تسارع V8 باترول 320 ضد باترول V6 صراحة صدمة ، مقارنة

تسارع باترول 320 موديل 2015 ضد باترول V6 موديل 2023 صراحة شي يصدم و بنفس الوقت ما كنت متوقع هذي النتيجة المتقاربة صراااحة الباترول الجديد ابداع و الكل لازم يشوف و ياخذ فكرة عنه لانه احسه صراحة مظلوووم ، انطباع قيادة و الفرق بينه و بين القديم .
لا تنسون الاشتراك في القناة و تفعيل زر الجرس لتصلكم آخر الاخبار و التغطيات و المعلومات المفيدة في عالم السيارات .

[@Atallah852]

ماشاء الله تبارك الله تشرح عن السيارة بدون تكلف ولا تصنع زايد ابدعت وعطيت السيارة حقها

[@KuwaitGT]

يابعد راسي والله يالامير 💐☺️ كلامك شرف لي و يشرفني وجودك و شوفتك للفيديو تامر امر طال عمرك و اذا عندك ملاحظات ابد فيدني فيها ياخوك و انا تحت امرك

[@abdulazizmohammad5659]

صدقوني ياجماعه اللي يشتري اي موتر من نيسان صعب صعب انه يغير لياباني غيره صعبه ، مواتر تعطيك كل ماتحتاج وسعر مقابل جوده ومواصفات يبي لها بس مدير اقليمي مو لبناني للخليج وتوصيل احتياج المستهلك ورغباتهم بالموديلات الجايه وتكون اطلق شركه بلا منازع

[@MohamedQureshi]

كقيادة تشبه تويوتا تقريبا ولكن كاحساس سيارة اوربية هية مازدا وهوندا

[@kshrs555]

نيسان في سعوديه الوكيل تعبان مره وغير كذا سياره يتفكك ديكورات

[@raydkx3265]

​@@kshrs555 مايتفكك ولاشي

[@عبداللهال-ز2ت]

مايتفكك ابظ من تجربه ٢٠٢٠​@@kshrs555

[@ibnalqatariibnalqatari4724]

@@kshrs555 تتكلم عن تجربه والا بس من عندك، أنا عندي نيسان من ١٠ سنوات ولا شي انفك

[@خليجي-د6ب]

النيسان الباترول معروف من زمان انه اكثر راحة من الاند كروزر وديما النيسان ناعم فئ السياقة و ديكور النيسان من الداخل جميل والمقاعد مريحة مافي سيارة في مستوى بطل الدروب اسم على مسمى 👍🏻

[@محمدعمرعلي-ه2و]

افضل من يحكي ع السيارات قول وفعل وتجربة بارك الله فيك اخوك ابو نواف من السعودية

[@KuwaitGT]

و نعم فيك طال عمرك و ابرك الساعات الي شرفتني فيها بالقناة و تحت امرك في اي وقت يالامير عسى ربي يحفظك 🤲🏻💐☺️

[@Najeeb-s9v]

بشكل عام النيسان معروفه بأنها أي سيارة مقارنة بفئتها من الياباني تلاقيها أفضل بالمواصفات والسعر و أنعم بنظام التعليق والراحة والعزل

[@hajaj_3000]

واقل جودة

[@hamadalameri7850]

@@hajaj_3000😂👍

[@iyangwenli]

ما يفهمون

[@raydkx3265]

​​@@hajaj_3000 على كيفك اقل جوده وهي شركه يابانيه لها تسعين سنه ف الصنيع

[@majed-781]

@@raydkx3265
طيب بس مو مهتمين بالجوده ترى مو شركه ابوك عشان تتعصب لها

[@Saalmaan-2030]

ياخي انت اسطوري بدون تصنع على الفطرة 👌
شرح وافي وكافي
كمال وجمال 👍🇸🇦❤🇰🇼

[@KuwaitGT]

حبيب عزيز و غالي و يشرفني كلامك طال عمرك 😅 ابد تستاهلون كل خير و هذا من القلب إليكم و تستاهلون كل خير

[@Masoud-oh7pv]

نبي ديزل البنزين على الجيوب والجموس وبشكل عام السيارات الكبيرة هلااااك بنفظ مخابيك لازم مزانية خاصة لحاله من ينزل الراتب نبي نقطع مسافة اكثر باستهلاك اقل وصرف مادي اقل شكرا لجهودك وهذا التقرير وتحياتي ❤ 🪴

[@إبراهيممبارك-ذ8ث]

فرق 1,9 اجزاء من الثانيه هناك فرق وحتى في عزم الدوران وهذا مهم جدا لسيارات الدفع الرباعي وثقيلة الوزن
عموما المتوقع ان الباترول الفيس لفت الجديد يكون افضل ، نشكرك على التجربه

[@oOALM6RFYOo]

٢٠٢٤ فيس لفت بعد ؟؟؟؟ متى الشكل الجديد

[@mohammadbinbishr5167]

انا كنت اتمنى نيسان ركبوا قير ال٧ غيار على مكينة النيسان ال٣٢٠ و يقارنونه بال٤٠٠ و السته سلندر لان ال٣٢٠ عليها قير الارمادا ال٥ غيار

[@glashutte7676]

سيارة بطله اليوم جربتها فئة SE2 ماشاء الله الموتر راكد وممشى طيب داخل المدينة ويؤدي الغرض المطلوب منه بالأساسيات اللي فيه والمواصفات الأكثر من ممتازه التكييف والعزل والعزم شي يبرد الكبد والخاطر والارتفاع ممتاز انصحكم فيه يالربع الموتر مكفي و موفي ويبيض الوجه وحاليا الطلب على ٦ سلندر عالي و مطلوب ومرغوب

[@kathamirsa5190]

6V يجي مروحة كهربائية واحدة
لو لفيت الطارة جهت اليسار كاملة وبعدها رحت للكفر الأمامي الأيمن راح تشوفها.
بخصوص صرف البنزين الجيوب سواءا 6أو 8 وسواءا نيسان أو تويوتا كلها نفس بعض استهلاك عالي جدا (بإستثناء التيربو طبعا)

[@mmmooorashidi9559]

والله كنت كارهه موضوع انه ٦ بس والله يوم جربته انها تغيرت نضرتي طلع ممتاز حيل كنت متوقع ضعيف لكن والله نشيط ولا يلك وخفيف يكفي وبقوه

[@Al-NasrClubfan]

انا صدفه حصلت المقطع في اليوتيوب ودخلت وحقيقه شرحك وتصويرك جداً مميز. وللأمانه انا من اشد الرافضين موضوع السته سلندر. لكن بعد مقطعك اقتنعت فيه للأمانه وراح اعطيك اضافه عشان نستفيد منك. وياليت لو فيه مكينه 400 عشان تكمل بالمره ونشوف الفرق. اخوك من السعوديه الاحساء 👍🏾🇸🇦🇰🇼

[@KuwaitGT]

