Вставка
- Опубліковано 27 кві 2024
- #MM #700萬種生活 // 26歲高學歷女生患嚴重情緒病 另一半曾進戒毒所 玩Wakesurf相遇為對方改變 齊入元朗山旮旯森林幼稚園旁開Cafe 幫SEN小朋友做訓練 死寂村莊變熱鬧成社區聚腳點
幾年前，一條元朗山旮旯的村莊中，出現了一家「森林幼稚園」，學校旁邊有間咖啡店，經營這裡的老闆，一位是高學歷、擁有兩個碩士，人生一帆風順，卻患重度抑鬱症的「兒科康復師」；另一位是曾染毒癮，生活糜爛過，卻因為愛情而改變的廚師。
老闆阿謙是大廚，負責煮食；本職為孩子做兒科康復的老闆娘Esther，負責幫助SEN（特殊教育需要）小朋友做訓練。每天中午12時，這裡會變得異常熱鬧，咖啡店聚集剛接完放學的家長和孩子，父母在吃飯，孩子在跑跳、玩狗狗，走到那高過自己幾個頭的吧枱前踮高腳尖，問「謙叔叔」取啫喱。
Esther一年半前開了名為「幸福森林咖啡館」的小店，她本職為「兒童發展及特殊教育顧問」，開店後跟旁邊的森林幼稚園合作，將前身是由村民開的士多的三層舊村屋，變成可以讓家長等小朋友放學、食飯、親子聚會的聚腳點。「我會走進學校跟老師合作，讓裡面有需要幫助的小朋友有多點支援，留意到有行為、情緒問題，或者大小肌肉、感覺處理上需要幫助的孩子，就會安排他們跟我做一對一的訓練。」
在很多人眼中，Esther一直都是開心果，成長在幸福家庭，一家人關係融洽，讀書生涯也順利，進到想讀的大學心理學系，人生可說是順風順水，卻在三年前忽然患上抑鬱。「我修讀第二個碩士的時候，情緒就起伏不定，飯不想吃，不能上班，做不到事情，朋友約我我會失約，全日都躺在床上哭，情況最差的時候，無時無刻都想自殺。不知為何會覺得這個世界很沒意義，就像掉進深淵中走不出來。由小到大身邊的人都說我很幸福，但那時最感受不到的就是幸福。」雖然Esther家人有遺傳性情緒病及SEN，令她患病機會大增，但她說情緒病這回事，有時都可以是沒原因的。
Esther自言是「共感人」，很容易代入別人情緒，對別人感受亦很敏銳，對方放負不開心時，也容易被對方拉下去，「其實情緒病可能是你的瓶子，一直裝著你的壓力，只是剛好那時候瓶子滿了，爆了。」
「以前我的同學或者朋友總說，我一定是最硬朗、最有抗疫力的那個人，我沒想過我會有抑鬱症。」Esther感嘆香港沒有「情緒科」這回事，所以沒有人教你要怎樣處理你的情緒，大人也會有自閉症，身邊的朋友亦可能有情緒病，然而無形標籤令很多人不敢宣之於口。所以咖啡店的出現，也是她能好好安放自己的地方。「這裡很偏辟很隔涉，好像去了民宿，感覺就像在這裡養病。」
第一次看到這小店，會令人聯想起以前總會在咖啡店遇上愛情的台灣偶像劇，而巧合地，這個地方亦有段愛情故。三年前，Esther因為情緒病要做高強度運動分散注意，而去玩Wakesurf，阿謙因為人生失意想遠離煩惱，而去教Wakesurf，二人經歷人生低潮的人，在大海相遇。
「因為我的抑鬱症很嚴重，經常睡不著就去滑水，巧合地找了他的公司。」Esther回憶當時二人相識是因為自己的「麻煩」，阿謙笑說：「那時我是很不想接這工作的，因為這客人太麻煩，她要在A碼頭上船 B碼頭下船，卻只預訂一個小時，但剛好那段時間我又清閒就照做。她一下船那一刻我就觸電了。她的笑容令我很深刻，無論是跌落水，滑著水、上下船也好，她甚麼時間都在笑。」
