CAAMAÑO&AMEIXEIRAS: Aire! Música no Claustro 22
Вставка
- Опубліковано 7 сер 2024
- Gravación audiovisual financiada cos fondos Next Generation da Unión Europea a través do INAEM-Ministerio de Cultura e Deporte, no marco do Plan de Recuperación, Transformación e Resiliencia, do concerto celebrado no claustro medieval da Catedral de Tui o 2 de agosto de 2022 dentro do ciclo AIEnRUTa-Artistas coa colaboración do Concello de Tui, a través de su Concellaría de Cultura e Ensino, e da Xunta de Galicia, a través da Dirección Xeral de Cultura da Consellería de Cultura, Educación, Formación Profesional e Universidades.
00:00 Caamaño Ameixeiras
02:06 Florencio
05:39 Le Bal de la Marine
10:27 Mercedes y Dolores
15:23 Se souberas
20:40 Alegría Dio'la dea
23:34 Rondeau Francogalaico
29:48 Maneo de Cambre
36:52 Buchimitsa
42:23 Vals de pasmar
46:53 A pequena morte
53:10 Maribel
58:19 Aire
01:04:03 Transatlántico
Video: Gus Abreu
Son: Suso Ramallo
Caamaño&Ameixeiras é un dúo ligado á música e ao baile de raíz. Aire! é o seu primeiro traballo discográfico que toma como punto de partida a tradición galega para explorar as músicas populares doutras culturas. Un dúo que reivindica o papel da muller como artista e como creadora, desenvolvendo o seu propio imaxinario musical e comprendendo a tradición como algo vivo. A esencia do popular é levada a linguaxes e recursos contemporáneos, a través de composicións persoais e íntimas que manteñen a urda de onte e incorporan a forma de hoxe.
Caamaño&Ameixeiras chegan a Música no Claustro co apoio de AIE Sociedade de Artistas, Intérpretes e Executantes, no medio dunha intensa xira de verán que as leva a percorrer a Península Ibérica de norte a sur, de oeste a leste, así como na Bretaña francesa e en Italia.
Sabela Caamaño (Oza dos Ríos, 1990) é titulada superior en Acordeón, Pedagoxía da Linguaxe Musical e Piano, e actualmente traballa como profesora no Conservatorio Profesional de Música da Coruña. Como pianista destaca a súa gravación da banda sonora do filme Elisa e Marcela de Isabel Coixet e como acordeonista centra a súa actividade no dúo Caamaño&Ameixeiras, punto de encontro da súa formación académica co mundo da música tradicional e popular galega co que está unida dende a súa infancia.
Nese universo da cultura de raíz, Antía Ameixeiras (Baio - Costa da Morte, 1993) asiste a aulas de baile e pandeireta dende os 5 anos. Despois de estudar violín no Conservatorio de Carballo, continuou a súa formación en música tradicional en aCentral Folque, así como en diversas escolas de jazz e músicas improvisadas en Bulgaria, Francia e no Taller de Músics en Barcelona. En 2015 recibiu a Beca Excelencia Artística Afundación e ten tocado con Carlos Nuñez, Os Cempés, Kepa Junkera, Luar na Lubre, Gustavo Santaolalla, Jordi Savall e Hespèrion XII, Dan Ar Braz, Ceumar ou Uxía Senlle.
Bellísima música, encantadoras intérpretes, magnífico escenario. Gracias por compartir... un abrazo desde Chile
Gracias por esta joya!! No me canso de veros y escucharos!! sois amor
Dúas virtuosas. Unha preciosidade! 🤩😍
Que lindo! Obrigado!
Merveilleux.
viva a xente con talento ostia