ENERGICA EGO/EVA-純電大包圍與NK(超勁扭力)
Вставка
- Опубліковано 11 тра 2020
- 或者,好多讀者已駕駛過純電動電單車(包括國內親戚那部買餸羊或家中果部電動單車),但玩過電動大包圍的騎士應該不多,仲要是一部扭力峰值達到20.3kg-m的跑車,感覺如何?加速力有幾癲?有請張煒安同大家報告。
載番個頭盔先,本誌是電動汽車及電動電單車的文盲,惡補後才如夢初醒,現在才知道純電汽車十分普及。雖然香港的充電設施仍有待完善,但充電站的數量遠超10年前,並且遍布全港,現在不僅Tesla,其他傳統牌子已加入製造純電車行列,款式愈來愈多,部份車子的續航力更高達400km,打個折扣都跑到300km多,這一刻才知道自己仍然活在石器時代。
純電電單車又如何,其發展速度好明顯滯後,那麼有沒有一間年資又Young,又沒有造車經驗類似Tesla的製造商?答案當然有,ENERGICA是其中一間,但兩輪界仍未出現突破樽頸,同時迫使傳統品牌加速電氣化步伐的非傳統車廠。事實上,傳統電單車廠好早開始研發電動車,不過遲遲未市販化,好可能考慮到用家的負擔能力及市場接受程度;畢竟生產電池的原材料昂貴,導致車價高昂,以及充電設施未配合發展,更重要是短期內未必有利可圖,姑且讓新冒起對手試探水溫。
究竟ENERGICA有幾Young?2014年正式成立,所有車輛都在意大利跑車故鄉MODENA生產。ENERGICA的母公司是CRP集團,擁有50年歷史,業務涉及賽車、航空、太空科技、3D打印及軍事科技等等講求高準確度工業。肉眼所見,今次介紹的兩部電車在各方面均有一定質素。
CRP集團為了展示賽車技術,2006年成立自家車隊,出戰世界WGP125及意大利CIV道路賽,2008年啟動eCRP純電大包圍計劃。適逢史上首屆全電動TTXGP格欄披治在2010年舉行,正好測試eCRP的實力,CRP集團其後亦有參加由FIM舉辦的e-Power電動格欄披治大賽。
事實上,eCRP純電大包圍是今次試駕ENERGICA EGO的雛形,原型車見於2013年,車子因為採用3D打印及CNC製造的部件而廣收宣傳效果,市販版正式在2015年推出。不過真正讓更人認識ENERGICA EGO,是因為ENERGICA自2019年起成為Moto E獨家供應商,所有參賽隊伍都使用相同規格的ENERGICA EGO參賽。編者今次能夠在香港親身接觸市販MotoE戰車,看著披上MotoE拉花的包圍,突然有落場的衝動!
張煒安試車感受-加速話咁快
8年前領教過純電動電單車的扭力,當年試駕的車子雖然只有54hp馬力,但扭力達到9kg-m,產生的加速力及起步反應媲美直四600級大包圍,雖然如此,與今次試駕的兩電車相比,所有數字差了一大截。
以ENERGICA EGO大包圍為例,馬力143hp(107kW),相等於一部750cc左右的大包圍,可是扭力峰值高達20.3kg-m (200 Nm),與超過2,000cc的電單車看齊,卻比起這一代公升級超電多約70%。如此巨大的扭力有幾好玩?簡單來說扭力越大,起步及加速力越勇猛。據廠方公佈,ENERGICA EGO的0-100km只需3秒,簡直痴線,極速可達240km/h,至於NK版EVA都有200km/h極速,理論上在香港用唔著。
果只看數據,ENERGICA EGO的扭力無懈可擊,實際駕駛又如何?
好勁....頭、中段的加速力比現今的公升級超電有過之而無不及,加速時上半身被風阻扯得好利害,尾段則受到環境限制而無法體驗。電動摩打甫加速便進入扭力範圍,不用像內燃引擎提升至一定轉速才增加扭力,所以油門近乎沒有延遲感,一篤油便立即向前衝,反應比汽車電單車的油門要更捷,所以早段時間沒有膽量大力質落油門加速;事實上,不論電或高性能油車,統統都採用電子油門,沒有威也,所以更正確的說法是電門,而非油門。
此外,由於電車採用單速波箱,無波可轉,油門操控與綿羊相同,所以扭著油門不放,馬力一氣呵成釋出,既沒有因為檔位銜接導致馬力流失,也沒有轉檔的頓挫感,即使任何時候減速,都輕易再爆升車速,騎士因此無需善用波段或Keep轉數,20.3kg-m的扭力及超廣闊扭力帶果然非同凡響。
加速感又如何?
