المروحة الدايركت او الدرك ام المروحة الكهربا مميزات وعيوب الاتنين

القناة لها اهتمام بمجال صيانة السيارات والتكنولوجيا، الكمبيوتر واللاب توب والموبايل واجهزة كتير هنتعلم صيانتها زي الخلاط والمكنسةوالسماعات والشاشات وهنتعلم نبتكر حلول لحاجات كتير بطرق مختلفة، وكمان هنكشف كدب فيديوهات كتير على اليوتيوب مرتبطة بالتكنولوجيا، ولو عندك معلومة محتاج تعرف حقيقتها ابعتلي في تعليق او رسالة خاصة على حساب الفيس بوك.
profile.php?...
تابع القناة بعمل اشتراك وتفعيل الجرس واتفرج على كل الفيديوهات اللي تشدك في القناة ومتنساش تعمل لايك للفيديو اللي يعجبك، ولو ليك أي استفسار سيبه في تعليق، ولو حابب تفيد غيرك ممكن تعمل شير للفبديو المفيد ده.
المروحة الدايركت، او الدايرك، او الدرك، او المباشرة او الميكانيكية على الموتور اركبها ولا بلاش واركب مروحة كهربا كفاية ولا الاتنين مع بعض.
ده موضوع الحلقة النهارده، ومعاكم هاني من قناة افكار جديدة جدا.
السلام عليكم ورحمة الله وبركاته واهلا بيكم من جديد في حلقة جديدة من حلقات الصيانة النظرية.
موضوعنا النهارده عن المروحة الدايركت او ايا كان اسمها عندك فهي المروحة اللي بتركب على طنبورة طلمبة الميه وبتشتغل مع تشغيل الموتور وسرعتها بتزيد وتقل مع زيادة او نقصان سرعة الموتور او دوسة البنزين.
هنتكلم عن عيوبها ومميزاتها ونركبها امتى او نلغيها امتى ونستفيد منها ازاي.
اولا كده مميزات المروحة الدايركت
مبتاخدش كهربا من البطارية
سرعتها بتزيد مع سرعة الموتور
ملهاش اعطال غير الكسر، يعني مش هتتفاجيء انها مش شغالة ولا بتعلق ولا بتشتغل ومبتفصلش وتنيم البطارية فجأة.
سعرها رخيص جدا، بالنسبة للمروحة الكهربا
اما بقى عيوبها
قوة دفعها للهوا مش عالية وبالتالي تبريدها مش عالي خاصة في الطرق الزحمة اللي العربية بتسخن فيها بزيادة، وقتها المروحة الدايركت هتكون بطيئة لان الموتور لفاته بطيئة وهيسخن برضو لو قارنتها بالمروحة الكهربا اللي بتشتغل بكل قوتها في اي سرعة، وبالتالي فهي غير كافية للتبريد في الزحمة.
العيب التاني بتزود الصوت في حوض العربية طول الوقت، وان كانت زيادة طفيفة لكن لو الصوت مش مضايقك يبقى مفيش مشكلة.
العيب التالت بتزود الحمل شوية على طلمبة الميه وبتعجل بتعطلها او تسريب الميه منها خاصة لو فيها ريشة مكسورة، عشان كده لازم تغيرها لو لقيت ريشة اتكسرت منها، عشان ضررها على طلمبة الميه يكون اقل ما يمكن.
العيب الرابع صعوبة تسخين العربية في الشتا خاصة لو حرارة عربيتك مبترفعش ومظبوطة، هتلاقي بقى مؤشر الحرارة تحت علطول ومش راضي يطلع والعربية هتفضل فترة تقطع معاك بسبب زيادة برودة الموتور.
العيب الخامس بعدها عن الردياتير واعتماد تبريدها على تبريد الموتور بشكل مباشر مش تبريد الميه اللي في الردياتير زي المروحة الكهربا اللي ملاصقة للردياتير بشكل مباشر وبتبرده عن طريق سحب الهوا من خلال شبكة العربية الامامية وتمريره مز خلال ريش الردياتير وكمان بيعدي يخبط الموتور مباشرة، يعني تبريد مزدوج وهوا قوي وشديد طول فترة التشغيل.
طيب نركبها ولا لأ
ولو هنركبها يكون امتى
اولا كده لو انت بتشكي من الحرارة علطول يبقى هتركبها تساعد مع المروحة الكهرباء، مش لوحدها، لانها لوحدها غالبا مش هتكون كافية، خاصة في الطرق الزحمة.
اما لو عربيتك بتسخن في الصيف وبتبقى باردة في الشتا يبقى هتركبها في الصيف وتفكها في الشتا برضو مع المروحة الكهربا اللي هنخليها ثابتة معانا علطول.
اما بقى لو عربيتك حرارتها مظبوطة صيف وشتا ومبتعديش ال90 في الزحمة في عز الحر يبقى مش لازم تركب المروحة الدايركت خالص ولا صيف ولا شتا، ولا تاخد فوايد ولا اضرار.
الخلاصة في رأيي الشخصي ان المروحة الدايركت متنفعش لوحدها لكنها بتساعد جدا مع المروحة الكهربا في حال ان الموتور يكون بيسخن بزيادة بدون سبب واضح.
وفي اللحظة دي نكون وصلنا لنهايه حلقتنا وشكرا لمتابعتكم ولايك بقى للفيديو وابعتوه لكل صحابكم المهتمين بمجال العربيات.
والى اللقاء في حلقة جديدة والسلام عليكم ورحمة الله وبركاته.
#المروحة_الدرك
#المروحة_الدايركت
#أفكار_جديدة_جدا
#المروحة_الكهربا
#مروحة_الردياتير
#مروحة_دايرك_للمحرك
#مروحة_موتور_السيارة

