留言分享下🙋🏻♀
鈴木好可愛!
ua-cam.com/video/bdX-M71SXbY/v-deo.html
洗完頭好靚
下次試吓呢間泰國餐廳先
成個特輯為咗"東京髮型店"打廣告,係人都知呢間店藍到黑,所以街坊唔支持。你哋班後生點對得住你舊老細呀?
多謝邀請一齊拍怪獸大廈嘅故事!😊
支持你
你間房好亂呀, 微波爐放行李箱上面, 太危險喇, 快啲執下啦喂🤣
Subscribed!!!
鈴木下一次諗住搬去邊?
Support u 👍👍👍
我有一個關於呢座大廈嘅故事分享:
2000年,我喺英國讀完大學一個人回流香港。當時喺香港冇人冇物冇錢,所以喺海景樓租咗一個400呎兩房單位落腳。住咗3年左右。其間,每逢中秋節,都發現喺果間士多出面過少少嘅地方,都會有一對年老夫婦,年約70-80歲,在擺賣蠟燭燈籠。唔知道係因為生活拮据,還是消遣時間,但給人的感覺總是很複雜的:兩老夫妻同甘共苦,白頭到老,還是另人感動的;我幻想也可能他們其實已經兒孫滿堂,有兒女司機接送。
無論如何,之後就算我已經搬離此處,每年中秋晚上,如果我在香港的話,都特意走去光顧,買兩盒蠟燭,放低$500。直到有一年,我只係見到伯伯在,見不到婆婆。當年我也沒有問,擔心我會講錯說話,又或者我一直以來都諗多咗。那好像已經是2009年左右的事了。之後因為各種原因,我已經沒有再去,不知道有沒有人見過他們,或知道他們的故事?
多謝你哋拍怪獸大廈,我係70年代原居民!仲係由細到大前鋪後居響海山樓鰂魚涌街果邊😉⋯當時户户都有大小朋友,成日响條街一齊玩、一齊大,就是當年嘅獅子山下香港⋯就算小生意、小鋪頭都可以養活一家人!嘉賓資料都堅過我所知😅😅😅,我阿爸當年都係買鋪花等起好搬入去嘅!你哋片入面影果幢新大廈,以前係太古汽水可樂廠嚟⋯當年看更真係著制服包頭嘅阿差,但佢哋好好人⋯成日請小朋友飲可樂,當年嘅商用可樂size係好似大jar玻璃樽咁有木塞㗎!五廈當年係我哋成日玩捉E欣嘅地方,走一層都有排玩!當年各平台鋪都好多樣化,士多、單車鋪、文具鋪乜都有!你哋訪問嘅報紙檔姐姐當年都只係十幾歲😂😂,東京理髮店真係好耐但我居然冇幫襯過,但見阿姐個樣都知佢係街坊😂😂!仲有印尼鋪都好耐以前有沙爹賣㗎!移民咗嘅我每年返香港探親一落機返屋企就會去靚靚粥麵,至於泰國餐廳下次一定會留肚quota試吓!MM大家繼續努力💪,好多海外香港人都睇同支持你哋㗎!香港人加油💪💪
多謝你支持!大家都加油!
嘩,好詳盡同好有畫面🤩 謝謝你支持
鈴木好勁, 唔單止識講, 仲識好多詞語同形容詞
係 勁有天份
係!
而且感覺都係老實人
唔明你講既野同讚佢廣東話好有咩直接關係, 大把居港既日本人都唔識講廣東話. 至於日本打工有幾辛苦, 唔係咩秘密. 我都有朋友日本打工, 讀書, 亦有客係日本人.
@veca tam 識少少就係度講經 check下鈴木係咩人先啦
佢片入面打字係全漢字,仲要係港式中文😅
鈴木廣東話好勁, 好"陀地"... 仲以為phoebe會電個髮添
有小小可惜係「怪獸大廈」紅咗之後因為太多人去中庭打卡令到而家啲石壆用鐵籠圍起晒... 希望大家去打卡嘅同時可以盡量減少對果度居民嘅滋擾🙏
我都有諗過🤣但漂完頭電唔到架!
