عيوب نيسان باترول … إذا ما حافظت عليه
Вставка
- Опубліковано 14 січ 2023
- موضوعنا بشكل مختصر و سريع عن سيارتي المستعملة و عيوبها نيسان الباترول موديل ٢٠١٥ اذا ما حافظت عليها مع العيوب المصنعية التي تظهر عليه بعد مدة طويلة من الزمن .
أتمنى لكم مشاهدة ممتعة و لا تنسون الإشتراك في القناة و تفعيل زر الجرس لتصلكم آخر المعلومات و التحديثات في عالم السيارات . - Авто та транспорт
بيض الله وجهك وكلامك طيب وشرحك وافي
هذا المقاطع حلوه عن العيوب والايجابيات مع تقديم مبدع ووجود الاجيال حق السيارات
الحمد لله عندي نيسان باترول بلاتينيوم آخر سنة 2017 ولافيه من المشاكل اللي ذكرت ولا حتى الدريكسون (السكان) ولا قرعة صوت ولا فضاوه في المقعد والتبريد في عز الصيف وهي في زحمة جسر البحرين بفضل الله ممتازه .. ولكن اتابع صيانتها في الوكاله أو بترومين اكسبرس ، يعني متابعة ماتم صيانته من خلال النظام والذي يظهر في نظام الوكالة أيضا .
ايييوووووه فعشان جذي انا كتبت على عنوان الفيديو : عيوب الباترول اذا ما حافظت عليه .
عسى الله يبارك في حلالك و يجازيك خيره و يكافيك شره يارب 🤲🏻💐
طبعا هو يقصد بالشيالات المقصات مثل مانسميها بالسعوديه وألف شكر لصاحب القناة على الشروحات والتنبيهات الأخويه
يارجل نيسان باترول بطل الدروب ........عندي ربع نيسان باترول نحتفل بعيد ميلاده الاربعين ....ماشاء الله
الله يعطيك العافية
طيب كم تنصح يتم تخفيض ضغط التواير؟ في الطرق الوعره والحفر والبر
أسعدك الله دنيا وآخرة شرح وافي الله يبارك لك فيه ويوفقك
و من يقول 💐☺️ الله يجزاك خير
هل كلامك هذا يتطبق ايضا على السوبر سفاري ؟
هل هناك فرق في طول الموديل الجديد والقديم
يعطيك العافية بواحمد
اش رأيك بالاكسبدشن 2020 وتحت.
الله يعافيك و يسلمك يالغالي 💐 والله انا اشووفه موتر صراحة يستاهل الاغتناء لكن عيبه الامريكي بوجه عام انه يحتاج اهتمام و يحتاج انك تداريه و تحافظ عليه اول بأول فعشان جذي اذا تفكر تاخذ واحد اتعب على واحد يكون راعيه هو المالك الاول او الثاني و بنفس الوقت سيرفسه و اموره يكون اول باول ايضا👌
شكرا من القلب الى القلب
هل فيه عيوب ميكانيكيه
مشكور أخي الكريم وبارك الله فيك
مع ضرورة التنبه لغطاء بلاستيكي يوضع على الدبل للحمايه من انسكاب سوائل
اي والله عاد هذا اهم شي لدرجة انه عندي واحد من الشباب غسل سيارته من داخل و خربت معاه الازرار هذي الي خلت علامات السيارة كلها تطلع و كلفت عليه بالوكالة
بالله ياصاحب القناة اشرايك ب انفيتي QX80 موديلات 2014/2015 تصلح للاستعمال كد ومد مثل مايقولون
حلوة و لكن فيها عيوب :-
١- هيدروليك ( كومبريسور الهواء الي يتفخ المساعدات يجب صيانته اول باول و دايما حساس و يخرب فعشان جذي تأكد منه قبل لا تشتري السيارة )
٢- شرب البانزين و صغر حجم خزان الوقود ( امور تجعل السائق يعتقد انه السيارة تشرب بانزين بينما هي معدل شرب طبيعي ) .
٣- قطع غيارها اشوي اغلى من الباترول و لكن تقدر تركب عليها قطع باترول بدون اي مشكلة .
