Вставка
- Опубліковано 5 вер 2024
- #MM #700萬種生活 // 打鱗、去骨、劏鯇魚 25歲斯文魚佬的街市日常
阿Jack一手握著在砧板上不斷掙扎的鯇魚，一手拿著刨魚鱗的「打鱗器」削掉鯇魚的鱗片，削掉的魚鱗不斷迎面飛向Jack，「打鱗」後Jack手勢純熟地換握一把闊身刀，大刀一揮鯇魚立即濺血斷氣，魚血濺上Jack的手臂及他年輕的的臉上，「700萬種生活，我的生活就是已經確立了未來目標，所以不怕全身腥臭。」25歲的Jack說道。
█ 打鱗、去骨、劏鯇魚
「因為有時我太累就會晚了起床，所以（媽媽）有時會有微言的，但我都已經盡早了。」Jack在踏出家門後馬上跳上的士，每日上班時間朝七晚七，冬日早上晨光微曦的時份，Jack就要回到黃大仙大成街街市。送魚的父母會幫忙先開檔，Jack回到魚檔後第一件事是準備好手打鯪魚肉，要彎腰用力攪勻魚肉，每桶重40多斤，一天要攪勻數桶。魚檔簡單可分為三部份，分別是「魚肉」、「水盤」、「鯇魚枱」，而除了Jack及他女朋友在店內主要負責輔助的角色，「魚肉位」就是賣平日打邊爐，或是我們吃煎釀三寶的魚肉。而「水盤」可以說是劏魚的「新手場」，亦是Jack主要負責的位置，水盤所指的是一個個的鐵盆，當中賣著烏頭、白鱔、鯪魚、白鯽、黑鯽、生魚等「魚仔」，「通常初學都會先做這個位置，因為儘管劏錯了都可以換過一條給客人，成本不高。」在劏好一條魚的時候，「打鱗」（即刨乾淨魚鱗）、起骨、去鰭、剝牙、去黏膜等自然是Jack基本上要做的工序，而連Jack那位原本從事補習的女朋友，在魚檔內都要懂得做上述的工序及劏魚﹐但劏的魚種類不同都有難易度之分，如果說「水盤」是新手場的話，大鯇魚枱就是老手場，「你說難度的話一定是那裡大鯇魚枱的了，因為對體力上以及技巧上都有較多需求的。」
Jack指不同魚的劏法都是大同小異，不過易學難精，「魚有條脊骨，都是沿著骨怎樣切怎樣開，剖開肚，腸通常都是扔的 ，魚腩就貴點的。」當Jack一邊解答問題一邊展示如何劏魚的時候，一不留神就「劏衰咗」，「最完美是這個魚泡不穿的」，Jack順手拈來一條「老手」李師傅劏的一條魚，展示一條劏得完美，魚泡、魚腩都絲毫無損的魚，Jack指如何劏得靚一條魚、沿骨劏得直、如何劏會令魚血鮮紅一點，都學了3、4個月，「劏出來的血是鮮紅色還是很新鮮的狀態都會影響觀感的，怎樣為之劏得好這些都是學問， 因為有時劏魚，血會瘀黑色的。」Jack指其中一個師傅教的技巧叫作「化妝」，「 有時候魚放得久，十多分鐘至半小時可能會乾了沒色澤，為了令觀感更加好就會將它『化妝』將鮮血放上去。」
█ 童年怕魚腥 成年去劏魚
「小時候他（Jack）跟著我們行，我們推魚到街市的檔口處，出來的時候我打算牽著他走，他不讓我牽，說我隻手又濕又腥。」Jack媽媽鄭太在說到兒子嫌自己的手髒的時候語氣突然激動。Jack的父母是魚欄的買手，20多年以來都負責從魚欄買魚入貨再送到不同的店舖，而阿Jack之所以會入行賣魚，是因為鄭生鄭太上年機緣巧合之下頂手了大成街街市的一個魚檔，但合夥人又突然不幹，人手不足之下鄭太就游說了剛剛從瑞典Working holiday完回港的Jack，從上年4月開始幫忙看店，「為何我會答應幫忙了，原本（媽媽）答應我一星期有2天假期的，又說『你下去是看頭看尾而已，累就上去休息一下睡覺』怎知是完全相反的。」