بيت سامح | لماذا لا نستثمر في عقارات البحر الأحمر في مصر؟

لماذا لا نستثمر في عقارات البحر الأحمر في مصر؟
لحجز استشارة عقارية مدفوعة أو لخدمة اعادة البيع تقدروا تتواصلوا معايا عن طريق اللينكات ديه:
الواتساب:
wa.me/message/...
الفيسبوك:
/ sthesalesman
أو على الايميل :
[e-mail]
#عقارات_مصر
#العقارات_في_مصر
#دهب
#الاستثمار_العقاري
#الاستثمار_العقاري_في_مصر
#العقارات
#سوق_العقارات_في_مصر

[@msrscorpion]

عندك حق يا سامح في ان الطبيعة اجمل في البحر الأحمر .. بس الجو في الصيف لا يطاق .. بشوف سينا و الغردقة انسب للشتا بس مش للصيف خالص .. و بما ان الصيف اطول فالساحل يكسب.

[@samehthesalesman]

@@msrscorpion الصيف أطول من ايه بالضبط 😁
السنة أربع فصول مش فصلين،
البحر الأحمر بيشتغل فترة أطول بكتير من الساحل

[@ahmedelkenawi1706]

انتا يا استاذ سامح كلامك مضبوط اوي
... انا راي الجلالة في المستقبل البعيد هتبقا احسن من الساحل بعد ما مراحل العاصمه تكمل وقربها من السويس والعاصمة ومدينتي ومستقبل ستيي

[@VoidPlayz_Gaming]

البحر الاحمر روعة في الشتا صعب جدا في الصيف عايز اقلك كنت في الغردقة شهر ٦ الجو كان حر اكتر من القاهرة جوها ذي الصعيد .البحر الاحمر مشتي لا يصلح مصيف نهائي. الساحل الشمالي بيبقي درجة الحرارة ٣٠ و الغردقة ٤٠ في نفس اليوم .

[@engyfayad8896]

جنوب سيناء تصلح مشتي وليست مصيف
درجة الحرارة تفوق القاهرة بكثير

[@ahmedashour91]

حلقه ضرب نار في كل التابوهات 😂 .. الله عليك يا اوستاااااذ 😂 تحياتي يا دهب العقارات ❤️ " حلو موضوع دهب العقارات" 😅

[@islamabdelzaher4940]

لا طبعا في فرق الساحل قريب يعتبر لكل المحافظات من الغردقه ده غير الجو الساحل الناس بتروحه في فتره الاجازه لكن شرم والغردقة انسب وقت ليهم يا شهر ٥ او ١٠ وانت طالع علشان كد الناس بتفضل البحر المتوسط في فتره الصيف وفتره الشتا البحر الاحمر

[@Moatazelshewikh]

المستقبل لسوما باي كسكن زي الجونة و الصراحة المقتدر يشتري في الساحل و البحر الاحمر كل مكان لة جمالة و موسمة الساحل مشهور لإن الناس بتسافر في الصيف و هو موسم الساحل

[@khalidfawzi5287]

تسلم من احسن الناس اللى بتتكلم فى العقارات

[@hehsamshawky7617]

شرم الشيخ ودهب فيها خازوووووق اسمه نفق الشهيد احمد حمدي ... عشان كدا محدش بيحب يروح ... ليه ققف في كمين ساعتين فآكثر واتفتش وانا رايح وانا راجع ... غير ان لو عربيتي دفع رباعي ممنوع ادخلها ... مش عشان التريند ... التريند انت ممكن تعمله ... ف السؤال الصح ليه شرم عمرها ما بقت تريند ... عشان الي انا قلته دا وهو الخازوق وهو النفق ...
والغردقه خازوقها انها بعيده جدا ع القاهره بنتكلم في ٨ ساعات متوسط بالعربيه واكثر لو اتوبيس
غير درجه الحراره البحر الاحمر متوسط ٤٠ والساحل كله ٢٧ ل ٣٠ فرق السما والارض
كلامك مش موفق في البدايه
آنا حد عندي شاليه في راس سدر وبقولك غلطه بسبب موضوع النفق بعيد عن ان الميه الهاديه وحشه ولا تتقارن بميه الساحل الشفافه وبالمناسبه عندي شاليه في مرسي مطروح بردو

[@ahmadali-zf9fb]

ما أجمل بحر الساحل والهواء في الساحل أجمل ساحل في العالم الساحل الشمالي المصري

[@ablashaatoot7812]

اكيد عرضك لشرح الوضع في المقارنة بينها رائعه جدا ربى يبارك لك... انا سيده على المعاش ولأسباب صحيه.. يفضل أن أعيش في مجال ساحل... وتكون البرودة جيده.. أو عاليه... انا ببحث عن شقه للايجار وانت ادري أى مكان كويس... دهب ولا سانت كاترين.. شقه صغيره لالايجار فى مكان معمور يعنى عمراني تلسكان و متطلبات الحياة... تكلفته كام .. والظروف ايه .. وياريت تبعت لي الخاص التواصل.. وكيفية دفع الاستشاره... شكرا لك