انزين الريحه اللي بالمكيف شنو الحل ؟ معنى غيرت فلتر
اخوي الله يسعدك انا ادور بلاتينيوم ١٤ او ١٥ ونفسي فيه من زمان وللعلم او مره بستخدم نيسان وانا انسان حريص على السياره فهل تنصحني فيه؟؟ اتمنى ترد علي
اشرد خذ تايوتا والله بالقربعه الديكور تكرهك بالموتر وصرفيه البنزين تايوتا ناعمه ولاتصرف
كنت منتظر منك أيضا تتكلم شوي عن الباترول بعد الفيسلفت من 2020 إلى 2023 بس عادي حلقة في منتهى الروعة ماشاء الله 🇲🇷❤ 🇰🇼
باذن الله إِنْ شَــاءَ اللَّهُ راح اسوي تغطية عنها و اعلمكم بأدق التفاصيل 👍💐
@@cars965 اخوي هل مشكله الكرسي حلوها بمديل ٢٠٢٣ ؟؟
نعم حلوووها و لكن حط في بالك انه دائما مرات سوء الاستعمال يؤدي الى مشاكل اكثر من عذي المشكلة و الي ما يعرف للصقر يشويه 👍
@@cars965 انا عندي نيسان باترول 2015 عندي مشكله في المسجل معلق لا يرفع صوت و لا ينقص و لا يشتغل و الشاشه سليمه ما فيها شيء ايش الحل المشكله رحت اكثر من محل يقول فيه سلك محروق لازم ابدله و قيمته جدا غاليه
المقعد تفصله من الشاشه وريح راسك بسبب تحركة عند كل تشغيل يخرب انا عندي باترول٤٠٠ ٢٠١٧ وصدقت نزل ضغط الكفرات وخلها تروح كل سنه ولا تروح عضلات الموتر وفيه عيب انتبه منه تكاية الطرمبه تتغير كل ٥٠ الف ولا تنكسر ويبلعها الماطور وساعتها لازم تفك صدر المكينه اما الجلد في الباترون تعبان لبس السكان من بدري عشان ما يتقشر لونه واذا جيت تركب وتنزل انتبه استخدم السلم واجلس وانزل صح لان المقعد يخفس من الجانب الايسر مع كثر الاستخدام ويذوب اسفنجه واخيراً حساس موية المساحات عند البعض يتعطل وتولع اللمبه وهذا تغيره فقط وتنتهي المشكله وبالفعل انعم جيب ممكن تسوقه هو الباترول بلاتينيوم لكن مشكلتة انه بالوعه نفط 😢تقبل مروري ❤
عاشت ايدك يا ورده يا عسل 😊
القرقعة عندي فقط في غطاء الثلاجه هل في حل لها
موفق والله يعطيك خيره ويكفيك شره معي انفينيتي نفس الباترول تقريبا بالنسبه للسكان اي الدركسون بدا التقشير معي بعد 70الف كم اما تحريك مرتبه السائق بدأت بعد استخدام 200الف كم
الله يجزيك خير ممكن مقارنة نيسان باترول القديم والجديد
صدقت هوا التواير المطلوب في باب السيارة الهدف منه الاستهلاك الامثل للبنزين
و لكن يقرق بالسيارة بالكامل و أحيانا يخرب الكوارين مال دفرنشات
يعني الهواء المناسب مكتوب على الباب ؟
@@-99K نعم بكل السيارات
وش افضل اعتماديه ٦او ٨ سلندر
فيديو ممتاز لكن عندي لك ملاحظة:
تخفيف ضغط الإطارات يسبب ضرر للإطارات نفسها بطريقة غير مباشرة لأنه معروف أنه الإطارات اذا ضغطها خفيف تزيد حرارته مع المشي وبالتالي يقلل من عمر الإطارات. طبعا المشكلة ماهي كبيرة بالنسبة لشخص يستخدم سيارة داخل المدينة لكن لأشخاص يتنقلوا بين المدن لمسافات طويلة مثل السعودية يفضل تعبئة الهواة لـ٣٥ تجنبا للخطر.
عشان جذي انا دايماً اسوي موازنة بين هواء الاطارات و الهيئة حسب طريقة استخدامي و الطرق الي امشي عليها و لكن انا افضل هواء الاطارات على ٣٤ او ٣٣ لخطوط سريعة بحالة التاير لمن تكون حرارة اشوي معتدلة مايلة للبروده عشان مع التمدد توصل حرارته للنسبة الي انا ابيها و هي ٣٦ بالكثير عشان ما يشد الموتر معاي و بالتالي يكون قاسي و يتعب الهيئة و المساعدات معاي و يضايقني بالنعومة .
فعشان جذي انا اسوي موازنة دايماً بين التواير و الهيئة مع كل سيرفس اسويه حسب درجة حرارة الجو .
و اسف على الاطالة باختصار شديد هذا الموضوع مهم للغاية و هذي الخلاصة الي احاول اوصلها للمتلقي و العموم عشان عندهم دراية و تعم الفايدة على الجميع إِنْ شَــاءَ اللَّهُ
موتري نازل واكثر من موتر استخدمه اشوف ضغط 32 جدا مناسب
عزالله انك صدقت اي والله و انا لاحظته صراحة على موتري فعلاً اضبط هواء للتواير هو 32
الجنط كبير له دور بقلة الراحه مهما كان هواء الاطارات بينما لو جنط ١٧ فرق كبير
الجنوط حق بلاده مانته ابخص من للي صنعوا السيارات
@@aburashidm351
مافيه شئ الصانع ابخص انت وش استخدامك بر لازم تركب جنط ١٧ او ١٦ خطوط خله كما كان ولكن كل ماكبر الجنط قل الراحه والعكس لان حجم الجنط شكل جمالي فقط لا اكثر
@@user-cn1ej2gi7v الله يسعدك ويسعد والدينك يوم اشوف واحد فاهم وعنده اسلوب رد مو نفس بعض الناس منت ابخص من الي صانعنه والي صانعنه يعرف اني ادخل رباضه والحرارة 50?