[@arabiasouth7360]

1:50 اخي المروحة الكهربائية ما تشتغل بأعلى قوتها بالزحمه وبعدين المروحه الكهربائيه اذا تم يوم كامل شغال بكل قوته رح يفضي طاقة الدينمو وتضطر تبدل دينمو الجرج الشغل الصح انك تشبك حساسين مع المراوح الي لها سرعتين سرعة منخفضه تشبك السرعه المنخفضه مع حساس يفتح مثلا على حرارة 76 الي هو نفس حرارة فتح غطا الثرموستات تقريبا لغالبية السيارات والسرعة العالية تشبكها مع حساس حرارة يفتح على ال 86 وكذا شغلك تمام

[@amrrefaie3862]

كلامة غير فني بالمره تحس انه قاعد يقرأ شيء وهو مو فاهمة

[@user-bl9km9mo4s]

ركبوها لو التكيف مش بيبرد كويس ف الصيف هتنفع قوووي

[@Kareemelkamash]

لو سمحت استاذ هاني ممكن تعمل فيديو ازاي اركب المروحه الدايركت عربيه ١٢٧

[@HanyMoh2017yt]

اسأل في محلات قطع الغيار وشوف هي لها مكان فاضي ولا لأ

[@adelsamuel6042]

اشكرك يا باشمهندس انا اول مرة افهم الموضوع انا عندى 128 وانت عارف ماكل مروحةالكهربا كنت بقول يابخت اصحاب العربيات الىموتورهم بالطول وعندهم مروحة دايركت اطيب تحيات وعايزين فيديو تفك موتور مروحة كهربا وتعمل له صيانة بالذات لو صوته خشن وهل مروحة العربية 128 ممكن تتفك والرادياتير راكب ولا لازم تفك الرادياتير

[@user-jx2zg3pd4l]

لا تنسى ولف الحماوى له دور في سيطرة للابقاء درجة المحرك ثابتة

[@HanyMoh2017yt]

ايه

[@user-jx2zg3pd4l]

@@HanyMoh2017yt تنضيم حرارة المحرك عنده الفتح والاغلاق بالنسبه للثرموستات أو ولف الحماوى

[@user-vo4iz6qv8c]

السلام عليكم ممكن اركب مروحه تانيه فين في عربيه اسكودا فليشيا ً

[@HanyMoh2017yt]

معنديش فكرة خالص، عمري ما اشتغلت فيها
ممكن اي كهربائي يوضحلك

[@AliAli-nr9th]

هل توجد مادةالزئبق في المروحه الكهربائية لسياره فورد إكسبلورر

[@HanyMoh2017yt]

هي المراوح فيها زئبق

[@Kareemelkamash]

رد عليا بالله عليك العربيه بتسخن مني ومش عارف اركبها ازاي عربيه ١٢٧

[@user-yp4yx9cm3n]

بيعها