Follow me on
StoryBearsMM
storybearsmm
www.tiktok.com/@storybearsmm
t.me/StoryBearsMM
Credit : Tara A. Devlin
ua-cam.com/video/eBBwsHC5hnY/v-deo.html
www.kowabana.net/2018/04/28/oyama-kaizuka/
ဒီကနေ့အကြောင်းအရာမှာတော့ မိဘတွေက မသွားနဲ့လို့ ပြောထားတဲ့နေရာတစ်ခုကို သွားခဲ့တဲ့ ကလေးလေး တစ်ယောက် ကြုံတွေ့ခဲ့ရတဲ့အကြောင်းလေးနဲ့ ဒီနေ့ရဲ့ Scary Sunday အစီအစဉ်ကို အစပြုလိုက်ပါရစေခင်ဗျာ။
ဂျပန်နိုင်ငံ အိုကီနာဝါပြည်နယ်၊ ဂျီနိုဝမ်မြို့မှ Oyama Kaizuka ဆိုတဲ့နေရာတစ်ခုရှိပါတယ်။ ဒီနေရာက ဂျပန်နိုင်ငံအတွက် ယဉ်ကျေးမှု အမွေအနှစ်တစ်ခုလည်း ဖြစ်သလို အရမ်းကိုလည်း ခြောက်လှန့်မှုတွေ များတဲ့ နေရာတစ်ခုအနေနဲ့လည်း နာမည်ကြီးပါတယ်။ လူတစ်ချို့က ဒီနေရာသည် ဂျပန်နိုင်ငံမှာ ခြောက်လှန့်မှု အများဆုံး ကြောက်စရာကောင်းတဲ့နေရာငါးခုထဲမှာ တစ်ခုအပါအဝင်အနေနဲ့ သတ်မှတ်ကြတဲ့အထိကို နာမည်သတင်းက ကျော်ဇောပါတယ်။
နောက်တစ်ခုက ဒီနေရာသည် yuta လို့ခေါ်တဲ့ ဂျပန်နတ်ဝင်သည်တွေ သူတို့အဆင့်ကို မြှင့်တင်ဖို့လို့ပြောရမလား အစွမ်းကို မြှင့်တင်ဖို့အတွက်လား၊ အဲ့လိုလာရောက်လေ့ကျင့်ကြတဲ့နေရာတစ်ခုအနေနဲ့လည်း နာမည်ကြီးပါတယ်။ ဖြစ်နိုင်တာက ဒီနေရာမှာ သရဲတစ္ဆေ နာနာဘာဝတွေ အရမ်းများတော့ကျတော့ ဒီနတ်ဝင်သည်တွေက သူတို့အစွမ်းနဲ့ ဒီနာနာဘာဝတွေကို ချုပ်ပြီး သူတို့ လိုရာခိုင်းဖို့ လာရောက် လေ့ကျင့်ကြတဲ့နေရာပေါ့။ များများ ချုပ်နိုင်လေ သူတို့အဆင့်မြင့်လေ အဲ့သဘောမျိုးပေါ့လေ။
ဒီတော့ကာ ဒီကဒေသခံတွေအတွက် Oyama Kiazuka သည် တော်တန်ရုံ လာစရာမရှိရင် ရှောင်ကွင်းကြတဲ့ နေရာတစ်ခုပေါ့။
အဲ့ဒီမှာ ဒီနေရာနဲ့ မနီးမဝေး တစ်လမ်းကျော်လောက်မှာ နေနေတဲ့ကလေးတစ်ယောက်အတွက်တော့ ဒီနေရာသည် သူ့မိဘတွေက အရမ်းအန္တရာယ်များတာမို့လို့ မသွားဖို့ တားမြစ်ထားတဲ့ နေရာတစ်ခုဖြစ်တာကလည်း မထူးဆန်းဘူးပေါ့။