阿謙中學時曾誤入歧途，18歲被人引誘吃了第一口毒品，試過欠高利貸錢，又進過戒毒所三次，人生最潦倒時，四年前因為一歲的女兒在他上車再進戒毒所時，突然叫了他一聲爸爸，讓他決意為女兒，一定要返回人生正軌。終於，他第三次終於成功戒毒。「我成功戒毒出來的時候，婚姻又失敗，跟前妻有很多爭執，唯一令我舒服的就是看著大海，所以我走了開船。幸好那一天我做到了這單生意，認識到這位麻煩客人，令我在低谷裡慢慢走出來。」
二人一起不久，Esther希望正視拖了好一段時間的情緒問題，著男友陪她看醫生。阿謙當時亦會手足並不是一個把情緒處理得很好的人，都是傳統叫細路「不准哭」的家長，也不會用言語表達，然而卻會默默以行動感染身邊人，「他當時有很多行動，想把我從沉在水底的狀態拉出來，例如帶我去滑水，駕船帶我出海，慢慢覺得有治療作用。」
「其實一開始聽到他的過去，意外地我其實不是很意外，就很平淡地接收了，困難的地方是要將他的背景告訴我父母，但他都用行動來告訴大家，他現在已不是以前那個人，我覺得他很有擔戴，有膊頭。」
「他跟我說我有個女兒，他以前是個很壞的人，我就很好奇了，這些人在電視我才會看到。」當時為了讓這溫室長大的乖女孩認識自己過去，阿謙帶她去酒吧、夜總會、燈紅酒綠的Party Room，剛好遇到朋友在吵架，在掃枱爆玻璃杯，Esther瑟縮在後面，那是個她沒接觸過的世界。「我不是炫耀我以前有多厲害，只是想跟她說，我以前是這樣子的人，但我會為你慢慢去改變，我不想讓她覺得我是騙騙哄哄的那種人，寧願早點坦白，讓她知道我以前的生活。」
「每人都走進來說：Uncle Him Him，我想食嘢，問我取東西吃，我覺得很開心。以前怎會有人尊重你，以前吸毒的時候，刮破臉皮都是為了毒品，但現在你站在這裡，變成小朋友的謙叔叔，我覺得自己讓人感覺完全不同了。」謙學過西廚，曾在西班牙餐廳工作，也是咖啡店的掌廚，除了西餐，每天都煮豐富的中餐「福食」讓員工一起吃，他常請街坊一起「試食」，不少因而變成熟客和密友。
Esther自小特別愛照顧別人，小學中學做風紀隊長照顧小朋友，大學專選處於弱勢的人跟他們一組，亦因為她在家中排第二，為了表現好給父母看，她總是希望看顧好哥哥又照顧好妹妹，可能總是在想人地，會容易忽略了自己。「普遍亞洲城市的家長式教育就是『不要哭，站起來、沒事』，小孩應有的發洩他們都發洩不了。很多人認為哭是軟弱的，所以我自小都哭得很少，去到抑鬱症的時候，好像哭了多年的份量。以前我準備課程教小學生表達情緒的時候，發現我是一個完全不懂情緒的人，最荒謬是，原來自小沒人教我如何處理情緒，其實情緒沒有分好壞，所有東西都有用。」
現在Esther病情漸趨穩定，但有時情緒變幻莫測，跟身邊人相處，出現不少挑戰。「我可以因為很微細的事掉進谷底，剛開始看精神科時，差不多每天都跟謙發生衝突。他看見我哭很不知所措，亦不理解，到後期如果我忽然在車上哭泣，他會正常地跟我聊天，我會哭著回答他，他想告訴我沒問題的。」二人衝突隨之減少，謙容忍和包容女友情緒能力高了，Esther處理情緒的能力都高了，「其實兩個人相處很多事情都是互相感染，我強勢的時候被她的溫和感染到，令到我個性變得隨和，當她軟弱時候，讓我見到我的強勢也能盛載到她，無形中她自己都堅強了。」
策劃：Phoebe王秋婷
攝影：劉子康 張志孟 小輝 許先煜
剪接：劉子康
監製：梁中勝
編審：黃碧珊
