Вставка
- Опубліковано 17 жов 2024
- #MM #試一次 // 試一次片場助理 跟拍18小時 目擊一條MV的誕生 廿年前Twins一條MV近百萬製作費
世界各地的MV近年越來越被受關注，而廣東歌的MV亦不例外，今次Sam跟著以個人風格強烈的新一輩MV導演何圖，擔任他的片場助理(PA），跟拍一日內拍起的港式亡命製作，更邀請了活躍在千禧年代，總有一首你聽過拍過超過3,000個MV的資深導演Jacky（李志倫），解構MV的年代差別，今集《試一次》MV片場的助理。
MV的製作流程
當Sam一直懷著忐忑不安的心想著MV拍攝準備得如何時Sam才收到寫了時、地、人安排的拍攝流程表，到MV正式拍攝前一晚終於收到故事大綱，但大綱上都只是每個場景簡單一句描述劇情內容，而想揣摩場景的氧圍與鏡頭度或分鏡等，就要參考另一條拍攝團隊將不同電影或歌曲而來的片段素材剪好，當成分鏡本（Storyboard）的一條參考片，以影片的方式來向攝影師說明希望怎樣的拍攝角度和畫面呈現，通常包含攝影運鏡、角度、場景構圖等資訊。
「趕還趕，雖然是拍之前一天才準備好，但我都是準備好的。」何圖笑道，「收了一首歌之後，我就會去想一個MV的主題或構思，先聽一聽歌看是傷心情歌還是其他感覺，然後就開始看拍攝場景，然後就到拍攝，拍完之後就到後期剪接、VFX（視覺特效），然後有些Retouch（後期處理）的工作，最後就調色。」
「我想MV製作一般是比較趕急的，由我們收到歌曲到要交MV成品，可能短則一個月。」由2018年跟何圖開始合作的Suki補充道。
究竟Sam負責的崗位PA是做甚麼，可能由MV製作團隊的架構聊起會比較清楚明瞭。一個MV團隊
包括導演組、製片組、機燈組、美術組，一個攝影師通常會一人帶二或三人，帶著燈光師和攝影助手，美術就會負責包括置景道具服裝等等會出現在畫面的元素，另外還有頭髮造型和化妝，而助理這個角色，通常是在導演或製片旗下，聽他們指點處理拍攝現場所有工作，簡單來說就是片場的「打雜」。
MV拍攝現場
這次MV的主題，是圍繞兩個Y2K年代的小混混，由渾渾噩噩到醒覺的故事。依照通告來到市中心充滿2000年代風格的舊商場，商場充滿破敗頹飯的氣氧，一看就知道久無營業的店舖門口攝滿待領的信件。在集合時間前15分鐘來到拍攝場景，但發現原定的舖位仍然空無一物完全未有佈置，正當Sam想著製作團隊可以怎樣快速置景成「出得街」的拍攝場景，原來這個置景的任務是落在製片與PA身上。「比較低的預算不會特意請一個美術，通常我們會找一個有美感的製片及助理幫忙，佈置場景或準備一些會用到的道具。」
製片Kelly與Sam的PA同伴Kobe手腳俐落地將一些舊報紙與印有槍械圖片的雜誌撕下，再避開帶有明顯日期性的報導，以舊報紙密密麻麻的文字營造出「黑幫據點」的舊江湖感覺「即免得向觀眾露餡了MV時空的內容。」Kelly解釋道。「但這些能看到人物大頭的報導又能不能接受呢？」
Sam問句剛畢就被導演何圖訓斥「Sam 你作為一個助理要有一套你自己的美學，不可以每次都問製片接不接受，你試試這樣熱的溫度與這麼趕忙的環境下再問多幾次。」
製片的工作在前期是負責控制預算，決定哪一個部份值得花錢，盡可能執行導演的拍攝理念，「爆炸、吊鋼絲、浸入水中、武打、翻車，這些情節全部都有出現過在何圖拍攝的MV內。」Suki沒好氣地笑道，「成本可能只有一萬元，但我可我會說今次想玩玩爆炸，怎樣將一筆製作費變成一條MV影片，實際製作到出來，就是製片的工作。」何圖笑道。
