2023.11.21 [第二次出街跟街師傅學26] ft. 基sir
Вставка
- Опубліковано 7 вер 2024
- 由於天光道有學禁 平日1930打後先可以學車 同上次一樣都係放工趕去學車 今次就試一試跟lihkg大推嘅基sir學 可以放低啲家當喺個鋪頭入面 因為基sir會鎖閘 不過都建議唔好拎咁多嘢啦 因為鋪面都比較細 如果唔係夜晚要OT 我都唔駛拎住laptop+書包+飯袋 仲要揹住頭盔袋 好似走難咁款去學車🏃♀️
今次第一次跟基sir 佢上堂前會俾個對講機你 方便行車期間溝通 一開始講下部車嘅基本操控 然後就揸出街了 一如既往 開車都係驚驚驚!不過基sir係用GN125 對於腳短嘅我都總算掂到地 有多啲安全感😂
本身以為一開始會喺基sir鋪頭外面練耐少少操控先出去行 點知原來一起步就直接行街 又再一次嚇死寶寶 不過已經洗濕咗個頭 唯有頂硬上 好彩都唔算超多車 不過車速太慢 沿途被唔同車爬頭🤡
今次算行過下2條考試路線 但路痴表示完全入唔到腦 顧得架車已經唔記得條路 之後應該要喺UA-cam睇下其他考試路線嘅片認下路🥲
行完先知考試路線咁多斜路 瘋狂斜路開停 本身以為今堂忍到唔大叫 點知行斜路行到要瘋狂尖叫 雖然基sir話夜晚多直學車先要喺咁停車開車 但已經足以令我感到絕望 考試咁樣嘅話我應該都凶多吉少😖
行車期間 基sir會喺前面留意你嘅坐姿 佢喺咁話我坐姿唔正確🤣 話陣間返去會執下 感覺基sir比較多理論 仲有唔同嘅名堂 e.g. 劍指法 防禦式駕駛, etc.🧐 不過佢都算係鼓勵型嘅師傅 我揸成咁都仲話唔係太差🤭
行曬2條線之後返去聽基sir嘅理論 講一大輪就係強調要夾油缸 仲有執咗手嘅擺位 原本我係伸直手揸軚 基sir教用球拍手咁揸 手肘向外 好似個弧型咁 手放上handle bar之後就會係一個圓形 方便轉左/轉右 唔會頂到自己 仲有教咗應該點樣外傾側
基sir仲有張打斜路8字嘅筆記 完堂嗰陣叫我自己影低佢 之後上堂會再教
📝 改善:
- 夾油缸
- 坐姿要正確
- 唔好伸直手揸軚
#motorcycle #26學神 #suzuki #gn125
1:07 我都係跟基SIR學 好受用
今次有無大哎。。。中意睇你一邊渣車一邊叫。。超正!!
第一堂叫到阿sir職業性失聰啦 要收斂一下😂 不過去到斜路都係失敗咗🤣
幾月考試?
2月考試
不要老是拖著一波,其實你可以停車的時候才落一波
多謝提醒 本身唔知道可以臨停定先落1波直接溜前 搞到成日都急住落返1波 經大家提醒後有改到呢個壞習慣🫡