استمارة٦ / الحالات التي تقدم فيها استمارة ٦ دون توقيع العامل/ استمارة ٦ اداري - Personnel - form 6
Вставка
- Опубліковано 14 жов 2024
- من خلال القناة هيتم شرح كل وظائف وادوار ادارة الموارد البشرية بدءا من الاستقطاب والاختيار والتعيين مرورا بالاجور والررواتب وتقييم الاداء والتدريب والتطوير وحتى نهاية خدمة الموظف
في الفيديو دا هتعرف كيفية اعداد س٦ او استمارة ٦ تأمينات وماهي الحالاتالتي يتم تسليم س٦ دون توقيع الموظف ،وايضا تسليم س٦ دون توقيع صاحب العمل
وبالتأكيد قبل فصل الموظف يتم التحقيق والاحتفاظ باوراق التحقيق اي كانت الواقعة
معاكم محمود حماده
ماجستير ادارة الاعمال - موارد بشرية - الاكاديمية العربية للعلوم والتكنولوجيا والنقل البحري
للانضمام للمجموعة على الفيس بوك لتحميل الملف الخاص بالحالات التي يتم فصل الموظف فيها من اللينك دا
/ 1120222568421101
للمتابعة على لينكدين :
/ mahmoud-hamada-mba-742...
او للمتابعة على الفيس بوك :
/ mahmoud.hamada.1650
او صفحة الفيس بوك
/ mahmoudhamadahrm
كمان من خلال كورس شئون العاملين هتقدر تكون على دراية بكل ما يخص التامينات الاجتماعية وقانون العمل في القطاع الخاص
ودا هيتم من خلال شرح وتوضيح الاتي :
التأمينات الاجتماعية
الفئات الخاضعة لقانون التأمينات الاجتماعية 148 لعام 2019
انواع التأمين
نسب الاشتراك
إجراءات التأمين على الموظف
فائدة كعب العمل ، مدة صلاحيته ، كيفية استخراجه ، طريقة املاءه
المسئول عن اداء الاشتراكات والاقساط والموعد القانوني لسدادها
رقابة ومتابعة التأمينات الإجتماعية
إجراءات إنهاء خدمة العامل
محتويات ملف الموظف
نماذج استمارات التأمين الاجتماعي
مرفقات س1 وس6
التشغيل
الاجور
الاجازات
التحقيق مع العمال ومساءلتهم
ساعات العمل وفترات الراحة
انقضاء علاقة العمل
تشغيل النساء
تشغيل الاطفال
لاي استفسار او طلب برجاء كتابته في تعليق اسفل الفيديو وسيتم الرد عليكم ان شاء الله
بالتوفيق للجميع
Mahmoud Hamada
لو سمحت يااستاذنا انا كنت شغال فى شركه وسبتها فى 10/7/2023واشتغلت فى شركه تانيه بقالى سنه دلؤقت المهم رحت عشان اطلع بطاقه تامين صحى الموظفه قلتلى عايزه استمارة 6 المهم جبت الاستماره هل بتختم من التامينات الاجتماعيه ولا لا ارجو الافاده
شكرا ربنا يكرمك
السلام عليكم
ماهي المدة التأمينية التي يستحق عنها معاش للقطاع الخاص
اولا مشكور ع مجهودك ربنا يجعله في ميزان حسناتك
ثانيا لو سمحت حضرتك انا مؤمن عليا تابع لمكتب رحلات منذ 2019 وتركت العمل مع صاحب المكتب .. والآن أنا أعمل ف شركه وطلبت مني برنت تأمينات واكتشفت اني لسه مقيد ع مكتب الرحلات وبعد عناء وصلت لصاحب المكتب رفض بصوره غير مباشره أنه يخرجني .. وبعد كده مش عارف أوصله .. ودخلت ع الموقع الخاص ب التامينات واكتشفت أنه اخر مده تأمين هو دافعها كانت نهايه 2019 ولحد اليوم ما دفع التأمينات ..