Jack形容最初工作的一個月是「蜜月期」，不需要劏魚，只要收收錢，賣賣魚肉就過一天，還有一千元日薪，「但我做了一個月後，有時看見師傅需要幫忙，於是就越學越多，『叉咗隻腳埋去』。」Jack指從事魚檔的「初心」是幫忙看檔，「劏魚師傅可以說是街市版的Freelancer，他們不喜歡長時間在同一檔口工作，流動性非常高。」在Jack剛開始幫忙的時間，試過檔口只有一兩名熟手師傅，在不懂的情況下都要勉強做，攪魚肉、劏大魚、怎樣標價、怎樣去骨、怎樣放那些大魚頭會吸引到人買，整張枱都是我負責。」Jack形容就是在那段時間「頂硬上」，一個月內就急速成長，由原來不懂劏魚而被買餸師奶欺侮，到現時能劏出一條好魚與師奶有講有笑。
█ 為未來不怕現在腥臭
幫家人是Jack走去劏魚的初心，而第二個令他堅持下去的原因就是為了儲錢移民而忍受現時的工作情況，「別人的目光、骯髒、工時長那些，試過在升降機內，有一個女人甚至說『嘩很腥呀』。」以前買衫會買「潮牌」，現時因為一星期有六天要工作，於是只買數十元一件，髒了就扔都不會感到可惜的T恤。本來喜歡拿著相機到處跑，現時握刀都握到手指關節痛，雙腿站到痠軟而半年都沒有再到處走認真拍攝，「我自己的社交媒體有近1年完全沒有更新過了，因為每天工作重複沒有特別的事可以分享。」Jack起初看著朋友在社交媒體上多姿多彩的生活，再對照自己每天重複出入街市、劏魚、攪魚肉、累透放工，再早起、出入街市、劏魚、攪魚肉、累透放工的單調生活，「一開始看社交媒體，看到自己辛苦返魚檔但他們玩得這樣開心都會覺得有點心理不平衡的，但想著未來的移民目標就釋懷了。」25歲是一個尷尬的年紀，一方面還年輕有追夢的本錢，另一方面因為已經畢業數年開始要現實地為未來打算，25歲這年Jack搬了出來與女朋友同住，25歲這年Jack做一份自小覺得骯髒辛苦的工作，在Jack媽媽眼中，Jack願意在魚檔熬願意幫忙，是變得成熟的表現，「成熟了一點，從事了這份工作後。是一種磨練，你連這裡都熬得住，日後另一份工作舒服一點的話就會開心點，又不是叫你整輩子劏魚對不對。」Jack媽媽淡然說道。Jack手臂上有一個「相機人」的紋身，「我希望未來可以做一些關於旅遊的工作，到不同的地方，可能是關於攝影，總之是這兩個元素，攝影與旅遊。」
策劃：梁中勝
拍攝：張志孟、蔡政峰
剪接：蔡政峰
監製：王秋婷
#魚 #賣魚佬 #街市
#魚檔 #移民 #劏魚 #補習
#黃大仙 #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記:
真係好佩服Jack靠住兩個目標，就堅持到做一份自己細個好唔鍾意嘅工，而且喺苦況入面搵到滿足感同成功感。可能因為我本身就怕魚腥唔食魚，連行街市都會避開魚檔嗰邊唔行過去，所以唔好話要一星期六日朝七晚七咁做，我連去拍之前都幾擔心，對比起我呢d驚腥驚污糟，Jack隨便就徙手用手指挖魚內臟去鱗劈開個魚頭，畫面衝擊到我麻木咗唔識反應，希望大家睇完條片感受到Jack個種為屋企人同目標而掙扎努力的心情!
大家會唔會為幫屋企人同儲錢而做一份自己本身好唔鍾意嘅工?