東京理髮店雖然咁多歷史,但清潔衛生令人佩服,祗看風扇葉沒有鋪塵衛生程度達到標準,多謝介紹,繼續發掘新題材,讓我們了解香港不同層面的生活。
因為佢哋知道有人拍嘢,所以特登整乾淨啲囉,咁都唔明
唔覺叫怪獸大廈不尊重,反而覺得好型
細細個嘅時候響益發住過一段時間,果陣住三樓,而樓下係有馬騮架,滑梯,仲會響樓下玩埋舟,麻鷹捉雞仔,伏laylay,仲會響樓下一係砌四驅車賽道一齊玩,新年中秋又會一齊團拜煲蠟咁,勁開心! 成班仔每日都響樓下玩到咁上下,阿媽就會對樓下玩緊嘅仔們返屋企食飯。
細個仲有啲糧油米鋪,有個肥老闆推石油氣,我同細佬就好百厭,響三樓對住肥老闆射bb彈氣槍,激到佢扎扎跳,片中間洗衣店老闆娘睇住我哋大,家陣有時經開都會同佢打吓招呼。
時間過得好快,咁就廿年了。。
香港人情味再過多十年八年就會煙消雲散了。。
有啲人唔明怪獸大廈點解收咁貴租,其實單係怪獸大廈半徑200米內我諗已經有至少4間中大型超市,如果想shopping 嘅話行去太古城或者康怡aeon都唔洗10分鐘,交通方面太古站同鰂魚涌站都係好近,幾步路就到,成棟大廈啲街坊又有人情味,泰歡迎勁好食,比你咁講一講肯定又要開始排隊喇😢😢😢 衣食住行樣樣都高質,鈴木用5500租就體驗到不折不扣嘅懷舊港式情懷,我個人認為值得!!
**真係要多謝MM,你地真係本土寶藏級channel, 衷心多謝你地紀錄低咁多屬於香港嘅故事,香港有你地真好☺️☺️
又有圖書館,又有馬會,仲可以行山
港島劏房月租市價係5000元左右的。
香港咁細,你講既呢d優點其實好多地區都係咁
方便又點,又污糟,又細,又危險,都唔知有咩好
七十年代中曾在此居住,當年2房單位十萬左右,我居住的隔離單位是佛堂,放著一排排長生位;樓下有各類商鋪,記得早上必到那家茶餐廳食早餐,晚上有時會到樓下潮州店打冷,謝謝你們拍此片,令我彷如走進時光隧道,能回憶過往生活,會收藏此片溫故知新
有無附近嘅街坊可以講下有關「怪獸大廈」嘅故仔呀!
怪獸大廈低層街坊一名 ⋯⋯
有一年有 聲稱香港人既韓星 (而加北左上搵錢個位)係到拍MV ,好多妹豬跟到黎影相,佢地成到Crew 就係到唔比人影。咁岩朋友 過黎食飯 ,問下個Crew邊個黎 ,無睇開韓星,講完個名都唔知邊位 :sosad 。 朋友上到我屋企黎就講左呢件事,之後咪去窗邊望下係邊位,見到佢係個影相位 又唱又跳,Break 個時仲要專登望上黎同我地 Say hi ,但佢say 完 hi 我地成班人係個時,都唔知係邊位 :sosad lol
故仔 2 .
原本中庭個位不嬲都係輪米咁多人既打卡位,又有拍戲之類,之後 2 年前無啦啦就起咗一堆網唔比人企上去個「膊」 到影相。其實個人就好懷疑係因為個時反送中,咁好多人去左中環/金鐘地段,仲要星期六/日時候,個時就多左好多賓賓姐姐無地方去就黎左係中庭到影相同打卡,咁打得卡黎又咁岩比人覺得係到尖叫又比較嘈(事實又真係都幾嘈),之後無幾耐就唔比人企上去了。
另外都覺得係有啲人又要黎打卡,企左上去個「膊」自己唔小心仆街之後應該又diu 啲看更/立案法團,之後都有出過公告講 「打卡仆街請自理」
@@waiianc1 企上個壆
成個特輯為咗"東京髮型店"打廣告,係人都知呢間店藍到黑,所以街坊唔支持。你哋班後生點對得住你舊老細呀?