「導演可能有心目中的拍攝場景，但現實上怎樣安排到在那裡拍攝都是製片的工作，可能在網上是找不到任何資料，但又很想要那個場景的話，就要去敲門自己親身走上那單位，我們試過列印一些信，然後逐個信箱遞進去。」Suki補充道。
而經過這些前期的工作，到了拍攝日，製片與PA的工作就是協助現場運作上一切順利，「好似交通運輸，怎樣安排各個人員順利到場，還有最被不注意但又很重要的買飯與吃飯安排都是PA的工作。」Kelly道。當要安排的飯盒數量到了整個拍攝團隊，十多二十人的規模，又要留意各人的飲食習慣，更重要的是要在預定的時間內準備好齊全的飯盒，再在現場順利分發，其實是一件很麻煩的事，「例如牛通常很多人不吃我就會點少一少，可能又要有素食，湯麵類的都盡量避免，因為熱，還有大家沒位置坐吃起上來很麻煩。」Kelly逐點數出平常但難為意到的片場叫飯事項。
今次買飯的重任是由Sam這個PA負責，依照Kelly的叫飯貼示，Sam選撢的餐廳是以「碟頭飯」，方便進食而份量又能滿足運動量大的「機燈組」為前題，選然後為了確保近20個飯能在在下單後依照拍攝時間表內列明的吃飯時間準備好，所以Sam決定外賣自取，將自己可以控制的事項增加減低意外的機會，但意外還是發生了。
「你現在先拆開包裝分發，然後把同類型的飯菜放在一起，通常有時會拿紙皮寫給別人選擇，A是甚麼B是甚麼寫下有甚麼吃。」何圖指導首次分發飯的Sam，正當Sam手忙腳亂地派發飯盒給工作團隊的時候，Kelly發現了一個很嚴重的問題，就是在悶熱的片場內，Sam竟然買飯忘記買凍飲，對於要搬搬抬抬的機燈組而言，沒凍飲這回事真的比沒飯吃更糟糕。
MV的年代風格
「我們當年一首MV平均有十多萬元的製作預算。」Jacky導演道，Jacky1996年加入TVB見證過九十年代末至2000年代卡 OK 狂熱如何令到MV行業變得興旺，「我當年拍Twins的（愛情當入樽）MV有近90萬成本。」他指那時拍攝預算到加上市公司集資，由不同的卡拉 OK 及運動品牌湊成，「我搭建了一個籃球場場景，找黑人模特兒扮籃球員與孖妹（Twins）打籃球，又找了200 步名臨時演費、粉絲做觀眾，所以拍攝當天有提百人，吃飯都花了近10萬元：之後找製作《少林足球》的動畫公司為 MV畫動畫特效。
今次何圖的MV團隊一行15人，因為製作成本比起20年前的十多萬還要少，所以他們採取15個人連同器材跑四個街景的策略，能減低了在攝影廠內搭場景的費用，但相對交通成本就會貴了，只是租車，運載到那麼多人和器材，已經差不多要一萬元了。
「80年代香港流行的是飛圖式的卡拉OK，圍著很大的雷射影碟，放上去有兩行字，然後在沙灘上跑然後又去九龍仔公園（情侶）吵架爭執一下就當作是MV。」Jacky回憶以前的MV類型，指出不同年代的MV類型與興起背景，「第二代的MV就是TVB導演主宰音樂市場，當年的人想用一個有限預算製作到有質素的MV，你一想到導演就自然想到電視台音樂部的導演，個個都蜂擁而至TVB拍MV，版權歸TVB所有唱片公司是沒有版權的，但當時因為沒有UA-cam，所以大多數人不在乎我拍來也是在電視播放。」
而到了第三代的MV就是90年代末至千禧年代的K歌MV，「我的年代屬於卡拉OK年代，我們拍很多MV就開始不是給TVB，TVB自己擁有MV版權的時候你播一次我就要收你錢，唱片公司或歌手覺得我拍得那麼辛苦，到頭來不是我的嗎。所以歌手或唱片公司就開始自資拍攝MV，需求量就突然爆炸上升。因為不再限制在電視機裡卡拉OK就是我們的UA-cam，誰在卡拉OK點擊最多最多人唱，原來就是等於現在UA-cam最多人看的MV。」因為以前社交媒體沒那麼普遍，通常藝人只可以很被動在不同媒體曝光，而MV就是他們主動控制的媒介，所以藝人都很重視MV的效果。