حبيب تشرفني اضافة و الساعة المباركة يالغالي و تامر امر على القناة و راعيها و ابد ابشر الثمانية ٤٠٠ موجود سواااء القديم او الجديد و باذن الله لنا تصوير و حلقة عنه إِنْ شَــاءَ اللَّهُ

[@Azooz-Lx570]

انا اخذته اجار بلاتنيوم ٢٠٢١ صدمني كثير طلع موتر جامد وقوي في الخط لكن بر يحتاج تركب له فاصل مانع انزلاق لانه ما ينفك معاك كامل يمسك وانت فاصله

[@SF79MOH]

تقدر تفكه من عند دواسة الفرامل فيه زر صغير تعلق عليه شوي يفصل النظام

[@Azooz-Lx570]

@@SF79MOH
حلوو يعني فاصله موجود وكاله

[@mrx4025]

Vq40de محرك جبار وموجود في الاكستيرا ٢٠١٥ وتحت والباثفندر والفرونتير

[@عبداللهال-ز2ت]

بصراحه اغلب البايعين بالمعارض ينصحون فيه من الجوده والفخامه والسعر ...تويوتا سعر عالي مواصفات اقل واسأل الي جربو

[@maximalibya9838]

9ثواني بثقل هذا .😳
ماشاء الله

[@KuwaitGT]

فرق ثانية و ربع عن موتري فيعتبر شي جدااا ممتاز و انجاز مٓـا شَــاءَ اللَّهُ

[@Saalmaan-2030]

ابلع احلى متابعه 👍♥️
استمر محتواك جدا مفيد

[@KuwaitGT]

تسلم تسلم يالامير ما قصرت 🙏🏻 ابد تحت امرك و تامر على القناة و راعيها 💐☺️

[@as_kw104]

من وجهة نظري ال V8 غير خاصه في موضوع التورك مو كل شيء بالاحصنه

[@KuwaitGT]

انا اتفق على هالموضوع و فعلاااا احساس الثمانية غير بالقيادة خاصة لمن تدوس له و تسمعه .
لكن كأداء سيارة و عزم حق شخص يبي سيارة تخدمه و شايله نفسها و مأدية الغرض المطلوب منها و خفيفة و بنفس الوقت استعماله يكون راكد و عاقل و معتدل ( استعمال شايب😁 ) مع الوضع بالحسبان انه شاري سيارة ستة سلندر يعني يحسب حسابه بالتجاوزات و بنفس الوقت السيارة ماهي مقصره معاه بالاداء إِنْ شَــاءَ اللَّهُ ، صرااااحة انصحه فيه و بشدة و انا عن نفسي لو حاب اجدد راح اخذه و انا مغمض لان مكفي و موفي و ممتاز 👌

[@aab5831]

جربت الاندكروزر الجديد وجربت النيسان الجديد الصراحه مافي مقارنه النيسان بالنسبة لي فارق فارق فارق تقريبا في جميع النواحي حتى الشكل الخارجي بالنسبه لي النيسان افضل والداخليه جميله ووسيعه ومريحه

[@راشدسعد-خ8ن]

المطب والعزل ابداع

[@عبداللهالقحطاني-س4س2ز]

اللاند اقوى

[@aab5831]

@@عبداللهالقحطاني-س4س2ز الموضوع مايهمني من اقوى ومن اسرع انا بالنسبه لي ادور على الراحه والكماليات والسعر المناسب .. صحيح النيسان ماقبل ٢٠١٧ كان تعبان لكن عقبها الصراحه عدلوها وضبطوه عزل ريافه وصرفيه معقوله وموضوع الرديتر ضبطوه وأهم شي الوسع في السياره والكراسي المريحه لو تضرب خط لين اخر الدنيا ماتشعر ابدا انك بذلت جهد كبير عكس الاند حدك ٦٠٠ كيلو وشوف ظهرك اشلون يوجعك من الكرسي ومن الكرسي

[@ofe-n]

طبيعي موترك ٢٠١٥ مستهلك تسمع اصوات ديكورات وهذا ٢٠٢٤ ماشاء الله تبارك الله جديد انا عندي نيسان التيما ٢٠٢٢ اصوات الديكورات والكرسي حق السواق نفس مشكلة الباترول وموتري المشاكل الي عندي ابلغت الوكيل بصيانة ١٠ الاف ولم يتم حلها

[@75775769]

المحركات بعد 150 ألف إذا كان استخدام مدن يطيح عزمها وتفقد أحصنة ..بعض الناس يقارن بين محرك جديد v6 مع محرك قديم v8 يظن إن الثمانية القديم أخف من الستة الجديد

[@مصطفىعيواز-ذ6ب]

من ناحية 6 سلندر ماشيه تمام
لكن فرق بين السيارتين ثانيه يعتبر فيه فرق

[@عبداللهالرشيدي-خ2ع3د]

ماشاءالله تبارك الرحمن

[@asdfgh-h1i]

شكرا لك فيديو جميل

[@KuwaitGT]

حبيب العفو حياك الله يالغالي 💐☺️

[@Qm3044h]

فيه فرق،كبير لكن سبب الخفه في القير نشيط وشايل السيارة لكن هالكلام داخل المدينه اما حمولة وعفش وركاب وماسك خط سفر مستحيل بيكون نفس ال٨ حتى بالبر شفنا السته اقل من ال٨ 320 بفررق

[@KuwaitGT]

الستة و الثمانية الجدل بينهم كبير ، و كل مكينة و لها امكانياتها و حدودها ، الستة مكفي و موفي لأغلب الاستخدامات و لازم كل واحد عارف طريقة استعماله للسيارة و ليش شاريها و شنو يبي منها .
بالاستعمال المتوسط لعائلة وسط او لشخص يبيها حق كشتة و ناسة و استعماله الشخصي مكفية و موفية إِنْ شَــاءَ اللَّهُ

[@redakwt2415]

ماشاء الله تبارك الله بس سؤال اخوي بحكم استعمالك للباترول تبريد المكيف قوي وماترتفع الحراره اثناء الوقوف لانه سمعت واحد من الاخوان يقول اخوه اشترى جيب باترول ٤٠٠ خلال ثلاث شهور صاحب الجيب يشكي من المكيف والحراره ارجو الافاده جزاك الله خير

[@KuwaitGT]

بخصوص الباترول ٤٠٠ المفروض ما يشتكي لا من حرارة مكيف و لا حرارة مكينة لان السيارة تجي من المصنع عليها مروحة اضافية بينما الي عندي ٣٢٠ مافي مروحة اضافية فعشان جذي يركبون مروحة اضافية للتكييف بينما حرارة محرك فما يشتكي ابد و لله الحمد .

