港故：畀兩歲半兒下廚 唔怕切親燙傷 港媽：要放手
Вставка
- Опубліковано 24 лис 2018
- 兩歲半的謙謙拿起水果刀，把蘋果切成小件，他的媽媽Carrie則從旁觀察着：「我覺得適當嘅危險畀小朋友接觸係好事。」
現年30歲的鄧家怡(Carrie)是中文大學教育系碩士畢業生，學生時代活躍於社會服務及推廣創新教育，而謙謙出生後不久，她決定化身為全職媽媽，培養謙謙自主和愉快學習。
兒子自一歲起學習煮食 試過切親燙傷
有別於一般「港媽」，Carrie在兒子約一歲開始，就讓他分擔一些簡單的下廚工作，包括榨果汁和造飯糰等。「我覺得親子下廚係家長好值得做，無論咩年紀開始。」她解釋，謙謙很喜歡吃，對煮食有興趣又有天份，才按程度慢慢讓他嘗試參與烹調，強調並非「催谷」兒子。
現時兩歲半的謙謙，已經累積了一年的下廚經驗，更懂得使用電磁爐和刀。「每日都有一餐會畀佢完全自己煮。」現時媽媽只需從旁提點和「執手尾」：「首先將腰果、水同椰棗放入攪拌機，完成後用棉袋擠腰果奶出嚟。」謙謙自信地說。
其實，煮食過程中謙謙也曾經受傷，但他和媽媽也沒有因而放棄。「佢燙到後好大反應，即刻驚，但試過兩次之後，就無再重覆發生；用刀亦試過一次真係割傷流血，但佢好快就復原。」Carrie認為切傷或燙到，都是小朋友成長必經階段：「唔好怕佢會出錯同跌倒，其實佢學到嘅功課係畢生受用。」
媽媽：「去玩先係正常教育」
講到返學安排，謙謙同樣「與別不同」。他沒有上N班(幼稚園學前班)，反而Carrie讓他四處玩耍：「可能星期一行山、星期二博物館、星期三圖書館……我覺得呢啲被人界定為非主流嘅學習，先係小朋友真正需要嘅正常教育。」
「我希望佢知道社會發生緊咩事，發掘真正對學習嘅熱情，而呢啲我最想佢學識嘅事情，喺主流學校缺少咗。」她覺得從生活中學習，比安坐在課室聽老師講課，更能令謙謙學懂「發問」，這正是學習之本。
Carrie每星期亦會與其他家長同行，帶謙謙到農莊接觸大自然，並輪流主持不同的活動。「可能我煮嘢食叻，今日我同謙謙就同大家上煮食課；另一個媽媽做手工最叻，下一堂就由佢帶領小朋友做手工。」Carrie深信，家長才是主要的教育工作者。
至於四年後，謙謙會否升讀主流小學？Carrie處之泰然：「我只知道呢刻佢最需要啲咩，我先畀佢。你唔知將來佢六歲嘅時候，可能香港嘅教育制度有大轉變，可能主流學校變成正常化少少嘅生態……我唔擔心佢會唔適應或面對咩困難，將來無論佢做廚師、醫生，抑或服務社會嘅工作，按佢興趣發展就可以。」
各位「港媽」請留意！今集《港。故》用8分半鐘來嘗試說服妳：「別怕你的孩子切傷手」。
-------------
《港。故》：東網每周專題習作，講故事、講香港人的故事，請關注《港。故》FB：bit.ly/oncckonggu_FB
Follow埋《港。故》IG，睇更多精彩靚相：bit.ly/oncckonggu_IG
Carrie is doing a great job in educating his baby!
這個媽媽好勁
你仔仔好勇敢好叻👍，燙傷切親都唔怕💪，我個小朋友而家有兩歲我都唔敢比佢用真刀🔪，因為佢一切親我肯定會😨驚過佢，你好後生好有計劃👍請問你點樣做到?🙇請多多指教
我十幾歲都唔識用電磁爐
真心好！勁！令我反思人生
叻叻，真系唔簡單，呢啲真系落手落腳整，而唔系我仔玩嘅煮飯仔玩具
好媽媽！
好媽媽👍相信謙謙有美好的童年😄❤❤
好媽媽👍 加油👍
燙傷我試過你咁細個識得煮嘢好犀利呀希望你長大 可以做到一個廚師同埋希望你長大咗可以煮多啲嘢食畀你爸爸媽媽食 加油努力 希望你煮到一啲你想食嘅食物啦
好叻仔好乖仔👌🏻👍🙏👏😉👍🙏👏🙋♂️😍支持你媽媽👩
到時大個，好多追😏😏
我们不能总是为年青一代创造一个良好的未来，所以我们必须为未来创造良好的年轻一代。
很好（:
好好笑
👍👍👍
好有意思，女女現在歲半 可以點樣加入你地？
😍😍
我現在十歲，媽媽現在才給我煮
我大姑個女二十歲但佢婆婆仍然會裝飯來餸送到佢面前，平時亦唔會做任何家務。
冇得頂，邊條仔娶到佢真係三生有幸！
可能佢放咗工之後太攰掛
@@Victor-qu8sz 唔好意思，佢從未做過嘢，由細到大每一餐都係咁，亦從來未做過任何一樣家務，而且講咗以後都唔會返工。
@@juicechan2865 但係其實唔返工你嘅人生會好無聊
@@Victor-qu8sz 對於超級懶惰嘅人嚟講咁樣係最幸福嘅，我哋正常人係唔會明白噶啦！
歲幾就用刀 手部肌肉都未發育好 不能認同太多
都唔似媽媽嘅 好似一個中學生
勁過d港女
睇完 全段影片, 覺得媽媽及小朋友ㄧ起做些…有用、小朋友有興趣的正面事情, 非常有意思!
但, 聽到媽媽話會帶佢參與ㄧ些政治方面的活動 (如 ... 她覺得社會不公義 ...), 就覺得非常不當!
我年幼時, 父母教導我們: 年青時易衝動, 易被人利用, 做什麽 都先要了解清楚 ..., 三思而後行! 及 ...不要偏激; 不要做傷害別人及社會的事, “己所不欲, 勿施予人”; 也不要貪心 等!
教導小朋友, 先讓他學習基本生活上的技能 ... 及基本做人道理 ..., 之後 跟他的喜好興趣及性格與能力 從旁指導及支持 ...! 輔助他 做好自己, 讓他學習獨立及有自己的正確思想!
(最不好的是: 有些父母, 要子女 做自己以前未能完成的及現在自己所希望的 ...心願! 也怕人ㄧ面倒的 祇教子女保護自己及攞盡著數 圍著 “自我中心” 而生活!)