@@aburashidm351 هذي مشكلتنا، اننا نعظم غيرنا و ساحبين على ذواتنا، و كأن ليس لدينا عقول،
وش حد الشركة تحط جنط ٢٠ بالرغم ان الموتر للوعر؟؟
اذا تعرف الإجابة صدقني لن تشره على صاحب التعليق
كلام صحيح مية بالمية عن تجربة كان عندي اكسبدشن وكالة جنطه ١٦ بالمطبات كان راسي اموره طيبه ركبت له جنط ٢٢ او ٢٠ صار مزعج جد ومره طلعت رصيف عسرعه شوي بنشر معاي الكفرين الامامي عرفت انه حجم الجنط مهم جدا وحتى قيادة الموتر ماصارت مثل اول تحس باصغر حفر بشارع، كلام صحيح الجنط ١٦ افضل للطرق الوعره والحفر ولصعود الارصفه لو احتجت
كلامك صحيح
معي مشكله بالحراره ترتفع جدا من سبب الرديتر وغطاء الرديتر
كلامك 100% صح ونفس الشي معاي صار على فضاوة الكشن
بس يقولون حلو المشاكل بالباترول 2020 وفوق الي هي القصه الجديده حطو جلود فاخرة وديكورات تتحمل الشمس وتتحمل جونا وحطو عليه مراوح عشان تكيفه مايرطب والله اعلم
اول مرة اسمع كلمة حق وصحة التوابر اولا عمري ما بدلت او حاشني ضرر من الهيئة الامامية انا طول عمري انفخ 29 ولا شغل بالي يقولونه لانه التواير علميا تمتص الضربات شكرا لك واتمني الجميع ياخذ بالنصيحة
انزين الريحه اللي بالمكيف شنو الحل ؟
بارك الله فيك ،، ومبروك السيارة ممكن تذكر كم كلفتك وشكراً
أسعااارهن حالياً بالمستعمل من ٧٥٠٠ كويتي الى ٨٥٠٠ النظيف التوب ألي فيهن 👍 و الله يبارك فيك يالغالي
سلام عليكم ورحمة الله وبركاته استفسار عن نيسان ارمادا le
شنو تبي تعرف عنه بالضبط؟
الله يعطيك العافية على المعلومات الطيبه عندي استفسار ولا تهون :
عندي باترول موديل 22 رنق 18 وحاب اركب رنق 20 وسمعت معلومة ان لازم اسوي عيار للبككسات عشان اقدر اركب الرنق هل صحيح الشي هذا ؟؟ والسموحة على الاطالة
و عليكم السلام و رحمة الله و بركاته ، و الله يعافيك و يسلمك اما بخصوص تغيير حجم الرنق فالسالفة مافيها هي بالبرمجة ( و البرمجة عبارة عن تعريف القير بقياس الرنق الجديد الي تم تغييره من المالك ) يعني بس مجرد تعرييف عشان يكون ممشى السيارة عندك متناسق بدون اي خلل و حتى يفيدك في موضوع قياس السرعة بعد
@@cars965 لاهنت يالغالي 💐
@hamedabuhiree3324 و لا أنت حبيبنا 💐☺️
من الافضل لديك شكلا بين الشكلين الي امامك
وش رايك لو تم استخدام إطارات لينه مثل الهانكوك؟ عطني رايك
قصدك لو اغير قياس الرنق او الجنط افضل مع اطارات لينه و مخصصة لجميع ظروف القيادة
@@cars965صحيح اخوي ترا قياس الرنق ياثر جدا بالنسبة للطرق الوعره الرنق ٢٠ لطريق حربر لكن مجرد ما تطلع حفر او تجي مطبه علا سرعه او طلعت رصيف سيئ عن تجربه كنت مركب باكسبدشن رنق ١٦ وكالة غيرهه ركبت رنق ٢٢ صار كل حفر بشارع يتحرك فيها الموتر وطلعت الرصيف صار اصعب معرنق ٢٢
الله يعطيك العافية ولا تنسى العيب الدارج .. حساس البريك الغثيث
عندي ٢٠١٦ و مهتم فيي حيل من سيرفز وكاله و تصفية بس الحين قام يصرف بانزين اسرع من قبل شنو الحل
شنو اهو ٣٢٠ و لا ٤٠٠
320
نطالبك بحلقه f150 2022 غماره ضروري لاني ناوي اخذه ان شاء الله
معاك اخوك من الصحراء الغربية جزاك الله خير هذ المعلومة صحيحة ،لدي 2013باترول
الله يبارك لك فيك بالنسبة لتبديل زيت القير و الباككس هي حسبة بسيطة عمره طويل جدا في سيارات ماشية اكثر من 400 الف ولا عمرهم تبدل وخلال عشرين سنة لو افترضنا بعد عشرين سنة خرب وانا متاكد محد راح تقعد عنده سياره عشرين سنة احنا طبعنا كل سنتين نغير روح السكراب وركب واحد جديد غير مستهلك بقيمة نص تبديلات الزيت لو حافظة على تبديل الزيت 😉 ومتأكد لو ركبت واحد راح يكون احسن من الي محافظ عليه
وسعره ببلاش ! سعره كارثي
يعطيك العافيه انا عندي باترول ٢٠١٤ بلاتينيوم توايري ربع حجري هل يأثر على الشيال وجم احط هوى التواير يريت تفيدني وشكرا