[@Q8tee]

يا اهل الباترول - شلون المكيف وهل صحيح يحتر التكييف بالصيف

[@MohammedAlMamari-j9n]

غير صحيح عندنا موديل 14 و ثلاجه

[@حمد-ظ1ت]

اشكرك على هالتجربه الطيبه والسياره جميله وسواقتها حلوه

[@حمد-ظ1ت]

بس لو تلاحظ السكان مايي سيده شوي مايل يسار وهذي الملاحظه على موديلات 2023 السته سلندر

[@KuwaitGT]

@حمد-ظ1ت هذا طال عمرك بسبب نوع الشارع الي تمشي عليه السيارات و ميوله حسب مكان التجربة و لكن لاحظت ايضاااً معاك هذا الشيء في ماركات ثانية غير شركة نيسان

[@KuwaitGT]

والله بيني و بينك دشت بالخاطر و ودي اخذ وحدة إِنْ شَــاءَ اللَّهُ طبعاً بعد ما ابيع الثمانية سلندر الباترول الي عندي 😁 لانهم نفس الخفة في القيادة و لا حسيت بفرق اللهم شرب بانزين الي عندي يشرب اكثر 😂

[@khalidalsultan9271]

ماشاء الله عليك شرحك حلو وواضح من غير اي مجاملات اشكرك--- وأناغرامي النيسان/ _ بس على كم السعر ٣٢٠ وجزاك الله خير 🙂

[@QweAzn]

عن تجربة للمديل الجديد 6سلندر
المكينه فيه ضعف عند التسارع ماتشيل السياره
ملاحظة علئ المكيف تبريد ماهو بالمستوئ
مستوئ الراحة جيد جدا

[@KuwaitGT]

ضعف بالتسارع يمكن سيارتك فيها مشكلة و يعتمد اي موديل الي عندك لان ٢٣ يفرق ، اما المكيف فالاجواء الحارة حيييل بأعلى درجات الحرارة الي توصلها المنطقة فعلاً لاحظت حتى بالموديل الي عندي الشي هذا بسبب عدم وجود مروحة اضافية

[@abuabdullah9583]

انا مجرب السيارتين الستة سلندر ضعيف الافضل الواحد يجرب السيارتيت ويحكم

[@KuwaitGT]

@abuabdullah9583 بالعكس عزم الستة سلندر مثل عزم الثمانية ٣٢٠ الي عندي بالضبط و المقارنة قدامك تشهد و عن تجربة شخصية ، دش القناة و شوف عن هالموضوع ( الاختبار النهائي ) شوف هالفيديو

[@abuabdullah9583]

الكلام على ماكينة 400

[@KuwaitGT]

اذاً انصحك تروح للوكالة و تطلع اول شيء على الثمانية و بعدها تطلع على الستة عشان تحس بالفرق

[@9.sdsz_9]

ما تتقارن اما اللكزس LX600 تسارعها من صفر ل ميه ب ست ثواني و ما تحس ب المطبات سوآ الجديد او القديم مريحا مرا معا المطبات تجربة شخصيه اللي هي سيارة ابوي 😅 ١٨ لكزس ١٨

[@jkaukk]

ماشاء الله تبارك الرحمن ودنا تجرب تسارع الباترول 6 سلندر والفتك سوى

[@ibnalqatariibnalqatari4724]

واحد من قرايبي عند كراج يقول ولا مره واجهت حد جاني يشتكي من ٦ سلندر كلهم اللي يجوني هم من فئة ٤٠٠ سلندر، وكلمت الوكاله قالو لي صحيح ال ٤٠٠ فيها قطعه لازم تتغير بين فتره وفتره عشان تحافظ على المكينه، مكينه النيسان مب بسيطه بس محتاج لها اهتمام وتروح عندك الوكاله برى الوكاله بيخربونها لك

[@KuwaitGT]

براااافوووووو عليك و كفووووووووو و هذا بالضبط الي الصج تحتاجه اغلب السيارات لكن بالمقابل اخذ مركب و نعوووومك 💐🤝💐

[@ibnalqatariibnalqatari4724]

@@KuwaitGT كفوك الطيب، أنا ياخوي عندي نيسان 320 وجي اكس ار والله النيسان اريح على الخطوط، وماشاء الله العزل ممتاز والعيال ماخذين راحتهم من الوسع، النيسان موتر بس مظلوم في الخليج

[@KuwaitGT]

@ibnalqatariibnalqatari4724 عزالله انه الباترول عز و نعم و صج يستاهل ، موتر عائلي بمعنى الكلمة و اذا جت على الناس فالناس تبي سيارة تستعملها بدون ما تقط عليها و لا دينار و مو فارقة معاهم موضوع الراحة و الفخامة في الركوب

[@بدرالفروان-ط6ك]

الموتر ماشاءالله تبارك الله .. انا شاري واحد قبل شهر .. بس لاحظت اذا جاء مطلع يبرد عزمه وماياخذ عزمه الا ادوس دوسه قويه .. والله شكيت ان في الموتر شي .. اخوكم بدر من السعوديه

[@KuwaitGT]

لاااا ما عليك امر طبيعي و عادي لكن الاهم هو انه الموتر وقت ما يكون محمل حمولة كثيرة خله على راحته و صراحة لا تنقد عليه ترى هم مضبوط عزمه و من احسن ما يمكن بس علمني اشلون شرب البانزين معاااك حلو و لا تحس انه يشرب و كم كيلو يعطيك مسافة ؟

[@قناص-ص4م]

هذا المهم اذا تفلل كم يمشي كيلو علئ ارض الواقع ماهو افتراض الكمبيوتر

[@KuwaitGT]

@user-dz8so1fg7k خلنا نقول انه استعمالك مع الموتر متوسط بالسرعات يعني نفسي انا تقريباً مرة ادوس و استمتع و مرة اتمشى على راحتي ، بالثمانية عندي يمشيني لغاية ٥٥٠ كيلو بينما اذا كان ستة و قير سبعة غيااار علمياً الموتر نسبته تكون ما تقل عن ٦٥٠ كيلو بالشرب للبانزين ايضا معقول و حلوو

[@قناص-ص4م]

@@KuwaitGT بالنسبه لي انا اعتبره مستهلك مجنون للوقود ولو كان اقل استهلاك من الثمانيه سلندر خصوصاً ان حنا نتكلم عن تانكي ياخذ ١٤٠ لتر .. اذا هذا الوضع ممكن اعتبر السته من نيسان يستهلك اكثر من استهلاك الثمانيه من تويوتا والفرق جداً عالي .. نادر جدا من السيارات يوصل لـ١٤٠ لتر ونادر جدا تمشي اقل من ٩٠٠ كيلو بنزين اتكلم ولك مني كل تحيه وتقدير

[@قناص-ص4م]

@@KuwaitGT انا ما اتحيز لشركه دون الاخرئ النيسان بطل مواصفات وبطل راحه وعزل لكن استهلاكه ولو كان السته سلندر هو عيبه الوحيد بوجهة نظري

[@NAKANEK]

ال ٦ سلندر مكينة اكستريل والباثفندر ومشروع تخفيف من نيسان وماتشيل نفسها مع التحميل

[@Ahma122-s4q]