السؤال هل ينفع افصل نفسي من التامينات الاجتماعيه .. ولو حدث ذالك المده السابقه للتامينات مين يدفعها انا ولا صاحب المكتب .. واخيرا لو ينفع الوقت اللي بيتم فيه الفصل من التامينات بيكون قد ايه ؟؟
وشكرا لحضرتك مقدما
ممكن تقولي عملت اي
@@mohamedsaeed6227 رحت مكتب العمل ودخلت مكتب التفتيش وقدما طلب اسمه فصل اداري وبتاخد رقم الطلب وبعد اسبوعين بتروح تلاقي نفسك مفصول
صاحب.العمل.اغلق.النشاط.ولم.يغلق.التامينات.وانا.مستمر.في.دفع.اشتراكي.علما.ان.صاحب.العمل..والدي.ولظروف.خاصة.اغلق.المحل.فهل.يوجد.ضرر.في.دفع.التامينات.حتي.بلوغي.سن.المعاش.وهل.لو.علمت.التامينات.بغلق.المحل.يكون.في.ضرر.علمااني.مواظب.في.دفع.التامينات.
حضرتك انا مضيت ع استماره 6 من كام يوم عايز استفسر بس بعد ازنك المدة قد اي بيلغو فيها التأمينات من الشركه يعني قد اي وقت ع أما التأمين يتلغي بعد ازنك ؟؟
بعد اسبوعين تروح مكتب التأمينات تاني استعلم أو ادخل ع موقع الهيئة القومية للتأمين الاجتماعي اعمل حساب وشوف
لو سمحت انا عايز حضرتك تفهمني انا الشركة طلبت مني عشان اقدم شوية ورقم من ضمنهم استعلام تاميني وصور من استمارة 6 حضرتك في صورة من استمارة ٦ وفي اصل ودي اجبها منين ولي دي اللي بيطلعة بيباء اتفصل بس انا مش عارف هما عايزنها في الاول التقديم
حضرتك انا صاحب المكان توفه وانا مشيت من الشغل وعايز أخرج من التأمينات الاجتماعية ينفع زوجته تخرجني بي اعلان الوصيه هيا الشركه فردي لأن انا في شغلي الحالي عيزن يمشوني بسبب برنت التأمين
اشكرك على شرحك الوافى والجميل وهو ما شجعنى على سؤالك والاستفادة من خبرتك كان عندى مشكلة مع شركتى ( قطاع خاص ) حيث اجبرت على الاستقالة منذ 5 سنوات ولجأت الى القضاء والى الآن لم ترسل جهة العمل استماره 6 واننى لم أوقع عليها ومؤمن عليا حتى تاريخه وأعمل حاليا فى عمل خاص فهل لو تراضينا ووقعت عليها الأن سوف يتم خسارتى كتأمينات عن المدة السابقة ام أنها سوف تضاف الى مدتى التأمينية ؟ وما هو مقترحكم لتقيق أفضل استفادة ممكنه من الوضع الحالى ؟
شكرا مقدما على الاجابة ؟
لو تراضيتم هتقرا ف استمارة 6 تاريخ انتهاء الاشتراك لو الشهر الحالي أو اللي فات مفيش مشكلة امضي عليها وتخرج وهتبقي استفادت من الفترة كلها حتي تاريخ انتهاء الاشتراك المكتوب ف استمارة 6
ف متوقعش عليها إلا لما تشوفه
هو فعلا مكتب العمل بينزل في حالة استمارة 6 اداري
لو سمحت انا سبت الشركة من 6 شهور و لم اخرج من التامينات و كلمت الشركة من اسبوعين و مضيت استمارة 6
و لكن بيقول ان فيه مشكلة في التامينات لان كاتبين ميعاد انتهاء العمل من 6 شهور
و قالت الشركة ان قدمت طلب قبل تسليم استمارة 6 ؟ ايه الحل
سلام عليكم حضرتك انا اشتغلت في شركه 9سنين ونص وعملت استماره 6 وهما كاتبه فيها انقطاع عن العمل وانا ماخدتش مستحقاتي هل في حل ان انا اخد مستحقاتي
شكوي في مكتب العمل
انا تركت شركه قطاع خاص منذ شهر و لم اقدم استقاله حتى الان والتحقت بشركة اخرى هحتاج ايه عشان انقل او اضم مدة تاميني ااجديد على القديم مع العلم الشركه الجديدة التتامين هيكون في الشهر الثالث
لازم تتأكد أن الشركة الأولي خرجتك من التأمينات ولو لسه روح وامضي استقالة
المدد التأمينية هتضم لوحدها انت بس اعمل اكونت ع موقع التأمينات الاجتماعية وتابع كم سنة
هل لو اخدت استمارة 6 كموظف ممضية ومختومة اقدر افصل تفسى فى اى وقت من التامينات
ممكن لو مختومة وموقعه من المدير المسئول ك 3 نسخ
بس دا في الطبيعي بيوردها مندوب أو موظف الشركة
@@mahmoudhamada1419 3 نسخ ازاى مش فاهم ؟؟
@@ashrafazmy ٣ نسخ
نسختين بيستلموهم مكتب التامينات و نسخة بترجع مع المندوب مختومة م المكتب
لو سمحت انا خرجت من الشركه اللي كنت شغال فيها يوم 26 /4 ولغاية الآن كل مااروح التأمينات طلع برنت يقولولي لسه مؤمن عليك وانك لسه متسجلتش ،مع العلم إني مضيت استقاله ومعايا إخلاء طرف ونسخه من استمارة 6 ،وانا محتاج البرنت ضروري عشان شغل جديد بقالي داخل ع 3 اسابيع ولسه ماطلعش وسافرت القاهرة التأمينات عشان اعرف المشكلة محدش افدني وانا من اسكندرية ولو البرنت مطلعش فرصة الشغل هتضيع مني ايه العمل......