الله يعافيك حيااك الله يالغالي ، لا ما يأثر على الشيالات و ضعك حيل طبيعي و اما موضوع هواء التواير فيعتمد على حسب قياس الرنق او الي يسمونه الجنط و عادةً ما تلقى التواير الحجرية لها ارقام معينة حق استعمال الشارع و حق استعمال البر الطعوس و الصخور و غيرها من التضاريس ، لكن بالنهاية دامك ربع حجري فماراح يتطلب منك انك تحط قياس معين و فقط تمشي على قياس الوكالة ، اخر شي و هو موضوع الرنق اذا كان عشرين نفس قياس الي عمدي تقدر تحطه من ٣٥ الى ٣٢ اقل شي اما اذا قياس ثمانية عشر فيفضل تشوف كتيب المالك او تشوف باترول في الوكالة رنقه ١٨
هل موديل 2010 لين 2019 فقط فيس لفت
زين عندي السناسر لا تعمل رزها يطلع ليت يشتغل ويطفي
بكم تعبيه فل ؟ وكم يمشيك كيلو ؟؟ تكفي رد وفيدنا 💔💔
منور حبيبي عندي سؤال هل مشاكل الباترول في منطقة الخليج تنطبق على نيسان أرمادا الأمريكي ؟
لا ما اتوقع لانها كلها مشاكل مشتركة وحدة نفس السيارة بس اللهم المسمى لها
@@cars965 سلام عليكم ورحمة الله وبركاتة الغالي انا شفت مقطع فيديو يقول ان في فرق بين السيارتين من نا حية المساعدات اللي تحت يقول ان النسيان اريح من الارمادا الامريكيه يعني يقصد الأشياء الميكانيكية هل هذا صحيح يبعدي؟
و عليكم السلام حياك الله اخوي ، السيارتين تراهم نفس الشي اللهم الفرق المواصفات يعني الارمادا الفل نفس الباترول الفل ٤٠٠ اما الباترول مالي فهو بلاتينيوم ٣٢٠
@@cars965 سلمت طويل العمر انا قلت بتأكد من عندك انت افضل
من قال سالم ابد حياااك الله يالغالي ابرك الساعات طال عمرك💐☺️
انا عندي نفس موترك ٢٠١٥ .. اخترب علي الكمبريسر وبدلته سكراب ب٢٧٠٠ ريال قطري.. لان الوكالة غالي .. وقبل كان في مشكلة في الحرارة ... نصيحة اذا بتشتريه مستعمل بسعر رخيص ونظيف توكل على الله .. انا ما اقدر احكم على الكروزر ٢٠٢٢ .. يبيله وقت عشان احكم .. بس شكل مكينة التوين تيربو ما يطمن بحسب خبراء الميكانكيين
انا اعتقد من الاستخدام الغير صحيح في جميع الطرق و الوعر هو السبب في خراب السياره و اذا معك ضمان ساري من حقك أن تسوي له صيانه عند الوكيل او إصلاح اي عيب فيه .... و دمتم سالمين 😌😌🤚🤚 .... الباترول نيسان من أفضل السيارات اللي جربتها و مستمر باقتنائه جميع موديلاته
كم تنصح طال عمرك اخلي هوا التواير؟
افضل هواااء و عن تجربة للرنق حجم العشرين هو ٣٢
السلام عليكم ورحمة الله وبركاته سواء سواء محضةرين من الجروب وشكران جزيلان .
هو كلامك صحيح بس والله ماعمري غييرت زيت القير بس اغيير زيت المكينة 😶
بس ضغط الكفرات المنخفظ نسبيا قد يؤدي لخراب الجنوط خاصة مقاس ٢٠
انا بالنسبة لي خليها تخرب الكفرات و لا اني احافظ عليها مقابل هيئة السيارة و ديكورات الداخلية تقرقع
@@cars965
هواء ٣٠ اشوف انه مناسب
وهذا الي هم انا اشووفه صرااحة سواء صيف او شتاء
@@cars965
👍🏼👌🏼 بالضبط
@@cars965 شنو حكمة تقليل هوا التاير
السلام عليكم فعلا كلام الاخ صحيح بالنسبه إلي تنزيل ضغط هوا التواير مو بالنسبه لجيب نيسان باترول ولا كن لجميع أنواع السيارة وهذا الكلام من خلال تجربتي مع السيارات لاكثر من ٤٠ سنه علي طول اخلي ضغط هوا الاطارات ٣١ الي ٣٢ أفضل شي وشكرا
بشر اشلوون التجربة معاااك حسيت في فرق بالنعومة و رساوة السيارة بحيث انك ما تعب موترك و لا المساعدات بوجه عااام
تقليل الهواء يخلي السيارة انعم صحيح ولكن بعدين بيتاثر الجنط و الكفر من الحفر والضربات بالطريق
اذا اردت لحسابك النجاح وتجاوز حدود المحليه لا توصف مكونات السياره بلهجه بلديه محليه بحته خاصه بالكويت كثير منا ما يعرف وش هي الشيالات او السكان او غيرها من الاجزاء اللي ذكرتها
صدقت كلامك سليم، حتى الكشن ماعرفت وش معناه !!!