A：會 B：唔會
如果是魚檔的工作，我可能也不一定選A，所以我真的挺佩服Jack，現代的要在魚檔工作真的很不容易啊！
另外這次魚檔的拍攝，幕前幕後的工作人員都辛苦啦！加油💪
会
B
B唔會，頂唔順，太辛苦，冇今好體力😂我都有親戚做魚檔，好多勞損，辛苦工。
B
好衷心多謝每一位既留言，祝你地每一位生活美滿🥰
呢個世界冇人係完美架，但我未來將會做得更加好😊btw 我隻右手手指關節因為之前有段時間（一個人）劏得太多魚，已經腫曬又痛，而家好左啲，最嚴重嘅時期直情彎曲唔到🙃，呢啲嘢我唔會同人講架嘛，每日起身咪頂硬上繼續做。
你估太子唔洗做咩，檔口每一樣野我都要識做，同日日都要做，呢度係街市，唔係大公司，個個人企得係度就要隨時打仗，因為冇人可憐你，太子一樣照比人鬧🤷♂️唔好一聽到係父母開檔就咁講啦🥲
未來我將會拍唔同嘅片，分享下我嘅工作日常同埋唔同方面嘅嘢，如果有興趣嘅朋友仔歡迎訂閱🤣無限感激🙏
再一次祝所有人新年快樂，合家平安，每一日都開開心心😍
Support!
咁辛苦都肯做，日後出國點都可以生存到！趁後生蓄多點錢做自己想做想去既地方！加油
支持你呀Jack! 我祝話你臭話你聲個女人以後日日食fish fingers,日日食frozen fish fillets!
support ! GAYAU🦾🦾🦾
from 黃大仙街坊
@@SamSam-cg5up 多謝你🥰🥰
一直都知道做街市嘅辛酸，從來沒有嫌棄你們，反而看見你們付出的勞力，藉此機會說：辛苦了！
好欣賞呢D捱得苦既人 特別係後生仔女 好難得
對比好多90後, Jack真係好仔一個
女朋友冇揀錯, 希望你地早日儲到錢, 可以遠走
尋晚係魚，今晚都係魚。連連有魚 祝大家年年有餘！
HI
無mill 唔食魚
佩服Jack！父親也是做魚檔，去銀行入錢會被櫃枱嫌錢腥。暑假有時去幫手，少時有嫌棄這行業，長大後才明白和尊重每一个行業。
respect 屋企都係做街市 但我有正職, 剩係放假幫下手
好有共鳴, 氣勢真係要訓練, 同媽媽幫手睇頭睇尾呢句⋯🤣🤣
希望你早日實現目標！
識到個咁女仔無嫌棄你仲肯一齊跟你捱真係幾世修來既福氣，要好好珍惜
賣魚吾差架 搵得到
可惜今世不停殺生, 來世兩個有排俾人斬, 希望早日轉行
@royviscourt 對不起, 我的reply是基於 yeunglung 的價值觀去回答, 因為他說 "幾世修來既福氣", 即是他是相信有輪迴 (多生多世), 亦有修福這件事, 而修福一定要持戒 (可以自行google如何修福, 不詳述), 戒殺就是其中之一, 因為你福報就算超級大, 例如超級大富豪, 如果你殺業太重, 會很早死 (被你殺死果D生命搵你報仇), 有錢都無時間享福 (你睇今集主角就係咁, 一星期放兩日假都無). 真心覺得可惜, 難得做到人, 做人難過抽公屋, 又要做返N世魚被人殺返. 希望早日放下屠刀, 立地成佛
@@navon 呢個娑婆世界，都未必一定係你所言既呢一種因果關係
@@yeunglung 我轉一個角度講, 你覺得個"真相"重要D, 定係多D人"信因果"重要D?
之前有人問恐怖在線果個潘紹聰, 問佢信唔信有鬼, 佢話信. 佢亦希望其他人都信有鬼, 因為你信有鬼, 你會驚鬼來搵你報仇, 咁你唔會做衰野. 平生不做虧心事, 半夜敲門也不驚.
就好似某些特首唔係好信因果, 咁果D人做野可以無底線, 仲會話穌哥係天堂留左位俾佢. 你會想世界多D呢D人? 定想世界多D "信因果" 的人?
真的不容易，智慧與勇氣都兼備，佩服❤️。
捱得苦嘅人，去邊到都可以養活自己，加油！
阿Jack唔單止要做以前最唔鍾意嘅工，佢明明嚮往四圍走，但就要長時間留喺同一個位，真係辛苦......