其實電與油車的差異頗大,首先電車只有摩打排出的VV聲,雖然轉速越高,音頻越尖,但實際駕駛中的風聲比麼打聲大,取代汽油車轉數越高,排氣聲越亢奮的感覺,而全球推動電車的原意,就是要保持環境清靜。再者摩打缺乏類似引擎的諧震,駕駛時仿佛與車子失去聯絡,原因是內燃引擎的排氣聲及震盪成為騎士與車子溝通渠道之一,因此沒有留意車速,駕駛電車比油車更容易超速。究其原因,電車的加速力雖然強勁,可是油門控制比油車更容易,馬力細滑如絲地傳送到尾輪上,感覺就好像剛踏進高鐵車廂,凳子還未座暖,列車已飆升到300km/h一樣。
因此未駕駛過ENERGICA EGO的讀者,我建議包括老手在內,最好選擇Standard(標準)、Eco(慳油)或Wet(濕地)馬力較低的馬力模式,與此同時開啟防止尾輪打滑的循跡系統及ABS,待熟習260kg重量及寧靜操控感,才好好享受最強的Sport(運動)模式,原因電車的馬力來得又快又直接,用多幾個電子輔助駕駛傍身,既安全又好玩。再者ENERGICA EGO是一部自動波大包圍,沒有離合器,對於棍波車騎士來說難免有點空虛感,也不可以使用離合器控制掉頭車速,因此需要一點時間適應,如何倚靠油門及煞車控制掉頭速度,否則增加跌車風險,因為掉頭的時候,你會實實在在感覺到她的重量。要是你有綿羊底子,絕對有幫助。
講開減速,車子重達260kg,但是BREMBO M4煞車卡鉗足夠街道使用;另一項協助騎士減速的功能名為Regenerative Maps,即是「制動力回收」,熟識電動四個轆的讀者一定不會陌生,作用是當騎士縮油減油,讓原本驅動尾輪的摩打變成發電機,為電池充電,夠晒環保。
而Regenerative Maps「制動力回收」共有四段選項,分別是OFF(關)、LOW(低)、Medium(中)及High(高);當日試車首先切換High(高),縮油後車身立即頓挫起來,俗稱鎖得好勁,車速明顯拖慢,感覺有點像突然拖低一個檔位,所以個人認為不適合跑山,會影響壓車攻彎的暢順度,但應付「長命斜」或落山好有用,等於波車用低檔落斜,大大減輕制動系統負擔,可避免制動過熱。講咗咁耐,「制動力回收」即是棍波車所講的Engine Brake(制動煞車)。
之後體驗LOW(低)效果,個人認為這個Mode適合玩山,雖然高速煞車縮油的Engine Brake明顯減少,不過仍有效地拖慢車速同時,讓我更流暢地入彎。最後嘗試OFF模式,一如所料,減速沒有Engine Brake,跟綿羊及二衝車一樣,縮油後車子繼續向前衝。對我來說,「制動力回收」好有趣,讓我在短短數小時試駕中,回顧過去20年賽車技術發展史;由我初初鬥2衝車近乎沒有Engine Brake,到轉戰4衝600 Superspot的強勁Engine Brake,再之後普及的防鎖死離合器(Slipper Clutch-舒緩Engine Brake,讓車手更暢順攻彎),到現在的全電子年代。另外,ENERGICA EGO配置ABS防鎖死系統,然而另外還加入名為eABS系統,它是防止急煞減速同時,尾輪又被「制動力回收」產生的Engine Brake鎖得太死,導致輪胎失去咬地力;此時,eABS立即介入,暫停「制動力回收」工作,好讓輪胎恢復咬地,發揮類似防鎖死離合器的功能(Slipper Clutch)。當eABS介入後,儀錶會亮起相關信號。
ENERGICA EGO的座姿及車身闊度與600或1000大包圍分別不大,座上810mm的座位依然跳芭蕾舞(張煒安身高5呎6吋),可是軑把高度適中,整體來說不極端,有上一代跑車的影子,某程度來是一款舒適型超電。不過論真正舒適性,當然是NK版EVA為佳。
所有電車,包括二輪及四輪,因為負載電池組件而變得比同類型油車重,當你騎上ENERGICA EGO再踢起側架,然後拉直車身,便會發現比起拉起600及1000更費力,畢竟她們相差超過60kg。
為應付重量,ENERGICA EGO實行以硬制硬,例如廠方建議使用42磅胎壓,否則胎壓不足,輪胎與路面接觸面積過多,加上避震設定太軟等等,都會影響操控性能,即使直路行駛都會出現跌車傾向,所以當日在山路行駛幾圈後,立即調硬前避震的預載,穩定性才大大改善。事實上,電車對我來說是新事物,需要更多時間摸索各方面的設定技巧。
