【

「大部分人印象中嘅懲教人員都好嚴肅，但其實佢哋除低制服成為義工後，個個都充滿愛心、關懷同耐性。」特能龍舟參加者家長　晴媽
回想當年晴媽知道仔仔被評估為中度智障時，佢從來冇諗過仔仔可以成為自信又獨當一面嘅龍舟健兒。特能龍舟🐲需要「一對一」訓練，可謂「#少一個義工都唔得」，晴媽特別感謝每一位曾經同佢哋「同舟共濟」嘅義工，當主流社會仍對一班特能人士存疑嘅時候，呢班義工卻選擇相信佢哋嘅潛能。
而晴媽口中嘅呢班義工，正正係新一集《#星星傳懲》嘅主角--駐守 #押解及支援組 嘅二級懲教助理吳汶謙及蔡明港。#懲教署愛羣義工團 自2012年成為「#鄰舍輔導會特能龍舟」嘅義工伙伴後，義工團成員會喺公餘時間擔任 #特能龍舟義工，帶領一班特能人士透過龍舟划出潛能，將不可能變成可能。從訓練到參賽，一條船，一條心，展現出互助互勉、同舟共濟嘅精神！
聽日就係 #端午節🐉，小編預祝團隊喺賽事中旗開得勝，創出理想佳績💪！
_________________________
【 #星星傳懲 系列 】
全新系列影片，為大家發掘「凡星⭐️」背後不平凡嘅傳奇故事，細聽懲教人員卸下制服後擔起嘅另一使命，以及故事背後動人心弦嘅心聲。
📲立即重溫：bit.ly/CSDstars
_________________________
📌懲教署招聘．二級懲教助理【全年接受申請】
www.csd.gov.hk/tc_chi/recruit/recruit.html
_________________________
#懲教署
#CSD
#鄰舍輔導會
#星星傳懲
#懲教歷奇會
#懲教人員
#特能龍舟義工
#特能伴航員
#划出傷健共融