我的MV作品中我會分三大類，一類叫Dramatic（故事形式），特意要拍到好像電影一樣，另一種叫Thematic比較抽象，可能藝人在很簡單的背景，一個黑色環境或白色環境拍攝出來，但最直接看到的畫面就是歌手本身，第三種叫Artistic，是一個很美麗的景色很美麗的衣服你設定到場景是很美輪美奐。」Jacky回憶當年拍攝刀郎《衝動的懲罰》MV將整個場景設置成戰場一樣，「特意在將軍澳的石場，吊了六輛貨車的爛石過來特意去找爆破爆炸槍戰，『我就想這個節奏這個拍子，在這裡爆炸不要錯』，然後爆破師傅說『導演不如這樣我設置一個控制板給你，你自己按吧』，就這樣爆炸都炸了上二十萬。」
連踩18小時的拍攝
一天只有24小時，為甚麼拍攝流程表會寫到25、26小時原來是拍攝整天都要通宵，所以就出現30、36小時制的時間格式，以開機拍攝那天開始計算，就算過了零時零分都直接在24加上去，就不會混淆日期，而最考驗意志的時間就是連續工作十多個小時。「到了深夜的時分，因為大家去到這個時間，又睏又累又熱，吃點東西補充才有力做事，才可以快點下班，所以深夜時份作為製片是一定會安排宵夜時間。」
Sam在第一個晚餐時安排得錯漏百出又漏掉凍飲，所以在第二餐宵夜安排時特別留神上一次的失誤，「在取飯的時候先分類好菜歸菜的，炒飯歸炒飯的同類的放在一袋，然後自己分好一疊飯盒的時候再貼上是甚麼飯提醒自己，所以宵夜那一頓進行的時候就順暢很多、可能我第一頓派飯用了可能10至15分鐘，然後第二頓可能5分鐘就搞定了。」
「我們現在再最後檢查一次。」時間到了清晨5時左右，何圖對照著分鏡稿看已經拍攝了的鏡頭與預想設計的鏡頭，「其實去到那段中場時間是最痛苦，因為好像還有很多，怎樣都未拍攝完，香港通常是一天內需要拍攝完成，我覺得香港一個很好的文化，是本土有很多創作的願意幫助我們大家都花很用心，花很多自己的時間、資源，不會太計較，一起創作這件事，MV創作上最好玩的地方。」
「收工。」何圖在最後天已經透著微晞陽光的6時，檢查完沒有漏下鏡頭的時候大喊道。
Since day one - Ki Chan傑奇 x SID22 (Official Music Video)
• Since day one - Ki Cha...
策劃：梁中勝
剪接：梁芷澄
攝影：許先煜、伍永健、陸紹泓、陸羽、張志孟、潘志恆
編審：黃碧珊
監製：鄭汝翹
拍MV要踩足一日，好多時都要等到放飯先偷到時間休息，而一份好味嘅外賣除咗可以填飽個肚，更重要係可以令製作團隊叉足電，食飽之後繼續開工！【2024戶戶送外賣美食100強】為大家送上一份有溫度又有味道嘅外賣，同你一齊發掘更多美味故事。
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
多謝何圖同佢的團隊畀我跟佢地一齊拍攝同接受訪問，多謝製片kelly 同kobe carry咗我成日，仲有多謝jacky導演咁生動講返2000年代的經典MV係點樣拍攝而成，當時的時代背景由行內人角度觀察好得意，唔係講笑買飯好似好濕碎，但量一多就真係好難處理。拍MV呢件事真係好攰，大家下次聽歌的時候不妨睇埋首MV、再留意埋製作團隊，覺得好睇就要講出嚟話畀佢地知！
搵果隻Tommy咪拍mv 拍mv拍mv點拍 拍幾多隻都得啦😂