有目標嘅人，永遠不會輸
肯捱苦的年輕人一定前途無限，努力，加油💪。
一直佩服与尊重每一份工作努力付出的每一个人！加油加油！
看到有些批評我不知他/她们年纪有多大，想必其中有些是年長者像我，还用舊的思维來評論。Jack 应是自己儲了些錢用作旅遊而且旅遊期間工作賺錢補助旅費，並不是用父母錢。这情况在外国很普遍，很多国家给年青人35歲前工作假期簽証，否则纯旅遊不能工作。喜見香港許多年青人用此方式增加对人生的体验。Jack願意幫父母做这許多年軽人甚至其他年齡層不肯做的厭悪工作值得讃👍。🇨🇦
非常欣賞年青人在濕街市工作。👍👍👍
樓下有一批人好奇怪，人哋分享自己嘅故事，又要話人離地、少爺仔又人工高咁，講真咁羨慕你哋未入行囉，劏魚師傅人工係真係高架！再唔係去日本餐廳切魚生囉！人哋又唔係乞你哋錢，唔明點解講嘢要咁難聽。
完全同意，佢又唔係啲咩大集團二世祖落場指兩下叫開工，然後坐起度數銀紙，真係落手落腳又劏又倒垃圾。
完全同意
一般人劏魚刮魚鱗都好難，種要背各種魚，一點都唔容易
有些人把口好臭
魚佬習多種學問于一身, 為將來加油呀!
做街市先令到個人聰明醒目👍👍 要數口精 快手快腳 又多人偷嘢又要捉賊
講真，要錢就是要工作。要搵大錢，始終都係要工作。💪🏻👍🏻要父蔭要母慈，都係要工作。起碼佢自己set 好標去行！
多謝阿Jack為大家服務，冇你哋我的吔邊有魚食💪🏻 唔駛理啲愚人😉 如果個女人睇到呢個video，尷尬應該係佢。
祝大家虎年大吉！身體健康！
拍得好好。年輕人腳踏實地，繼續努力呀。人強無咩事難到你 💪🏼
發覺樓上有班人留言都幾老屎忽同離地。首先呀仔無包裝到自己好偉大好厭惡呢個行業喎。佢只係好客觀同誠實描述返個行業同未來發展。
的確佢係太子爺，但說不上有咩特權。佢係咁差既，師傅夥計都會有微言。一日一千蚊，但係朝七晚七，星期一至六，請問邊度高人工？仲未講少休息時間少朋友。
與其猜度佢係咪為左親情，倒不如欣賞佢肯捱肯學。係行行都辛苦，但試問有幾多個人做到，仲係年輕人？ 批評比動手更容易呀。
最搞笑係佢以為加咗句中立啲講就真係以為自己好中立
母子情．親情⋯⋯
同時，也體會到
從事『街市行業』人士們的
謀生能耐👍不足為外人道‼️‼️‼️
13:57 好衝擊, 呢份工唔係講玩, 好佩服呢位仁兄, 加油加油!!
做街市由其自己檔邊有得放假，啲客見你冇開就幫襯第間，好易流失客源，有啲由開檔到收檔十幾個鐘都冇離開過檔口，食飯都邊食邊睇檔，辛苦錢！
呢行好辛苦,熟手未必做得長,新人做幾日辭工
依家好多都已經嘆慣舒服慣揀工做，唔鍾意就唔做。更何況接手做禁辛苦工作，仲要女朋友唔介意一齊捱。好難得👍🏻👍🏻你地要加油啊💪🏼💪🏼💪🏼💪🏼
最慘係陣味 腥味 因為放工 你又唔係可以即刻沖涼 夏天陣味仲勁 我有朋友同阿Jack一樣都係家族生意 有時同佢去街都聞到味 但呢個係生活 習慣左就冇野
工作無分貴賤 幸運是有家族給予機會。這個生意不分季節限定每天都有需求。 慢慢習慣便是 將來生活安定 現在社會各階層工作機會流失嚴重。各種工作都有别人看不到的問題。如隣居的草常常較綠的思想直到切身體會到才知行行都是要辛苦工。幸福就是🈵️足找到的機會 努力💪工作。 將來一定至富生活無憂 。任何工作開始時不習慣負面情緒時就會動搖意志。堅持✊加油啊！
吃得苦中苦，方為人上人。年輕時早些作好準備，將來收成期就早些來臨。年青人，祝你事事順利，心想事成!
