الدفع الخلفي ام الدفع الأمامي مميزات عيوب وأيهما افضل
Вставка
- Опубліковано 26 лип 2024
- #الدفع_الخلفي
#سيارات_الدفع_الامامي
#الدفع_الرباعي
القناة لها اهتمام بمجال صيانة السيارات والتكنولوجيا، الكمبيوتر واللاب توب والموبايل واجهزة كتير هنتعلم صيانتها زي الخلاط والمكنسةوالسماعات والشاشات وهنتعلم نبتكر حلول لحاجات كتير بطرق مختلفة، وكمان هنكشف كدب فيديوهات كتير على اليوتيوب مرتبطة بالتكنولوجيا، ولو عندك معلومة محتاج تعرف حقيقتها ابعتلي في تعليق او رسالة خاصة على حساب الفيس بوك.
profile.php?...
تابع القناة بعمل اشتراك وتفعيل الجرس واتفرج على كل الفيديوهات اللي تشدك في القناة ومتنساش تعمل لايك للفيديو اللي يعجبك، ولو ليك أي استفسار سيبه في تعليق، ولو حابب تفيد غيرك ممكن تعمل شير للفبديو المفيد ده.
ايها أفضل الدفع الخلفي ولا الدفع او السحب الأمامي.
أكيد جالك وقت وسألت نفسك اوسألت غيرك عن المفاضلة بين السيارة ذات الدفع الخلفي و السيارة ذات الدفع الأمامي.
عشان كده هنعرف مع بعض الفرق بينهم في حلقة النهارده ووقتها هتعرف تقرر تختار ايه منهم.
من قناة افكار جديدة جدا ومعاكم هاني.
السلام عليكم ورحمه الله وبركاته واهلا بيكم في حلقة جديدة وموضوع جديد في عالم السيارات.
مبدئيا كده
الدفع الرباعي خارج نطاق حلقتنا لانه محتاج حلقة مخصوص.
اما بقى الدفع الأمامي له مميزات وعيوب هنقولها في الدقايق القليلة القادمة
اولا مميزات الدفع الأمامي
عدم وجود طاقة مهدورة من قوة الموتور لان الموتور قريب جدا من الإطارات او العجل ومتصل بشكل مباشر، وبالتالي السحب هيكون اقوى.
ولما الطاقة كلها تكون مستهلكة هيكون استهلاك الوقود اقل، ودي اهم ميزة في سيارات الدفع الامامي، انها موفرة في الوقود.
وزن السيارة بيكون اخف في العموم وخصوصا من الخلف، لان مفيش فيها عمود كردان ولا كرونا او ديفرانس وده ممكن يكون ميزة عند ناس وعيب عند ناس.
اما عيوب سيارات الدفع الأمامي
التوجيه مش بيكون افضل لان توجيه عجل عليه قوة وحركة اصعب من توجيه عجل او اطارات حرة، خاصة على السرعات العالية
سيارات الدفع الامامي بتكون حركتها عن طريق العَكوس او الكبالن ودي اعطالها كتير جدا مقارنة بالديفرانس في الدفع الخلفي.
غلاء الصيانة في حوض العربية نسبياً، لأن الموتور والفتيس والكبالن او العكوس كلها في الامام، وراكبين بالعرض وفي حالة حدوث عطل ايا كان، غالبا بتحتاج تفك اجزاء كتير للوصول لمكان المشكلة، وبالتالي مصنعية الشغل هتكون عالية.
سيارات الدفع الامامي بتكون اقل ثباتا على الطريق خاصة في السرعات العالية لان التقل كله فيها من قدام ووزنها مش متوزع صح.
سيارات الدفع الرباعي والخلفي بس اللي ممكن تمشي في الطرق الصحراوية او الطرق الوعرة عموما، لكن صعب على سيارات الدفع الامامي.
وده اخر عيوب سيارات الدفع الامامي.
اما بقى عربيات الدفع الخلفي فهي قد تكون بالنسبة ليا الأفضل، وهنشوف مميزاتها وعيوبها حالا.
الدفع الخلفي في منه نوعين
نوع صلب وهو الدفرنس وده موجود في العربيات النقل والملاكي القديم، ونوع تاني حديث اسمه فريول وهتلاقيه في العربيات العالية زي بي ام دبليو ومرسيدس ودودج وفورد.
وهو نظام كل عجلة فيه مستقلة عن التانية، يعني زي نظام الكبالن كده او العكوس في الدفع الأمامي بس خلفي بقى.
بمعنى ادق ان كل عجلة لها اكس حر ومرن، يعني العجلة الخلفية اليمين لو خدت مطب او نزلت في حفرة هي بس اللي هتتأثر بالمطب او الحفرة، والعجلة الخلفية شمال مش هتتأثر.
عيوب بقى نظام الدفع الخلفي
ضعف قوة المحرك بالنسبة لقدرته لان نقل الحركة من الموتور في الامام للدفرانس في الخلف بيستهلك طاقة مهدورة.
مش معنى كده ان العربية هتبقى ضعيفة لكن لو نفس الموتور اتحول لدفع امامي هيبقى اقوى من انه يكون دفع خلفي، بس الفرق مش ضخم للدرجة.
وغالبا موتور العربية اللي شغالة دفع خلفي بيكون اقوى وسعته اللترية عالي عشان يعوض فقد القوة اللي بتروح منه مع عمود الكردان والدفرانس.