အဲ့လိုနဲ့ သူတို့အိမ်နဲ့ နှစ်အိမ်ကျော်နေရာကို တခြားဒေသက မိသားစုသုံးယောက် ပြောင်းလာကြတယ်တဲ့။ အဖေရယ် အမေရယ်၊ သားတစ်ယောက်ရယ်ပေါ့။ အဲ့ဒီသားက ဖြစ်ချင်တော့ ဒေသခံကောင်လေးနဲ့ ရွယ်တူ ဖြစ်နေတော့ သူတို့တွေနှစ်ယောက် သူငယ်ချင်းဖြစ်သွားကြတယ်တဲ့။ ဒေသခံကောင်လေးက အေးအေးဆေးဆေး ဆိုပေမယ့် နောက်မှပြောင်းလာတဲ့ ဒုတိယကောင်လေးက တော်တော့်ကိုမှ ပြောဆိုရခက် ထိန်းရခက်တဲ့ ကောင်လေးပါတဲ့။ အဲ့လိုနဲ့ နောက်ပိုင်းမှာ နှစ်ယောက်ကနေ သုံးလေးယောက်ထိ ဖြစ်လာပြီး ဒီကလေး တစ်သိုက်ဟာ ဒီမြို့နယ်တခွင် ပြဲပြဲစင်အောင် လိုက်လည် ဆော့ကစားကြတဲ့ အခြေအနေကို ရောက်လာတာပေါ့။ သူတို့မရောက်တာဆိုလို့ အစောက ကျွန်တော်ပြောခဲ့တဲ့ Oyama Kaizuka ဆိုတဲ့ နေရာပဲ ကျန်တော့တာတဲ့။
ဒါပေမယ့် ညတစ်ညမှာ အဲ့ဒီနေရာကနေ အမျိုးသမီးတစ်ယောက်ရဲ့ အော်သံတွေကို စပြီးကြားရလာခဲ့တယ်တဲ့။ ဒီနေရာက Yuta နတ်ဝင်သည် တွေ လာရောက် လေ့ကျင့်ကြတဲ့နေရာတစ်ခုဖြစ်တော့ ကြည့်ရတာ ဒီနေရာကို အမျိုးသမီး နတ်ဝင်သည်တစ်ယောက်ယောက် ရောက်လာပြီး နာနာဘာဝတွေကို ထိန်းချုပ်ဖို့ ကြိုးစားနေတယ် သူ့အဆင့်ကို မြှင့်တင်နေတယ်ဆိုတာကို လူတွေက သိတာပေါ့လေ။ ဒီလိုနဲ့ ရက်အနည်းငယ်ကြာလာသည့်တိုင် ဒီအသံတွေက ရပ်မသွားသေးဘဲ ပိုပိုလို့သာ ကျယ်လောင်လာသလို ပိုပြီးတော့မှလည်း ကြောက်စရာ ကောင်းလာခဲ့ပါတယ်။ ကြည့်ရတာ ဒီနတ်ဝင်သည်အနေနဲ့ သူအဆင့်မြှင့်ဖို့ကြိုးစားနေတဲ့ လုပ်ရပ်အောင်မြင်ဖို့ တော်တော်အခက်အခဲတွေ့နေပုံရတယ်ဆိုတာကို လူကြီးတွေက ခန့်မှန်းမိကြပေမယ့် ကလေးတွေကကျတော့ ဒါကို ဘယ်သိပါ့မလဲ။
ပထမကောင်လေးရဲ မိဘတွေက ဒါက ကျိန်စာသင့်နေတာ ဆိုပြီးမှ သူတို့သားကို ပြောပြတယ်။ ဒါပေမယ့်လည်း ကလေးလေးကလည်း ကြောက်တော့ကျတော့ ကျိန်စာသင့်တယ်ဆိုတာ ဘယ်လိုမျိုးသင့်တာလဲ ဘာလဲ မမေးမိ ဘူးပေါ့လေ။