Sam好叻，即刻知點放飯，幫到手喎。我Y2K讀電影就係第日想拍MV，出唻做咗廣告製片，初入行試過為慳凍飲加兩蚊叫晒熱嘢飲，但係班crew見我一個傻妹無X我，但我記到依家 - Crew一定要凍嘢。如果想keep住有凍飲，可以買個流動冰箱叉電嘅我覺得諗得過，又唔駛PA成日走唻走去反正有van仔跟一日。試過要幫明星買火蛙食 (田雞?) 又係好激，幫過蔡依林買三點式因為廣告公司竟然無話定俾明星知個shot要落水，好彩Jolin專業俾件泳衣打底就幫手落水。後來都工作上遇過莊少榮，做演唱會遇過Jacky, 佢地真係卡拉OK年代最強MV導演，好多都經典。
@@presentlivinghk 咁睇嚟你都係好資深！
@@samleung6959 資深又點，依家去咗開間雜貨舖頭仔。。。
兩個都係靚女
雖然話渠道只有youtube，但正正卡拉ok式微，人手一部手機有YT，MV變得更easily accessible，每歌手更重視MV製作。香港MV拍攝越嚟越出色，尤其Sheng & Maggie出現後引領住某種風格調色，即使b
budget少但質素甚至追趕台灣（相對大陸唔重視MV，無緣見識財大氣粗成品）
ps. 今次deliveroo廣告插入自然好多，比上次生硬刻意好好多👍🏻
從MV這個小切口介紹、補全了香港的文創工業內涵，真係好好！香港原來有班年青人係好投入專注於MV製作的，讚！
我好鐘意何圖同行動派嫁❤何圖加油gogogo🎉🎉
何圖and team 都算好有禮貌
叫飯唔叫嘢飲 老母爽到死
好鍾意條片！行外人了解左多啲關於production嘅事
超😂鍾意何圖
一睇啲作品就會知道係佢
一開始係因為光頭幫認識佢
後尾follow 咗佢
之後佢每個mv 參與過嘅都睇同聽
今集真心好掂 學到好多嘢 即就可以出第二集
參與過制作都知，
每個崗位都唔容易做。
Sam 非常話頭醒尾 嘅 PA，辛苦晒，
呢集好好睇呀！辛苦晒！
辛苦阿sam與團隊了～今集好睇！
轉頭去睇正片MV👍🏿
試一次呢個系列做得愈來愈高質!
呢集好好睇！畢竟我地呢代睇MV真係睇左十幾20年
我以前都拍過好多Jacky做導演嘅mv，嗰時做dancer。中午三四點入廠，真係可以拍到天光😂。個飯盒真係好緊要，因為以前仲未有網上外賣😂
Respect 係呢個行業堅持緊既人
好似漏咗 Jacky 導演嘅 name tag，回帶睇都搵唔到。我要睇到後面佢講自己個名先知佢叫Jacky。可能我見識少唔識佢，不過打返個名會好啲。
呢集好好睇!
Thank you MM❤
以前成日唔明點解一個咁普通嘅MV都要10幾萬，原來係咁😂
唔怪得知，而家啲MV靚啲都要成球
幕後製作真的不容易respect
希望香港MV水平越來越高🎉
何圖加油👏🏻🎉🎉🎉
依集好睇
謝謝你們的講述, 服務。
依集好好睇
Kelly好靚囡
天台既靚好靚
好睇呢集
辛苦曬各位
辛苦曬呀sam
辛苦晒🙌🙌🙌
this is the best ads ever
K姐做PA會精靈D，Sam就柒D，但就勤力，有進步，親民。😂😂
無凍飲真係燥咗出嚟
條片係咪冇介紹到前輩導演係邊位？
期待
Jacky Lee 導演後生時勁靚仔。
靚仔過余文樂好多，而且英文好。
啲粗口仲好勁，都唔知鬧走過幾多個PA
依家仲有mv既咩
估唔到愛情當入樽MV咁重皮
Kelly 幾靚女
MM應該訪問埋《一加一等於阿儀》MV嘅導演。
當年 MV 真係 Jacky 同細榮二分天下
Thank you Mill Milk.