مشكور عزيزي على التغطية. بصراحة أنا ناوي أشتري الباترول ٦ سلندر 2023 فما رأيك أواصل أو أشوف سيارة ثانية؟
حياااك عندي بحسابي على السناب شات او الانستقرام حتى اقدر أتناقش انا وياك بخصوص هالموضوع
بشر يا طويل العمر، شريت 2023 او لا؟
انا ناوى اشترى 2024 بس ما ادرى هل الموتر بطل او لا
والله انصحك فيه و بقوة خاصة الستة سلندر بلاتينيوم او تيتانيوم اخذه و ادعيلي 👌🫡
@@cars965
🤲
معي له ٦ سنوات وماخليت جبل ولا وادي ولا مكان الا وجيته وتبارك الرحمن امووووره طيبة ولا فيه من ذا الخرابيط ..... العمد على رجل السواق
النيسان معروف بالقوة اما كتحمل مش حالك التايوت بالكد افضل
كم نحط هواء التواير؟
ما بين ٣٤ الى ٣٢
كل الي قلته صح خاصتاً العيوب المصنعيه مالت الكشن بس مافي حل حق موضوع الكشن الي يتحرك
فيه حيل و هو تبديل ربلات الكشن بجودة افضل و لقيت شخص بالصناعية يقدر يعالج هذي الشغلة فالحمدلله الامور طيبة 👍🏼
سيارة لها 8 سنوات طبيعي تحتاج صيانة لبطن الموتر طبيعي جداً جداً وافضل من الطبيعي كيف تقول بطنه تتعب بسرعة والموتر بطنة على شد الوكالة؟؟ انا عندي يوكن 2020 والان يبغاله شد بطن وهو توه داخل ال100الف
لا ومستغرب التقشير البسيط ع الدركسون بعد استخدام ٨ سنوات كل السيارات مع الوقت الاستخدام مكان مسكت اليد تبهت
طبيعي
@@raydkx3265 صحيح مع ان الموديلات الجديدة عدلو هالشيء
على حسب والله يالغالي لكن صراحة فيه مواتر غيرها ما تحصل معاها مشكلة التقشير ولو مشى٢٠٠ الف اما بطن فيعتمد من مستخدم لآخر و هي بالنهاية على حسب الاستخدام و الاهتمام
ياأخي نيسان عالمية ومافي احلى منو انا املك نافارا احلى سيارة لاعيوب ولاجيوب
التويوتا وبس
جزاك الله خير صحيح كلامك التواير مهم جدا للسياره التواير لها عمر كل سنتين وتبدل ضح فيهم ولا تخرب السياره وفعلا لكل السيارات لكن الباترول تبدل البوشات عند البرنس بالشويخ مدى الحياه معاد تبدل شيالات تختصر وتفتك من موضوع الشيالات انا مركبهم الموتر عندي له 11سنه ولله الحمد مرتاح فيه
عاش ابو أحمد
عاااش من قال عااااشت أيااامك💐☺️
شو يعني الهيئة؟؟
هل تنصح بباترول بلاتنيوم ٢٠٢٣
يستاهل كموتر لكن كسعر عواااار قلب يخليك تفكر بالتيتاتيوم
باترول 2017تنص اشتري منها
استفسار ببدل دهن البككس والدبل والقير بالكويت وين بضبط السياره نيسان فتك اللي يعرف يفيدني
اخوي كلامك وإن كان فيه شيء من الصحة حيث أن خفض ضغظ الهواء يؤدي فعلا لامتصاص ونعومة أكبر لكن تأكد أنك تحمل القير والمكينة حمل أكبر وحتى الشيالات الخلفية اللي هي بدل الدفرنس تتأثر بلاشك لأن كلما خف الهواء في الإطار صارت السيارة ثقيلة
العيب في السيارة أنها نيسان لا أكثر اشتري تويوتا وريح راسك
تقبل مروري أخي الكريم🌹
بالعكس نيسان اقوى من لاندكروزر والباترول عبارة عن وحش
طولت السالفة الله يطول عمرك، مباشرة خش على الي بعده
والله يالنيسان ديكورات وجلود. من اطلق شي وجوده عاليه روح شوف الجلود اللي بالكزس والاند وديكوراته ماتكمل ٤ سنوات غير هيه متشققه. ولد عمي معه افلون ٢٠١٤ لو تشوف المقاعد والتكايه تقول اكلتها فيران
كلامك سليم ١٠٠٪ موضوع الهيئه ركب بوشات superpro امامي و خلفي و موضوع الديكورات مالها حل و موضوع الكشن صح في البعض يتحرك و البعض ما فيه شي و موضوع سنسر الشوته المترجم بعد فيه عيب مصنعي الفيشه تكون فيها المشكلة يخليك تضطر تبدل ظفيره كامله او تقص الفيشه و ترهم وايرات و موضوع التكييف صوب بارد و صوب حار و يقولك البوابات ملوت الحار و البارد يابسين حتى لو شريت موزع حق البوابات ماكو فايده و مكلفه و موضوع الراديتر عمره ٣ سنين و موضوع السفايف الاماميه ركب ملوت لاند بعد في الاشياء وايد و شكرا✋🏼
وش معنى بوشات و كشن و شوته و كيكسات و سفايف؟ 🤔🤔🤔
@user-gl1jx7ny9b يبيلك تأسيس من الصفر في السيارات لكن اذا حاب تعرف كل مصطلح و معناه ادخل على قوقل و اكتب اي من هالمصطلحات بعدها تتبعها كلمة سيارة
@@cars965
لا قوية كلمة تأسيس،، محسوبك مطلع على الكهرب و الميكانيك بل قد رهمت موتر مكينة و قير و ما يتبعهم،
لكن بدل ما تظن اني ضعيف بهالمجال ليش ما جا ببالك اني من ثقافة أخرى فأشكلت علي بعض المفردات، و هذا هو و انا اخوك لا أقل و لا أكثر
@user-gl1jx7ny9b ابد العذر و السموحة اذا يا الأمير أصابعك ماهي سواااا ، و مو كل الناس تعرف في هالمصطلحات خاصة الي ما عندهم خبره في مجال السيارات ، لكن دامك اشتغلت في السيارات اكيد تعرف بعض هالمصطلحات و لو ما كنت في نفس المنطقة
@@cars965 و لا يهمك يالغالي،،
لا و الله ما اعرف هذي المصطلحات تحديداً و إلا ما سألت، نعم اكيد اني اعرف هالشغلات و لكن بمصطلحات أخرى،، أنا أساساً من غرب السعودية فطبيعي مفرداتنا تختلف
الحمدلله والشكر
الحمد لله حمداً كثيراً طيباً مباركاً فيه 🤲🏻💐.
