1/12 Modoking Batmobile Justice League 創世模王 蝙蝠摩托車

原本唔想買, 因為要砌, 但見百幾蚊咁平, 算啦, 見佢著燈時幾靚, 又做埋塗裝, 只係好耐無砌模型唔想再砌, 但架車睇睇下幾順眼幾型下, 啲燈效係幾吸引下, 睇人地 youtube 片時巳經覺得有個問題, 係啲磁控燈裝左落去, 點換電池？拆返散部車, 我睇無咩人會, 最後磁控燈無電時就唔再著, 同唔理佢舊電池就係裏面出水或生锈, 先前好多玩具啲電池放耐左無理都係咁, 另外就係買返啲舊玩具, 好多時裏面舊鈕型電池因放得太耐係出水同生锈, 咁件玩具百幾蚊, 呢樣緊係唔理啦, 所以最初開燈要開盡佢無浪費呀, 之後燈就不再著喇, 好好珍惜仍然亮燈既一刻。
砌大概用左5個鐘, 砌呢副模型要注意既係安裝車軚, 用暴力就得, 但要係車link 幾面都平均用力, 無只壓一面, 否則就成個 link 飛上天再跌落地下, 好彩係無飛出窗口, 因為逼佢入去時度力要幾大下, 尤其係後軚。另一樣係兩個前轆後面塊斜版, 說明書睇唔到係要壓到幾入, 如果壓得唔夠入, 係無法安裝車側身蓋, 因為就係前轆太遠無法套入, 而且安裝車轆條link時唔需要壓得太實, 因為太實最終係無轆得咁順, 自己就係由唔實變做實, 結果賴野, 但實左好難還原, 算, 還掂唔會點轆。
片中對比果架係 S.H.Figuarts Batpod Dark Knight, Christian Bale 渣既坐駕, 呢架係造型設計同勁能上個人覺得係最靚最型, 尤其前轆果種轉動方式, 睇電影就知超型超正, 反而先前創世模王做呢架時就覺得太簡單, 可能重點係架蝙蝠車到, 反而呢架就造返複雜好多, 仲加埋燈光特效咁算唔錯, 用磁控燈, 值得一讚係佢啲磁控燈對磁石既反應好敏銳, 就算隔住塊膠, 先前買captain silverblade 枝交通燈啲磁控燈就好弱雞, 對磁石敏感度不足, 變左難熄燈, 但開燈就好易, 咁當然呢架車係啲磁控燈位無做到一啲開蓋式或電池承托位拔出式等你之後可以更換磁控燈電啲電, 所以架車無電時點換電池, 尤其係中心位窩輪引擎個位, 成架插散晒你先可以換到中間既電, 反而另外三個磁控燈位都無需要拆散咁多零件去換, 但拆車一定損害啲膠件, 可能會裂, 其實佢有啲膠位好薄易裂, 好似左邊車身後面斜斜地遮住後轆個位既下面果兩個圓型藍件之間既下面, 按壓時都裂左, 片中眼利既會見到邊個位, 但唔係咁覺, 因為表面係向下。
過左幾日, 諗下不如問返創世模王羅補件, 真係好礙眼嘛, 我砌過幾十盒高達或超時空要塞, 仲有汽車同電單車模型, 但我從來未試過會整爛啲件, 所以我覺佢膠既質素無bandai 既咁好, 原來盒側有微信公眾號, 用微信掃佢就會出左個補件申請表, 當然要購買證明既照片, 有問題部份既照片同埋你想換邊件件, 每隔兩天佢地會有人處理呢啲補件申請, 我只係要返分件 I-52 E01 同 E04, 我都唔知佢地會唔會批, 但我要拆出嚟睇下啲件有無爛先知要咩補件, 但一拆另一邊自然邊位會刮花咁又需要換埋, 所以一件件會變兩件件, 而家只可以關注左佢地既公眾號等消息, 關注公眾號唯一好處有創世模王既最新情報, 呢啲都係試試下先知, 香港人慣常無用呢啲大陸野無咁清楚, 仲有補件你填唔到香港電話, 因為補件不發香港, 只發大陸, 需要填大陸集運倉地址同電話, 好彩係我用開, 咁最多比多十蚊雞羅件件, 但可以存於集運倉99天, 咁亦可等埋另一件玩具先一齊運落嚟香港, 最後三日內巳羅到補件, 換埋, 而家架車靚仔晒。
拍完睇返先知又拍漏兩樣野, 哈哈, 經常都錯漏百出, 一路開箱一路玩係咁咖啦, 玩玩下都唔記得左, 就係前面兩枝炮可以拔出, 係磁控燈既開關, 即磁石, 其他youtuber 視頻會見, 另一樣係個腳踏可以移動, 另外就係渣手位可轉動, 只係車前轆唔會跟住佢轉囉, 所以無咩意思, 呢個設計我睇佢搞唔掂住, 因為要令到遮住前轆塊膠可以扭動, 但塊膠又有兩枝炮係到頂住佢轉, 唔係就要車轆同蓋住車link 塊膠距離遠啲, 令到個車link 係果塊膠唔郁既情況下裏面條車軚都有足夠空間去轉動, 但而家個設計根本空間唔夠, 所以都係轉唔到, 有睇 Flash 套電影見架蝙蝠電單車前轆係唔會轉動既, 就算架車轉彎時, 車輪都係保持同車身成一直線, 只會見蝙蝠俠壓住架車去一邊嚟轉彎, 所以啲工程司應該淨係諗住架車要型, 無做轉彎呢種機械設備比車輪去轉彎, 當然做戲先可以咁, 唔係啲賊洗乜只係射蝙蝠俠, 而蝙蝠俠用兩塊鐵擋住壞人啲子彈, 比我會直接射蝙蝠電單車條車軚, 兩個轆就係正前面, 無遮擋, 又唔係防彈, 只要我射爆兩個車軚, 架蝙蝠摩托車都轆唔到啦, 蝙蝠俠就只有落車, 去片 • Batman Motorcycle Chas...
緊記退坑時間差唔多喇。
友情客串︰
1) Mafex 188 Batman 2022 蝙蝠俠
2) Mafex 056 Batman Justice League 蝙蝠俠 正義聯盟
3) S.H.Figuarts Batman Dark Knight 蝙蝠俠 黑暗騎士
4) Manipple Studio Christian Bale 閃回 貝爾
5) Nota Studio Richman Bruce Wayne Ben Affleck Justice League 方大頭 布魯斯 大本 正義聯盟
6) Aton Custom Young Rich Bruce Wayne Robert Pattinson 布魯斯 帕丁森
7) Mafex 222 Batman Justice League Zack Snyder Ben Affleck 蝙蝠俠 正義聯盟
8) S.H.Figuarts Batpod