我70年代尾住益昌樓,小學嘅時候係個度生活,當時樓下商店有士多、藥店(中西)、超有人情味係茶餐廳、打冷店(店面放哂D食物任選)、什貨舖、有時去海山樓食飯、因為海山個邊多食店D、有麵包店。平時去街角華強國貨,最重要係4點後街邊檔就開檔、真係好多檔唔同美食,真真正正掃街,放學最好去掃一輪,呢度太多回憶了,數都數唔哂。
MM 的專題片好好。好深入,好高質。同時拍得好有港人的人情味。好喜歡你們的節目。加油。剛剛開始追蹤。會花些時間睇哂所有片。確是疫情下的好節目
好慚愧,我電腦打字重慢過鈴木san..
拼音打字系好快~而且识读就识打
睇別人嘅破舊的確係有特別風味情懷, 但居住係另一回事。以前BF住呢度, 環境不太乾淨有異味, 害蟲多, 垃圾多。每次去都好驚...
感謝小編提供這樣的好資訊...我個人最喜歡香港這樣的生活...感覺很好...香港很有味道...人和人之間關係更緊密...而且這個大樓很好看...我喜歡這樣的設計
配樂同剪接好高質
我隻貓在16年前曾經在此地小住過, 仲記得大廈裡面d 巴東牛肉超好味
多謝支持!
@@mm.millmilk 拍攝風格有以前果籽嘅味道,好正!
Phoebe 個頭一洗玩即刻挑染的特色立即出來,梅姨對於髮型的理解橫跨1960s到2020s,不如考慮以後一個星期幫襯梅姨一次
世事極之奇妙! 2001回流香港至2019回温哥華定居。 其中有17年住在康山花園/太古城/南豐新邨。住南豐那九年更是每天/每星期出入必經之處。去附近街市更是必經之路,而五廈地下上幾年更话化更新一個不大不小的港匯城購物小中心! 不知疫情持續之下,還有商鋪生存! 好多謝MM團隊繼續努力為香港人發掘七百萬種生活!
唔知點解上海理髮店東京美髮型個PART真係幾感動,係舊時代先有的情懷。
係呀,我第一次去都覺得好正
曾經喺度住過幾年,睇到條片好有親切感。其實諗返入面既生活無表面睇咁大壓迫感,反而幾chill,多人住但唔會又嘈又亂又污糟,外人亦都少,基本上乜設施都有,附近又近太古城aeon同太古坊,買嘢食嘢都好方便。仲記得嗰陣樓下小店有養貓,好親人,有時收工返去見到佢都會同佢玩一陣。
嘩,廣東話好勁wor , 以6,7年黎講, 聽同講,讀寫都好好。
MM 出嘅片,最好睇嘅就係充滿香港人嘅味道,係一股既陌生(乜原來香港有呢D咁生活方式架?),又熟悉嘅香港味,所以每一段MM出嘅片我都唔會錯過。
識睇一定睇Mill Milk 🥛
👇🏻 力撐Mill Milk 💛 💪🏻
梗係啦,有王秋婷。
成個特輯為咗"東京髮型店"打廣告,係人都知呢間店藍到黑,所以街坊唔支持。你哋班後生點對得住你舊老細呀?
其實唔建議首播呢個模式
一早upload, 到今晚正式有得睇既期間, 觀眾訂閱左既其他channel都會upload片
到時呢條片就會推到落底, 同埋已經唔Q記得睇
多謝意見,會認真研究吓!
係呀,有時見到就要㩒reminder/watch later,但唔係次次記得。
20年前在香港太古坊工作过,就在那附近租房。对鰂魚涌那一带很熟悉。鰂魚涌背山、近海,比北角安静,到市政大厦楼上打乒乓,图书馆看书,吉之岛、太古城也不远,什么都很方便。好怀念那时光!
多謝MM 令我深入認識鰂魚涌,原來鐵金剛係度拍,有機會真係要去一次
條片好睇,拍得好有水準!👍
今集流暢!phoebe 👍🏼👍🏼👍🏼 #MM
多謝~
你們的節目很有電影感,勝過時下的電視。Keep up the good work ~
估到今次邀鈴木SAN , 勁XD, 支持MM 支持PHOEBE, 好正既體驗
將來要重建, 應該重新挑戰, 起返一個新版本, 同一型式E字形既五廈大樓, 一様2至樓係生活小商店. 現在既住宅, 真係無咩建築特式.