(2022.2.6)
自問屋企人都係做街市, Respect👍🏼
很欣賞肯捱肯拼的青年人.
咁長工時其實計番時薪真係唔多 辛苦工自然值價 香港大部份技術都唔值錢 完全由時間堆人工 香港真係唔係人生活既地方
因為你吾識得投資姐
@@simonho1810 講真你投資最多咪賺幾%，講到可以夠你生活咁
@@tonytony1846 吾少人靠投資上岸都係10幾萬開始，想上岸（要求低D, 60歲有一層普通5，600萬樓+800萬現金）單靠打一世工係無可能，除非你係做金融/sales/專業人士/政府中高層以上。
真係唔容易，唔係唔係個個肯做，Jack肯定將來必能幹一番事業。
我朋友曾經介我去做過不過太早起身太血腥佩服牙jack有呢堅毅不屈既精神💪🏻💪🏻
後生仔，好野👍🏼祝你快啲願望達成
25歲好有思想，非常有前途👍👍👍👍👍
對complaint呀jack 臭果個，如果冇人賣魚你又點會有魚食？啱啦，最好食frozen fish fingers就啱啦！支持你呀Jack同女朋友！有目標最重要！
難得的年青人,目標正確、有理想、能踏实的前行
剪片剪得好好
手下影的相又唔錯喎～ 加油 Jack!!!!
職業無分貴賤，獅子山下精神，它日移民一定無難度，加油
個女朋友肯幫手都勁
25歲的年紀真的很厲害！
行行出狀元👍👍
賣魚都算係一條出路，除咗為自己，希望Jack亦為父母著想捱落去
在日本任何勞力出汗工作的地放設有洗澡房的放工都洗得好幹淨要換衣服的、香港街市應學下啦
10:11 100%認同 我都係養魚佬
有呢個乖仔，有福！
好乖仔
每份職業都有佢嘅尊重嘅地方！
台灣好多後生嘅都會做街市檔，暫豬肉😀
其實冇咩所謂，最緊要本身個人好，搵到下錢，搞掂😆
12:15 隻貓係咪聞到佢好大陣魚味?
肯捱苦嘅年青人👍👍
尊重你 你好有勇氣
OK呀 , 係一門穩定的手藝 , 加油 !
好乖仔，真心要做喜歡做的事呀
現在的市道好比賣魚佬沖涼，冇曬腥氣。
7個鐘就11萬views, MM厲害
多謝你地，很有意思！
同一遭遇 都係被父母呃呃氹氹入行。 企咗一個月檔買咗部阿達利遊戲機。 日日湯鯪魚、 湯不夠 10條大魚及鯇魚。 當年小學六年班。😁😅😅
有呢個女朋友真係唔話得 如果係而家時下D女 知你做賣魚 走都走唔切
傻，我同學老竇老母兩個人賣魚養大全屋8口人，超級有錢
叻仔💪💪💪辛苦晒!