عندي نيسان 6سلندر ماشاءالله تبارك الله ماعليه عيوب

[@faisalaboali9163]

كنت راح اخذه قبل شهرين ولكن سمعت راح ينزل الجديد على شهر 3 وينزل بالوكاله شهر 6

[@sweetsweet8715]

لن تدرك قيمة الثمانية سلندر حتى تجتمع العائلة بعفشها وكل شناطهم والرحله في المناطق المرتفعه الصعود ، هنا تدرك قيمة الثمانية سلندر

[@KuwaitGT]

الوعد قداااام و الفرج قريييب👌

[@mohnadalakiel9325]

البنزين ال6 أفضل.
الترتيب في الصرفيه من الافضل إلى الأقل.
1/ ال6سرندل
2/ ال 400
3/ ال320

[@Arnesto911]

اقسم بالله مخطط اشتري ال 2024 ستة سلندر لاكن الناس كلها تشكك فيه و تعيبه و تطبل لل 8 سلندر . يا رب بستخير ربنا و بشتريه باذن الله لان الكثير يمدحوه لكن فئة من الناس المريضة تنزل ال 6 من مستواه

[@KuwaitGT]

عندي لك خوش تجربة بالقناة شوفها راح تجوز لك و اختبار حمولة كاملة و و قوة و شرب بانزين دش عندي بالقناة و شوف

[@ALNadiiir]

حلو والله متوقعته جذي بس هل راح يتغير السنه هذي شكله

[@ibnalqatariibnalqatari4724]

اي بتغير في 25

[@Steve.Jawed.Chad.05]

شف من ما اضاف للفيديو، هو تجربة المركبة على المطبات الصناعية وتجاوز الارصفة والدخول بها طرق غير معبده، لاختبار تمساك ونعومة المركبة، وزيادة على هذا مقارنتها بموديل اقدم منها بحوالي 8 سنوات، انا اجد انها تجربة مختصرة وتكاملة بدون تفاصيل مملة
يطيب لي الاشتراك في الصفحة وابداء أعجاب للمحتوى 👍🏻

[@KuwaitGT]

حبيبنا يا بعد راسي والله يشرفني اشتراكك 🥰 و القناة و صاحب القناة تحت امرك و اذا عندك اي استفسار ابد حاضر و تحت امرك

[@محمدالسبيعي-ز9ه]

اذا بتسوي مقارنه لازم يكون المحركين نفس الممشى

[@زايدبنعيشان]

انا معي نسيان ٣٢٠
لاكن الاند كروزر غير

[@abdullahas8845]

اخوي انت مبالغ جدا جدا ال8 سلندر اقوى و الصرفيه قريبه من بعض و الباترول سياره 8 ركاب يعني اذا الحموله كامله لازم تدوس ب ال 6 سلندر و تصرف اكثر من 8 سلندر

[@mohnadalakiel9325]

ال6 أقل صرف

[@KuwaitGT]

حياااك الله يالغالي ، اما بخصوص موضوع الحمولة فما عليك هم شايل نفسه و يمشي و اموره طيبة و لكن بالاداء اكيد ماراح يكون نفس الثمانية و هذا امر طبيعي .
و بالنهاية لازم كل شخص اذا بغى يشتري سيارة لازم يعرف شنو غرضه منها بالاستعمال و هل هو راعي تحميل و اشخاص زحمه ٢٤ ساعة معاااه او انه الموضوع هذا يتكرر معاه بس مرة او مرتين بالسنة مع انك في حالة الحمولة ماراح تمشي على سرعات عالية الا اذا ودك بموتر يكون فيه هذا الشيء نفس الاسكاليد اهني اقولك فعلاااا اخذ ثمانية لانك تبحث عن الاداء الكامل بينما البعض مع تفرق معاه يبي سيارته تشيل و يتمشى على راحته و يدرج للموتر على الراحة .
فعشان جذي كل شخص لازم قبل لا يشتري السيارة يعرف شنو طبيعة استخدامه للموتر قبل لا يقرر .
والستة ٢٧٥ انا جربته نفس موتر الثمانية ٣٢٠ ما حسيت بفرق ، و الاحصنة بينهم لو تجي و تحسب هي ٤٥ حصان فقط بينما ٤٠٠ فرق طبعاااا

[@hnhbhbib8497]

سؤال عن النيسان باترول 6سلندر هل ثقيل في الدركسون

[@الفيلسوف-غ1ب]

أخي ،جربت الستة سلندر ،ضعيف في التسارع ويرد نمرة عند أي طلوع بشكل مزعج.

[@KuwaitGT]

هو طبيعي ردت النمر لكن الاهم هو حضور العزم مع ردت النمر بدلاً من صوت المكينة بدون عزم 🙃✋

[@مصطفىعيواز-ذ6ب]

اللهم ارزقني وارزق كل فقير ومحتاج يارب ❤❤🤲🤲🤲

[@MAbdullah-cb7uz]

معروف بطل الدروب

[@زينابوسنان]

افضل السيارات الياباني نيسان باترول ولاندكروزر ولكزس

[@qaziqazi9203]

برمج راح يفرق عندك مع كفرات ٩٠٠ بالون كت ميثانول ستيج ون

[@abdullah-tz1zd]

الياباني مبدع بمحركات 6 سلندر وهذا تاريخه وحتى 4 سلندر اما المحركات 8 سلندر ماطلعت إلا بالسنوات الاخيره بتاريخ نيسان وحتى تويوتا

[@mohammadalrashidi572]

كان عندي ٦ سلندر ثقيل مو شايل نفسه حتى مشكله وقت التجاوز صعب حيل

[@FM-fd8ov]

اعرف بدا نمر زين !

[@MOHAMMADRASHIDI-h7c]

اكيد 8V سلندر 400 حصان و عزم 5,600 مقابل 6v سلندر 275 حصان
و عزم 4000 .

[@cellphone9166]

جزاك الله خير عزيزي وشكرا

[@KuwaitGT]

حبيب عزيز و غالي و حياك الله يالامير

[@زايدبنعيشان]

مايبين معك الا اذا الموتر محمل اربعه اشخاص او خمسه خاصه فالطلوع ..
حسب ضني فالسته

[@KuwaitGT]

عندي تجربة بالقناة بحمولة كاملة و انا سادح الكراسي كلها وعلى صعود و بدون ما اضغط على دواسة البانزين شوف التجربة 🫡

[@زايدبنعيشان]

@@KuwaitGT
قوه

[@kharjkharj430]

السلام عليكم حبيت اسالك يالغالي اذا تختار احد الموترين لك شخصيا تختار الباترول ستة سلندر او اكسبدشن ٢٠٢١ ستة سلندر للعايلة للسفر وبر بسيط

[@KuwaitGT]

