របៀបធ្វើ យ៉ាអួ ងាយៗ គ្រឿងផ្សំតិច រសជាតិឆ្ងាញ់ ល្អចំពោះសុខភាព | Homemade Yogurt

គ្រឿងផ្សំ៖
ទឹកដោះគោ ៥០០មីលីលីត្រ
ទឹកដោះគោខាប់ ១៨០ក្រាម
ទឹកក្តៅ ១៦០មីលីលីត្រ
យ៉ាអួរសជាតិដើម ២ស្លាបព្រាបាយ
យ៉ាអួរសជាតិដើម៖
ទឹកដោះគោ ៥០០មីលីលីត្រ
យ៉ាអួរសជាតិដើម ២ស្លាបព្រាបាយ
(បន្ថែមទឹកដោះគោខាប់ប្រសិនបើចង់ធ្វើជាយ៉ាអួរសជាតិជូរអែម)
ដំណាប់ស្វាយ៖
សាច់ស្វាយ ១៥០ក្រាម
ស្ករស ២ស្លាបព្រាបាយ
ដំណាប់ផាសិន៖
ផាសិន ៣ផ្លែ
ស្ករស ៣ស្លាបព្រាបាយ
#យ៉ាអួ #យ៉ាអ៊ួ

[@srcambodia]

យ៉ាអួ ជាអាហារពេញនិយមក្នុងចំណោមកុមារ ក៏ដូចជាមនុស្សធំ ត្រូវបានចាត់ទុកថាជាអាហារទំនើប ព្រោះវាផ្តល់អត្ថប្រយោជន៍ជាច្រើនដល់សុខភាពរាប់មិនអស់។ យ៉ាអួ សម្បូរទៅដោយសារធាតុចិញ្ចឹម។ វាគឺជាប្រភពដ៏អស្ចារ្យនៃប្រូតេអ៊ីន និង កាល់ស្យូម។ វាក៏មានវីតាមីន B complex ផូស្វ័រ ប៉ូតាស្យូម និងម៉ាញ៉េស្យូមផងដែរ។ វាធ្វើអោយប្រសើរឡើងនូវការរំលាយអាហារ និងផ្តល់នូវអារម្មណ៍នៃការឆ្អែត។
+ តើយ៉ាអួត្រូវបានផលិតដោយរបៀបណា?
ផលិតចេញពីទឹកដោះគោដែលមានការក្លាយនៃ បាក់តេរី(បាក់តេរីល្អ) វាគឺជាដំណើរការដែលផ្តល់ឱ្យវានូវ លក្ខណៈសម្បត្តិដែលមានប្រយោជន៍។ Probiotics ដូចជា Lactobacillus bulgaricus និង Streptococcus thermophilus ត្រូវបានគេប្រើដើម្បីធ្វើយ៉ាអួ។ ពួកវាបំប្លែង ជាតិ lactose ក្នុងទឹកដោះគោទៅជាអាស៊ីតឡាក់ទិក។
ដូច្នេះអាស៊ីតឡាក់ទិកផលិតបាន coagulates ប្រូតេអ៊ីន ដែលមាននៅក្នុងទឹកដោះគោដោយហេតុនេះផ្តល់ឱ្យវានូវវាយនភាពខាប់និងរសជាតិជូរ។ យ៉ាអួដែលទទួលបាននេះ អាចទទួលទានបានតាមចិត្ត ឬមានរសជាតិផ្អែម ឬរសជាតិផ្លែឈើតាមជម្រើស។ អ្នកអាចបន្ថែមយ៉ាអួទៅក្នុងអាហារផ្សេងៗ ឬយកទៅធ្វើទឹកក្រឡុក។
+ ផលរំខាននៃការទទួលទានយ៉ាអួ៖
មិនមានផលប៉ះពាល់ពីការញ៉ាំយ៉ាអួទេ ប៉ុន្តែវាត្រូវបាន ណែនាំអោយទទួលទានយ៉ាអួដែលផលិតនៅផ្ទះ ព្រោះអាហារពាណិជ្ជកម្មផ្ទុកទៅដោយជាតិស្ករ និងសារធាតុរក្សាទុកដែលបង្កគ្រោះថ្នាក់ដល់យើង។

[@មិនកាន់ជើងខាងណា]

ចំណុចសំខាន់បំផុត១ ដែលអ្នកមិននិយាយ នោះគឺ life probiotic ដែលធ្វើអោយយ៉ាអ៊ួជោគជ័យឬអត់!

[@srcambodia]

ខ្ញុំនិយាយទៅតាមអ្វីដែលខ្ញុំបានដឹងប៉ុណ្ណោះ។

[@មិនកាន់ជើងខាងណា]

@@srcambodia ដោយអ្នកជាអ្នកធ្លាប់ធ្វើយ៉ាអួរស្រាប់ និងដោយអ្នកមានទឹកចិត្តចង់បង្ហាញនូវចំណេះដឹងដល់មហាជនខ្មែរ ដូច្នេះខ្ញុំសូមបន្ថែមចំណុចសំខាន់ៗខ្លះ:
១-យ៉ាអួរដែលទិញមកធ្វើជាមេដាច់ខាតត្រូវមានមេនៅរស់(live probiotics ឬ live cultures ដោយមើលលើសំបកកំប៉ុង គេមានបញ្ជាក់) បើមិនដូច្នោះទេ វាមិនមានអ្វីអាចកាច់បានទេ!
២-មុនលាយមេ ត្រូវកំដៅលើភ្លើងអោយក្តៅដើម្បីសម្លាប់មេរោគផ្សេងៗ តែកុំអោយដល់ថ្នាក់ពុះ ព្រោះវានឹងផុលខាតទឹកដោះគោ
៣-ទុកអោយត្រជាក់ល្មមស្ទាបឆ្នាំងមិនក្តៅដៃ(ល្អបំផុត៤២ដឺក្រេ ដែលមេលូតលាស់ល្អ)ទើបលាយមេ
៤-វិធីងាយបំផុតសម្រាប់ស្រុកខ្មែរ គឺដាក់ក្នុងធុងទឹកកកស្អាតហាលថ្ងៃ4-8ម៉ោង(ត្រជាក់ពេកវាក្រកាច់ ក្តៅពេកវាងាប់មេ)
សង្ឃឹមថាយ៉ាអួរអ្នកនឹងកាច់ល្អជាងទិញតាមហាង!