نفسي ارتاح ودماغي تبطل تفكير

نفسي ارتاح
نفسي ارتاح ودماغي تبطل تفكير في حاجات كتير
نفسي اريح أعصابي من كل هموم انا شيلاها جويا
نفسي اقوم مرة من النوم الاقي حياة بتمناها
نفسي اكون نفسي اللي زمان كنت عيشاها
نفسي أحلامي تتحقق وتحلو دنيايا
الواحد من كتر ما جواة معارك وصراعات علي حاجة عايزها بس مينفعش تتحقق بسهولة
بيقول اهو يستني يمكن الأيام هتمر بسهولة واحلامة تتحقق
كلنا جوانا اماني واحلام وبنفكر يا ترى هنعيش وتتحقق ولا خلاص اللي عايشينه هو اللي هيفضل معانا
كلنا بنشوف حوالينا حاجات وبنتمني تكون معانا بس يا ترى اللي بنتمناه هيكون من نصيبنا ولا خلصت الحكاية
بنبص لقدام ونسينا نبص علي في ايدينا ومعانا
شغلتنا احلامنا علي اللي موجود فعلا في حياتنا ومالي أيامنا
علي فكرة كل الناس تقريبا تفكيرهم قريب اوى من بعضه
بنبص علي المستقبل اوى وشاغل كل تفكيرنا
هنجيب ايه بكرة ونسينا يومنا اللي عايشينه
هنحقق ايه قدام وشغلنا تفكيرنا عن اللحظة اللي في ايدينا
خايفين من الأيام اللي جايه ...مع اننا مش ضامنين اننا هنعيشها
حياتنا اللي عايشينها لازم هي اللي تشغيلنا وتشغل تفكيرنا
السعادة لازم احنا اللي نعملها مش هنستني حد يسعدنا
هندور ازاى نفرح نفسنا وازاى هنحلي ايامنا
فكر ازاى تخلي يومك مليان بكل حاجة حلوة انت بتحبها
فيه اللي بيحب الهدوء ويقعد يسمع حاجة هادية ويستمتع اوى بالجو ده
وفيه اللي بيحب الصحبة الحلوة اللي بيرتاح اوى معاها ويضحك من قلبه
وفيه اللي يقعد ويقرأ رواية و يسرح فيها ومعاها القهوة اللي بيشتهيها
وفيه اللي يقعد ويبقي البحر قدامه والجو اللي يخليه في قمة سعادتة
وفيه وفيه وفيه
كل واحد ليه الجو اللي يخليه سعيد وفرحان
اسعد نفسك وفرحها لان محدش عارف اللي يسعدك اكتر منك
عيش لحظات حياتك بسعادة علشان تعرف تعدى كل حاجة صعبه ممكن تقابلك في حياتك
فكر في اللحظة اللي انت فيها بلاش تقتل لحظات جميلة بتمر في حياتك من غير ما تاخد بالك
من أسعد اللحظات اللي ممكن تعيشها اللحظات اللي انت بتعملها اللحظات اللي انت عارف انها هتسعدك
صاحبك اللي بتحبه وحابب تقضي معاه وقت جميل وتضحك من قلبك علي كلام مش مترتب
اولادك اللي بتبقي عايز تسعدهم وتحققلهم اللي نفسهم فيه
حبايبك واهلك اللي بتتجمع معاهم وتقضي لحظات سعيدة بصحبتهم
عيش حياتك بالطريقة اللي تسعدك
عيش حياتك بطريقتك
اسعد نفسك واللى حواليك
هتلاقي الدنيا بتحلو في عينيك
انسي اللي فات والذكريات اللي بتسببلك الالم
انسي همومك وارميها ورا ضهرك وعيش يومك من غير هموم
قرب من ربنا وده من أولوياتك لان قربك من ربنا هو بجد إللى هيغير حياتك
قرب من ربنا وقول يارب خليك جنبي وحلي ايامي واسعد احبابي وخليك معايا في كل اوقاتي
اوعي تنسي ان ربنا قال
(ومن اعرض عن ذكرى فإن له معيشة ضنكا)
فأوعى تنسي ان ربنا خلقنا لنعبده ونذكره
لو بعدت ارجع تاني ربنا دايما فاتح بابه ولو اتفلقت كل الأبواب فباب ربنا علي طول مفتوح ومستنيك ترجع وتوب ويغفر ليك
اسعد نفسك بنفسك
وقول يارب
#قول_يارب
#احبك_ربي
#اللهم_صل_وسلم_على_نبينا_محمد
#همسة_لقلبك