[@aymannabil4339]

تحياتي لحضرتك يا استاذ سامح كلام مظبوط جدا ، و لكن البحر الاحمر يتم إيجاره طوال العام و البحر المتوسط يؤجر لمدة شهرين او ثلاثة, أنا اعمل فى مجال السياحة و عايش فى الغردقة ومن اوائل الناس اللى صيفوا فى الساحل من ايام مراقيا اول قرية فى الساحل و حالياً ايضا أصيف فى الساحل و هو بالتاكيد استثمار جيد جدا و لكن العقارات فى البحر الاحمر تؤجر طوال العام و معظم المؤجرين من الأجانب اللى بيعشقوا الغطس و السنوركلينج و ايضا لقربها النوعى من الأقصر لمشاهدة الآثار بخلاف رحلات السفارى و البنية الأساسية و هى مدينة عايشة طوال العام و طبعا العائد على الاستثمار فى الغردقة جيد و لكنه ممتاز فى الجونة و سوماباى و المنافسة اقل من الساحل لعدم وجود مشاريع كثيرة و مطورين كثيرين مثل الساحل .

[@AhmedAhmed-sd6xs]

شكرا علي التحليل المنطقي والرائع

[@hanyelhaddad9534]

كل شىء واي شىء في الحياه له مزايا وعيوب وهذا يتوقف عليك انت عايز ايه ولكن البعض يبحث او يطلب المزايا فقط ( يعني عايز وش القفص ) وهذا لن تجده ابدا كل شيء package مافيش نقاوه

[@shaddyrophael]

Thank you Samah for the information on the red sea and Hurghada especially

[@DrivingYourBusiness]

هي اراء طبعا
بس انا كواحد اسكندراني
بحب اروح الساحل كل ويك اند وحتي لو م اونر احنا اغلبيتنا بيعرف يدخل اي مكان في الساحل عادي
ثانيا شرم او الغردقة لازم اسبوع كل سنه عشان ولادي وطبعا انا من عشاق البحر الاحمر جدا جدا وبالاخص دهب وبحب انزل في فندق باندا او دهبيه بس دهب مش عائلية خالص
عمتا خلاصة الكلام
بعد المسافة يا سامح لي اعتبار مهم جدا جدا في الكلام دة

[@mostafaelshafei8137]

من خبرتك ممكن نتصرف ازاي مع التاخيرات ف تسليمات في مطقة الجلالة

[@ahmedmohamed-qv4nv]

تحليل مفصل كالعادة 👏

[@heshamyahia1635]

عاش بجد انت بتعبر عني😊😂

[@yasminzakarya]

Dahab is the best ❤❤❤ Snorkeling, diving, windsurfing and much more in Sharm also ☀️😅

[@user-no4ld9xl1k]

حلقه ممتازه مستر سامح.
العقار التريند، هو نزوه خاسره لمن يفهمون فى اقتصاديّات الفرصه البديله.
نظريه اقتصاديه بتقول لو هتقدر تطلّع ريع سنوى على كل الأصول المنقوله و الثابته التى تمتلكها اعلى قليلاً من التضخّم (مثلاً ريع 6% على اصول غربيّه او ريع بمتوسط سنوى 10% على اصول بالجنيه الخ)، يبقى موش محتاج تمتلك البيت اللى تسكن فيه سواءً first home او بيت مصيف/مشتى، و دايماً هتقدر على تمويل مصاريف البيت اللى ستؤجّره.
زهوة امتلاك عقار شاطئى تزول بعد عدة سنوات عندما تظهر بدائل فى شواطئ أخرى. لكن طبعاً فى سبيل التحوّط و ال diversification فلا بأس بامتلاك عقار وحيد للسكن فيه أو لإستثماره.
الشباب الخليجى بدأ فى سن 18 يتعلم قيمة امتلاك أسهم (أصول منقوله) فى بلاده و غير بلاده و 40% من الأمريكان يدّخرون و يستثمرون فى الأصول المنقوله بدايةً من سن 18 سنه.
أشهر مثال هو امتلاك اسهم عقاريه REITS الّلى متوسّط ريعها السنوى يصل 10% و كأنك امتلكت كذا عقار. خطأ كبير ان الواحد يتدبّس فى امتلاك كذا عقار و يبقى house rich income poor، و دى غلطه يقع فيها كثير من المصريين حيث الفلوس المحبوسه فى الحيطان (الأصول الثابته) سوف تبخس الميزانيه المتاحه للاستثمار فى تعليم الاولاد و خبرة الأسفار و الأصول المنقوله.
منذ خلق الإنسان مافيش ولا واحد رجع من بعد الموت، و لا حتّى من الأنبياء و أهل الكشف و الكرامات، و قال إنّه سعيد و هو شايف أولاده من فوق السحاب و هم يتنعّمون بالعقارات اللّى طفح الكوته عشان يعملها لهم. و أطفال الغرب إلّلى أبويهم بيعلّموهم يعتمدوا على أنفسهم من سن 18 و يموّلوا جامعاتهم و بيوتهم بمجهودهم، ليسوا دائماً أفقر من أطفال الشرق اللى أبويهم بيورّثوا لهم عقارات!