معي باترول 2016 ماعمري سمعت قرقعة ديكور ابداً
كم اسعار الشيالات
والله لالحين ما بدلتهم يالأمير لكن إِنْ شَــاءَ اللَّهُ اول ما اشتغل عليه سيده بصور و انا اشتري قطع الغيار
أكثروا من الصلاه على النبي ﷺ
السلام عليكم يا خوي عندي سؤال مهم اذا عندك اجابة او اي احد من الاخوة اللي يقرون تعليقي اكون شاكر لكم جميعا … هل الباترول ال٦ سلندر ترتفع فيها حرارة المحرك في الصيف ومشغل تبريد ولازم خطوط بعيدة ولا لا وطبعا كلامي بخصوص ٢٠٢٢
لا مافي حرارة مثل الموديلات القديمة الي تحتاج تركب لها مراوح عشان تتفدى موضوع التكييف لا تقل كفاءته
يازين الامريكي صبوووور وقوي
جَزَاكَ اللهُ خيرًا
ايش تقصد بالباكيكسات لو سمحت ؟
و يجزاك بمثله طال عمرك 💐
الي أقصده هو نظام الدفع يعني الدفرنس الأمامي و الدفرنس الخلفي .
و مصطلح الباك اكس او الفرنت اكس جاي من المصطلحات الانقليزية
Front Axle
Rear Axle - Back Axle
فجمعناها بالعامية او باللهجة وقلنا باك اكس وجمعها مع الي قدام باككسات 👍😆
حنا بالكويت نسمي الإطارات بالتواير على المصطلح الانقليزي Tire بينما البعض يسميها بالجنوط ، واكن بالنهاية إِنْ شَــاءَ اللَّهُ الفكرة توصل للجميع 👍
جَزَاكَ اللهُ خيرًا على الشرح والتوضيح ثبت الله اجرك
اللهم صلي وسلم على محمد
دامك توك شاريها ماتدري كيف قيادة راعيها وحتى التويوتا 2018 قبل فتره سقته بمعرض كله اصوات وحذفيه وفحصته بيكلف فوق عشرين الف صيانه بسبب راعيه الاول وتركته وسالفة ديكوات النيسان سهالات كلها كلبس وتضبط ومثل اي سياره تحافظ عليها ولا بتخرب
طيب كلام الرجال صحيح النيسان بالنسبه للديكورات سيئ جدا
@@user-wt6ru5nx9i غير صحيح على حسب الاستخدام ولاتعمم والتويوتا اسوء وكل السيارات اسوء من نيسان
@@user-wt6ru5nx9i
موتري موديل 2014 ومن فضل الله الى يومك هذا مافيه صوت واحد .. الموتر ممتاز لكن تبي تجلده وتقول لا لايطلع لي صوت هذي مشكلة الصراحة 😄
اليوم اي موتر يطلع لك اصوات إذا جلدته بما فيهم التويوتا وهذا شي مشاهد ونعايشه مانقوله من فراغ .. نعم في سيارة اكثر من سيارة لكن في النهاية مسألة الاصوات تعتمد على طريقة إستخدامك بعد توفيق الله
ياريت تشرفنا بالبصره وحياك الله انت والموتر
مرحبا
الله يبارك في حلالك ويعطيك خيره ويكفيك شره.
اخوي بخصوص هواء التاير كل مانزلته كل ماكان انعم وهذا شي معروف لكن ايضا تحط في بالك ان كل مانزل هواء التاير ثقل السياره بسبب احتكاك الاطارات على الارض وبالتالي يزيد صرفيه الوقود وهناك تأثيرات على المدى البعيد ميكانيكيا والتواير تخترب وانا اتكلم عن الرقم اللي تحت 35 .. وزن السياره ثقيل. وماراح يعطيك الاداء اللي تبيه.. بالنسبه لي التواير معيرهم على 40 السبب وزن السياره.
2- بخصوص البوشات والمعاونيات الوكاله فاشله لو تعبي التواير 20 على حسب ضنك انها تحافظ ارجع اقولك بالبر غير عمليه وتخرب بسرعه،، وفر فلوسك واشتري معاونيات "بروفيندر" والبوشات "سوبر برو" لونهم ابيض في بنفسجي وكيلها محل اوف رود. ليست دعايه لكن هذا المجرب في استراليا ودول الخليج. في محل امام البابطين في الخدمه السريعه بالشويخ يبيع ويركب
بخصوص القرقعة شي طبيعي نيسان.
كشتات الصف الثالث فيها اصوات لوتشيلها توفر حول 40 كيلو وتركب مكانها تسكيره ويصير مكان مخزن عندك ومساحه.
كشن الوكاله الامامي يتحرك صحيح في بعض الجيوب في ناس تركب برغي تثبيت تحت الكشن مكان التحريك الامام والخلفي عشان يوقف الفضاوه ..للاسف عيب مصنعي
بالنسبه لي افضل تواير حجم الوكالة شكل مميز واداء على الباترول كومهو kumho road venture AT51 يفرق معاك
بالتوفيق ✋🏼
الله يجزاك خير أخوي و ما قصرت والله على المعلومات القيمة و المفيدة ألي صج الواحد يستفيد منها .
