珍寶海鮮舫沉沒點解香港人會有咁大反應？ | 大家對佢係咪真係好有感情？ | 失去珍寶海鮮舫對於我哋嚟講係冇咗啲咩？

珍寶海鮮舫因為營運持續虧蝕，年年都入不敷支，同時海鮮舫嘅海事牌照亦都就快到期，所以持有人就喺5月30號宣佈，海鮮舫遲啲將會移離香港以減輕成本，慢慢靜待新經營者出現。
消息一出， 社會大眾都紛紛表示，非常擔心珍寶海鮮舫會一去冇回頭，唔會再有重新返到嚟香港成為地標嘅一日。正喺大家擔心之際，珍寶海鮮舫就喺前往柬埔寨嘅途中離奇「沉沒」，死得不明不白，今次香港人嘅反應就更加大啦，因為沉船意外粉碎咗佢哋對珍寶海鮮舫有朝一日會返嚟嘅美好幻想。有人炮轟政府冇做好保育工作，最終令到香港失去咗一個咁有歷史文化價值嘅地標，亦令唔少香港人失去咗一個集體回憶。
//我們對珍寶海鮮舫回憶
舊街坊憶述，以前每日去到夜晚，珍寶、太白、海角三隻船嘅燈光照落海面，望落真係非常壯觀，喺碼頭搭艇仔過去食個靚DINNER，亦都夠晒gimmick。作為海上餐廳，珍寶海鮮舫有自己嘅巨型海鮮池，入面有60幾種海產任君選擇，仲要隻隻新鮮。喺嗰個年代，去珍寶食海鮮係享受嘅象徵，雖然未必係全香港最好食，但一定係全香港最有FEEL最有儀式感嘅海上餐廳。係屬於上一代嘅美好回憶。
而到咗我哋呢一代，當中有有多人，第一眼見到珍寶係透過星爺嘅作品《食神》，通常都係隔住個mon，透過流行文化作品去認識珍寶海鮮舫，好少會入去食嘢。咁係因為珍寶經過廿幾年之後，其實早就已經成為咗一個有國際代表性嘅旅遊地標，係一間遊客餐廳。大部分香港人對於珍寶嘅印象，就係睇得唔食得，遊客貪新鮮先會上船畀人搵笨。就咁聽好似好貶義，咁點解沉船之後，大家會有咁大反應？
//香港人咁大反應嘅原因
霓虹燈牌照落海面，係專屬香港嘅璀燦夜景。香港人失去珍寶之所以咁大反應，或者就係因為唔係失去咗個集體回憶咁簡單，而係香港失去咗一個符合外國人對東方文化嘅異國想像，失去咗一個令香港人覺得好自豪好威嘅標誌。珍寶海鮮舫喺外國人嘅心目中有相當嘅標誌性，佢哋會喺流行文化作品入面，添加珍寶海鮮坊作為描繪香港背景嘅元素。例如西片就有《生死戀》、《鐵金剛大戰金槍客》以及係《世紀戰疫》等等。日本就有電影《哥斯拉完結篇之世紀必殺陣》、動漫《伙頭智多星》以及係電視劇《信用欺詐師JP》，而韓國就有電影《盜賊門》。除咗影視作品之外，亦都有唔少遊戲，只要個場景係喺香港，珍寶海鮮舫就會跟住出現，例如係《餓狼傳說2》、《生化危機6》、《戰地風雲4》、《香港秘密警察》Sleeping Dogs。一架咁細嘅船，竟然可以有咁大嘅作用，法定古蹟同歷史建築都唔及佢咁威。
而第二個原因就緊係珍寶海鮮舫離奇沉船事件，其實早喺1998年，珍寶嘅姊妹船「海角皇宮」被賣去菲律賓，當時已經識得用「半潛船」運送，因為安全好多。但點解廿年前已經識嘅嘢，廿年後竟然係直接拖出公海？而且珍寶海鮮舫嘅持有人，一直都冇準確公開隻船嘅目的地，難免會令人懷疑，成件事根本就唔係意外。珍寶海鮮舫過往為香港作出過咁多貢獻，非但冇獲得「善終」，反而好似condom咁樣被持有人用完即棄，真係好慘呀。
而第三個原因，就係因為政府就呢件事上嘅態度，其實一早已經有團體促請政府介入，利用保育方案，保住呢個世上絕無僅有嘅特色景點。但現行嘅《古物及古蹟條例》其實幾廿年嚟都冇變過，歷史建築評級制度，只係適用於喺建築物同構築物。而珍寶海鮮舫屬船隻，所以係唔適用㗎。林鄭月娥就表示，政府唔打算斥資幫拖營運，亦都唔會用政府公帑夾硬蝕住做。
珍寶海鮮舫冇功都有勞，咁多年嚟除咗為香港帶嚟唔少旅遊收益之外，佢喺地區性、旅遊業以至飲食業都有一定嘅文化價值。大家都覺得政府喺呢件事上，點都應該做多少少嘢。
//珍寶海鮮舫係咪真係值得保育
保育政策喺香港一直都被放到好「後」，因為呢樣嘢同香港主要嘅發展方向背道而馳，喺社會價值觀上亦都係格格不入。所以唔單止係政府對於珍寶海鮮舫WFC，其實社會大眾都係抱住一個差唔多嘅態度，海鮮舫嘅持有人願意將成隻船捐畀海洋公園，當日似乎都係冇乜人討論。而政府一年用幾百萬去保存珍寶海鮮舫到底應唔應該，值唔值得，呢啲討論喺網絡上好似冇乜點樣出現過，成個公民社會近乎沉默，只係留低一句NOTED WITH THANKS。直到去珍寶沉船，大家先至突然驚覺，呢隻伴隨住你長大嘅嘅船，往後將不復存在。
