ECM Synchronika |ماكينة قهوة إحترافيه إي سي إم سينكرونيكا: تجربتي ورأيي الشخصي

آهلا فيكم
تكلمت بإختصار شديد عن المكاين الاحترافي وسبب غلاء سعرها وبعدها قارنت بين 3 مكاين أشوفها ممتازه وتكلمت بشكل محدد عن السانكرونيكا
الفيديو اللي تكلمت عنه تلقونه في صفحه عبدالمحسن العبيد:
• مكاين الاسبريسو وطريقة...
والموقع اللي طلبت منه قهوتي هو كافا
qavashop.com/en/
اعتذر من التصوير عن طريق سناب شات
Snapchat:
qalaf
شكرا لكم على دعمكم وإن شاء الله اني أكون أفدتكم

[@3aiban]

شريتها اليوم بعد حيرة وبحث طويل ومن ضمن الاسباب هو هذا الفيديو ، الف شكر لك 👍🏼

[@MAJEED.515]

افضل هي ام روكيت 58

[@donhamada2010]

الله يطرح لك البركة فيها ان شاء الله .. المكاين زاد سعرها كثير في الوقت الحالي وشح المعروض في مواقع البيع .. البروفيتيك برو 700 خيار ممتاز ونسخة السنكرونيكا ومن نفس المصنع .. وعداداتها جميلة باللون الأسود .. طبعا هي فرار وليست جوي ستيك اذا ماكان هذا الشيء عيب لدى البعض

[@nixonjase6487]

i know im asking the wrong place but does any of you know of a method to get back into an instagram account??
I stupidly lost the login password. I would love any help you can offer me!

[@mahaalrufaihi4876]

صراحه شرحك فناااان ، نورتني كثير بالمعلومات ،، حبيتها لما شفت كذا مقطع عنها وشكلي بستقر عليها،،

[@hdhj3022]

الله يعطيك العافية شرح جميل جداً ودي تخدمنا في مقارنت هذي المكاين مع ديلونجي لاسبيشاليستا
أنا أعجبتني وبعد شرحك الي استفدت منه جداً ودي أعرف الفروق عن هذي المكينة ديلونجي كنت مخطط عليها لان فيها طاحونه وتكبس على طول وسريعه ودي أستفيد وجزاك الله خير🤲🏻

[@seedalieedfalah5911]

ماشاء الله تبارك الله شرحك بطل بأختصار

[@moatazaly4912]

مشكور علي الشرح الوافي

[@user-er1ww6vw7z]

احسن شرحح

[@gharammohammed6175]

يعطيك العافيه ، ايش افضل مكينه قهوه للمبتدئين ؟ و ايش احسن مكينه مع طاحونه ولا طاحونه منفصلة ؟

[@user-lo5ib4qq1m]

افضل مكينة للمبتدئين برايي الشخصي مكينة ( بريفيل اكسبرس ) المكينة مدمج فيها مطحنه وتعطيك استخلاص جميل وجيد جددداً وسعرها مابين 2900 الى 3200

[@juodjoud9722]

افضل شي الديلونجي ديدكا تلقاه ب700 ومع طاحونه ديلونجي بعد مدري بكم بس انها رخيصه السوداء

[@ebtihal7721]

طيب انا شفت فديو من قبل ست اشهر ورجعت الحين اعلق لان شفت مكينه بنفس المواصفات وفي شي ازود عنها فابغى اتاكد هل تقارن بها اول لا WPM الايطاليه الاصدار الجديد لدرجه اول ماشفتها احسبها روكيت شكل ولون فهل تنصحني اخذها دام سعر حلو والاستخلاص عندك نوعين نفسهم بالازرار اختيار او منول بالعصا وتبخير بفتحتين واقدر اغير تصير ثلاث وشاشه متابعه الضغط الاستخلاص والتبخير نسخ لصق من هالمكاين الثلاث

[@bukhalifa511]

برايك السنكرونيكا افضل ولا لينيا ميني لامارزوكو ؟؟ انتظر ردك

[@fqalaf]

