Karaoke gasy MEDLEY 2 - BESSA SY LOLA

AMONTANA -
Amontana ankiray avo be
Izay ngeza sy midoroboka
No fototra nipoirako
Tahaka ny voaloboka
Tambanin'ny alokalony
No nitomboako miadana
Voaaro amin'ny andro be
Tsy voafaokan'ny rivotra.
Ka rehefa tsy eo intsony
Ilay hazo tena lalaiko
Mbola ataoko ho rehareha
Izany atao hoe dimbiny sy solofony.
HEHY -
Hehy no ampinga enti-miady
Fiarovana mba tsy ho voa
Fa hahatoha
Ny endrikendrika
O Hery fanafenan-tomany
Fierena raha misy manjo
Na ratra am-po
Mila handrendrika
Tsy ilaozan-tsompatra hono ny tia
Izay be mpitia
Maro tsy tia
Tsy ilaozan-tsembana akory ny dia
Eny tokoa fa tany moa
ANGAMBA -
Ho mamy angamba ny fahafahana
raha toa ka ombam-pitiavana
Raha toa ny jamba omem-pitantana
ary ny noana vokisana
Tsy hisy intsony ny fanavahana
ara-poko, fivavahana
ka ny lasa dia hofongorana
sy hodorana mba ho may
Ho mamy angamba ny fahafahana
raha toa ka ombam-pitiavana
Angamba aho faly,
angamba aho sambatra
raha toa izany tanteraka!
ANTSIRABE -
Raha vao maraina koa dia hiomana aho ho any Antsirabe
Voalamiko avokoa ny entan-keliko hatry ny ela be
Toy ny farimbondroa ao an-daona iray ny fandre izao
Fidoboky ny fo faly hotsenain'ireo havako ao
Tsy ahoako ny hatsiaka mamanala
Fa satria akany tiana anie ilay Antsirabe
Dia ilay tanàna nisy ireo malala
Dada, Neny, zoky, zandry koa
Ary Nenibe sy Dadabe