支持MM
拍攝得好好
繼續努力
💪🏻
系香港8年时间,7年住在怪兽大厦,今年10月搬走。每日都见到东京发型店,第一次知道原来东京不是指日本东京。其他采访的洗衣店,泰欢迎,士多老板都很熟。楼下还有一家面包店,里面的方包超香,蛋卷蛋糕12蚊(以前10蚊)绝对平靓正!游客的确好烦,有时D外国人真系饮完%就乱放D杯。不过整体都算不扰民。
每次見鈴木都覺得佢好可愛溫柔
我是设计师,我超喜欢cyberpunk风格的东西,而cyberpunk风格源自于香港,住在怪兽大厦有种住在Ghost in the Shell世界里的感觉!
😎哈!我就認為佢同土瓜灣"益豐大廈"同一個發展商喇!因為都係"E"字型設計!都係集商住兩用,呢種格局密度真係近乎"九龍城寨"啦!都係第一次見你地係樓上拍下,先知另有一種觀感!👍
有Phoebe拍既片特別好睇,正啊!唔like唔得
睇翻以前啲片 進步咗好睇咗勁多 繼續加油💜
看過很多介紹香港舊情懷的視頻,在這裡找到感動、感觸……
从另一个角度看来,纷乱又接地气,有一种迷人的味道。感觉生活在那里的人可能很“无奈”,好像还有很多“无聊”的、“平凡”的、“琐碎”的故事,却让人有另一种耐人寻味的着迷。向往!
好正! 剪接, 主持, etc... 都好正!
💪🏻
一年後再睇返都真係覺得好特別既地方~
70年代尾, 我父母剛由大陸來港, 第一個租房既地點就海山樓, 佢地係海山樓住了差唔多兩年先由政府安排搬到柴灣的安置區, 後來我出世後, 佢地間唔中都帶我來這裡懷下舊食下野, 當時我都唔係好明只係幾幢舊樓既地方有乜好懷舊, 而家先知原來係咁出名!~
認得用普通話拼音輸入法打廣東話字,説明佢普通話應該掂過廣東話,中文最難學就係字,犀利
鈴木君頑張れ〜📣
大島さんありがとうございます😊
報紙檔隔離間涼茶鋪應該訪問埋啦,佢d 火麻仁、豆腐花好食
下次試吓先
這個舖做咗幾十年既,歷史悠久。
條片拍得好有心好靚,住左幾十年港島因為你哋先知咁有特色🙏🏻
曾經有UFO研究者講過,華富邨有可能係當年全球人口最密集嘅地方,所以吸引到UFO嚟
唔知鰂魚涌五廈有冇呢啲Case?🤔
十幾年前喺呢區做過裝寬頻,呢幾楝嘢跟線跟到痴線,次次都搞個幾兩個鐘
Mill Milk拍啲片堅高質!加油!支持!同埋一定要介紹俾多啲人認識!
感謝認真製作的影片,很喜歡。
感謝MM經常發掘一些香港被忽略、遺忘的故事。有些有趣,有些感人;為冷漠的都巿添上一層濃濃的人情味
當年嘅設計真係好人性化
鈴木先生,歡迎你來香港。希望你在香港生活的體驗,能給你多姿多彩的人生。🤝
唔係咁鍾意日本人
這巨廈很有香港特色,和重慶大廈一樣有代表性。
一間鋪頭,一份工作做幾十年真係唔容易。正!
你哋拍得好好睇👍🏻
去过几次香港,我们澳洲住习惯的人走路都是摆大字的,家里周围平时1小时也就一些人经过。。。去香港下飞机,那种人口与建筑的密集度真的让我有一种想哭的恐惧。走在街上只要停下来就容易被后面的人撞到。
好赞!可以了解历史和民俗。。另外小时候在大陆的电视上看到这个楼的时候都觉得,哇,香港好发达啊。。。要知道80年代在非北上广的普通的内地城市高于6层的楼都少见。最后的居民阿姨说的真好。。当网红和游客也要有素质,尊重居民,保护社区。。
個報紙士多檔位,以前係賣煎炸小食.....我小學時間中都幫親,好鐘意食炸蕃薯餅、炸芋頭餅🤤
真心希望依幾幢大廈做足防火措施,如果唔係。。。。。。真係大檸樂。
近年燒過幾次了。好彩。
好好睇
像這樣的地方在地人大多不會喜歡 不會覺得驕傲 但是從外地人的眼中來看就真的很特別 很酷了
台灣也有一些很舊的街區 還保有一點日本昭和時代感 本地人都覺得破破爛爛 "市容醜陋" 但日本人就喜歡去拍照
其實根本沒有欣賞價值,危機處處,罪惡溫床,衞生惡劣,一有火災,全部一獲熟
15:11 靚到
🤣🤣🤣
3:12 普通话拼音打粤语字,仲打得咁快,真系好犀利,我哋广东人平时倾偈好多都系用紧普通话拼音嚟打广东话,能够睇明咩意思都麻鸠烦,有啲人干脆打笔划,顶唔顺 学粤拼好过
香港人比較多係打速成、倉頡
呢集好睇!