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
第一次去到森林cafe，感覺好寧靜，係可以咩都唔做hea一日都冇壓力嘅地方，直到中午小朋友放學，成間店就變咗另一間幼稚園咁，感覺似家長同小朋友嘅飯堂，好熱鬧又好溫馨🤍
近年自殺數字高企，好一段時間日日都有學童輕生新聞（諗起年少日記其實應該係唔少細路的寫照...），呢排都關注多咗精神健康問題。兩日拍攝聽到唔少家長同Esther對話，入面問到各種小朋友行為情緒問題，其實作為成年人都感覺好多嘢袋落袋，間唔中亦會覺得：「其實我都係咁」、「呢個位我都kick kick哋」，唔係因為我哋未長大，而係因為好多嘢都冇人教過應該點做。「情緒」呢樣嘢，千篇一律大道理成日聽，但其實好多成年人都唔識處理、或抗拒處理🥹
多謝Cafe老闆們同員工們同埋EIS幼稚園既熱心幫忙，果兩日shooting有齊曬我最鐘意的元素：小朋友！狗狗！有愛嘅人類！同埋好味嘢食！小店叫「幸福森林cafe」當之無愧～
另，其實Esther爸爸係註冊職業治療師，有37年兒科經驗，片中訓練中心係二人一齊建立嘅其中一個服務點，Esther本身係香港教育大學心理學(學校及社區)社會科學碩士同埋香港理工大學發展障礙人士康復理學碩士，係私人機構嘅職位名稱係「兒童發展及特殊教育顧問」及「SEN trainer」，協助訓練小朋友及進行家長教育工作；Esther會同職業治療師、言語治療師、心理學家、社工、甚至學校嘅老師一齊工作。機構嘅個案都由心理學家評估再轉過嚟做訓練，當中轉介、評估、訓練所有範疇都按照香港註冊制度進行。而cafe主理人的確係Esther同阿謙，今次故事本身係以咖啡店角度出發，同時因為Esther爸爸較低調唔出鏡，所以冇特別詳敘呢部份，抱歉如果引起任何誤會呢。
主角Esther係度做兒科職業治療師才有專業知識進行的”感覺統合治療”，希望主角澄清有否相關學歷。
@@katherinewong2958
如果妳是家長，校方或當事人就會同妳交代囉。
如不是，何解要向妳交代？
@@jeffreychan1304就係好奇怪，呢度有兩個人死咬住唔放，但俾晒聯絡方式叫佢哋問當事人，就扮睇唔見，只會喺度大大聲講嘢，唔知咩心態呢？
學前階段嘅資源同支援對於normal同sen的小朋友都好重要，從懷疑到轉介再到申請復康服務係社署有一套「康復服務中央轉介系統」
申請須知裡面寫明「所有申請，必須附有由兒科醫生、臨床心理學家╱教育心理學家或社會福利署（下稱「社署」）認可的專業人士六個月內發出的評估報告」及「申請人只可以根據兒科醫生、臨床心理學家╱教育心理學家或社署認可的專業人士的推薦，申請一項服務(過渡服務除外)。」
因此，轉介評估要經社署認可的專業人士先可以做，呢一個認可係有一個註冊制度，所以留言有疑就問係無錯的。
@@manc7355 成件事就係一間幼稚園， 同毗鄰的Cafe合作，做類似興趣班的活動去幫助兒童， 老師都參與其中，但報道後就有幾個人瘋狂質疑，一個就用公立醫院制度去批評興趣班沒有醫療牌照，一個就用特殊教學學校的制度去批評， 去起底，咁大家叫佢哋呢三個人直接去詢問幼稚園及Cafe，但佢哋就當聽唔見，仲不斷開新留言及「重新排版」的方式去誇大件事，不如你答吓點解唔直接去問間學校同事主？ 人哋有晒地址有晒電話有晒所有聯絡， 定係你哋明知，但唔做，然後喺度網上質疑人？
