Binnen De Muorren - Dirk Hellinga (demo)

bûten de muorren wurdt it ljocht
en it daget dy
bûten de muorren is it begjin fan in nije dei
se bringe dy dêr'tsto net gean wolst
in lyster sjongt it heechste liet
yn de elzebeam
bûten de muorren giet it libben oan dy foarby
se bringe dy dêr'tsto net gean wolst
o, it iroanyske fan de tiid
de hjerst fan it libben
is dat it fjouwer oere ljocht wurdt
yn de meitiid
oh, âld wurde wol elkenien
mar gjin minske wol it wêze
ik bin fan dit plak wol genêzen
binnen de muorren
wêrom hyt it hjir de Z
omdat it de ein is?
omdat ik sa ôfgryslik oan ein bin?
se bringe my dêr't ik net gean wol
witte jim net dat ik noch net dea wol?
o, it iroanyske fan de tiid
de hjerst fan it libben
is dat de geast net oan ein is
en myn tinken noch frij is
oh, âld wurde wol elkenien
mar gjin minske wol it wêze
ik wil hjirwei, ik wol hjir net mear wêze
binnen de muorren

[@laraali5139]

Heel mooi 👍🏻