[@user-gj5eg7gn5r]

والله انت راجل عبقرى أتفق معاك ١٠٠٪؜ و أتمنى أتعرف عليك 😊🌹👍

[@user-mi3yf8vs6i]

ايه راى حضرتك فى مشروع كارنيليا فى الجلاله كمشروع وكشركه

[@mohamedelshafey1810]

الله ينور عليك ❤

[@dinaorabi8439]

طب ايه موقف قرى راس سدر من القصة دي

[@najeebalahlasi]

البحر الاحمرعلى ما اعتقد صالح في الصيف والشتاء لأن الساحل فى الشتاء برد قارس اليس كذلك.

[@ahmedabdrabo2699]

حضرتك الشاطئ الرملي الابيض ذى الشاطئ الصخري؟ يا رجال يا راجل ينفع الكلام ده

[@hatemsalem1476]

This discretion in incomplete and lacks the most critical factor which is the "summer heat" which became recently a challenge allover the world even in Europe. The north coast wins big time and weather is terrible during the summer in all red sea provinces. I was born in the red sea and used to own at all times in elgouna and ain sokhna but sold everything and switched to north coast due to the moderate heat and nice breath during the summer.

[@samehthesalesman]

Summer is one of four seasons.

[@hatemsalem1476]

One of the 4 seasons but 80% of the entertainment and decision making for either vacation or investment....I would suggest if you add this amendment to your assessment and evaluation. I believe the north coast is at the very beginning and you will see soon the international price in most of it as 7000 euoro per sqm at average ...it is one of the rare spots in the region that has quality beaches , water and weather during the summer

[@mostafaoloufa7747]

ممكن موبيل للتواصل
شكرا

[@Hamadi19]

فين رقم الاستشارات من فضلك ؟

[@alaafathey9186]

وانت بتقول ان الدوله ادت الاراضي لمطورين تعبنين فى الجلاله رحت انا قايل فى سري والمونت جلاله ياسامح لقيتك قلت على طول ماعادا تطوير مصر قلت اوى كده ياجدع قلتني 😅😅

[@mhaladawy]

الجو في الساحل احسن ١٠٠ مرة من شهر ٦-٩....الغردقة وشرم لا
مسافة السفر اقل ب ١٠٠-٢٠٠ك

[@samehthesalesman]

@@mhaladawy الساحل الجديد نفس المسافة من الغردقة،
شرم بس اللي بعيدة شوية،
بس فيها مطار،
الجو أحسن ٣ شهور في الساحل (بليل بس) وبقية السنة أحسن في البحر الأحمر.
البحر أحسن في البحر الأحمر،
البحر الأحمر أرخص.

[@muhammadelsokary7275]

@@samehthesalesman

[@KuwaitNice-ll5ln]

بيت سامح في البحر الأحمر بيت سامح في البحر المتوسط

[@ahmadali-zf9fb]

يا نجم الهواء في الساحل ظز في البحر الأحمر البحر احسن بكتير اوي كل حاجه في الساحل اجلا بكتير من البحر الأحمر انا روحت كل حته في البحر الأحمر خنيق جدا جدا

[@samehthesalesman]

@@ahmadali-zf9fb انك بتتخنق منه ده ميخليش الساحل أحسن،
أنت بس معرفتش تتبسط في البحر الأحمر،
بس متقنعنيش ان الطبيعة في الساحل أحسن.

[@ahmedrefaat8275]

سامح بيه واحد من وسط مليون مش فارق معاه عامل الجو فعايز يقنعك و يقنعنا يعنى ايه جو و يعنى ايه تقعد فى شرم و الغردقه فى يوليو و يجيلك ضربه شمس يعنى نشاط ليلى فقط مع جو تلزيق لمجرد انه شايف الطبيعه احلى فى البحر الاحمر .
و لا اقولك سيبك منى و من سامح بيه ، الاقتصاد مش بيحترم غير رأى السوق اللى هو رأى الناس و المستثمرين فيه ٣٥مليار دولار اتحطوا فى مكان واحد فى الساحل و البقيه تأتى ، اهل الخليج مش عبط علشان يهرب بشعبه من جحيم الخليج علشان يروح جحيم اقل منه شويه ع البحر الاحمر 😊

[@mohammedsayed5154]

التان باين عليك يا صديقي 😅

[@samehthesalesman]

🤣🤣

[@mutazegypt7550]

الله ينور ياريت متابعه لكل جديد في الساحلين اهنيك يالتميز دايما❤

[@mohammedsayed5154]

@@samehthesalesman 😂😂