喺一個禮拜之後，我剪緊呢條片嘅同時，其實大家已經唔太關注珍寶海鮮舫，一啲相關嘅update新聞，亦都開始冇乜人留意同討論。因為香港人嘅生活就係咁，日日都忙到仆街，「保育」呢樣嘢從來都係冇乜討論嘅空間同環境。
珍寶海鮮舫沉咗之後，下一個消失嘅地方係邊度呢？其實每一個地方都有可能，所以趁呢啲「舊嘢」消失之前，我哋係咪應該要放慢腳步，有時間就去多幾次，用自己嘅方式去為佢哋做一個記錄。令社會大眾可以對嗰啲地方有多啲認識，去到有一日，當嗰啲地方面臨清拆或者係重建，到時成個社會，會唔會多咗人可以一齊討論，嗰個地方值唔值得保留等等嘅問題，唔再係NOTED WITH THANKS呢？
#珍寶海鮮舫 #沉船 #傾覆
__________________________________________________________
home852VICTOR Instagram: / home852victor
🎵 Track Info:
Title: How it Began by Silent Partner
Genre and Mood: Pop + Bright
Music provided by: BGM President
Track: Wiggling Baby - • [브금대통령](귀여운/단순/Lovely)...
延伸閱讀：
如何在香港拼命無痛？ | Breakazine 068 《拼命無痛》 [小學雞閱讀報告]
• 如何在香港拼命無痛？ | Breakazin...
[塘西風月] 一路向西之塘西的森林 | 簡介香港早年娼妓業發展 | 塘西妓寨的召妓過程 | 紅牌阿姑是如何煉成的 | 風月文化不知不覺間正影響住我們？
www.youtube.co....
到蓮香樓體驗上一代人的飲茶文化 | 昔日茶樓酒樓大不同 | 飲茶約定俗成的老規矩 | 消失的術語和暗號
www.youtube.co....
專訪觀塘寄賣市集AMPM Mart店主 | 一件產品嘅價值 唔單止在於用途 | 冀香港人身體力行支持本地產業 | 對待本地產業需要寬容並給予機會
www.youtube.co....
港式奶茶的由來及演變 | 奶茶製作六部曲！一撈二焗三撞四回五吊六冲 | 屋企DIY絲襪奶茶！ [茶記文化EP2]
www.youtube.co....
[行半日街] 土瓜灣懷舊之旅 | 「夕拾」舊物店尋寶 | 有200間車房嘅十三街 | 街坊先識嘅地標「維他奶」 | 到訪博物館「土家」| 土瓜灣喺未來可能唔再係舊區？
www.youtube.co....
[簡單講解]天星小輪鳴笛求救！以後分分鐘冇得搭？| 客量稀少下除票務收入外如何賺取穩定收益？ | 除疫情外香港人少搭天星小輪的原因 | 渡輪被政府邊緣化？| 天星小輪甚少於政策中得益？
www.youtube.co....
升KEY雀與咕姑固 - 擾人清夢的罪魁禍首｜升KEY雀只生不養極醜惡？｜咕姑固的奇怪築巢習慣？
www.youtube.co....
沙嗲牛肉麵的由來及興起 | 廣為人知的背後是因為潮州人和公仔麵？ [茶記文化EP1]
www.youtube.co....
[高登連登故]創意無限的高登連登仔歷年來為大家帶來了多少精彩的故事？為何能吸引眾多讀者？
www.youtube.co....
淺談香港電影工業正面對住甚麼困難？為何「唔正常」的我們會拼命支持香港的文化創作？
www.youtube.co....
[簡單講解] 點解觀塘成日塞車？六個原因快快講 | 見女友點先可以唔使揸戰機？
www.youtube.co....
Promote by: bummies. ua-cam.com/users/ch....