اللينيا افضل بس من ناحية السعر الاختلاف جدا كبير

[@latifa3332]

وش رايك في مكينة بريفل ؟!
هل تنصحني اشتريها ولا فيه مكينة ثانيه تنصحني فيه؟
الميزانيه تناسب بريفل عشان كذا حددتها

[@fqalaf]

Latifa 33 ميزتها سعر رخيص وطاحونه مدمجه فخيار مناسب للمبتدئين

[@Haielalamor]

لو سمحت اخوي في pid السنكرونيكا على ايه درجة حرارة احط التبخير وحرارة الاسبرسو

[@RMRM6]

Haiel alamor حراره الاسبريسو تعتمد على نوع الطحن اذا انت تحب مشروبات الاسبريسو فقط وتقدر تطحن سوبر ناعم وعندك الفلو كنترول جرب من ٨٩ الى ٩٢ . اذاكنت من محبين مشروبات الحليب استخلاص على ٩٣ ممتاز . بالنسبه لظغط التبخير اذا المستخدمين كثير افضل انها تكون على الماكس اما اذا واحد اثنين ١٢٩ ممتاز

[@fqalaf]

جرب درجات مختلفه من ٩٠ الى ٩٣ اما التبخير ف الافضل أعلى شي يعني فوق ال١٣٠ عشان تاخذ بخار ممتاز

[@user-ux1hk9kz4o]

كنت عاوز اسالك الماكينة هذا ولا v60 r

[@fqalaf]

الماكينه تقدم مشروبات الاسبريسو والحليب بأنواعه الV60 هو مختلف وبس للقهوة المقطرة السودا

[@user-ux1hk9kz4o]

@@fqalaf الله واكبر عليك دة اقوى رد على الاختلاف بين الماكنتين .اخوك من مصر وانت كدا فهمتنى شكرا ليك.انا كنت معايا بيانكا وعاوز اغير اجيب شىء .هل عندك ماكينة مااعرفها تانى

[@fqalaf]

@@user-ux1hk9kz4o المبلغ هو يحدد

[@noon6726]

مشكووووووور بس مين وكيل الماكينة هاي في دول الخليج وكيف اشتريها ؟❤

[@fqalaf]

الرقطان وكيلها في الخليج على حد علمي

[@11Gresso11]

سينكرونيكا حلم بعد ما اتمكن حاليا انا تحت التدريب بالدلونجي ديدكا :)

[@user-nl9hx4he1f]

امنيتي من ٣سنوات وربي المكينه ذي والمطحنه بس الله يرزقنا😟

[@user-er1ww6vw7z]

الله يرزقك بكل ماتتمنى

[@mohammadmd5461]

لوسمحت من فين اخذاها لو ترسل موقعها وكم قيمه الطاحونه

[@fqalaf]

حطيت الموقع والطاحونه اسمها etzmax

[@khalidhassan3250]

اشكرك الغالي شرحك كافي ووافي . انا محتار ماعرف شو اخذ من مكايين وطاحونه . ميزانيتي من 10 الاف لين 12 الف . ابغي اخذ مكينه وطاحونه واكسسوارات للمكينه وماعرف شو اخذ . من خبرتك شو انسب مكينه حقي بهالميزانيه . شكرا جزيلا

[@fqalaf]

khalid hassan اذا الاكسسوارات ضمن الميزانيه ف انت تحتاج تقريبا ٢٠٠٠ ريال وممكن اقل يعتمد على رايك.. اذا افترضنا ان بقى ١٠ الاف بأقولك تآخذ ماكينه تبادل حراري ب٧ الاف وطاحونه ب٣ الاف.. اكيد افضل تاخذ ماكينه بسخانين بس ارخص وحده بتكون ب٩ الاف يدون طاحونه

[@Lordllloflllshadow]

