【18區搵食-點解觀塘咁多海南雞?!同大廚實試4間人氣海南雞飯】
Вставка
- Опубліковано 27 сер 2024
- 【18區搵食-點解觀塘咁多海南雞?!同大廚實試4間人氣海南雞飯】觀塘海南雞飯眾多|外賣堂食任君選擇|雞全部都係雞|食海南雞一定要皮爽肉嫩|食雞唔食皮不如唔好食|居然冇一間中伏|好難評分|海南雞飯愛好者要睇|一日食4間海南雞|呢4間你哋食過未?
觀塘出名嘢食多,但你又知唔知,原來觀塘嘅海南雞飯店都有好多間?單單由開源道行去駱駝漆工廈短短一段路,就有4間雞南雞飯店@@估唔到觀塘人對海南雞飯嘅熱情係咁勁。今集邀請到觀塘人氣雞店:秋意豉油雞老闆JJ,拿手煮雞嘅JJ,對食雞好有要求,同我哋一齊食勻4間海南雞飯,由份量、味道、雞肉嫩滑度、油飯定白飯、有冇跟湯或者附加咩醬汁,睇吓邊間最正!
第一間係二撇雞,好多觀塘人幫襯。點了招牌海南雞飯,一上枱,JJ立即反應:「呢度嘅雞飯係雞髀疊雞胸,唔會淨係俾一個部位你,食都食得開心啲!」雖然呢度主打雞湯麵,冇諗到海南雞飯咁對辦,唔單止賣相靚,雞肉皮爽肉嫩,仲保留到一層膠原蛋白,雞湯味道屬於奶湯,飲落有雞嘅鮮味,另外油飯夠香,只跟一款醬汁,份量來說絕對夠飽肚,抵佢午市大排長龍!
第二間肥仔茶餐廳,單係肥仔海南雞喺觀塘就有3間外賣分店,最近開埋肥仔茶餐廳,終於都有得堂食佢個海南雞飯~本身諗住肥仔偏向頹飯少少,但事實係相反,肥仔嘅海南雞飯最標準,有齊3個醬汁之餘,附送元貝冬瓜清雞湯,啲雞唔hea做,雞肉冇起渣,唯一敗筆係個雞有啲凍過龍@@
第三間粉紅水門雞CP值最高,又平又大份!JJ大讚佢哋個油飯,除咗夠香,仲多咗一層薑葱嘅底味,油飯味道更加有層次;雞肉都夠滑,尤其係個醬汁開胃又惹味,雖然冇跟湯,但以$39呢個價錢嚟講冇得彈啦!
最後一間泰媽媽雞飯,標榜用清遠雞,清遠雞嘅特性係雞味特別濃,皮爽色黃,而泰媽媽雞飯嘅雞確實如此,入口就食得出分別。雞肉唔會太肥,煮嘅時間剛剛好,連雞胸肉都好嫩滑,去咗骨,啖啖肉,配埋開胃醬汁,味道一流~
雖然我同JJ最後選擇嘅第一名唔一樣,但好在今集食嘅4間都零中伏!想知邊2間榜上有名?記得今晚9點上UA-cam睇片啦~
二撇雞
地址:觀塘開源道60號駱駝漆大廈三期4樓O室
招牌海南雞飯 $57 (送雞湯)
肥仔茶餐廳
地址:觀塘開源道50號利寶時中心地下2號鋪
招牌無骨海南雞飯 $52 (送元貝冬瓜清雞湯)
粉紅水門雞
地址:觀塘駿業街56號中海日升中心地下N號鋪
海南雞飯 $39
泰媽媽雞飯
地址:觀塘觀塘道418號創紀之城五期(apm)4樓2號鋪
無骨海南雞配油飯$70
主持、撰文:Yvonne Lam
攝影、剪接:Doris Wong
美術:Anita Lam
鳴謝:秋意老闆JJ
秋意IG:秋意 Autumn Feeling
TalkFood 先填飽肚子再前進
UA-cam : / talkfood
Facebook : / talkfood
Instagram : ...