[@victorinhk]

其實我對珍寶海鮮舫冇乜好感，只係喺細個嗰陣去過一次，
啲嘢食係點我就唔記得喇，總之都係冇乜特別深刻嘅印象。
之前從事嘅行業經常會接觸到來自世界各地嘅外國人，佢哋有時會入去食，
但返嚟嘅COMMENT多數都係食物質素麻麻哋，我心知不妙，
外國人對粵菜容忍上限咁高，都忍唔住要批評珍寶海鮮舫係「食景」，
可見佢哋嘅食物質素真係同網上傳言一樣，令人卻步。
我覺得一間餐廳最緊要嘅就係食物質素，無論你裝修到有幾金碧輝煌，
啲嘢唔得就自然冇客，所以以往珍寶海鮮舫通常一直都係主力做遊客生意，
本地人根本就好少入去。現今網絡科技發達，
外國人都好容易可以透過網絡得知餐廳嘅comment，
因此連遊客都越嚟越少入去珍寶海鮮舫食嘢，
亦都可以解釋到點解珍寶海鮮舫由2013年已經開始入不敷支，
最終喺武漢肺炎同防疫政策面前正式投降。
Anyway，珍寶海鮮舫始終都係有佢嘅歷史文化價值，一個陪伴著你長大嘅地標，
最終落得一個死唔眼閉嘅下場，確實令人感到惋惜。
但係呢個地方值唔值得政府每年幾百萬嘅去養住佢呢？
呢個係值得探討嘅問題。可惜香港人生活日日都忙到仆街，
「保育」呢樣嘢從來都係冇乜討論嘅空間同環境，
成個公民社會近乎沉默，只係留低一句NOTED WITH THANKS。
珍寶海鮮舫沉咗之後，下一個消失嘅地方係邊度呢？
其實每一個地方都有可能，所以趁呢啲「舊嘢」消失之前，
我哋係咪應該要放慢腳步，有時間就去多幾次，
用自己嘅方式去為佢哋做一個記錄。令社會大眾可以對嗰啲地方有多啲認識，
去到有一日，當嗰啲地方面臨清拆或者係重建，到時成個社會，
會唔會多咗人可以一齊討論，嗰個地方值唔值得保留等等嘅問題，
唔再係NOTED WITH THANKS呢？

[@MsMRrandy]

sad

[@davidchow2284]

政府支援海洋公園營運: OK, 珍寶? 不了

[@victorinhk]

54億眼都唔眨 VS 一蚊都唔想出