好欣賞男女主角，佢哋原本可以出去搵多啲錢，但係佢哋選擇開一間小店去幫助Sen小朋友，呢點值得我哋好好欣賞同敬佩
錢夠用就可以，搵太多好大機會迷失自我，有幾多人可以做到將搵多咗嘅去幫助貧苦大眾？
教過SEN就會知過程有幾辛苦，唔係你講十句就會聽同理你。無返咁上下時間同信任，唔可能有咁既對話。
十分認同有家人成員是這樣 他們很難處理是彼此折磨 又擔心他們在正常學校唸書跟不上 最後智商有問題 所以敬佩店主咁有愛心
男人老狗嘅我睇到眼濕濕…我7歲嘅仔令我要面對完全無諗過要面對嘅問題…. 自閉, 語音發展遲緩，有自殘傾向…不過記憶力好強…
好開心香港有呢個地方可以容納到有需要嘅小朋友
加油
加油💪💪
老闆娘好靚女啊，心善則美，如果當年有類似的幼稚園，我小朋友就會好早得到治療。老闆都好正，改變咁多，實屬難得。
很喜歡這條影片，帶出了SEN 兒童的需要。香港真的決乏對這方面的關顧。除了SEN , 亦有很多人有出現情緒問題，都需要樹洞的。
Esther乖乖女自小有好多情緒壓抑，男方相反，自小就接觸花花世界，大家尋求對方想過的生活，未見過的世界，童年有很多傷痕，然後相識、相知、磨合……
如果Esther結婚要做繼母，仍有很多困難要面對，但希望你們一切順利。
好中意依間學校 而家隔離仲有一間咁正嘅Cafe 好多謝一班對小朋友有心嘅人🥹
雖然標題未能盡如所有人心意，但至少睇到片中社會上仲有人盡心盡力關懷幫助其他人
只有情緒病過嘅人先會明白情緒病同sen , 加油❤
題目冇問題👍鍾意故事內容
真係唔知元朗有間咁好嘅cafe
好欣賞故事男女主角，男嘅改變唔係一件容易嘅事，但你做得👍謙叔叔都好可以係好爸爸，有好善良嘅一面，而esther都好好用佢嘅專業幫到好小sen小朋友同家長，兩位加油，祝福你們幸福快樂❤
男方個句"接到個麻煩客"就知道呢個男人就好注重利益,三生有幸娶到個年輕靚女帶到光環和利益比自己。跟本就係遇到女方後生靚女高學歷,出生小康之家所以娶做老婆。如果女方生到樣衰又窮,個本性就會出曬來。同個女媽媽夾唔到,係跟本個阿女媽媽都係窮人對男方沒有幫助,所以日日嘈。
開明學校是我小時常經過的地方，原來做咗兒童遊樂園，我想去看看😍
MM底下原來都唔少haters, 一心做好個channel 帶俾大家咁多有意義嘅故事, 為所有haters感到可悲
其實都係嗰幾個啫，有一個癲到話題目有S E N都係標籤不可接受，真心想研究吓呢班人個腦係點諗嘢
D haters一見到“高學歷”就癡線咁上崗上線 😑 話佢地標題黨，呃流量，又成機誣捏 MM搞階級矛盾，又有comments講到明無睇片都comment左先，睇嗰條comment有三十幾個回覆，你就知道其實邊d人係度呃存在感。
不過，d haters 來來去去都係嗰幾個，熟口熟面😌🫤
Totally agreed! 咁唔鍾意又睇?
其實haters只希望得到其它人既注意，沒人理佢先係最大既懲罰
@@rallyjira3400 其實好可能佢地無睇 🫢 佢地只係睇左標題就comments，總會揾位比負皮。
這班家長不怕辛苦帶子女出外活動沒有用電子奶咀輔助所以全部家長要比 101 分這班小孩好乖喜歡戶外活動沒有沉迷睇手機和電子遊戲，有這班優良家長栽培小孩，小孩將來必成大器👍👍❤️✨💪
呢個topic好好呀！受訪者勇敢講自己問題！祝佢哋幸福快樂！
條題無問題，內容好睇。support!