و أيضاً فدتني حييييييييل الله يجزاااك خيييير ما قصرت جعلك ذخر و عساني ما أنحرم 💐 🤲🏻
أما هواء التاير ألي صراحة أفضله سواء صيف أو شتاء هو بحسبة البي اس أي رقم ٣٠ جدااا مناسب سواء بالصيف اذا تمدد الى ٣٣ و ما يزعجني بالممشى على سرعات عالية و بالشتوية مناسب مع انه يضر التاير و يزيد الصرفية و لكن انا بالنسبة لي احافظ على الهيئة و الديكورات و ما انزعج مقابل اني ابدل التواير كل سنتين
🔖تعليق مميز
بالفعل الضغط المنخفض للاطارات يسبب مشاكل و تلفيات لأجزاء هامة و مكلفة جداَ كتلف الجيربكس بسبب ضغط الاطارات المنخفض يؤدي إلى تحميل عبء وزن السيارة على الجيربكس
ماذكرت الهوا المناسب للتواير
الي مكتوب حسب المصنع و لكن يفضل بجميع الحالات ٣٠ psi
بخصوص هوا الكفرات اتفق معاك وحاب انوه ان الرقم الموجد على الباب هذا لما تكون حمولى السيارة عالية يعني تبارك الله ركبت معاك ٧ اشخاص وانت الثامن ومحمل شنط سفر وماسك خط عبي ٣٥ لكن لو انت لحالك او عدد قليل ومافيه وزن على السياره خله حول ال٣٠ وبتشوف الفرق والراحه فالخط
وحط ٢٥ او ٢٠ فالبر والله يحفظ جميع المسلمين
الله امين و الله يجزاك خير يا اخوي الغالي💐🤲🏻
انا اشوف بالنسبة لي انه افضل هواء للاطارات هو ٣٤
ففضاوة الكشن .. تغير جلدت الكرسي من تحت
شرايك برادو ولا باترول ؟؟ اتمنى الرد كونك مجرب الاثنين
صراحة ……….. باترول فرق كبير و اذا عن تجربة انا شاري ٤ برادوات قبل لا اشتريه اثنين وكالة و اثنين مستعملات .
اذا تبي الراي الصحيح روح استعمل برادو و اطلع فيه بالشارع و امسك فيه خطوط .
و روح استعمل الباترول و شوف الفرق 👍
@@cars965 اخوي العزيز ابي رايك انت كونك مجربهم وفتره انا اذا بجرب بو ١٠ دقايق مارح اوصل لقرار ابي من خلال تجربتك ياغالي ابي من ناحيه تكيف و هيئه والامور هذي كلها
هههههههههههههه لاااا وين عشر دقايق الا و انت الصاج شاري و مجرب و عارف .
صراحة و بكل إختصار الباترول أفضل بل المفروض انك تقارن الباترول مع اللاند ، و لكن لو تبي تقارن بين باترول و برادو أصلااااا بالأساس ماكو مقارنة الباترول افضل من جميع النواحي صراحة : تكييف ، نعومة ، حجم ، رساوة ، عزم ، راحة ركوب ، راحة مقاعد ، هيئة ، صراحة برأيي الشخصي و عن تجربة كوني شاري و مجرب بااااترووول .
الشيء الوحيد الي يشفع حق البرادو هو انه ارخص من ناحية سيرفس و قطع غيار و تويوتا ارخص بالقطع و الصيانة و السيرفس
@@cars965 عسى ربي يبارك لك لا انا اقصد نفسي اذا جربت ١٠ دقايق انا مارح اعرف مشكور على ردك ،، بالبانزين شنو رايك للعلم انا مفكر ب باترول ٤٠٠ شرايك فيه
تبي الصج شرب ٣٢٠ ما يفرق ابد عن شرب ٤٠٠ يمكن الباترول ال ٤٠٠ اقتصادي اشوي بشي بسيط لان قيره ٧ غيار و فيه طرمبتين فيكون توزيع البانزين انسب و ادق و بنسب مناسبة لكن كلهم نفس الشي
يعطيك خيرها ويكفيك شرها. نسيت عيب قوي في النيسان سعره بعد الاستعمال يطيح عكس تايوتا يمسك سعر. عندنا نيسان اكس تريل ٢٠١٥ مطلعينه وكاله ماشي 120 نظيف مو راضي ينباع قررنه مراح نبيعه وفعلا موضوع السكان يتقشر مع العلم دايما نسفطه تحت مظله
الله يجزاك خير و فعلا كلامك صحيح بخصوص نزول سعره فعشان جذي يفضل الي يشتريها يكون آخر همه البيع ويستمتع بالسيارة
💙💙💙
عسى الله يفرجها عليكم و يفتح عليكم ابواب الرزق من حيث لا تحتسبون إِنْ شَــاءَ اللَّهُ و باذن الله تعالى إِنْ شَــاءَ اللَّهُ انه الجميع ماهم مقصرين معاااج و بنتواصل معاكم اول باول
@@cars965 امين يارب العالمين جزاكم الله خير
@@cars965 هذا نصاب له اكثر من ثلاث سنوات هذي شغلته وهذي سالفته في كل قناة تلقاه زي الجن قدامك
ماهو الشيالات ؟
المقصات او اذرعة التحكم السفلية Countrol Arms
مقاس الجنط اهم من الهواء
نقص المقاس وعب 35 وشف الراحه
تعتبر عيوب عادية انا توقعت العيوب في القير او المكينة او الكهرب
نتمنى منك التعليق على باترول ٢٠٢٣ وهل فيه عيوب؟
عندي مقطع جديد منزله بالقناة ، سويت فيه مقارنة ما بين الباترول ٢٠٢٣ و الموديلات القديمة من ناحية التسارع و العزم و القوة .