好好看,我係太古讀書時日日行過直去萬利,有朋友住海山成日上去,走廊真是長到似迷宮,係其中一棟大厦里面,感覺好似返左舊香港,馬賽克的磁磚的走廊很懷舊
長知識,已比Like, Phoebe做得很好,多謝MM。
感謝團隊!辛苦你們!支持你們!別停👍👍👍👍💥🙏
Phobe做人物故事最好睇!
啱呀!
氛圍好正喔。可以拍鬼片或者遊戲場景
呢d 先係值得保育,有代表性過中環街市
有Pheobe,like咗先
偏心呀~
Phoebe 真係好女神❤️
在這種劏房間內空間可以做上下二層,又不失下層空間可以做平時作息跟辦公,上層又能做睡覺空間,上下的方式可以做為收納櫃概念當作樓梯
万万没想到这个楼群的光照这么好,很有设计感
一個日本人自學廣東話可以講到咁正,真係好勁!
剪髮剪得幾好睇
即刻柔順咗🤣
我童年時都住過海山樓睇翻這條片好多回憶~
好勁 好有heeart 咁鍾意香港 我都好鍾意香港
好像新版的九龍城寨啊~~~好厲害~
希望可以做一集講八文樓
幾好奇佢地消防條例有冇過到。
迷宮咁,好似又唔見有出口燈箱,
火蠋就67
得一條路,都唔知點迷宮….
對於在旁邊看熱鬧的我們,會覺得是打卡景點、是體驗的好去處
但是在裡面生活的人,心裏是多苦澀!?
廣東話 準過好多新香港人
我以前同阿媽住康怡,後來阿媽去左美國租住南豐,後來業主收返就搬左去福昌。本來無諗過租因為外表太可怕,係因為個姐姐個fd住度我地上去睇先知原來個單住好實用樓底高,剛好有個大單位出租睇完好滿意所以便住下來。老實講唔差過康怡同南豐,我住咁耐無需要花錢維修,其實無條片拍到咁黑咁窄又亂,我住單位對出走廊大到可以幾個小朋友一齊玩. 我知有劏房單位又有比菲傭都過渡房屋,片中嗰幾間嘢我都去過。之前有間泰國菜d冬陰功好食到爆(上星期去無左了)
希望大家去打卡嘅同時可以盡量減少對果度居民嘅滋擾🙏
知道啦
有時心諗700萬種生活方式,有冇可能訪問到真正香港富豪級生活
傻喇!
如果介紹超富豪级生活
某些低下層市民有會感到自卑!
介紹比較環境差
某些人會覺得生活比佢哋
已經好好!
@@goodtime1303 傻喇!如果介紹超富豪级生活Good Time有會感到自卑!介紹比較環境差Good Time有會感到自大
多謝MM,好鍾認睇依類影片
多謝你拍咁靚的影片俾我地睇呀
高質👍👍👍
好漂亮的建筑物 我喜欢香港那样的旧楼 有怀旧人情味
👍👍很有意思的介紹!多謝磨奶。🙏🙏
我在鰂魚涌工作,那裡跟其他地方真係天與地的差別
多謝介紹這間很特別的大廈,以前起樓會計算坐向,通風,透光度,所以啲屋冇咁熱同焗促,原來我地祖先一早已經很環保😀
聼教授講來,采光居然j這麽講究, 個陣都几有人文關懷
果籽女神, phoebe 一人
依家暫住緊隔離既舊樓太就樓 戈到都好住 100幾呎 6700倒
Thanks for recording HK
我以前由出世到2006年離開香港之前30年都一直住係鰂魚涌但係真係入都未入過去。