في حد كدا عايزة اقوله .........

‏فيديو من الحمد لله
في ناس في حياتنا بنبقي عايزين نقولهم كلام كتير بس ساعات مبنعرفش نوصلهم اللي عايزين نقوله
بنبقي مش عارفين هم حاسين بينا وفاهمين اللي جوانا وايه مضمونا ولا مش عارفين يفهمونا اصلا
علشان كدا
في حد كدا عايزة اقوله
وحشتني اوى كنت في حياتي نور وعدت سنين وشهور وانت بعيد عني بس في الفكر دايما موجود ووحشني اوى صوتك ووحشني اوى حضنك ووحشني تفاصيل يومي معاك ربنا يرحمك ويغفر لك
وفي حد كدا عايزة اقوله
وحشتني
انت اغلي ما فى الوجود ووجودك في حياتي ونس وأمل مش محدود وقربك بيسعدني ووقتي معاك بيفرح قلبي وتلاقي البسمة مش بتفارق وشي والضحك معاك له طعم وكلامي معاك له معني وقلوبنا كدا خدت علي بعض من بكلمه بيفرحني والوقت معاه مش ببقا عيزاه يعدي انت ونسي وفرحة قلبي
وفي حد كدا عايزة اقوله
وحشتني
انت النور وقت الضلمة
انت السعادة وقت الحزن
انت الطريق اللي بمشي فيه وانا مغمضة عنيا وعارفة اني هوصل بسلامة
انت اللي بتسمعني وقت اللي مش بلاقي حد يسمعني ويفهم اللي بيا
انت اللي بفتكر كلامك ويرن في ودني
انت العالم اللي بتحامي فيه لما بحس اني اتخنقت من كل حاجة حواليا
ليس في هذا العالم من يشبهك ويحتل مكانك ولو اجتمع العالم كله حولي فمكانتك عندى لا يضاهيها أحد ولا ينافسها أحد
انت طبيبي الذي يطيب خاطرى ويطيب بكلامه وجعي وألمي ويداوى جرحي
وفيه حد عايزة اقوله
ياسبب فرحتي يا مقاسمني دنيتي
وجودك فرحة وقلوب طرحة ودنيا سارحة اوقاتي معاك بتحلو واماني معاك واملي وياك وساعدتي بتكون وياك
وفيه حد كدا عايزة اقوله
مكنتش اتوقع منك ده ولا كنت مستنيه ده لكن صدمني رؤيتك ليا و هانت عليك عشرتك ليا ومكنتش عارف انك لسه معرفتنيش ولسه مفهمتنيش رغم الأيام والشهور والسنين لكن هقول ايه بكرة الأيام تعرفك والزمن كفيل يفهمك انك ظلمتني
وفي حد كدا عايزة اقوله
انا علمتني الدنيا كتير وغلط كتير وذنوبي كتير لكن ربنا غفور رحيم
قصرت في حق اللي حواليا مش بمزاجي ده غصب عني
ومش لوحدى غلط واذنبت ده احنا كلنا بشر بنغلط
بس هقولك خلي بالك من نفسك وأوعي تقصر في حق ربك وقوم بالليل والناس نيام وادعيه يغفرلك ذنبك كلنا خطائين وللذنوب شايلين لكن ربنا غفور رحيم
وفي حد عايزة اقوله
اوعي تنساني والايام تبعدك عني وتشغلك بغيري دا انت سندي وفرحة قلبي اوعي تنشغل وتقول ما بكرة نشوف بعض صدقني الأيام بتجري والوقت بيعدى والعمر مش مستني
انا جنبك وهفضل جنبك لكن اوعي اكون مش من أهم الناس عندك لأنك مهم عندى وجوة قلبي وعمرك كله علي يدى من ساعة ما كنت لسه في حضني ولغاية ما بقيت حاجة تفرح قلبي يا فرحة عمرى
وفي حد كدا عايزة اقوله
اتمني الخير للغير هيجيلك الخير
اتمني السعادة للي حواليك حياتك هتتملي سعادة
كل اللي بتتمناه لغيرك ربنا بيرزقك بيه
وفيه ناس كتير عايزة اقولهم كلام كتير
عايزة اقول
وجودكم في حياتي ماليها و كلامكم معايا اد ايه بيفرحني ولما بلاقيكم فرحانين دى حاجة بتسعدني عمرى ما تمنيت ألا الخير لكل اللي حواليا ولا تمنيت ألا السعادة لكل اللي في حياتي منورها مش مهم اقولك ده بس والله هو ده اللي جوايا لكل اللي معايا
وفيه حد كدا عايزة اقوله
مستني ايه علشان تفوق من اللي انت فيه
مش شايف عمرك بيعدي ازاى
علشان خاطرى فوق وخاف انك في يوم تكون مش موجود خاف تقابل رب كريم وانت لسه زى ما انت متغيرتش وانت لسه فاكر انك عايش كتير ده ممكن في لحظة تتحاسب علي كل حياتك الماضية
ارجع لربنا وقوله
يارب يارب اغفر لي ذنبي وارحم ضعفي وقويني علي نفسي وانصرني علي شيطاني
انا عبدك الضعيف وانت يارب عارف نقط ضعفي خليك يارب جنبي
يارب اهديني وللعمل الصالح وديني علشان تقربني منك يارب واجعلني ممن تحب وترضي
#احبك_ربي
#قول_يارب
#اللهم_صل_وسلم_على_نبينا_محمد