呢段片入面所有人都好有愛，好感動
「抑鬱症後先知咩係幸福」
然後影落個夕陽，拖住手行
影得好靚❤
多謝Phoebe 同MM 團隊發掘同惑攝制呢個高質故事。而對於一個快將登六嘅叔叔,故事可以令我眼泛淚光之餘。亦都勾起兒時對好幾個有自閉症鄰居的回憶。繼續努力💪。兩日之間,條片可以有26萬高View 散數。勁呀！ 預祝Mill Milk邁向900k Subscriber. 年底前更加過1 Mil. 香港人, 加油啊💪!
呢集拍得好好
能願意為對方改變 真係吾容易❤
祝你地幸福，繼續幫有需要嘅人！
控制情緒真係一個學問…
SEN 同 Autism 小朋友，唔係三言兩語，咁簡單搞掂!
我係教育工作者！深深體會要用心，耐心，耐性照顧呢啲特别小朋友！
尤其係亞洲地區！傳統家庭唔肯面對小朋友，得咗呢類病，而拖遲小朋友黃金期介入醫治！
而害咗小朋友，醫治最好時間！
好有意義，我自己身邊既堂哥都係有咁上下既經歷，所以見證到佢地變好係一件開心既事
好欣賞呢對情侶！繼續做好人好事，加油❤! 香港好需要你哋呢啲好人🫡
承認自己既問題先可以繼續前行，不斷找借口，唔承認問題既出現，咁叫坦誠面對自己嗎？笑住面對，用過去警惕自己! 支持繼續做好片❤
最尾個翻說話真講得好
香港教育制度強行一套加響小朋友身上
唔係令佢有啟發有興趣行先
可以話失敗
我仔小學時都被視為SEN (ADHD) 政府只係識叫佢食藥，其實小朋友只係唔like傳統學校，轉左去另一間英文官教就完全無問題，仲好開心返學，老師包容同學又唔會互相bully同比較。現在中學入左一間非華語本地中學，開心學習，我花了很多時間去睇全香的學校，家長唔好成日話香港無得選擇，係你自己無比時間去study.唔一定IS先係開心學習。
請問係邊間小學？想了解下
政府醫生只係以有冇考第尾黎評估用唔用藥
請問係邊間中學啊？仔仔一樣有SEN同讀寫障礙，以英文為主，求推介🥹pls🙏🏻！
仔仔都係由普通主流學校轉去有英文班小學，真係自信好多！真係要留意佢地需要而去努力💪🏻，無論環境還是教育方法。
很喜歡這輯的分享，得益很多🙏祝願他/她們繼續為小朋友服務！令小朋友有美好的成長🙏感恩🙏🙏🥰
呢集好好睇，多謝Mill MILK
True life必然包括病⋯⋯令人欣喜係高度修養的病態🎉❤
片正！多謝#MM
緣份真係好奇妙！好好的couple!😊
多謝MM各位一直為大家尋找同報導呢啲咁有意義嘅人和事！
呢集好正，好有愛，好欣賞Ester and her husband, 你們要加油喔✌❤
感受到愛，很溫暖
I really enjoyed this piece, great work guys~!
四歲小朋友，雖然有自閉，但亦明顯係資優，多啲培訓，小朋友一定可以好起來
睇情況，以前有個同學比幼兒教育的教授，斷定佢係過度活躍，再加輕度自閉症。。
學校老師唔鐘意佢，佢屋企有錢，送咗佢去美國讀書。。幾十年後，有日係街度，佢拍的膊頭叫我，佢已經係香港大學做緊講師。。😅
@@ericlui0806 我諗都要碰巧佢高功能既自閉症先去到呢個發展。 anyways，去外國讀書對絕大部份sen（車…其實對所有小朋友）都好過係香港啦haha
真係好有愛❤👏🏻
拍得好~ 好睇~ Btw, 800K subscribers!! Congrats! 👏
感恩在香港, 仍有人願意盡心盡力關懷幫助他人的故事(動人的人和事), 努力!
