#TalkFood
Вставка
- Опубліковано 9 лют 2025
- 位於基隆街的明發小食，在深水埗扎根40年，由街邊小販檔做起，媽媽王女士一開始賣生菜魚肉、碗仔翅和豆腐花等街頭小食，吸引附近的學生和街坊幫襯。這些年來搬鋪四次，第一間店開在北河街，其他三間店都在基隆街。
明發多年來只賣十種食物，店鋪門面上寫着「生菜魚肉」，正正就是招牌主打。食材雖簡單，但那懷舊古早味，就是別處找不到。
那個年代，生活困苦，魚肉多選屬下欄魚的鯪魚，原因無他，取其價錢平。雖說很多檔口也賣生菜魚肉，但做法及用料之差異，能從味道、口感反映出來。
明發也不例外，選用鯪魚肉，只加葱花、陳皮碎，經調味後，把魚肉攪拌均勻，堅持用手打至魚肉起膠，力度不同，所用的時間也不一樣。只見三弟Chris不停搓打近十分鐘，直到魚肉打至黏手不掉下來，呈起膠狀態才停下來，煮出來的魚肉爽彈，不重粉感，就是其優勝之處。「我媽媽身材細小，但打魚肉的手力嘭嘭聲，以往舊伙記都笑說，尖沙咀都聽得見。」大家姐Crystal說。
提提大家，來明發吃生菜魚肉，可以選多菜、走菜，記得加點麻油、胡椒粉及辣菜脯，層次豐富，也就是靈魂味道。
說到生菜魚肉，怎能少了跟它形影不離的碗仔翅？
坊間的碗仔翅大部分添加木耳絲和冬菇絲增加口感，但明發的碗仔翅一直只用三種材料：雞蛋、瘦肉絲和粉絲。材料很簡單，但簡單就是美。碗仔翅的精髓其實在於湯底，用豬骨和雞骨熬最少四小時，去除湯骨後，湯底保持清澈透明，近乎無色，就如名菜「開水白菜」的原理一樣，湯底看似清水，其實非常入味，拌入配料煮至濃稠剛好即可。
不少客人想多吃但又吃不下兩大碗，於是餐牌上就出現兩溝，即魚肉+碗仔翅，及三溝，即生菜+魚肉+碗仔翅。
大家姐Crystal說：「這些都是客人要求，我們屬家庭式經營，客人想吃甚麼，就做出來給他們。」不過Crystal建議第一次吃的話，還是先吃生菜魚肉湯，品嚐魚肉本身的鮮味，下次再吃加了碗仔翅的兩溝或三溝。
店鋪賣的豆腐花，豆香濃郁非常嫩滑，多年來水準不變，難怪留得住一班熟客。Crystal說：「豆腐花和豆漿都是簡單食物，要做得好也是有點難度，所謂易學難精。」前一晚先浸泡黃豆，每天一早放入石磨機新鮮磨製，磨豆後再煲滾，把豆漿盛出放涼，之後加入石膏粉撞漿，十分鐘後，一碗美味的豆腐花就做好了。
隨着時代變遷，明發也順應潮流賣餃子，這裏的餃子只得兩款口味：韭菜豬肉和椰菜豬肉。二家姐Apple笑稱：「餃子主打多菜少肉，每日新鮮準備，現炒現賣，客人都愛吃。」
媽媽自創的餡料配方沿用至今，韭菜餃有馬蹄、蝦米、菜脯；椰菜餃則有馬蹄、冬菇。蔬菜每天去街市親自採購，韭菜除了要新鮮，一定要選幼身韭菜，粗壯的反而不夠香；至於椰菜只選用黃色葉子，口感最清甜，葉子呈深綠色的帶苦澀味，每次人手摘去丟掉。
包餃子的方法也是從媽媽傳承下來。韭菜餃較椰菜餃難包，因韭菜偏軟身，想要餃子包得實淨不散，少一點功力也做不到。
店內雖有湯餃選項，但十個客人九個吃煎餃。客人落單，即叫即煎，餃子用生煎的方式，最特別是餃子三邊煎到香脆金黃，熱焫焫上桌，一口咬下大爆汁，多菜少肉的餡料，味道反而更鮮甜。韭菜餃味道特別香，椰菜餃清新爽脆，喜歡的話來個雙併鴛鴦餃；不少客人堂食之後，再外賣煎餃，毫不誇張，這裏的煎餃就是這麼好吃。
為了減輕煎餃油膩感，特意提供鮮榨檸檬汁，讓客人配着吃，檸檬汁酸酸甜甜，別處少見。
還有一款沒放進餐牌內的窩心食物，那就是巴斯克芝士蛋糕，是Crystal女兒做給熟客品嘗，怎料吃過後大讚出色，並建議於店內售賣，於是就有了巴斯克芝士蛋糕。芝士蛋糕定價親民，中間呈流心狀態，質感細膩，來一件蛋糕作結堪稱完滿。
生菜魚肉湯 $23（細）
金牌碗仔翅 $19（細）
魚肉碗仔翅（兩溝）$23
生菜魚肉碗仔翅（三溝）$23
自家製豆腐花 $11
香煎餃子 （鴛鴦餃） $41/8隻
鮮榨檸檬汁 $25
巴斯克芝士蛋糕 $25
明發小食
地址：深水埗基隆街239號地鋪
電話：6103 6823
營業時間：星期一至日11am-8pm
@mingfat.hk
撰文：Yvonne Lam
攝影：Peter Li、Yau Kok Tat
剪接：Fong Ka Him
美術：Anita Lam
TalkFood 先填飽肚子再前進
UA-cam : / talkfood
Facebook : / talkfood
Instagram : ...