老實說,當日聽到260kg的車重都有點詫異,腦海突現浮起80-90年代的1000cc大包圍,就連moto-one的編輯都對我的評價特別感到興趣,試駕後不斷追問是否好鈍好笨重,比第一代R1更重等等。說實話,論輕巧度及靈活度肯定不及新一代600及1000大包圍佳,壓車搬身需要多一點力,之但係又唔覺得好鈍或好笨重,比原先估計更好彎,的確有點意外,所以用第一代R1比較未免太誇張。事實上除了落地推車、窄路掉頭、燈位停車及塞車慢行之外,起步後唔覺重。不過聽車主講,駕駛初期因為未熟習車身重量,難免會有壓力。
或許你會擔心推車,可是ENERGICA EGO設有後波及前波,最高車速只有2.8km/h,其操控不難,只要按下著車掣2秒,便會切入“PARK ASSISTANT”(泊車輔助),即後波,若再按下著車掣便會切入前波,讓你在限速下向前或向後泊車,大可安座於車子上撐船仔。
至於騎士最關心的續航能力,由於當日只駕駛不足50km,所以未能詳盡解釋。根據廠方資料顯示,在市區駕駛的續航力200km、市區與高速公路駕駛的續航力160km、高速公路續航力130km。不過據車主講,ENERGICA EGO的實際續航力與廠方公佈的數據接近,他試過從元朗出發去機場,全程高速公路,平均車速約80-90km/h,來回路程約100km,回家只餘20%電量,估計可以行多約40km-50km。事實上,續航力好視乎騎士的駕駛方式,所以駕駛電車必須要經常留意電量,畢竟充電站並非度度都有。 - Авто та транспорт
真電單車
Energica終於有香港影評!!!等咗呢一刻好耐
一直想要Ego / Esse Esse 9
好刺耳
正呀!
Nice!
v good
👍
電車加速真係好能誇張
除咗哈利果架電車,好期待有bobber款電車
成日有人話電車冇聲 又冇駕駛樂趣
屌 電車就係要靜 要環保啊嘛
要發展就一定要拋棄呢啲老屎忽諗法
未來一定係電車嘅世界
即使21世紀,仍然有人喜歡騎馬嘅。🤣
過多5至10年,喺街揾唔到油站,就識揀架啦。
@@zenolee9757 究竟係因為搵唔到油站所以買電動車,定係因為電動車太好所以無人揸汽油車然後多咗好多充電站而油站沒落?LOL
大佬呀 有人渣26就係玩raw姐嘛
要渣電車我渣46唔好
世界還世界 都可以有選擇架下哇
@@cedrichuen4080 唔會無油站 現時電車電池技術仲未好成熟 差電配套亦未發展 單係講搵食車已經無可能用電車
最好就可以帶電反home charge
真正電單車
係咪即係 電池(電單)車之後, 再不會有 人動轉波了?
有冇話邊度地方幾時開始, 不再批 新的電油電單車出現了?
正/好想玩
若果用直驅一體輪肯定更精采!
真。電•單車
摩打高轉聲係幾特別
D 聲好尖 !! 似 HONDA 私家車起 VTEC 聲 ?? 😁
@@ryanli442 似戰鬥機引擎聲🤫
讓我想到這是大動力的gogoro..
希望香港會有gogoro
如果屋企有充電位, 絕對買得過, 剩係油錢慳埋慳埋都買多部了
How much
重心好似好低,瞓彎會唔會要好低?
貴唔貴
我個人都係鍾意傳統電單車嗰啲引擎聲🤤😅 但係都係個人想法每個人都有唔一樣嘅感覺
我就想試下新野,未玩過,同埋,如果可以換走曬所有內燃引擎機器,我相信世界會更清潔
WOW ! 呢次電跑正式可以係香港"出牌",相信會係電動單車一個開始!將來一定普及就更多選擇了!
10年前已經出到牌啦.
Really ?但運輸處一直都講唔發電動機車牌既?咁又何解一直都真係冇電動電單車出售同路上行駛呢?而最近運輸處又真係放風會重新審理發電動小車牌喎?
@@joerover Zero S 2012年己經有賣
我都想擁有 但叉電又會係另一個問題
搵到充電位30分鐘充好唔駛霸住人哋個位,爭在睇吓其他人會唔會咁好死唔擺住個位過夜姐
幾多錢-
屌 以為胡師傅 2:42
科技始終取代傳統,不要再固步自封,如果鍾意傳統嘅話,不如用翻3310唔好上網啦😂😂😂,呢架車簡直好電影感,可惜我冇電單車牌。
係咯,係屋企打飛機好過去開房😏
同prius 一樣,好易超速
D 音噪好利害, 個摩打效能係咪唔係咁好
似係直牙齒輪聲
二十幾萬一部
買得吉利好過啦 靜英英 冇曬嗰種澎湃氣勢
都係鐘意R6
要咩牌照
我想問想知道架車係咪未出到牌呀?