呢集好好睇 令到我學到野又反思到人生
多謝分享❤
可以了解多啲有關情緒病 & SEN 問題
故事非常有鼓勵作用，大人要勇敢面對困難，同時也可以幫到有需要的小朋友，滿滿的正能量。欣賞故事主角，非常感動，謝謝你們用心製作！💖💖💖🍀🙏🙏🙏
好好睇，多謝你地！
多謝老闆老闆娘 加油❤🎉
呢集好正👍
祝福你地一家人, 仲有其他小朋友同家長, 唔睇真係唔知香港因為你地依然美麗甚至係更美麗, 多謝MM ❤❤
超喜歡這條片... 👍👍👍👍👍
其實有好多人因為早幾年既事都有不同程度既PTSD... 有D更加發展成抑鬱症...
活於裝睡和荒誕的世界, 強大的心靈或者都不足以應付, 係時候要把強大的心靈進化成龐大的心靈才能應付未來的發展...
加油!! PHOEBE好叻搵到呢d故, like!
正面樂觀嘅故事都係大家需要的❤
多謝mm每一個咁有教育性但係又唔會悶嘅節目，支持你地！各位台前幕後嘅mm成員加油呀！
好開心見到呢d幸福的故事
有這好地方好導師好廚師🥰家長和小孩有福了👏👏👍👍❤️✨💪
依集超正🎉
好好睇，好正面😍
Sweet couple ❤ 多謝你地幫助有需要的小朋友❤
開心每一天，人生添色彩😊👍
真幸運👍遇到個好女仔。
依集好睇！
又有內容，又好睇，廿幾分鐘唔經唔覺睇哂，好過隔離台幾百倍，日日唔係米線大比拼，就菠蘿油街坊大戰🤣🤣🤣🤣
幼稚園每年學費$70,000-$105,000，咖啡店1杯咖啡1件餅$100起跳，兩個人加多份炸魚薯條人均消費$160，對像都係有一定消費能力嘅客羣。
婆婆好得意❤
睇完d 回覆 就知道有d人真係癡癡地線
兩個低谷人合力一齊爬番上黎既心酸又可喜
祝所有小朋友開心快樂健康成長
祝羅生羅太快d生番個
已經結咗婚？
做人繼母有幾開心
@@DseMathsSharing 有分別心既人有真係會吾開心既
@@DseMathsSharing人哋自己個女冇老母嘅咩😅
❤加油，2位好有愛心
14:29 記憶力真心勁👍
唔容易，要珍惜眼前所擁有
每次去Benito cafe都好感受到Esther同阿謙想帶比大家嘅幸福同message! 唔只係食餐好飯，而家佢地諗起個社區有咩需要，發揮自己嘅長處出一分力，從中亦幫助自己💗💗café仲要高質好食，會繼續支持！
很感人的，希望你們能白頭偕老❤
有小朋友嘅地方其實就會好開心~~有生氣啊~
好好一個改變,
呢條片做得好好，但呢啲題材好似得phoebe 同 Karen 先carry到，希望新人都有機會試下提升功力
呢間學校首先有教無類，亦做到有周邊配套去支援有需要學生及家長，學校本應就要咁樣先好。
加油呀!美好的人生🎉🎉🎉
Well made video. The smile of the Esther is sweet and I love it.
Nice series
Very inspiring. Thank you.
讓小孩子甚至成人能直率地面對自己的情緒真的很重要
Thanks for sharing.