圖導❤
依家啲mv唔可以好似千禧年代咁架啦
😂從sam的試一次，睇到佢完全係不醒目同不主動，相對呀朗積極主動，相差好遠😂。
一見到個外賣自取嘅植入式廣告…作為一個小店老細真係認為好心就自己打電話/wts間鋪落單啦！係要人哋畀個平台抽水賺少咗錢
係咪證明咗香港影視圈嗰種燒費夢想嘅工作模式
絕對認同 , 做 Director 或 DOP 以外既所有人 , 包括後製都係浪費生命 !
interesting
👍👍多謝分享
THX
Jacky 導演肯找數未呀？
PA aka 打雜
what!? 花姐喺MV導演!? 🤯 11:14
jacky仲話係伊健御用導演，我聽到都表示震驚
係
最近期作品已經Jer首水刑物語,MV導演就係花姐
容祖兒未知嘅mv 係花組拍的
点导演个样好似余文乐啊😄
Sam哥你是咪出黎撈的?
PA buddy ig?
我想問 成品個名係咩🙈
Since day one 係行動派hustle don’t play既channel搵到🫡
Can cheaper?
最大問題係工時😂😂li d 工blacklist😊
圖導好野~
P.S. : 買飯唔買野飲係智障級別
kelly問我的時候我個下好心虛
我慣飲水😮
嗚嗚嗚，後期呢？忽略我哋呢啲後期。😭
下次拍多集？
唔係啦，大家都係咁重要！
原來嗰日喺土瓜灣就係你哋😂😂😂
Jacky@ConceptX話當年有啲導演一日拍四五條MV，應該係講緊佢自己！
當日可以用五萬蚊拍三條MV，一個場景三隻歌，轉個色tune，轉用Handheld，咁就下一隻歌，做到個市有咁爛得咁爛！十幾年之後轉身一變就做左大師！
補多一句，辛苦晒呢個年代既導演！真係好有心機！係班老海鮮搞到個地方錯哂，然後要下一代找數！！睇到個大師出黎做偉人覺得好唔順眼！
冇左怪奇有d可惜
Sa女幾時先至蒲頭啊？！ 好很掛住妳 😂
冇做喇,阿Sa話遲啲會喺自己channel交代
十幾萬錢錢😢😢
my record as worked pa was a over 50 hours shoot , 2 full day plus a morning, in taiwan in the 80s
哇超chur
港鐵都會用25點丶26點的
冇人食煙好唔真實
買飯點會唔買嘢飲🥹
👍👍👍
❤從百萬精心製作到手機隨處可拍❤粗製濫造❤已不覆當年勇❤
都吾濫過那些影下外國風光, 影下洋妞行過的MV吧...
❤❤
吖sam有冇米5吖
😊👍
收一千幾百陀地，抵畀吖，乞兒價！😂
佢哋拍完戲收工冇車搭車返屋企
千禧年嘅MV導演 點同依家既比
果個年代亂鳩拍都可以 勁核凸
依家你拍得唔靚少少都無人睇啦
佢死好命 生於香港黃金年代
叫何導教返佢拍mv啦
@@ioooooooooooooi 絕對認同你講法 佢仲提我本人mv係佢拍、 浪費曬首歌 拍得勁肉酸 毫無美感 故事又九唔搭八 ；(
Respect🫡🫡🫡
無枝野飲洗死咩。講到世界末日咁，轉個頭講7-11買咪得囉
如果冇鏡頭，sam可能比人屌死左幾次
後生仔真係唔好做PA
唔通老人家做？
sorry, 睇左幾十年香港MV, 完全冇進步過, 大部份都一式一樣, Madonna 1990年拍既Vogue 同 justify my love, 香港當年拍緊咩MV, 唔好講當年, 今日香港既MV都唔及當年人地既前衛。唔好賴budget唔夠D 國際歌手, 人地Raidohead 既No surprises ，Bjork既Bjork- Big Time Sensuality，Suede既MV，到近代Twenty one pilots既Stressed Out 都係低成本MV，點解人地既MV都可以咁有創意。而近年香港既MV，亦只係識模仿韓團既MV。
"我本人"mv浪費曬首歌 拍得勁肉酸 毫無美感 故事有九唔搭八
睇完條片只見到一群做爛市嘅人
一見阿sam就唔想睇
一見阿sam就非常想睇
唯一出路轉去拍AV
真失敗！ 上鏡都搵過 好樣啲嘅人拍
閣下又咩尊容？