#MM
Вставка
- Опубліковано 6 вер 2024
- #MM #700萬種生活 // 幾千呎縮剩500呎 土瓜灣最後的天台拳館
所謂大隱隱於市,60年代土瓜灣十三街,所有大廈的天台都相連,變成個佔地萬多平方呎的天空遊樂場。街坊在上面晾衫、踩單車、追飛機,甚至練武。
70年代以前,全港共有418間武館。呂德榮(呂師傅)印象中,單是十三街都有3、4間,「街尾就有另一間」。那時候的十三街人流複雜,2、3樓都是時鐘酒店或私人公司,新移民、吸毒者躲在天台,小偷、搶劫案時有發生。但有拳館鎮守的街道,治安普遍較好,街坊視之為守護神。蔡李佛的動作大開大合,除需要更多體力外,更需寬闊的空間,街坊借出3、4個單位千多平方呎的天台給他們練習。晚晚二、三十人一起紮馬耍刀叠羅漢,鼓聲響遍十三街。
練夜拳,不會被投訴嗎? 呂師傅:「以前這些嘈音都是小兒科,飛機飛過都全蓋過了。」唯香港最神奇的問題,係土地問題,98年機場搬走,本來一望無際的天台,漸漸圍起圍欄變成天台屋,練武聲也慢慢淡出。唯鼓聲只在周五晚飯七時至九時結束,街坊街里包容,也相安無事。
原本在則樓工作的呂德榮,2005年繼承爸爸的醫館及拳館,揹起兩館行政,他人生最快樂的時光,都在天台度過。「老豆不讓我落街,就叫師兄弟上來玩。」五個孩子在天台練叠羅漢: 「二膊(兩個人)不可怕,三膊(三個人)才可怕。往前跌或後跌,靠中間的師兄抓住。」 兩個大人一個細路,起碼兩層樓高,在天台喎 !「係呀,所以只在中間位練。那年代安全意識不高嘛,沒發生過意外。現在不能這樣練了。」一聽到雪糕車聲,大家九秒九衝到樓下買雪糕,3分鐘衝回樓上同大分享:「一日跑上跑落起碼十次呀。」最開心是跟大班師叔伯師兄弟,請假參加賀誕表演,收到誕會或街訪讚賞,開心滿足到曉飛。呂師傅坦白,自己不算極醉心武術,但面對爸爸創下的拳館與醫館,幾代師叔伯兄弟姐妹同心協力練武賀誕的記憶,割捨不下,也就努力維持下去。
2021年的今日,拳館空間縮剩 500呎,黃昏 6,7點,空氣中飄散着炒菜聲同蒜爆豆豉的香味,四個同學搬出鑼鼓佈陣,練一套拳,最少有180個動作,跑遍五百平方呎空間,有時四個人一齊練,馬步大了,一拳打中鐵皮屋、錦旗或銅鑼,舊樓失修、夏天有蚊但紮馬唔拍得(蚊)、小朋友眼中的練拳,有血有淚: 「試過(累到)扶著兩邊(牆壁)下樓梯。」「下一層樓梯要10分鐘,邊腳震邊下去。」「試過一起紮馬紮到哭,四個一起哭,一起腳震地走。」大班師叔伯,已投身社會的師兄姐陸續來到幫忙打鑼打鼓,或退到大門外讓出空間,但幫手拍片,白天寂靜的天台突然熱鬧到死。明明坊間有更多室內拳館,有𨋢搭空間大有冷氣,為何還要上來啊,四人你眼望我眼:「每次練完震住腳下樓,都會想『下次唔嚟喇』。但回家抖三日腳不痛了,又來過。」「平時我們四個輸流全套拳練,少了一個,輪快咗,休息時間少咗,就會好痛苦。留下朋友在這於心不忍,又上來囉。」
這個土瓜灣最後一個天台拳館,雖然縮水,唯有一班可以一起共患難的師兄妹,練拳後一齊落八樓食師母煮的「夜粥」。除了因為可以「𢭃到大叠利是。」外,有班經年一起在天台共患難的師兄妹,才是天台拳館的價值吧。
記者: 陳慧敏
攝影: 林正言、伍慶泉、張志孟
剪接: 林正言
監製: 陳慧敏
#土瓜灣 #十三街 #拳館
#醫館 #蔡李佛 #跌打 #跌打油 #藥油 #則樓
#食夜粥 #MillMilk
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
後記:
土地問題,天台拳館比我們想像中的狹窄,夜晚七點鐘放航拍拍十三街上空,唯天台屋比想像中密,所有大廈屋頂黑到完全無Layer,僅拳館一格才有一點燈,兩隻獅格仔上舞動,畫面好神奇。
以為練武之人,仲要係動作大的蔡李佛,多少嗓門大氣量足。誰知成晚師叔伯兄弟共聚一堂,大笑笑口家斯斯文文,講嘢最大聲的,反而係我同兩個攝影師。
幾個同學說,除了最Friend的朋友,都不知他們習武,傳聞最瘦的黃其燊收埋六舊腹肌,最怕被學校老師踢爆要在人前表演,強身健體,低調就好。
講笑時唔覺意攝了粗口,同學們細細聲:「呢度唔講得粗口㗎,唔得㗎。」噢不好意思。習武應先修武德, 畢竟都喺天台,都係細聲啲,細聲啲。
覺得好看的,麻煩留言#MM 支持吓,謝謝!