عارف اني مالي دخل بس اشوف لو تزودها شوي وتروح مكينه decent espresso تتراوح ين ١٣ الى ١٦ الف على كلام واحد من الشباب مسوي لها رفيو كامل تعتبر تنافس مكاين السلاير الامرزوكو لان فيها تحكم ب flow rate وفيها pressure

[@mohammedalmazeedi7177]

انا محتار بينها وبين لامارزوكو لينيا ميني برأيك من الأفضل؟ وهل تستحق اللينيا ميني فرق السعر

[@fqalaf]

طبعا اللينيا افضل.. تستحق؟ رأي شخصي غالية بس سعرها فيها ولو عندي المبلغ ممكن اطلع للgs3 لانها بتفرق كثير

[@mahaalghufaily5324]

نفس السؤال محتاره بينهم وابي احد مثلك الله يعافيك جرب الاله يفيدني لان فرق السعر حوالي ٦ الاف ريال بينهم .. خيار gs3 ماراح اوصل له لان جدا غالي .. الان انا بين اللينيا والسنكرونيكا والسؤال الي محيرني هل فرق السعر بينهم يخص جوده الاسبريسو او جوده المكينة من ناحيه القطع الداخليه نفسها او اسم الشركه له دور بفرق السعر ؟

[@etharmohamaad8632]

انا محتاره بينها وبين نوتا لي فوق ٤ شهور محتاره🤦🏻‍♀️

[@anwarsmsm]

ليليت بيانكا وبس
كل هالصناعه والاتقان الثلاث مكاين مافيها ترطيب وتحكم بالتدفق

[@galeb_35ali3]

للامانه انا خيرت بينها وبين البررفتيك لاتزعل لكن للامانه البروفتيك برو افضل والسبب الفرار اقدر اتحكم بالتبخير والشيء الثاني في نسخه جويستك وشكلها افخم رالشي الثالث عصا التبخير بالسينكرونيكا مو معزول مثل البروفتيك للامانه وبدون زعل ايضاا الدرب تري في البروفتيك اكبر وسطح الاله بالبروفتيك اكبر ويعطي مجال انا وقفت على مكينتين سنكرونيكا وبها عيوب من كافا شوب وحده التانكي مايعبي ضعيف جدا والثانيه فيها عصا التبخير فل حراره

[@donhamada2010]

Galeb_35 Ali هل فيه بروفتيك ٧٠٠ تجي مع جويستيك ؟

[@galeb_35ali3]

donhamada2010 ايه موجوده عند محمصه راوي الكويت وتقدر تطلب نفس الصمام وتركبه على البروفتيك وتقدر تطلب من موقع الماني مقاس الجويستك ويركب على الابارتمنتو طبيعي جدا

[@donhamada2010]

Galeb_35 Ali ممن رابط الموقع الالماني من فضلك ؟

[@galeb_35ali3]

donhamada2010 والله للامانه ماهو عندي لكن اكتب بقوقل جويستك فالف وتطلع لك الخيارات بس انتبه تراها مقاسات

[@fqalaf]

حياك الله وابدا ما قلت شي يزعل ومثل ما ذكرت انا انه تفضيل شخصي افضل الجوي ستيك والتبخير برأيي لازم يفتح بالكامل بشكل سريع ما اتوقع انك تفتحه على دفعات هو الخيار الأفضل.. اذا نزلوا نسخه جوي ستيك هذا موضوع مختلف بس كلامي عن النسخه الموجوده حاليا.. مقارنه السطح للامانه ما قارنت ولكن ما حسيت ان اختلاف الحجم بينهم شي يذكر وبخصوص المشاكل يمكن تجربتك سيئه لكن تجربتي الحمدلله تمام ولا واجهت المشاكل اللي تكلمت عنها.. يعطيك العافية على الافادة

[@user-md1zj8xo9h]

لوسمحت إيش رأيك في مطحنة براتزا سي wi ، مع العلم أني بأخذ مثل مكينتك السينكرونيكا ان شاء الله

[@fqalaf]