延伸閱讀:
【18區搵食-寸金尺土嘅中環食咩好?】
• 【18區搵食-寸金尺土嘅中環食咩好?】
【18區搵食-觀塘老母美食地圖】
• 【18區搵食-觀塘老母美食地圖】人龍不斷燒賣...
【18區搵食-食爆觀塘老母2.0】
• 【18區搵食-食爆觀塘老母2.0】人氣星馬飯...
落醬汁係分馬來西亞定係泰式,
泰式係一種醬,三色係馬來西亞。
飯唔一定要黃油,好多人都誤會。
係要用雞湯同雞油,所以色澤唔會非常黃,
有啲仲會用椰子水或者椰油去煲飯,
咁就要睇下你食嘅係泰式定馬來西亞式。
如果湯嘅通常都係清雞湯,係用浸雞水再加工,
但係唔會再加太多料。
難得Y小編搵到秋意J J嚟評海南鷄,完全感受到J J師傅對浸鷄嘅熱誠同專業評述。亦都感受到Y小編對於咩嘢為之好食嘅評價有驚人嘅進步感到安慰,唔好怪我寫到好似寫手咁,我不得不承認,今集嘅海南雞評價係近期youtube 界之中嘅佳作,希望talkfood 可以keep 住呢個方向前進!
多謝你呀,會繼續努力❤🔥
今次去到觀塘那邊試食幾間的海南雞飯,真係🈶️東南亞國家的風味,其實每間都🈶️其特別的處理方法,顧客最會選擇的好去處,謝謝妳的分享👏👏
Y小編嗰個GOGOGO真係太正啦!😊
好情侶feel😆
一樣咁有肉底😂
Yvonne 加油💪🏻💪🏻💪🏻
你地2個係唔係瞹昧ing😂❤?
我來支持JJ
JJ師傅有潛質拍片喎真係。
說話舒服令人感覺良好👍
大家快啲叫JJ師傅拍YT片啦,佢真係做得好好㗎!
靚女👸你真係超可愛呀,又活潑,介紹得好清楚呀,同你食得好投入
對
幾好喔呢集
兩個幾襯,都是肥肥哋,已like
Y小編表示:要努力減肥喇!
你哋的食相好斯文 有禮貌 好好睇。有好多youtuber的食相好難睇 伸哂脷 反白眼 流口水 唔衞生 豬食相。不看Sic Leung , Alfred Chan , Denman826 , 有啖好食
太似,冇咗之前Y小編特色,聽取意見顧及發音係啱,但冇咗Y小編嗰種為食而衝嘅感覺!搵嘉賓係好,但太似米紙做法,當然請嘉賓唔係某頻道專利,但變相冇咗該有特色節奏!但仍鍾意睇Y小編嘅,希望妳搵倒平均保留妳自己個人特色,始終因妳而留意呢個channel
多對你,發音嗰到仲好努力改善緊,會繼續加油!
我又覺得佢可以從中學習下嘉賓嘅專業comment,順便增值自己
幾時试下沾麵
本人好鍾意食雞。謝謝介紹左咁多好雞,有機會經過會吃🤡
Wait till you guys try Hainanese Chicken Rice from Malaysia & Singapore. Bet you will crave for more & no longer wants those from Kun Tong.
香港哋一定係雪雞啦唔好玩啦
海南雞飯冇話標唔標準,3個醬係新加坡做法,一個醬係泰國做法,請搞清楚!
支持Y小编!!🎉🎉
而家粉紅水門雞既海南雞飯,要加3蚊先有油飯
小編幾時會改下啲懶音呀?有冇睇留言㗎?就算拍得幾好,題材幾好,有懶音絕對會影響觀看體驗。
你睇咗佢幾耐,佢以刻意拖慢想盡改懶音,而變到冇咗自己主持節奏!
點解官塘咁多海南雞
多謝分享
個個專家
10:12 油飯加三蚊你冇講﹙9:55﹚
粉紅果間
我由岩岩開 食到依家
泰式係一個醬喎 新加坡果啲係三色醬
係囉😂我一路睇一路R頭,不過嘉賓分析得好詳盡👍🏻
最怕有雪味。
點解女主持咁似fiona🤣🤣🤣
男人扮有料,其實。。。