跌車都未必有能力逗翻起
冬天電池可能會着唔到車太凍嘅地方電阻值低恐怕着唔到車、同埋電池更換價錢會唔會昂貴會唔會好似iPhone咁發脹舊電,萬一有事上嚟着火閃焰速度會比電油車更快呢一款車有畫面冇聲傳統嘅有聲有畫面感覺實在好多
Papan Plate nye kok badek sgt 😅
這車超適合鬼島現行生態... 現在政府卯起來抓改裝噪音車 一堆沒拔消音塞的只要是改管就通知到驗
高速公路可行160公里,二年後粒電得七摺,,仲使去街?
二十幾萬...............................
自動波,手動波?
電動車點會仲用手波?波箱對於電車係多餘的。
不是读 E.G.O., 应该读 E - GO.
太重了....不適合市區行駛....其它方面都很好...👍
沒辦法,動力大電池就要大,所以他目前是被定位在MOTO3等級
價錢呢
2-30萬
直路皇,轉彎忘🤫🤫
cheong lai 電動車最大鑊係收果下,逆電流好收定engine brake?自己諗😌
1.車價貴 . 2 .充電難.
crossrunnerxx 要同電動車搶差電位😂
有得賣未?
2020 ENERGICA EGO / EVA-純電大包圍與NK(超勁扭力)新車介紹
moto-one.com.hk/Products.php?id=8014
可有可向 ENERGICA香港代理(RYDU) 查詢,THX
電話/WhatsApp : 852 6348 0048
陳列室:香港九龍何文田梭椏道13A地下
香港九龍何文田艷馬道2B地下
@@moto1hk 唔該哂
@@moto1hk 想問下要咩牌照先揸得
260kgs.....唔夠高大好難揸吧
請問車價是...?
冇記錯官方價
Ego 13.4 KwH €19,664.00, 21.5 KwH €24,419.00
Eva Ribella 21.5 KwH €22,943.00
Eva Esse Esse 9 ( 1:54 後邊藍色果架 ) 13.4 KwH €16,386.00, 21.5 KwH €20,943.00
以上價錢未計額外Option,例如原廠Ohlins,碳纖電箱底部Cover,擋泥板等
configurator.energicamotor.com/start/
P.S. 研究咗Energica好耐,隔離Zero其實香港嚟講好啲,唔需要咁大Power (Esse Esse 9咁嘅款,Ribella嘅降級版),不過所有Zero都係Level 2中速充電,冇CCS充電最快都要兩個鐘,No thanks.
你預計二十至三十萬 (連落地稅) 左右?
@@Sero3_ 不是它貴...只是我自己...唔掂
香港人智慧已經比其他人提前一個世紀 已經想到終極到係"電"單車
Energica係意大利出廠 :D 美國嘅Zero都係中國製造美國組裝 連遲下Lightning都係大陸生產部件送返美國🤔
某电时,就ham7lah
加多個救命電池👌
塊臨牌好鳩大😂😂😂😂
😂😂
揸一架無死氣喉聲響嘅電單車,等同跟自己過唔去。
而家香港係唔係已經有電動, 希望早啲出绵羊仔啦
我記得有幾間車廠有電動綿羊,Energica, Zero等等E-Moto大廠暫時應該唔會整綿羊
@德德b 正解,很簡單的,現街頭一個油站可以放很多個充電池了。
不過,香港不同台灣,沒有土炮車廠,也沒有扶持,要補貼誰又不失公平?
电车的弱点 有头没尾 低扭太劲 抓不稳就飞人出去
冇喉聲比人車死左都唔知
舊電都唔夠我返工來回
純市區都可以行130km喎
125cc 揸得?
定係一定要650cc大牌??
澳門人?
騎到電剩一半就跑不快了
俾個40匹馬力嘅電池版MT03/Z400我就足夠啦🤪🤪🤪
重點係價錢,唔係馬力夠唔夠而係價錢會唔會Over咗
個人熱衷電動車,買唔起Tesla亦都嘛嘛哋四轆,E-moto好玩但係代價係 *價錢* 。
比你改裝MT03同Z400其中一部電動都已經講緊上十萬左右。
(參考Zero SR價錢,速度差唔多,有啲似上述兩部嘅扭力升級版)
無電咪Pk
有d悶
沒有駕駛樂趣的高科技電單車
交智商稅
飆山上?????
等等殯葬業上門
完全無興趣😞
冇聲, 揸嚟把鬼咩
吵死人
所以用電要用直驅一體輪