欣賞MM 出呢條片，對於患過抑鬱症嘅人，就好明白Esther 嘅唔容易。
睇到謙老闆真係好有毅力，要改變自己唔容易，但睇到佢為愛女為Esther 而努力和堅持。
最後，我真係比一句說話觸「好容易忽略咗自己嘅感受」。😢
另外，我唔明嗰d 批評咩標題，搏views 嘅留言係咩目的？真係好奇怪，唔鐘意咪唔好睇囉，無人迫你架😊，唔好委屈自己啦！
12:15 兩位治療師真係好似天使
I appreciate MM to keep the Q&A @17:20 - it's a problem that I struggle with my ASD child and frankly I am at lost on what to do even I asked our behavioral specialist. Esther's sharing is helpful (making sure the reward focus on the child has accepted the fact that he lost and reacts to that in a proper manner; the mimicking one is something I'll try as well and see if my child will correct me),
It's not easy to open up our struggle w/ mental illness. Thank you Esther for opening up and letting us to have a glimpse of your journey
好好睇。❤
太多人需要您地❤❤…您地亦幫助好多人…感恩有你地既愛心…有呢個地方比佢地舒緩一吓❤❤❤❤小朋友同家長們都感恩有你地
加油❤so sweet
Thanks for sharing
好人一生平安，祝2位，身体健康，事事顺利。
好有溫度，之前都唔知元朗有咁既cafe
照顧sen 係十分辛苦 依個地方不但可以幫助到小朋友
而家長都有渠道學習同圍爐取下暖
欣賞男女主角👍🏻💪🏻加油！
Thanks for sharing such inspirational story! I wish we replace the current traditional schooling system with this type of useful preparation and practical type of education for our children. 😊
感動❤
受訪者s做嘅事情非常有意義，請努力深入同時間令人察覺到自己既情緒，引導佢哋行出黎見識在座各位嘅世界。
好睇
respect to all of you！
難能可貴，加油啊！
好人好事 幫助有情緒病既下一代 我間唔中都有帶埋狗狗去幫襯 但夏天真係好多蚊😅
女店主會親自做training定請人做？( 18:09 女店主話自己會單對單訓練)佢正職做“兒科康復”同“顧問”有無相關嘅專業資格？例如幼教或者ep/cp牌？片中只提及心理學。另外間房咁多SI嘢有無職業治療師資格？照計有牌嘅話個title會直接介紹，希望店主可以說明一下。
唔想咁多猜度，但近年太多啲打住愛心同幫人旗號走灰色地帶，建議同小朋友搵訓練要了解清楚訓練導師專業資格。
終於有人講到啲應該要講嘅嘢，呢個先係最受關注！
補充少少，唔係直接話佢地呃人，想了解清楚細節，由片中聽女店主話會評估同訓練小朋友，照計需要有專業資格去做評估同訓練，希望可以講解多啲，或者有無人有佢地training資料？我只搵到cafe ig。
係啦，應該身份證、商業登記、飲食牌、船牌、結婚證書、個女出生紙，通通出嚟說明吓，無謂要人猜度，其他嘢應該冇人想知。
@@Cynner1111😂前協記職員可以好肯定講 唔係機構先有呢堆人 私人執業隨時重有多時間接見到 個案
@@sarahszeman5439 私人執業都要有專業資格架喎，女店主title咁隱晦唔似有相關學歷
好好睇!!!! 我都想讀依間幼稚園!!!
多謝你地
人生路上，身邊的她/他，互相勉勵，互相扶持，又可以坦蕩蕩表達自己嘅缺點，值得欣賞，女方更加強，有一顆烈女之心，最重要唔係得個講，用時間行動去一一証明，兩位完全表達做人應該係有意義同有愛，多謝你們嘅貢獻🤟❤️💪🙏
Really appreciate your effort, I really understand your emotions sometimes can’t be control . At least I can see your love can overcome most of your difficulties, and meanwhile to ease your sickness at the same time. Add oil , Esther , I wish to meet u in one day 🥰
I am also helping SEN people in other area. Love all these kids, but I believe we all love ourselves b fore we can hep them👍
男方真是幸褔, 遇到一個好女仔, 忘記男的以前的吸毒事,
幸福嘅一對
請問間Cafe喺邊邊度？