د/ حسين صنبع والله سمعت مدح عليها بالنسبه لسعرها بس لو ميزانيتك تسمح انصحك تأخذ طاحونه افضل مثل اللي حطيت أسمائهم والقرار لك اكيد

[@user-md1zj8xo9h]

Fahad Q تمام شكراً لك

[@RMRM6]

ممتازة بلا شك ، كنت حاطها من الطواحين الي بشتري وحده منهم لكن بالاخير اخترت النيش زيرو البريطانية المحدثة سعرها ممتاز وحجمها رائع ونتائج مذهله 👍🏻 ايضا يوريكا Atom 75 سباشيلتي مع blowup وتعاملها معامله السنجل دوز
تحياتي

[@fqalaf]

Alyousef Ahmed النيش يمدحونها كثير وفي قليل عندهم ملاحظات عليها بس اشوفه خيار ممتاز
اما "البلو اب" فهو خيار ممتاز بس مشكلته ان القهوه تتنثر في البار كله

[@RMRM6]

Fahad Q شكرا استاذ فهد على طرحك الان صار لي ٦ ايام استخدم النيش مع السنكرونيكا رائعه جدا الى الان

[@norah.artist89]

عندي مشروع عربة كوفي للمناسبات هل تناسبني ؟؟ وتقدر تسوي لي اكثر من كوب بنفس الوقت بدون ماتعلق

[@fqalaf]

اذا النشاط الرئيسي قهوه ف ما تنفع. هي تسوي ٦ اكواب بنفس الجودة بس العربه بتحتاج اكثر. ضروري تكون ماكينه مصممه للاستخدام التجاري

[@smile4ever363]

ايش اتفضل
المكينه اللي عندك ولا لامارزوكو لينيا ميني

[@fqalaf]

اللينيا مني افضل بس المقارنه مو عادله لان فرق السعر يوصل الى ٧ الاف. بس اللامارزوكو شركة قوية وجودة ممتازة

[@smile4ever363]

@@fqalaf
الله يعطيك العافيه وماتقصر

[@q8deagle]

الفرق بينهم بالقروب هيد والتكنولوجيا فقط

[@user-qq6qg6ey7j]

انا عندي أوسكار ٢ هل بحصل طعم يختف عن الي عندك انا فقط كوبين باليوم و معدل عند opv ٩ بار

[@fqalaf]

الضغط عامل مهم بس في عوامل ثانيه مثل درجه الحراره ودقتها ومثل ثبات الضغط طول وقت الاستخلاص هذا الشي متوفر اكثر في المضخات الدورانيه لكن اذا الاوسكار تعطيك كوب قهوه ممتاز ويناسب ذوقك ف هذا اهم شي

[@user-vq8eo2yr5r]

عالم القهوة مالا نهاية يجب أن تكون مقتنع أنت و غيرك
المهم إنت ايش احتياجاتك قهوة اسبرسو بحث و طعم يعدل الراس
ام تحب المشروبات كبتشينو او غيرها
اوسكار ٢ كويسه الا حد ما

[@aliqaqaqa3516]

هل الافضل هذه المكينة ام مكينة ليليت بيانكا

[@fqalaf]

Ali qaqaqa ما عندي خلفيه عنها للاسف

[@aamazs1416]

Ali qaqaqa
الليليت بيانكا فيها مواصفات اكثر، لكن السينكورنيكا افضل جودة ووكيلها هنا افضل وشركة قديمة في المجال ومعروفه مقارنة بالليليت.

[@user-tu4vv3bp3k]

الحمدالله تم شراء سنكرونيكا عاد كم يبيلي متى توصل من موقع كافا شوب وشريت طاحونة يوريكا ميجنون سبيشاليتا

[@7eem1]

محمد محمد ماشاءالله تبارك الله الله يطرح فيها البركة، اقدر اسأل كم كلفتك المكينة مع الطاحونة؟

[@MadzWR]

نفس سؤال رامي ..

