చైతన్యమే ఊపిరిగా......
Вставка
- Опубліковано 10 лют 2025
- 🌹చైతన్యమె ఊపిరిగా...🌹
-----------------------------------------
చైతన్యమె ఊపిరిగా అడుగేసి కదలుదాం
గమ్యాన్ని చేరుదాక ఆగకుండ పయనిద్దాం!!
//చైతన్యమె...//
కష్టాలు కన్నీళ్లు కలకాలం ఉండవులే
ధైర్యంతో ముందడుగే దారి చూపించులే
బాధ్యతతో మెదిలితే భార మవదు జీవితం
విజ్ఞతతో ముందుకేగ విజయమే సొంతమవద?!
//చైతన్యమె...//
దిగాలుగా నీవుంటే దీనమవును బతుకంతా
సంకల్పమె ఆయుధంగా పోరాటం చేయాలి
ఎగతాళిని సవాలుగా స్వీకరించి ఎదగాలి
గెలుపుతోనె గతానికి జవాబిచ్చి తీరాలి!!
//చైతన్యమె...//
పొంగిపోకు కుంగిపోకు లక్ష్యాన్ని మరువబోకు
విమర్శించె ప్రతివారికి సమాధాన మివ్వబోకు
ఓపికతో సాగిపోతె ఓటమన్నదే లేదు
విజేతకే గౌరవంబు వసుధలోన తెలుసుకో!!
//చైతన్యమె...//
అదృష్టం ప్రతిసారి అందల మెక్కించదు
నిరాశతో నీవుంటే నిలువలేవు జగతిలో
ఓర్వలేనితనం నిన్ను ఒంటరిగా మార్చివేయు
అందరితో కలిసిపోతె ఆనందం పొందగలవు!!
//చైతన్యమె...//
✍️ డాక్టర్ వెలుదండ వేంకటేశ్వర రావు.
మహబూబ్ నగర్.
8790421061.
