नेता लेखनाथ दाहालले जनयुद्धलाई जवरजस्ती हिंसाको रुपमा परिभाषित गर्न खोजिएकाले विरोध गरिएको बताउनुभयो

बुधबार संसद भवन नयाँ बानेश्वरमा सञ्चारकर्मीसंग कुरा गर्दै दाहालले जनयुद्ध कुनै हिंसा नभएको तर यसलाई जवरजस्ती हिंसाको रुपमा परिभाषित गर्न खोजिएकाले विरोध र प्रतिवाद गरिएको बताउनुभएको हो । उहाले माओवादी जनयुद्धकै कारण मुलुकमा असाधारण परिवर्तन आएको भन्दै जनयुद्धलाई अस्वीकार गर्नु भनेको व्यवस्था र परिवर्तनलाई नै अस्वीकार गर्नुभएको जिकिर गर्नुभयो । कांग्रेस र एमालेबीच सरकार गठनका बेला भएको सहमतिपछि जनतामा भ्रम छर्न जनयुद्धलाई अवमूल्यन गर्न खोजिएको उहाले बताउनुभयो । त्यस्तै दाहालले मुलुकलाई एकतात्मक शासन प्रणालीमा लानका लागि बिभिन्न परिवर्तनबिरुद्ध आक्रमण हुन थालेको उल्लेख गर्नुभयो ।