عادي بتحصل
هتتصل بالشركة اللي كنت فيها وتبلغهم وهما هيبعتوا مندوب باستمارة ٦ لمكتب التأمينات علشان يأكدوا خروجك
أو اطلع انت بصورة استمارة ٦ (بس خلي صورة معاك منها زيادة) للتأمينات وهيخرجوك
ايوه مانا عملت كدا حضرتك المشكلة في التامينات بيقولولي مش من عندنا ،وانا روحت التأمينات اللي كان مؤمن عليا فيها ،اللي هي مصر الجديدة وهما بيقولولي مش من عندنا وروحت مركز العمليات اللي في سعد زغلول القاهرة قالولي نفس الكلام وروحت الرئيسي الللي في العتبه برضه قالولي مش من عندنا التسجيل لسه متمش ،وانا كل دا بسافر من اسكندريه عشان البرنت
@@mahmoudhendy838
يبقي خليك على تواصل بالشركة اللي كنت بتشتغل فيها وتابع معاهم أن يخرجوك ، هما يتصرفوا يبعتوا مندوب باستمارة 6 ويأكدوا الخروج
قولهم لان هما كدا بيدفعوا فلوس كل شهر
ولو مكتوب فى برنت التأمينات سبب الانتهاء اسباب أخرى
بيبقي معناها أن الشركة تم إغلاقها أو في بعض الأحيان الخروج للانقطاع عن العمل
ضروووور ي رد عليا ارجوك!!
بابا توفى و كان شغال في شركة خاصة و ماما حاولت تعمل المعاش التأمينات رفضوا لإن صاحب العمل ممتنع عن دفع التأمينات من ١٢ سنة و روحنا تاني عملولنا س٦ اداري و شالوا من التأمينات ١٢ سنة و طلع في التأمينات ١٢ سنة فقط فهل ده في مصلحتنا ؟؟؟
ليه مرحتوش مكتب التأمينات الرئيسي في وسط البلد اسألوا هناك عن موقف ال ١٢ سنة وخودي معاكي الاوراق كلها
كل سنة زيادة في التأمينات بتفرق في المكافأة والمعاش وربنا يوفقك أن شاء الله للخير
ينفع اروح تاني بعد ما قدمت س٦ و كتبت محضر الاقوال و مضيت عليه ولا كدة خلاص الفرصة انتهت؟؟؟
انا كنت شغال في محل وتم التامين عليا وبعد كدة سبت المحل ولكن صاحب العمل لا يريد عمل استمارة 6 ليا حتي أستطيع العمل في مكان اخر
التوجه لمكتب العمل لطلب استمارة 6 اداري
حضرتك انا اشتغلت فى مصنع مده 3 شهور. وبعد كده مشيت وعده سنتين وانا شغال فى مصنع جديد وبجهز ورق تأمين طلع الشركه اللى اشتغلت فيها 3 شهور تأمينى مستمر فيها. اتصلت ع الاتش ار قلى بيقولى هبعتلك استماره 6 تمضى عليها وبس. هل هضم السنتين دول ع تأمينى ولا هياخدوهم. علما انا ممضتش استقاله عندهم
ارجوك لو تقدر تفيدنى .. حضرنك انا فيه حد امن عليا بدون علمى ولما عرفته وتواصلت معاه طلع اغلق نشاطه ومقفلش التامينات ورصيده اصبح مدين وعلى مايثبت الموضوع ده فى الضرايب ويوجه خطاب للتامينات عشان يرفعوا من عليه المبلغ هيكون الوظيفة راحت عليا .. ومش فاهم اصلا ليه التامينات مدخلانى كمؤمن عليه طرف فى الموضوع ؟! .. ارجوك تساعدنى انا سلمت فى شغلى القديم ومكنش مأمن عليا وفوجئت فى شغلى الجديد بموضوع التامين ده ولو ملحقتش اجيلهم برينت التامينات هيضيع عليا الشغل