တကယ်တမ်းမှာက ဒီနေရာမှာ လာပြီးတော့ အဆင့်မြှင့်နေတယ်ဆိုတဲ့ Yuta နတ်ဝင်သည်တွေသည် ဒီနေရာမှာ ရှိတဲ့ နာနာဘာဝတွေကို သူတို့အစွမ်းနဲ့ ချုပ်ကိုင်ဖို့ အစီအရင်တွေနဲ့ လုပ်ဆောင်ကြတာပါ။ နတ်ဝင်သည်တွေက ဒီ နာနာဘာဝတွေကို သူတို့ကိုယ်ထဲကို ပူးဝင်လာအောင် အစီအရင်နဲ့ ဖိတ်ခေါ်တယ်။ ဝင်ပူးသွားပြီဆိုတာနဲ့ ဒီဝင်ပူးနေတဲ့ နာနာဘာဝကို ပြန်ထွက်သွားအောင် ထပ်ပြီးတော့ အစီအရင်နဲ့ ပြန်နှင်ရတာ။ အစောပိုင်းမှာ အစွမ်းအစ နည်းနည်းပဲရှိတဲ့ နာနာဘာဝတွေ မိစ္ဆာတွေက စပြီး တဖြည်းဖြည်းနဲ့ အစွမ်းအစ ပိုမြင့်တဲ့ နာနာဘာဝတွေ မိစ္ဆာတွေကို အဲ့လိုဝင်ပူးတာတွေ ပြန်နှင်ထုတ်တာတွေကို အစီအရင်နဲ့ ကျင့်ရတာပေါ့။
တကယ်လို့သာ နတ်ဝင်သည်တွေက သူတို့မနိုင်တဲ့ နာနာဘာဝ သို့မဟုတ် မိစ္ဆာကို ချုပ်ဖို့ ကြိုးစားတယ်ဆိုရင်ကျ ပြန်နှင်တဲ့အခါမှာ မထွက်တော့ဘဲ ဒီနာနာဘာဝ မိစ္ဆာက ဒီနတ်ဝင်သည်ကို ပြန်ဒုက္ခပေးနိုင်တာမျိုးလည်း ဖြစ်နိုင်တာပေါ့လေ။ အဲ့လိုအခြေအနေမျိုးမှာဆိုရင် ဒီနာနာဘာဝ သို့မဟုတ် မိစ္ဆာက နတ်ဝင်သည်ကို တဖြည်းဖြည်းနဲ့ အသက်ဆုံးရှုံးသွားသည်အထိ လုပ်နိုင်တဲ့အခြေအနေထိ ရှိပါတယ်။
ကလေးလေးရဲ့ မိဘတွေပြောတဲ့ ကျိန်စာသင့်နေတာဆိုတာက ဒါကိုပြောတာပါ။ သို့သော်လည်း ကလေးလေးက ကြောက်တော့ကျတော့ မမေးမိသလို မိဘတွေကလည်း သေချာမရှင်းပြလိုက်ကြဘူးပေါ့လေ။
အဲ့ဒီတော့ ဒီနေရာကို ခုမှ ပြောင်းလာတဲ့အိမ်ကကလေးကကျတော့ ပိုပြီးတော့ ဘာကိုမှ မသိတော့ဘူးပေါ့။ သူ့အနေနဲ့ ဒီနေရာကို မသွားရဘူးဆိုတာကို အရင်တုန်းက သူ့သူငယ်ချင်းတွေက ပြောထားလို့ပဲ သိထားတာ။ အခုကျတော့ အော်သံတွေက ရက်ဆက်လာတဲ့အခါမှာ အဲ့ဒီနေရာမှာ ဘာများဖြစ်နေသလဲဆိုတာ တအား သိချင်လာတာပေါ့လေ။
အဲ့ဒါနဲ့ တစ်ညနေမှာ သူတို့သူငယ်ချင်းတစ်သိုက် ကစားနေကြတုန်း သူကပဲ စပြီးတော့ အဲ့ဒီနေရာကို သွားကြည့်ရအောင်ဆိုပြီး စကားစတယ်တဲ့။
#storybears #storybearsmm #myanmar #scarysunday