استهلاك الوقود بيكون اعلى شوية عن سيارات الدفع الامامي لو تساوت سعة الموتور في العربيتين.
اخر نقطة سلبية ان عربيات الدفع الخلفي بتكون اتقل في الوزن، ان اعتبرناه عيب اصلا.
اما مميزات عربيات الدفع الخلفي هتكون كالتالي.
ثابتة في السرعات العالية لان العجل الامامي حر ومفيش عليه ضغط من الموتور.
وكمان لان وزن العربية متوزع عليها.
وكمان لان وزنها تقيل.
وكمان لان حركة الدفرنس بتوزع الحمل على كل عجلة حسب الضغط عليها خاصة في الملفات
وكمان سيارات الدفع الخلفي تقدر تمشي في الطرق الرملية والمكسرة احسن من الدفع الأمامي.
والاهم ان اجزاء الدفع الخلفي صيانتها قليلة ونادرا لما تعطل طالما مهتم بها وبتغير زيت الكرونا او الدفرانس بانتظام.
وبسرعة خلصت حلقتنا وارجو اني اكون وفقت في الشرح ونقل المعلومة وقبل ما تخرج متبخلش على الفيديو بلايك او شير عشان تفيد غيرك وعشان تشجعنا لعمل المزيد من الحلقات.
وختاما شكرا لمتابعتكم والى اللقاء في حلقة جديدة والسلام عليكم ورحمة الله وبركاته. - Авто та транспорт
الله ينور يا بشمهندس
الدفع الامامي اسرع من الدفع الخلفي بس الخلفي في لعب احسن
تمام
هل للدفع الامامي ديفرنس واين هو مكانه من علبة السرعة بالذات
سيارات الدفع الخلفي افضل بكثيرررر من الدفع الامامي
وبعض سيارات الدفع الامامي خصوصا الاتوماتيك اذا غيرت عكوس لازم تبرمج القير لنو العكس يكون مشبوك مع القير انا معي كامري موديل 2011 اذا غيرت العكوس لازم ابرمج القير واحيانا للاسف اذا فكيت العكس تضطر انك تزود زيت القير لنه احتمال يتسرب من مكان العكس وللاسف بعض المصلحين فيهم جهل كبير يغير العكس واحتمال يتسرب زيت معاه ولايزيد ولايعرف اذا القير محتاج برمجة لهذا النوع من سيارة ولا لا بعدم معرفته بهذا الشيئ فلازم تشيك على زيت القير قبل ماتحرك سيارة او انه تشوف الارض اذا في زيت مكان العكس الي غيرته ولا لا وافضل شي تجيب معك مكانيكي موثوق يسويلك برمجة للقير قبل ماتحرك السيارة للامان
ممكن شرح أنظمة التعليق فى الدفع الخلفي؟
أستاذى الفاضل فى لغة المحركات يوجد جر أمامى ودفع خلفى.
شكرا لحضرتك.
انا فعلا كنت كاتب الاسكربت كله كلمة سحب امامي بدلا عن دفع امامي
لكن وجدت ان كلمة سحب امامي غير دارجة ففضلت ألا اكون مختلفا
صحيح جر امامي . لكن الشائع بين الناس والمتعارف عليه هو الدفع الامامي .
هذا الفيديو موجه الى عموم الناس المتعلم وغير المتعلم وليس محاضرة اكاديمية .
تقبل مروري وشكرا لك
الله يحفظك خويا عندي سيارة دايهاتسو ڨرو ماكس فورڨو عندي تآكل العجلة الخلفية ؟؟؟
01:29 قلت مافيش عمود كردان ودفررنس وكررونة . الدفع الامامي يوجد فيه دفرنس داخل الجير يوزع الحرركة على العكوس للعجلات .
اما عمود الكردان فهو غير موجود في الدفع الامامي
داخل الجير بوكس يعني وزنها خفيف غير الكرونة اللي في سيارات الدفع الخلفي خالص
@@HanyMoh2017yt صحيح وزن المنظومة الكلي اخف لان عمود الكردان غير موجود اما الدفرنس واجزائه الداخلية ومن ضمنها الكرونة فهي نفسها لكن داخل الجير طبعا مع اختلافات بسيطة بسبب المكان الجديد والتطور .
@@snipertvify
مظبوط
وانا تركيزي كان على فرق الوزن
مفيش حاجة اسمها لو نقلنا المحرك هتبقي اقوي
هي هتبقي أسرع وليس اقوي
مهي السرعة مرتبطة بالقوة ومرتبطة بصندوق التروس
وانهي الاحسن تنصحني باية مثلا
الدفع الخلفي في رأيي افضل
عشان كده تلاقي مرسيدس وبي ام دبليو شغالين به حتى الان
@@HanyMoh2017yt وحتى لكزس LS و GS و IS
معليش يا غالي الدفع الامامي هو يلي ممتاز للطرق الوعرة و الصحراوي و ليس الخلفي
كلامك غير صحيح الدفع الامامي اذا دخلت فيه هاذي الامكان رح ضر الهيئة الامامية للسيارة
افضل الدفع الخلفي ام الرباعي للسيارات السيدان ؟
كلها كويسه
لاكن الرباعي يعتبر افضل من ناحيه الثبات
الدفع الرباعي معناه وجود الدبل في سيارات السيدان؟