صراحة انا مو راعي بر الا بشي بسيط فعشان جذي اكيد الاكسبديشن بكون الخيار الامثل ، فيه أشياء كثيرة تحكم و لكن بالنهاية هي مسألة اذواق و يعتمد حسب المواصفات الي بين السيارتين بدبل قير او من غيره ، زائد آخر نقطة و هو موضوع الداخلية و الشكل و الألوان بالنسبة لي الباترول أحلى ، اما الفورد فلازم تاخذ الدرجة الاولى عشان توصل للألوان المطلوبة

[@theadmiralqatar4307]

اسمع النصيحة باترول وانت مغمض

[@sausama77]

ما سموه بطل الدروب من فراغ 💪

[@azh7779]

الله يحيك اخوي متهى بيتغير هذا الشكل لأنه طول ماتغير وشكرا لك ✋🌷

[@A7mmd1025]

مشكور ابو احمد بس ابي اسئلك عن صرفيت البانزين يصرف نفس البرادو ولا احسن منه من ناحيه البانزين

[@A7mmd1025]

@cars965

[@كحيلانشقردي-ت6ف]

ما يتقارنو
اكيد الباترول يصرف اكثر

[@A.N.A8]

يصرف أكثر

[@mohamedabdelhamid1215]

لا يصرف اكثر من البرادو
انا امتلكت الاثنين...بس الباترول يتفوق فى كل شئ نعومه وراحة وأوسع

[@KuwaitGT]

حبيب حياااك الله يالغالي و سؤالك جداً ممتاز 👌و عندي لك الاجابة :-
السيارتين لو تجي و تقارن بينهم راح تلقاهم نفس حجم المكينة و نفس سعة اللتر يعني ستة سلندر V6 و حجم اللتر 4.0 لتر بينما الأحصنة الباترول 275 حصان أعلى بشوي من البرادو 268 ، بينما قير الباترول 7 غيار أكثر من البرادو 6 غيار ، اما الوزن فالسيارتين متقاربة الاوزان لكن الباترول اكيد اثقل لانه اكبر .
*أهم نقطة الحين و هي سعة خزان الوقود :-
البرادو حجم التانكي ماله باللترات يشيل 150 لتر .
الباترول حجم التانكي ماله باللترات يشيل 140 لتر .
فاذا جمعنا جميع المعطيات هذي مبدئياً بتقولي البرادو كأنه افضل و بقولك نعم افضل و لكن فرق العشرة لتر تانكي البانزين ما يعطي افضلية بالشرب و مسافة اكثر ، لان انا ايضا ياصاحب الثمانية سلندر راح ادخل معاكم بالحسبة و بجيك للفقرة الي بعدها .
انا سيارتي الباترول ٣٢٠ قير ٥ غيار و الذي يعتبر الاسوء لو عبيتها فل تمشيني على استعمالي بسرعات متفاوته مابين ١٢٠ الى ١٦٠ تمشيني لغاية ٦٠٠ كيلو بينما لو كنت امشي من ١٢٠ راح يمشيني لغاية ٧٠٠ كيلو مع العلم بأن تانكي البانزين حقي ١٤٠ لتر ايضاً .
فما بالك لو موتري ستة سلندر و قير ٧ غيار اكيد بوصل لمسافة ٩٠٠ كيلو و انا مطمئن بسعة تانكي ١٤٠ لتر ، بينما البرادو ستة سلندر و قير ٦ غيار و حجم تانكي ١٥٠ راح يمشيني لغاية ايضاً ٩٠٠ كيلو و لكن فيه حسبة ١٠ لتر حط عليها الف خط الحين ، الأرقام متقاربة بمعدل استهلاك الوقود و لكن ركز على فرق ١٠ لتر في الموضوع .
النتيجة :- انا من وجهة نظري و تحليلي للسيارتين نظراً لاني كنت صاحب برادو سابقاً و اقتنيت ٤ جيبات منه و الحين جربت الباترول و عرفته اصرح و اقول …..
بأن الباترول في نظام التوفير و الاقتصاد في الوقود افضل بكثير من البرادو لانه يقطع نفس المسافة المقروءة من البرادو مع انه اقل بسعة لترات تانكي البانزين ( ١٤٠ لتر للباترول ) و هو بنفس الوقت شايل و يعطع نفس المسافة الي يقطعها البرادو نفسه بينما البرادو سعة خزانه ١٥٠ و في حالة الفل و انا لاحظتها عن قيد تجربة بأنه الموتر فيه خمول و لا نستبعد هذا الشيء ايضا في الباترول لكن بمعدل فرق العشرة لتر راح تلقى بأن الباترول يقدر يوفر في شرب البانزين اكثر من البرادو الي سعة خزانه ١٥٠ .
هذي وجهة نظري و سامحنا على الاطالة لان سؤالك حيييل شدني و خلاني الله يجزاك خير يفتح لي باب مناقشة و مجال مستقبلا بأن اسوي مقارنة مابي السيارتين إِنْ شَــاءَ اللَّهُ 🤲🏻💐☺️

[@ابومجتبى-ع4غ]

المراوح موجوده داخل الحاضن مال الراديتر من داخل تحت كلج المروحه اني شفته موجوده تشتغل مع التبريد والحراره

[@hnhbhbib8497]

مافهمت عليك انا وضح لينه شوي

[@DarkMagic_Q8]

عندي سؤال هل اذا انت مسافر مع اهلك مع الشنط هل يكون عزمها مثل الثمانيه سلندر او يقل شوي
و شكرا

[@Azooz-Lx570]

بيصير يرد نمر كثير في الخط هذا عيب ال٦ سلندر واخذه اجار عشان تتاكد منه

[@DarkMagic_Q8]

@@Azooz-Lx570 صح كلامك خاصه السته سلندر م يصلح للخطوط و السفر مع عايله

[@KuwaitGT]

حياكم الله يا شباب ، صراحة الستة سلندر حلووو و شايل نفسه ، و تقريباً اقدر اشبه عزمه بالبرادو كأقرب مثال اذا كنت شايل اوزان معاك سواء اشخاص او اغراض او غيره لكن بشرط انك تكون مقتنع في عزمه و انه فوق السرعات العالية مثل ١٦٠ فما فوق طبيعي الموتر بيرد نمر كثير بينما على الممشى الطبيعي من ١٢٠ الى ١٤٠ وضعه مرتاح فعشان جذي نفس ما قلت لك شايل نفسه
لكن مع الاحساس بالوزن نظراً لانه ستة سلندر فطبيعي بالمرة و ما يأثر و لكن راح تتضايق اذا تبي ما تحس فالأشياء الي قلت لك عليها مثل الاوزان و الثقل .
آخر نقطة و هي مفيدة و هو تغير اعدادات كمبيوتر السيارة بسبب الحمل او الناتج الواقع على الجهد الموضوع في القير و المكينة و بالتالي تكون السيارة متطلباتها اكثر على تغيير البرمجة تلقائي لرفع العزم اكثر من الاحصنة و الجهد حسب طريقة قيادة الشخص لسيارته لانه الكمبيوترات الجديدة متغيرة و دائما تتغير و تطبع برمجتها حسب طريقة وضع السايق
اتمنى كلامي يكون مفهوم و اسف على الاطالة مع الوضع بالحسبان بأن الستة سلندر موضوع لاستعمالات أشخاص معينين بينما ٤٠٠ الثمانية لجميع المتطلبات