[@user-tu4vv3bp3k]

Rami Khalifa المكينة 11999 و الطاحونة 2250 المجموع 1449 ريال والمعذره على تاخير برد

[@user-tu4vv3bp3k]

MADZمكينة 11999 و الطاحونة 2250 المجموع 1449 ريال والمعذره على تاخير برد

[@noon6726]

اخوي لوتكرمت هذه افضل في النتيجة والصيانة ولا لابافوني اليدوي مشكور ياريت ترد علي لاني افكر اخذ لابافوني خصوصا سعرها اقل من هاي

[@fqalaf]

ما اعرف اللابافوني للاسف بس طبعًا المكاين بتعطيك نتايج افضل من اليدويه بس سعرها اعلى بكثير

[@noon6726]

كم تحتاج وقت حتى تسخن وهذا شي مهم ؟

[@fqalaf]

ما حسبت بالضبط لكن تعتبر سريعه اذا كانت بارده بتسخن في ربع ساعه تقريباً لكن نصيحتي شغلها لمده ٤٥ دقيقه قبل الاستعمال عشان تتأكد ان كل الاجزاء سخنت

[@MrHdoe]

اش افضل نوع قهوة لها اسبرسو ومن وين اخذه بسعر افضل

[@azizalz8781]

لو سمحت انا بفتح كوفي وش ترشح لي مكينه تناسب للمحل ؟

[@fqalaf]

ميزانيتك تحدد بس اكيد مو هالنوع من المكاين لانها استخدام خفيف ومنزلي

[@hamedfh4356]

بالكويت عندنا بروفتيك ٧٠٠ بور تجي جوي ستيك لكن محتار اخذ الى عندك او الروكت او بور ٧٠٠

[@fqalaf]

كلهم متقاربين خصوصا السانكرونيكا وال٧٠٠

[@user-rl2mz2yb9s]

تنصحني بشنو؟ واللي اخذتها شلون تجربتها معاك؟

[@afnan7285]

يهمني الطعم مالي بالفنشنق ابغى مكنة احترافية تسوي قهوة لذيذة

[@aboghazii]

اخ فهد انا لي فتره ادور الة القهوة والي الان ما حصلت وموقع جافا ما وفر الاله له فترة اذا لك خبرة ممكن ترشح لي موقع يوفر الاله وشكر

[@fqalaf]

في اشكاليه في موضوع المكاين حاليا ممكن بسبب الظروف اللي صايره في العالم وخصوصا اوروبا.. شخصيًا اشوف ان الماكينه تشتريها من المكان اللي انت فيه اضمن لك عشان وجود الوكيل

[@RMRM6]

هاني العتيبي طلبتها اليوم من موقع استرالي نفس مواصفات السعودية وكلام الاستاذ فهد صحيح بخصوص الضمان لذلك اختبرها قبل يشحنها وحسب ما فهمت ان الضمان يشمل الوكيل اذا كان جهازك مطابق للمواصفات السعودية لكن ماني متاكد

[@user-vl8dh3gh6s]

Alyousef Ahmed وش الموقع لو تكرمت عطنا اياه

[@peony3695]

ممكن رايك في مكينة ليليت بيانكا؟

[@fqalaf]

ما اعرفها

[@user-wl2di1kn3s]

وش رايك في مكينة النوتا

[@fqalaf]

يوسف خالد رأي تجربه؟ ما جربتها بس خلني اقولك وش سمعت عنها.. ماكينه تبخيرها جبار بس أنا أشوفها غاليه ع ماكينه تبادل حراري.. في مكاين بنفس سعرها وخزانين وأفضل..