全自費真實食評，內容反映當日質素，並非廣告！最新價格以餐廳為準。
#煎餃 #餃子 #水餃 #湯餃 #手工餃子 #椰菜餃 #韭菜餃 #碗仔翅 #生菜魚肉
#生菜魚肉碗仔翅 #豆腐花 #明發小食 #鮮榨檸檬汁 #巴斯克芝士蛋糕 #深水埗 #甜品 #下午茶 #食晏 #外賣 #深水埗美食 #TalkFood #TalkFood深水埗
延伸閱讀：
【#吃好吃】芫荽控mark實！土瓜灣人氣餃店捲土重來 超級芫荽豬肉餃｜餃撚店
/ cynbq4sndsa
【#吃好吃】土瓜灣爆餡大隻餃 滑捋捋粟米豬肉餃｜一團餃子
/ cs-intfucgj
簡單食物越難越好食，什麼都有獨家方法，香港味道努力有人見到👍👍👍👍👍。
一家人全心全力做好媽咪傳落嚟嘅生意，值得佩服同支持👍下次行開深水埗一定幫襯！
難得一家人齊心去做。懂得互相欣賞係好重要
家庭式經營，
食嘅係感情❤
好食嘅野係唔需要咁多花巧，
簡簡單單就可以食出真味道😊
認同！好食嘅野係唔需要咁多花巧👍
求地址？
為母則剛, 佢地媽媽好偉大而且有教養, 幾個細路都咁和諧, 好勁
每次去 深水埗 一定去這間 食店， 樣樣都好味
兄弟姊妹齊心,乜嘢都好
老闆娘一家很親切，每次落區必吃名物❤愛魚肉湯沒腥味
睇到😋流曬口水，要搵一日去幫襯下先得。Thanks for sharing
我都是由巷口的車仔檔開始幫襯，老闆娘給我印像是不怕寒冷的，天寒地凍都只穿一件短袖恤衫！👍💪
泰国D小店老板娘只穿一件比堅尼
她媽媽做的時代吃過,真係好吃.
由細食到大 好好味❤
不分你我，兄弟姊妹團結同心是“最最寶貴”❤
我反而最鐘意醬爆肉上海麵，超香，超惹味。
呢間由我小學，媽咪帶我去食到而家，好有人情味好有感情，而家多咗好多人食要排隊，不過都戥佢哋開心，之前都好怕佢哋疫情捱唔住，因為真係好鍾意食佢哋個煎餃子同埋醬爆肉麵😭😭😭 紅左好開心 但要排好耐隊就唔開心🥹🥹 次次去到食佢哋都會認得我😭
agree!，你一講醬爆肉麵我就知我冇記錯！真係呢間！由細食到大，最愛生菜魚肉同韮菜！
要讚：你地用文字寫下；因為唔係人人都能聽；聽唔到睇文字一樣感受到你哋既用心報導！已訂閱！加油👏
好有心機既訪問
原來出左條片，多左外人來食，而家要排隊😂食左20几年，餃子真係好味👍
下下禮拜會從台灣飛到香港光顧 期待😚
很久很久以前路邊大排檔時已經開始吃他們的魚肉碗仔翅兩溝，再加勁多辣菜脯，想想都有20多年前的事了，沒記錯應該是12一碗，我必定來兩碗！都是這句，很懷念當時的香港🇭🇰
現在幾錢?