[@mohnadalakiel9325]

@@KuwaitGT عندنا أعلى سرعه للخطوط السريعه 140. واغلب السيارات في الخطوط خاصة الجيوب ما يوصلون 140 علشان تخف صرفية البنزين

[@mohnadalakiel9325]

@@Azooz-Lx570 حول القير على العادي. ثم عشق نمرة 7 وبكذا مايرد نمره. إلا مع طلوع قوي جدا... الغاط... القديه

[@علىاللهتوكلنا-م2غ]

الله يباركلك

[@W0o0w-]

اشكرك على ماتقدمه من فيديو بس لو رافع دقة الفيديو حرام الجودة قليلة

[@KuwaitGT]

المشكلة الفيديو اول ما ينزل تكون دقته ضعيفة ، لو تدخل بعد اشوي راح تلقاها ارتفعت الى ٤ك

[@murshidalmusalhi3435]

الله يعطيك الصحة والعافية وبس يحتاجلها تشيلها تطعيس بالرملة تجرب العزم

[@hnhbhbib8497]

مجرب

[@hnhbhbib8497]

مجرب

[@YounisAlmazroi]

انا محتار بين الثمانيه والسته مع اني شخص هادئ في السواقه فقط للعائله والسفر ايش رايك في الصرفيه السته او الثمانيه افضل ولك جزيل الشكر

[@KuwaitGT]

الستة اخذه و لا تشااااور صراااحة ممتاز ، و انا لو ابي اخذ باترول الجديد راح ابيع جيبي الثمانية القديم الي عندي و اخذ الستة سلندر يا رجل فعلاااا مناسب

[@YounisAlmazroi]

جزاك الله خير وغفر الله لك ولوالديك

[@KuwaitGT]

@user-jg4by6kf5o و والدينا و والديك 💐☺️حبيب الله يجزاك خير

[@farees82]

الدركسون هيدرلوكي او كهربائي ؟

[@twfiq7684]

في الأساس هيدروليكي مع تدعيم كهربائي عشان نظام تغير المسار على حسب الفئة

[@S46-p3s]

ياصاحب القناة انت ماحسبت حساب اذا كانت السيارة فيها ركاب وتخيل لو فيها حمولة بالدبة بعد الموتر وقتها ولا بدينار ينفع لاتقعد تطبل للستة سلندر وتوهق العالم الموتر مع الحمولة يصير بطة

[@Saif_A1234]

القديم من الداخل أجمل بمراحل

[@Badr.almutairi]

اكيد جديد ما راح تبين عيوبه الحين

[@topvideos6166]

من.تجربه ال8 افضل بالعزم مافيه مقارنه .. ال 6 شايل نفسه بالعافيه .. عيب محركات النيسان ما يطلع عزمها الا من ار بي ام عالي مقارنه بالتيوتا عشان كذا ما تحس السياره مرتاحه على ار بي ام نازل بس بشكل المكينه قويه على ار بي ام عالي وما يستهان فيها والي يطربك فيها صوتها على انها 6 الا انه يفوز بالهذره

[@ahmadalhussainan1967]

نظام التعليق واحد من 2010 شلون تغير نظام الهيئة ؟
الشي الثاني 320 لما تدعس من سرعة عاليه بتحس بالفرق بينه وبين السته
لكن بشكل عام جيد

[@Ardm6708]

الجديد صار نظام تعليقه هوائي

[@ahmadalhussainan1967]

@@Ardm6708 السته سلندر و 320 مساعد عادي و 400 هو الهوائي فقط

[@ahmadalhussainan1967]

@@Ardm6708 نفس السابق

[@hamedabuhiree3324]

نشكرك ابو احمد على التجربة ،، عندي باترول 22 ثمانية سلندر بالخط امبير الحرارة ينزل ويصعد مو ثابت هالشي طبيعي بال ( 400 ) ؟؟

[@KuwaitGT]

وين توصل يعني ؟ هل هي تحركها بين الربع و فوق بقليل و لاااا ترتفع بزوود و تنزل بزووود

[@hamedabuhiree3324]

@@KuwaitGT تنزل لي قبل الصفر وتصعد لي الربع بالضبط تضل نازله وصاعده ومرات على الخفيف ،، واذا كنت مسرع شوي يكون النزول والصعود بشكل اوضح واسرع ومرة دست حده مرة وحده نزلت الحرارة لي الصفر

[@KuwaitGT]

دام جذي العداد يلعب معاك فالأفضل تراجع الوكالة فيها اذا الموتر مكفول ، اما اذا لااااا فالأفضل اولا تفحص كمبيوتر تشوف اذا فيه خلل بالبرمجة او لا و بعدها تغير ثيرموستات الحرارة لان الموتر توه جديد ماصارله سنتين فمن المستحيل انه دورة التبريد عندك مستهلكة توه جديد عسى الله يبارك لك فيه

[@hamedabuhiree3324]

@@KuwaitGT جزاك الله خير ابو احمد ،، وباذن الله الصبح رايح الوكالة

[@l-701]

قارن بين الباترول ٦ سلندر و فكسار ٦ سلندر
أو باترول ٨ سلندر و يوكن AT4

[@KuwaitGT]

المقارنة من حيث المواصفات بالتأكيد تقدر و لكن بالمحركات صعبه خاصة بين اللاند و الباترول جذي راح يظلم الباترول

[@أبوزياد-ص5ي8ك]

٦سلندر والسيارة فاضية بدون ركاب لحالك قوية وشايلة عمرها .. لكن إذا ركاب فل ومحمل اغراض ثقيلة جداً

[@KuwaitGT]

انا شنو قلت بالفيديو ؟ اخوي انا وضحت النقطة هذي و حتى لو كانت فل أغراض او ناس هم راح تكون شايلة نفسها و لكن مو مثل طبعا مكينة ٤٠٠ و هل الشخص الي بيشتريها بيكون دائما معاه ركاب و سيارته فل ، ام انها مرة او مرتين بالسنة يكون شايل أغراض مع اوادم و ماشي على الراحة ؟

[@أبوزياد-ص5ي8ك]

@@KuwaitGT عن نفسي لو اشتري باترول ماراح استعمله كل يوم .. فقط للعائلة وللسفر والبر يعني فل ركاب واغراض وماراح يشيل عمره

[@SA-ll]

ارقام الكورونا ٤ سلندر افضل لاحد يقولي وزن وماوزن لا الكورونا ٤ مو ٦ .. عموما الكورونا ٨.٤ ثواني من ٠/١٠٠

[@Ali-90831]

في مروحة كهربائية عند الشبك الأمامي قدام الراديتر

[@KuwaitGT]

للاسف ما شفتها و هذا الشيء اشوي ضايقني أمانةً

[@mahamad-azad]

هل يمكنك التحدث عن استهلاك الوقود؟ أي واحد هو أكثر الإقتصادي ؟

[@rashidalyassi9485]

مافي مقارنة ال 8 افضل طبعاً في السواقة والراحة

[@KuwaitGT]

بالقوة اكيد طبعاً و لكن بالراحة السيارتين نفس شي .