[@I.96AL]

وش احتاج عشان اشبك المكينة بمصدر خارجي ؟

[@fqalaf]

Ali 96 إذا الماكينه تدعم التمديد الخارجي كل اللي تحتاجه هو هوز مويه (غالبا يجي مع الماكينه) يكون في مصدر المويه الخارجي وهذا للتغدية.. أما التصريف ف من تحت صينيه التصريف توصل هوز لأي علبه تختارها

[@I.96AL]

@@fqalaf ماشاء الله اخوي فهد ,, يعني ما احتاج فلو جت او شي من هذا القبيل ؟؟

[@RMRM6]

Ali 96 اذا عندك تحلية منزليه توصلها معها و المفروض تعطيك ضغط اثنين بار وهذا بيعطيك ترطيب ممتاز

[@zoomah6940]

وش رايك بالنيش مع السنكرونيكا ؟

[@fqalaf]

يمدحونها كثير وطلبتها لي

[@Rahal_91]

ممتازة عن تجربة

[@zainabhussin341]

انا محتارة بينها وبين الة نون

[@wojiaotiancai1387]

فهد حسابك سناب

[@fqalaf]

WoJiao Tiancai qalaf

[@salmat5460]

‏والله يا إنك تشعب بمعنى إنك من موضوع الموضوع بصراحة مرة 8 دقائق سعر المكينة ما قلته وهو يعتبر اهم شي أنصحك لا تنزل مقرناتة مره ثانية يا رجل مدة المقطع 14 دقيقة من الدقيقة الثانية إلى دقيقة 12 صراحة ما استفدت شي

[@fqalaf]

موضوع سعر الماكينه تقدر تشوفه في جوجل اسرع لك من اي مقطع.. انا حاولت اختصر موضوع المكاين وايش هي وليه اسعارها كذا .. ما راح احط مقطع عشان اقولك كم سعرها لان السعر يزيد وينقص..

[@---ps6vb]

أمانة الفيديو جداً مفيد وكل المعلومات مذكورة فيه للأمانة أهنيك أخي العزيز على مجهودك،
- عطاك السعر التقريبي بين الثلاث من 9500-12000 بسبب عدم ثبات السعر
-المكاين كلها تجي بمضخات دورانيه
-القروب هيد كلها E61
-كلها تجي دبل بويلر (سخانين او خزانين) واحد للإستخلاص وواحد التبخير
-البويلر فيهم مصنوع من الستانلس ستيل ماعدا Rocket R58 البويلر حقها من النحاس
-ميزة تعليم الضغط العلوي في السينكرونيكا عكس الباقي يكون في الأسفل +سلاسة عصا التبخير في السينكرونيكا
-ميزة PID الموجود في أسفل المكينة للتحكم في الحرارة لكلا السخانين إلخ.. ما عدا Rocket R58 الPID خارجي
-للتحكم في التبخير او ماء الشاي يكون تقريبا مثل التحكم بالسحب في السينكرونيكا اما باقي المكاين تحكم دائري.
اتمنى اني ماقصرت في نقل مجهودك شكرا لك

[@---ps6vb]

للإضافه في السينكرونيكا+ والبروفيتك 700 غلاية البخار 2L غلاية الإستخلاص 700ml خزان المياه 2L
أما Rocket R58 غلاية البخار 1.7L غلاية الإستخلاص 580ml خزان المياه 2.5L

[@fqalaf]

-- لو بس الواحد يطلع بنص هالمعلومات من المقطع انا جدا يكفيني.. شكرا لك

[@khiel5516]

معاك فلوس تلعب

[@fqalaf]

اللهم لك الحمد كله من خير ربي

[@doda4pubg897]

KHIEL 55 اعوذ بالله !! يالله انك تكفينا شر الحاسدين !!! ياخي وش تحس بتعليقك هذا ؟!؟

[@ebtihal7721]

طيب انا شفت فديو من قبل ست اشهر ورجعت الحين اعلق لان شفت مكينه بنفس المواصفات وفي شي ازود عنها فابغى اتاكد هل تقارن بها اول لا WPM الايطاليه الاصدار الجديد لدرجه اول ماشفتها احسبها روكيت شكل ولون فهل تنصحني اخذها دام سعر حلو والاستخلاص عندك نوعين نفسهم بالازرار اختيار او منول بالعصا وتبخير بفتحتين واقدر اغير تصير ثلاث وشاشه متابعه الضغط الاستخلاص والتبخير نسخ لصق من هالمكاين الثلاث