روح مكتب العمل التابع للشركة وقولهم هيخرجوك باستمارة 6 اداري
لو معملوش حاجة روح مكتب التامينات الرئيسي بشارع الالفي وسط البلد
@@mahmoudhamada1419 تمام شكرا جزيلا
انا كنت شغله في الشركه ومتنمن عليه بس هروح اشتغل في شركه تانيه بس عايزه استماره 6اعمل ايه
بعد اسبوعين او شهر بالكتير من ترك العمل بالشركة السابقة كلمي مسؤل الموارد البشرية يسلمك صورة من استمارة 6
بقدم في شغل جديد وطالبين اخلاء طرف من اخر مكان اشتغلت فيه و وشغل قديم رفض يدهالي
في طريقة او ورقة تحل مكانها وانا ظهر في برنت تاميني انه استقالة فهل دا يكفي ولا لازم اخلاء الطرف
بيرفض يسلمك إخلاء طرف في حالة أن عليك سلفة أو عهدة للشركة
غير كدا اطلب إخلاء طرف أو روح مكتب العمل قدم شكوى
وللاسف مفيش بديل لإخلاء طرف غير صورة من استمارة 6 من الشركة
@@mahmoudhamada1419
لا انا معلياش اي حاجة وصفيت الحمدلله
طب اروح مكتب العمل اقلهم اي مثلا
حضرتك انا روحت عشان أقدم استقاله في المؤسسة اللي انا كنت شغاله فيها فعملولي انقطاع عن العمل لظروف معينه فاروحت عشان أقدم شكوى في مكتب العمل وحاولنا نحلها ودي وهايخلوني أقدم استقاله عشان اخد ورقي ومستحقاتي بس قالوا هانعملها استمراره ٦ هي الاستماره دي هاتاثر على المستحقات بتاعتي والمكافاه ارجوا الرد
لا عادي استمارة ٦ باستقالة افضل من انقطاع عن العمل
بس خلي بالك من تاريخ الاستقالة انك تكون باخر يوم عمل
وتاريخ استمارة ٦ يبقي مكتوب تاريخ اخر اليوم
بس متمضيش اقرار استلام مستحقات قبل متستلمي فلوسك
شكرا لحضرتك 👍
محتاج رقم حضرتك
ممكن اتواصل معاك
اتفضل تحت امرك هتلاقي الجروب والصفحه والرقم ف شرح الفيديو
السلام عليكم يا استاذنا
انا كنت شغال في شركه واستقلت منها في ٢٠١٨ ورفعت قضيه عشان اخد مستحقاتي وهما فضلو مأمنين عليا بقصد الاضرار بيا وانا اشتغلت في مكانين تانين بدون تأمين وللاسف لم انتبه للمشكله اللي حصلتلتي الان .حاليا انا غاوز اشتغل في مكان اصحابه شارطين انه يكون معايا برنت غير مؤمن .وال hr بتاع الشركه القديمه رافض يفصلني بتاريخ حديث قدمت علي فصل اداري مؤخرا
عاوز اعرف من حضرتك الاجراء اللي المفروض اعمله وفي نفس الوقت ميخسرنيش مدة التامينات القديمه واضمن اني افصل نفسي بيه
توجه لمكتب العمل التابع للشركة واطلب انك تخرج م التأمينات وانك تركت الشركة منذ سنتين و هيتم خروجك عن طريق مدير مكتب العمل