[@khalifaalsherooqi]

جرب ال ٤٠٠ وعطنه الفرق بينه وبين ٣٢٠

[@KuwaitGT]

موجود افا عليك و بوريك الفرق

[@khalifaalsherooqi]

@@KuwaitGTتذكير الغالي

[@alialshidi7214]

كم فرق الوزن بين ٨ و٦؟

[@KuwaitGT]

اتوقع بفرق وزن المحرك فقط لا غير لان كل الاشياء الي بالسيارة هي نفسها لو نفكر فيها اشوي .
و لكن الأثقل في الوزن اكيد بكون الثمانية سلندر ٤٠٠ لانه ميكانيكياً كله غير من حيث المحرك فالمكينة اكبر و عليها اضافات و امور اكثر مع الوضع في الحسبان على نظام التبريد اذا كان نفس الراديتر او لاااا .
آخر نقطة و هي المواصفات :-
الثمانية حجم ٤٠٠ الفل فيه نظام البلونات الهوائي الهايدروليكي بينما الستة سلندر الفل ما يجي فيه هذا النظام .
يعني الثمانية اثقل بفارق الثلث تقريباً

[@hnhbhbib8497]

السلام عليكم ورحمة الله

[@uww.v]

عندي واحدة سته سلندر في البيت شكل القديم و سرعتها اسرع من الشكل الجديد بسبب فرق الوزن لان في الجديده فيها مواصفات اكثر

[@uww.v]

ماشاءالله التسارع حلو بلنسبه الممشى ولا شي و التجربة التسارع كانت على الصعود

[@aburashidm351]

الجديد تو باقي على التجارب وانته صعبتها على موديل قديم متعوب عليها

[@KuwaitGT]

انا اشوووف صراااحة انه الباترول الستة سلندر حييييل جبااار و يستاااهل والله لاني لو حاب اجدد من جيبي القديم صراحة راح اخذ الستة لانه بالنسبة لي حيييل مكفي و موفي مابي شي

[@hamadsuliman6795]

اكثر كلمه سمعتها حيل حيل

[@dolceleader4434]

ما عندك تعليق أفضل من هذا

[@Rk-mb7ds]

ياعزيزي الباترول الجديد مافيه ٣٢٠ تأكد من المعلومه واذا كان الي معاك 6 سلندر فهو 275 حصان

[@Abu-Ameer11]

هلا

[@KuwaitGT]

الثمانية سلندر الي عندي ٢٠١٥ الاحصنة ٣٢٠ بينما الجديد ٢٧٥ حصان ستة سلندر .
راجع اليوتيوب و شوف الموديلات القديمة بنفسك💐🤝

[@Rk-mb7ds]

@@KuwaitGT صحيح ال2015 ٣٢٠ نفس الي عندي لكن اقصد البترول الي فالمقطع

[@KuwaitGT]

@Rk-mb7ds ايوه بالضبط الستة سلندر ٢٧٥

[@khaledalkhaldi2887]

النيسان أفضل جيب في البر عزم وفي المدينه راحه بسبب المقصات اللي خلت الموتر اريح والبلاتينيوم نجح وراح يلغي الفتك مع الاسف

[@عبدالهاديالقحطاني-س4ص]

المروحه الكهربائيه بين المروحه الميكانيكيه والرديتر داخل عندي نفس الموتر٦سلندر

[@hnhbhbib8497]

وش رايك فيه يستاهل اني اشري 6 سلندر او النيسان باترول عامةً

[@عبدالهاديالقحطاني-س4ص]

@@hnhbhbib8497
ممتاز شيخ المواتر للرجال الهادي اللي مايحب المقاومه٦سلندر ولافيه حراره ولايعرفها ٨سلندر ملك وحساس يحتاج تشييك كل فتره

[@hnhbhbib8497]

@@عبدالهاديالقحطاني-س4ص السلام عليكم ورحمة الله ياخوي ياعبد الهادي والله انا متردد شوي دفعت العربون في الوكالة ومارحت خفت منه قلت يمكن ماهو بزين قلت خلني اسئل الي عدهم زي هالسياره

[@عبدالهاديالقحطاني-س4ص]

@@hnhbhbib8497
الموتر كفو كان عندي سكويا وبعته وخذيت باترول ٦سلندر عزل وفخامه والله انك ماتحسف لاشريته واقتصادي في البنزين احسن من٥،٧التويوتا

[@ammar.7639]

ياخوان كم يمششي مع الخط كصرفيه دعسه هادييه سررعة الشارع

[@mohnadalakiel9325]

ال6سرندل يمشي فوق ال1000 بالراحه

[@tamimtamim9744]

وزن السيارة الكبير ما ينفع له إلا محرك الثمانية سلندر واللي خاطره ف النيسان باترول يأخذ موديل السنة هذي لان من السنة الياية بيكون 6 سلندر تيربو وبيكون اسوء والنصيحة بجمل،

[@idjw3270]

جم وزنه 2500

[@Vi24x]

شلون صرفيته ؟

[@mohnadalakiel9325]

حلو مررررره.

[@mohnadalakiel9325]

حلو مررررره.

[@idjw3270]

العموم يشتكي منها

[@KuwaitGT]

ياليت تشرح لنا اشلوون

[@idjw3270]

السلام عليكم. شفت مقاطع كثيره كلهم قالو يصرف بشكل غير طبيعي. بس اتوقع عن ال 8 سلندر مو 6

[@mohammadyousef5248]

اخوي مكينة ال٣٢٠ جم العزم؟

[@KuwaitGT]

تقريبا ٥٨٠ نيوتن

[@الجيلالاول-ض6س]

حمل ركاب وعزبه وتعال في طلعات الجنوب ونشوف الاداء

[@KuwaitGT]

انا كتبت بالتعليقات عن هذا الموضوع و قلت عن استخداماته و اكيد الثمانية ٤٠٠ اقوى و افضل و يعتمد حسب استخدام كل شخص و مشاويره .
بالنهاية مافي سيارة تخدم لجميع الظروف ، و اذا وجدت اكيد بتكون غالية فلازم قبل لا تشتري اي سيارة لازم تعرف شنو استخداماتك و هل مثل ما ذكرت بدخل اماكن نفود و طعوس قوية و انا معاي عزبه و تجهيز او لا

[@kuwaitawy]