其實可以試下學做刺身？ 已經有切魚的經驗，日後又可以開多間店，賣多啲產品？
條片好好睇
其實家族生意本身已是一個好好的機會,今時不同往日,無話好工唔好工,反而係安心立命之處,不是幸運嗎？！
溫哥華很多超市海鮮部/海鮮店缺人手。
7:26順德口音阿姨好正~
對😂😂😂順德口音
北滘
@@amberleung4256 X D
@@kd-gn6mj 太正啦~
旁白講「女朋友因為怕醜唔上鏡，所以今日請左假。」好似有骨咁～～～ummmmm會唔會我諗多左
魚肉位和水盤位最少野做,爸媽俾多錢佢。
係呢行黎講~佢都幾幸福架啦~有得搭的士返工~而家好多大師傅都係1200-1300一日~有D有1500既~ 一年貨仔學師有1000一日~仲要一星期一日假算係高幾優待~打人工就有假期R下啫~自己屋企生意邊到有架~我以前做都係自己屋企生意~朝7晚8~2個鐘落場~800一日~兩星期放一日~仲要自己搵替工~不過都講緊10年前~後生仔唔怕腥臭污糟~呢行唔會冇得做~到你老闆仲要幾搵錢添
可能有記者喺度，所以搭的士
反而奇怪唔係應該食咗早餐才去返工？
自己家人开好多了是富子但肯捱是珍贵好多靠父母懒飛
在香港難得一見年輕人肯做街市工作，还有咁長時間和辛苦，而且他女朋友亦肯幫手，不是有錢就肯做的工作。他又不是冇學歷，希望他早日達到願望。
其實所有工，有好收入，就會長工時
我好鍾意研究劏魚，每個魚種嘅結構唔同，我好想了解，咁啱見到呢條片，唔知我有無機會加入呢？
劏得多就識
劏得多就厌
@@user-yf5ke4rp4r 會劏到手勁軟😀
鄭太：我都希望佢讀到書
有冇人理解兩老點解要係呢個年紀頂個魚檔返黎做
兩老以前都做魚檔，到咗退休年齡但唔想休息/繼續返工（有生活動力），有錢咪頂間鋪做返老本行（可能無其他適合佢哋做嘅工）
@@azusayasuaka 1:33 佢地以前係做魚欄買手(20年)唔駛劏魚的，個早起晚收既魚檔頂左返黎一年
阿JACK讀老人護理，面對瀨屎瀨尿既老人家你覺得會乾淨得多? 又唔係註冊護士安老院出得起$1000蚊日嗎？
兩老應該有錢退休的只係發揮自己最後既力量扶起個仔, 講到呢度你對佢情況會唔會有多D理解
貪生意貪錢 但力不從心 又要個仔幫
@@hiroogarden1917 當年公屋係申請就有，有生果金老人家用得幾多錢
你睇佢老豆成頭白晒真係唔後生了，年紀咁大每日做十幾個鐘搏早D釘蓋？
@@kennymccheng6511
自己做這行 仲要個仔做 仔已出現勞損
搵少D 退休啦 又唔捨得錢
賣魚有咩問題？我fd老公一家賣魚，一個月俾7萬蚊家用佢。限量版LV,揸平冶超跑，幾層樓揸手，有幾多人有呢種生活呀？而家仔女大仲落埋場幫手做，但收咗工行出嚟，實實在在就一個闊太。打份牛工？3萬都未必有呀！
He is so cute, I like him!
都要屋企有檔魚檔。。
職業無分貴賤 我覺得劏魚無乜問題 仲好型添 respect!
點解d人講嘢要咁難聽....
太子爺就唔使自己落手做嗎？
而且人人都有選擇自己生活嘅方式，為人子女就唔可以有自己嘅選擇？
人地屋企人都冇話佢不孝，你地呢d網上孝子就係度9up
Sam哥出品
必屬佳品！
睇埋呢條片覺得Sam哥出品可以做賣點唔係講笑
搭的士，應該幾好搵
加油Jack!!!
最尾好感動
街市呢行無假放係正常的，除非揾到替工
Respect.能屈能伸香港人
吃過苦，捱過
當你成長後學會珍惜及感恩
人生才會更有意義
佢魚檔的綾魚肉好好食。😋
1000蚊呀！同做地盤工一樣啫！做文職邊有咁好pay！！
祝你成功😛😜😝
吃得苦中苦 方為人上人。👍👍
有學歷又捱得至少唔會餓死先👍👍😁
之前我都劏咗一段时间鱼，早上4点左右去拿货，然后开档，直到晚上9点左右收工，我档口在超市里面，营业时间长点😢😢😢
呢種經歷係好特別，唔容易捱
已經步入花甲，殺死有血的衹有蚊，所以你咁年青真係勇敢叻叻，加油。
AquaMan please 請為所有魚報仇 😥🐟🐠🦈 💪💪💪
1000蚊12個鐘其實都唔抵
自己屋企做老闆梗好做啦, 依家入行750-850日,吾好呃人啦
yes. 同埋屋企檔D師傅一定會就住你,已經好做好多, 又唔會玩你/吊走你
祝你成功美滿
叻仔👍有EQ
劏魚去到歐洲大把人請啦，唔使儲錢啦，快啲去啦。
值得讃👍👍👍👍👍