@@tangtang7524 26一碗，不過已經沒什麼興趣吃了，沒有以前的感覺
@@海角七號-Den 唉！厦村美食節45大洋碗，仲排晒隊😥
@@tangtang7524 香港人愛念舊，吃都是吃個情懷，長期賣45，鬼才吃，對嗎😂！況且經過三年疫情，生菜魚肉湯，我老婆都學懂自己做來吃了，一點也不難，既好味又便宜！
好懷念呢啲古早小食❤
煎餃，兩溝，油渣面，凍豆腐花，好正
好抵。人情味。
地道美食，我的最愛。❤
加埋辣菜莆，一流。
辣菜脯真係有啲料到㗎🌶🌶
我細個嗰陣時都有食推車仔嘅碗仔翅，不過現在就很少見到，經過深水埗一定會去明發一試。多謝你的推介🙏
呢間食過幾次，魚肉翅確係唔錯
以前大埔墟街邊檔都係賣呢種碗仔翅，真係十分十分懷念 😄 之後係西貢都發現有得食，而家睇咗片先知道原來深水埗都有，呢個真係天大嘅喜訊，多謝哂 😊
快啲去試吓啦🥰
2:23 無錯 , 好多做飲食ge都係咁
今集好睇
人物故仔自然貼地
影嘅角度同DESIGN都FRESH D 靚D
睇完好想去食啊 THANKS！
多謝你嘅鼓勵，我哋會繼續努力㗎！
Your presentations are always highly interesting to watch. Thank you very much and take care. 👍😁Mouth Watering.
妳好老闆娘：原來搬走了！
難怪不在元州商場對面、搬咗去基隆街！
我下次到西九龍中心買嘢、會到你現在店舖光顧吓先得！
❤❤❤❤❤
湯椰菜餃超好食😊
一家人，好有愛❤
以前黃大仙竹園慈雲山小巴站果檔最好食，可惜無做了
係，我都好懷念
老闆娘好好人
So yummy like home cooked food…..
看起來不錯吃
值得一試
talk food 訪問片越做越好睇，拍攝／題材都好好，加油！
此言差矣！
多謝你呀！
以前細個嗰陣就係幫襯佢地（果陣係佢地媽媽），不過宜家冇以前咁好味
其實越簡單嘅嘢先越難做得好❤❤❤
我就係要呢D
個個都識整 但整得好既只會得一個
@@生活的點滴 咁樣你又誇張咗啲🤣🤣🤣🤣
菜多肉少真係好食d，出夠水就好包d
Hoi hoi Mei 😋😋😋 super
呢間已經食咗好多年，鍾意佢啲魚肉唔似出面啲粉魚肉，有彈性，油渣麵和煎餃也好食，差不多每一至兩星期也食一次，但出品時間有時真係比較慢
慢工出細貨
明發嘅煎餃係 真出色！
深水涉近边到，咩出口
我從它街邊小檔已食，美味又平價！現己搬離深水埗，冇食過！
2O元4只餃，叫平，我食九菜餃4只1O元，平靚正。
多謝推介！食出人情味！❤🙏🏻👍🏻👏🏻
努力，加油😊
最好味辣菜脯，
wow .... all this food with my childhood memory. 😁😁😁😁
筲箕灣東大街好食好多
香港特色！
搬去基隆街第一間鋪係冷巷邊，每日放工晚上行過，所有食物材料都係放係冷巷地下。洗、煮都會係冷巷處理，希望第二代依家已經改善。
懷舊以前 北问戲院門口的生菜魚肉
北河戲院門口的生菜魚肉真的好好食，好懷念，已經50多年了
@@kwokrita6799 我每日返學會經過，信仁學校，香江小學
呢間嘅餃子，蝦籽雲吞係出無奇右。
仲有檸檬汁，油渣，醬爆肉都好好食！
反而碗仔翅就。。。😅
生菜魚肉呢？
煎餃世一！！
越睇越肚餓
My Home Woon Chee's Key Ingredients, thinly cut slices (stir fried with fried garlic oil, set aside. Any extra can be pack per serving pack & freezer for later use): A) Base Ingredients 1. Fish Maw or Artificial Shark Fins 2. Luncheon Pork Meat 3. Black Ear Wood Fungus (Soft) 4. Crab Stick 5. Fresh Shitake Mushroom 6. Small Dry Scallop (keep soak water for soup). B) Base Soup Ingredients & Seasoning 1. Pork Bones 2. Chicken Carcass 3. Chicken Feet 4. Red Dates 5. Honey Plums & Seasoning: Salt, Abalone Sauce, Sugar (if necessary, Light Soy Sauce, Dark Soy Sauce (coloring), corn starch water solution, white pepper powder (ajinomoto brand), Shaoxing Wine. No Eggs spoil the soup color and texture.