خلاص الحين بينزل الجديد ، هذا الجيل راحت عليه ، بالنسبة للثمانيه ٣٢٠ الصدفه ان كان عندي ونفس الموديل ٢٠١٥ ، من اكبر عيوبه انه شفاط بنزين ، يشرب شرب مو طبيعي ، يعني اذا هو موترك الوحيد واستخدام يومي ، حط ببالك كل ٣ الى ٤ ايام لازم تعبيه ، وعندك التكييف سيء ، يفصل واوقات يطلع ها رطب ، لان الموتر وسيع من الداخل والنوافذ كبيره ، يعني الشمس تدخل عليك من كل صوب ، واخيرا عندك السفايف بين كل سيرفس او اثنين لازم تحف الدسكات . بعته واخذت لكزس ٢١ اخر موديل للشكل القديم والناس تمدح فيه ، الموتر صرفيته مقارنه بالباترول ممتازه ، والجلوس فيه ممتاز ومريح والتكييف سنترال تحس قاعد ببيت وعزل صوت ممتاز بس قبل سرعة ال١٢٠ ، بس عيبه شيين ، انه ثقيل ثقيل عزمه ميت ، ونظام التعليق سيء ، الباترول كا ثبات عالطريق افضل من اللكزس ، واخر عيب اللي صدمني ان البدي قرطاس ، اقل ضربه تمشي عالباقي البدي ، يعني وانا راجع حشت لي عمود مال الموقف عالزوايد اللي تحت الدعاميه وطقه صغيره ، اكتشفت انه الضرر واصل لما الدبه الخلفيه (الباب الخلفي) !!!

[@everything.5180]

متى راح ينزل الجديد

[@kuwaitawy]

@@everything.5180 اعتقد والعلم عند الله الاعلان عنه بيكون بالنص الثاني من هذه السنه واذا مو قبل ، لكن الاكيد انه هالسنه ان شاء الله بينزل الشكل الجديد ويباع كا موديل ٢٠٢٥ .

[@everything.5180]

@@kuwaitawy
قصة 2020 6 سلندر شلونها اذا الاستخدام راكد ومو للعائلة

[@kuwaitawy]

@@everything.5180 والله ياخوي ماجربته ، لكن خذها حسبه بسيطه ، موتر بهالوزن وعليه سته وبدون تيربو !!!! 👎🏼

[@everything.5180]

@@kuwaitawy
التبربو معرض للحرارة اكثر من التنفس الطبيعي خاصة بجونا بالخليج والستة سلندر موجودة بالاند الجديد صحيح السرعة تفرق بس انا اشوف وضعي مو محتاج سرعة ولا مقاوم انا طلعات بر خفيفة ومشاوير وشكراً على نصيحتك الثمينة 🌹

[@SASHADOW.4]

هذا 2023 والا 2024

[@KuwaitGT]

نفس الشيء ٢٣ و ٢٤ ما تغير

[@khalidamin4401]

محرك ال 6 ضعيف جدا مقارنة مع ال 8 ال 320 و إذا كنت تمشي 100 و فيه 4 اشخاص و تحاول انك تتجاوز سيارة حتى اليارس فيه عزم اقوى منه .

[@KuwaitGT]

اسمحلي بالكلمة طال عمرك معلوووومتك غير صحيحة و اذا حاب تتأكد أبد موجودة عندي جميع التجارب على الباترول الستة سلندر ، راح تنصدم بالأداء و الفرق الكبير بينه و بين محرك الثمانية ٣٢٠ السابق لاني امتلك ٢٠١٥ ثمانية ٣٢٠ و جربت بنفسي و خليت أشخاص يمتلكون محرك ٤٠٠ و انصدموا فعشان جذي انا انصحك و بشدة انك تشوف التجربة و الإختبار النهائي على الباترول الستة سلندر 👍🏼

[@khalidamin4401]

@@KuwaitGT عندي السيارتين الله يحفظك اخوي .

[@KuwaitGT]

و انا مجرب طال عمرك ومستخدم الثلاث محركات هو طبعا و بلا شك انه ٤٠٠ هو الأقوى خاصة بالانطلاقة و الشد في صعود الجبال ولكن من خفة و دم و قيادة صراحة الستة سلندر و الثمانية نفس الشيء بل انك اذا رحت الوكالة و جربت ٢٣ و ٢٤ راح تنصدم و تقول يا رجل اشلون ستة بطابع قيادة الثمانية ؟

[@saadbinfaraj]

اش يعني الهئية؟

[@KuwaitGT]

نظام التعليق في السيارة بوجه عام

[@الوهابي-ك3م]

الصراحه موتري 320 موديل 2016 يجيب ال100 في 6 ثواني

[@husainsami1166]

جرب ركب عليه فلتر نبي نشوف

[@KuwaitGT]

إِنْ شَــاءَ اللَّهُ ياصار عندي ابشر

[@Mhs-sa]

حرام علييييك تقارن 6 سلندر بـ8
المكينة 320 تطربك وصوتها أنعم وأقوى
عكس 275 تقول راكب 4 سلندر
صح الشكل الجديد عوضوا مكينته بالمواصفات ، وشكله مرتب واكشخ
والوعد بعد استخدام سنة او سنتين
انا مجرب الشكل الجديد موديل 2021 مكينة 400
والله طرب طرب مكينته ومواصفات

[@KuwaitGT]

انا اتفق معاااك مليون بالمية بأنه المتعة في القيادة و الصوت افضل من الستة سلندر بكثير ، و لكن مقارنتي اهني تتكلم اذا كان الستة سلندر مكفي و موفي و مأدي الغرض المطلوب او لاااا ، و بيني وبينك الستة سلندر ما يصلح إلا للاشخاص الي ما تفرق وياهم مسألة العزم و القوة و الطرب لانه هو بالاساس طريقة قيادة بسيطة او بالاحرى يعني راااكد سواء كبير في السن او صاحب عائلة او شخص يبي جيب كبير عائلي مرتفع و ما يحب يمشي اكثر من سرعة ١٠٠ كيلومتر و مو صاحب تسارعات .
بالنهاية صدقني الستة سلندر مكينة مبدعة صراااحة و سواقتها حيييل جميلة و ممتازة و قايمة بالغرض المطلوب منها

[@Mhs-sa]

@@KuwaitGT الله يبيض وجهك ويسعدك
وأشكرك على رحابة صدرك للجميع
اتفق معك بكلامك

[@KuwaitGT]

حبيب طال عمرك العفو 💐☺️

[@wesammansour1486]

النيسان عز

[@WaleeDSaM-]

بعد مامدحت الكاميرات شكيت في باقي الاراء

[@KuwaitGT]

الكاميرات ما حبيت اتكلم عليهم لانهم على النظام القديم فما حبيت اتطرق لهم لان بالنهاية موضوعنا و تجربتنا هو على مكينة السيارة و الأسئلة الكثيرة حولها.
ولكن انا معاااك فعلاااا في انه الكاميرات محتاجة تحديث أفضل و هو ألي نتمناه في الموديلات القادمة باذن الله 💐🤝

[@WaleeDSaM-]

وضحت الله يوفقك اخوي 🌹 @@KuwaitGT

[@KuwaitGT]

عزيز و غالي و حياك الله يالامير 💐☺️