باترول ستة سلندر ضد باترول ثمانية سلندر شوفه
@@cars965
طويل العمر قصدي
اذ متوفر عندك مقارنه بين الباترول والاند كروز ( اخر الموديلات) من ناحيه المواصفات، الافضل استخدام ، المشاكل ، السعر ، الحراره في الصيف والتكييف ،
اللي تعمر افضل (اطول استخدام) .
ولك منا جزيل الشكر ..
السيارتين باختصار شديد كلهن و نعم 👍🏼 و لا فيهن خسارة بالمشترى و الاستخدام و كل واحد يقول الزين عندي :-
الباترول يتفوق على اللاند في المساحة الداخلية و السعة و الرحابة و راحة بالركوب بينما اللاند للاسف صغر حجمه و صار جيب متوسط الحجم يخدم عوائل صغيرة برأيي الشخصي صراحة
اللاند يتفوق على الباترول في البر لان فيه نظام الزحف الجديد المطور و له امكانيات عالية مع انه الباترول دبل فيه الخفيف و الثقيل مع الدفلوك الا انه اللاند حق الي يبي موتر تخصص اكثر بر و مو ناقصه شي بالامكانيات افضل ، و أخر شي موضوع البيع و هني تجي على رغبة الناس .
اللاند عمره طوييل و الباترول كذالك 👍🏼
وش هو الباكيكس
الدفرانسات ( أنظمة الدفع على المحور الأمامي و الخلفي )
أولا شي مبروك الموتر
لاحظت 8:55 ما فتح الباب الخلفي ترا في برمجه باليوتيوب تسويها وتخلي طقه وحده تفتح كل البيبان
بخصوص زيت القير والبككسات رحت الوكاله وقالو لي راعي الاول مبدله قبل 40 الف كيلو يعني تقدر تبدل بس لما بدلته عندهم القير صار يتاخر بالتبديل نصيحه لا تبدله
بالنسبة لفضاوة الكشن اذا انت ما تحركه يعني قياس واحد حط برغي بالمسار حق الكرسي بالقاعده ويثبت معاك ، عموما صارله عندي سنتين وكل العيوب الي ذكرتها لقيت لها حل الا التكييف الامامي انحلت مشكلته بس اذا شغلت الخلفي سلم على التبريد
موتر بخمسه وعشرين الف دينار وعليها وآخرتها براغي وكشن وتكييف سلم عليه؟اهم شي بالسياره هو التكييف ولا اجدعه بالسكروب او التشاليح نثل مايسمونه عندنا بالسعوديه نصيحه اخوي مافي مثل تيوتا بالخليج حتى لو هايالكس المهم مكيفه يتحمل
@@MAJEDD24 المقصود الموديلات القديمه 2015 مثلا اما الجديد تعدلت العيوب ، طبعا التويوتا من ناحية العمليه افضل ومافي مقارنه ولكن كل واحد على قد فلوسه
@@saleen965 الكروزر كان عنده مشكله اهتزاز الدبه الخافيه مع مقصوره الركاب اللي ورا لا مشا بتضاريس حجر ووعوره لانه دفرنس بدون شايالات او مقصات خلفيه لكن تيوتا عدلت هالمشكله وحلتها خصوصا بنسخة الجي آر وبدون شيالات او بدون مقصات خلفيه لان الشيالات ماتتحمل الشغل زي الدفرنس
يقولون لونق لايف علشان تطلع من الضمان وبعدها يضرب
اي والله عزالله انك صدقت 😂😅 للاسف حافظين و مش فاهمين
معاي نفس مشكلة الفضاوه
ابشرك حليتها و اضبطت معاي و حاط الطريقة عندي بالقناة
وش الكشن ؟
الكرسي
انا اخلي تواير باترول ٣٠ يصير انعم بالشارع والحفر ويوم يفتخ الكراج ٣٥ فعلا الموتر يصير قاسي بالطريج
يتفخ
الحين اشتري لاند ولا باترول؟
لاند
اذا تبي موتر حجم كبير و يخدم للعوايل الكبيرة اخذ باترول بينما اذا تبي حجم وسط و هم جيب اخذ لاند
شنو هىءه
❤
اخوي انت تكلمت عن نسبه الهواء في الكفرات حسب البليته ونسيت ان الناس تركب كفرات ماهي اصليه تجاري مثل التايلندي والكوري والصيني وهاذي هي اللي تدمر ميزان السياره وتجيب الرجه وتلعب في الدنيا لانها يابسه وزنها ثقيل .لازم كفرات يابانيه برجستون اصلي وسلامتك . اما الكرسي السواق فيعتم علي كم وزن الي السواق وثقله.
سعر السيارة بالدينار العراقي
ماشاء الله عليك معلومة تقدر توصلها في نص دقيقة ... وانا وصلت للدقيقة الخامسة تقريبا علشان اوصل للغرض من الفيديو .. انصحك ،،، خير الكلام ماقل ودل
اهو المعنى مو في طول المدة او قصرها و لكن في معرفة بداية الموضوع لحد نهايته بمعنى انه في كاتب يقدر يختصر الكتاب بدون التفاصيل عن طريقة الخلاصة بينما في كاتب آخر يحب يعيشك الحدث معاه و يعطيك الكتاب بالتفصيل الملل الي قد يكون ممتع لغيره فكل واحد و له وجهة نظر و حياااك الله اخوي نورت💐