Mba Voizo - iKatro (Raki-tsary)

"Mba Voizo" - iKatro
Ny lakantsika eto anivon-drano fitana manonja
Tsy afa-mihavia tsy afaka mihavanana na hiemotra intsony
Indro eny ampita ny tanam-bokovoko diamondra
Izay famantarana fiantsonana alehan'ito dia
Ao dada, ao neny, ao zoky, ao zandry, eto avokoa
Samy nandao ilay toeran-dratsin'ny ota sy tsy fanao
Ireo razantsika efa nodimandry aza nandeha nialoha
Ho eo anatrehan'Ilay Mpahary ny tontolo sy hitsara
Mba voizo, mba voizo ny lakana
Hisononoka tsara ho eny
Mba voizo, mba voizo
Hahatrarantsika ny loka miandry rehefa avy ety
Fanantenana no hiadanako eto isan'andro
Sady ho santatra fifaliana rahatrizay aho ery
Ary ny taratra manazava ny diako ho any
Dia ny Baiboly masina manambara fiainana
Nony niantso isika mba hisy hanohina eny ampita
Dia indry Andriamanitra fa manainga ny tanany
Ka na dia maizina sy mikitroka loza aza ny eto
Iza moa izy no hotahaina amin'Ilay Nahary azy
Mba voizo, mba voizo hanakatra
Ny Paradisa tena Kanana
Mba voizo, mba voizo
Sambatra isika sakaiza tafara-dàlana iray aina
Mba voizo, mba voizo ny lakana
Hisononoka tsara ho eny
Mba voizo, mba voizo
Hahatrarantsika ny loka miandry rehefa avy ety
© iKatro
Hitanao ihany koa ao amin'ny Facebook : / ikatro.production
Sy ao amin'ny SoundCloud : / ikatro_production