請問這間明發小食仲有冇繼續營業呢？
未試去試無妨，不過唔好後悔！
2024年11月23日慕名而去食生菜魚肉湯+碗仔翅呢兩樣(其他嘢唔知)。
😶同片中所講根本喺兩回事。
同意， 魚肉 根本 唔掂檔 🙄🙄🙄🙄
好誇張，之前完全不用排隊，依家想食都吾得，長龍到爆🥲
我食過自己認為最好食既生菜魚肉同碗仔翅係新田圍邨街市既德記魚蛋，可惜已經冇左😢童年回憶黎！大個左都成日渣車返去食
我都係最掛著新田圍個間😢
揾日去試吓先
Good show
應該做埋生菜魚肉麵, 我老豆幾十年前係黃大仙做車仔檔都係賣山菜魚肉麵, 仲要一定要有豬油渣同菜甫。
今日中午大約12:00特登慕名而來一試，咁都因為佢哋上咗UA-cam頻道唱紅咗，所以真係好多人排隊，堂食又多人外賣又多人，卒之我都等咗九個字先至有位可以坐低食，其實出品食物冇問題，但係因為紅咗，佢哋都估唔到，所以人手不足，出品真係非常慢，我由坐低到食物埋單全程都一個鐘，唔係因為食得慢，係因為出品真慢，尤其係煎餃子，我見啲外賣企喺門口等咗一個鐘仲未有貨出，呢一點真係雙面刀，幫襯客戶多咗，但可惜應付唔到，我諗佢哋呢段時間真係要想想辦法增加人手，否則客戶都等到怨聲再度🙏🏼
我今日去到見到大排長龍都即走，好彩無等
今天親身一試：
- 煎餃 - 推薦
- 生菜魚肉 - 推薦
- 碗仔翅 - 中伏，用料非常頹，不推薦
根本唔好味 淡茂茂 材料又唔夠
呢隻就係我兒時嘅碗仔翅，衹有呢三種材料，什麼木耳冬菇，係後期啲人發明，搞到啲人以為，呢啲先係正宗小販碗仔翅！😏
抵食都話姐，窮區格攝位仲賣貴一貴，價錢差唔多走去太子仲多餃子店，得街坊先睇得起
好食
以前係基隆街 中間大街搬到細鋪🫢😂
其實啲食品係一般冇乜特別好食，尤其啲餃子🥟我唔覺得好食🤨以前都好多時都有幫襯 ，幾年前特登再去食過覺得麻麻哋好食😓最吸引係啲蘿蔔仔😋依家唔會特登去幫襯。
記得有次去街邊叫3溝，d阿姐反問仲要笑我：「乜嚟架！聽都未聽過！」我細個係紅磡車仔檔成日食3溝架！
請教3溝是什麼？
@@klaralei3769 係生菜、魚肉加翅
80年代喺觀塘金橋大廈附近食過一檔街邊車仔檔，生菜魚肉到現在都食唔番咁好味，印象中記得魚肉裏便有些少蝦米碎冬菜，真係好想再回味吓。😊
我都記得。很少魚肉有冬菜，所以唔會唔記得。
今天中午專登過去試吓，見到門口排長龍，即回頭走人，不想浪費時間。
請問近唔近地鐵站和哪個出口來？🙏
明發😋
加油👏❤❤❤
上星期試過，生菜魚肉唔掂，唔夠熱，魚肉一般般，煎餃ok，不過有啲貴，豆漿普通料，我就係試過呢三樣，問我會唔會再去吃？NO
同意， 魚肉 的確 好唔掂 🙄🙄🙄🙄
雖在山外食唔倒 但望 D 翅配方唔好改 先喺好嘢嚟㗎
靚女好介召ー定去食賛💯
住咗深水埗咁耐都冇聽過呢間嘢
請問下地址边到
明天去吃😂
好似係基隆街南昌街過邊
上次睇介紹他們的片時 他們媽媽出來受訪 今次已經不見她了
太好了，终于多野吃！
全鲮鱼肉？不溝其他肉？
魚肉就好靚,賜就太傑好似鼻涕咁😅😅😅
Cool 🎉
更好食要排隊一定唔去，時間勝於一切！
😂😂廣告片😂
對. 這才是古早味的魚肉翅.
個翅咁杰😂😂😂😂
我都想食生菜魚肉、但門口實在太多人、最好都是外賣😢
聽日去試
0:40 睇嚟又會有人話Y小編你讀錯音、唔做功課、唔查字典😅😂
由窄巷開始營業做起😂有幾十年?我係北河街開始吃
我也是北河街開始食，但聽深水埗區老街坊講，佢哋係由街巷邊摺枱摺櫈做起
我岩岩今晚食碗仔翅
真係好多木耳
不過都有冬菇
片中講得三樣材料，雞蛋、肉絲、粉絲
剛食完，冇木耳，冇冬菇喎。料少，好一般。但魚肉正！
出開深水就嚟幫襯下
朝頭早11點已經好多人
Yvonne 加油💪🏻💪🏻💪🏻
我就係要反樸歸真，搵日試試
咁貴仲好意思話平