好warm嘅拳館 #MM
習武應先修武德 做人都應該係咁! 上面有個好例子! (條友刪咗留言)
個傳聞二加比你地爆左出泥啦XD!!
#MM
#MM
睇得出班後生真係好乖,呢啲年紀學武個人又謙厚好難得,師傅真係教得好👍
佢地係武術家也是藝術家,大家在講元宇宙時,他們在天台練武工、醫跌打、整藥油,在香港感覺是平衡時空
!!你呢個觀點幾正
你地真係做到d topic 係,人做我唔做,殺出新血路,支持
多謝支持!希望聽日嗰集都見到你嚟報到!
結尾的男學員心聲很有趣
超級 CUTE 呀!!
成班咸濕仔
一路看一路勾起童年回憶☺️
我太公譚三是蔡李佛始祖、外公譚飛鵬是譚三傳人,50年代在油麻地開設跌打武館,小時候放假就會去住,每日見到很多人來練武、看跌打,記憶猶新,今晚無意之中看到今集的主題內容,份外有親切感,您們一班後生仔女所拍的片層面廣泛細膩,膾炙人口,真心大讚👍👍👍加油🤩
原來也有名門之後看見,失敬!請多多指教!也幫你更正一事,譚三師祖是蔡李佛北勝宗師
見到有後生習武真係好難得。加油呀館長,原來拳館咁有愛,有啲野唔係話起個乜乜館就會有用,最重要係人與人之間嘅關係。#MM 個故事好touching
估唔到而家仲有天台拳館~
好中意呢條片,體現到舊時香港嘅人情味同埋淳樸民風👍🏼
最緊要鍾意!!
諗唔到有中學生去學!武術係國粹,可以承傳落去非常之有意義!見到佢哋都好有愛咁! 希望佢哋可以繼續落去!
拳館喺香港最輝煌嘅年代,同時係香港最亂最窮嘅年代,香港經濟起飛而社會相對安定,武術喺香港便開始式微。後生一代除一般熱門運動外,選擇一門武術裝備自己,為香港武術傳承血脈,受用的除了自己亦能惠及他人。祝福呂師傅及所有為武術界默默耕耘的師傅,願你們嘅武術繼續傳承下去造福後人。
唔知點解睇到好感動🥺 有啲掛住以前香港
飛機聲!!
原來仲有年青人學武👍多謝你們的堅持
都係嘅,只係有啲連登式武學撚係度做盲反國術膠,聲大夾惡
個幾個男仔好搞笑 好有愛🥰
超級可愛!IG 版最尾一格特登留咗畀佢哋!
好鐘意呢一集! 飛機聲好感動
留意到飛機聲,畀個讚你!
童年至中學畢業,出來社會工作在旺角的唐樓度過二十多年, 天台是與隔離鄰舍嬉戲的地方,搬去沙田私樓後與鄰居關係疏離,多謝發掘不同題材,保留香港特色, 越來越好睇,繼續努力,支持!
好難得,好有feel,大家都好似一家人咁好開心❤❤
一齊食飯,好WARM!
估唔仲有天台拳館,記者好犀利,師傅加油!
我哋會繼續發掘好故事!
呂生,我的至親是蔡李佛始祖陳享後人。加油!現陳享出生地成了全國非物質文化遺産發源地之一。有陳享紀念館,有空回去交流交流吧。
新會陳享公有活動我一般都會參與的
支持呂烈師父後人承傳蔡李佛武術👍👍👍
依片睇到我好有感覺,好有舊香港情懷。
#MM 睇完呢條片好感動呀🥺
希望呢間拳館同醫館可以繼續薪火相傳❤️🔥
有無睇到好想練拳呢!
@@mm.millmilk #MM 你哋最後有冇幫3位少年問到師兄如何認識異性嘅問題呀?😏
得一個師妹 大家打崩頭
迂迴側擊,串標拋及,掛哨插,姜子手,陰陽插捶,偷漏手,標馬……好有特色廣東拳術。多謝呂師父傳下去。
#MM 呢集真係好正呀!身為一個初學龍獅運動嘅人,睇完之後覺得點都要學好佢!大家加油呀!
期待未來有更多好睇又高質嘅片!
一個來自🇲🇴的MM粉絲~
我細個時候(mid-1980's)經常扭傷腳踝也是去他父親醫館睇跌打,爭啲跟師傅學拳,但是唔知乜原因沒有開始,可能是太窮了,交不起學費.
其實香港國術拳館真係式微,非常可惜。就算跌打製藥,都好難在香港買到藥粉。謝謝製作訪問,支持,加油。
Dear friend, learn karate or taekwondo first then learn a kung fu style you like later. That is my opinion. I live in Sydney but was born in Hong Kong. I did taekwondo and karate in the past. I did miss out on this school last year when I came to Hong Kong. Next time I will go there to learn a form.
好感動,而家D年青人冇方針冇目標,傳統國術帶出两代師傅與徙弟交流成為有目標有堅持👍💪💪呂師傅👍👍
好有情懷,好好珍惜...師傅好嘢
呂烈呂師傅也是我兄弟小時候的師傅,正式下跄拜師傅師母,在麟翔街,大師兄亞祖,五十幾年前,加油,
請問你兄弟的名字是什麼?
尊敬文化保留~謝謝制作.♡♡♡♡♡
分鏡多剪接好,畫面唔會悶又配合到個介紹,採訪都好詳細,會令人想繼續睇想知多D,俾製作團隊心心!
謝謝你啊
唔報導真係唔知仲有D咁有心的師傅及徒弟, 好温韾, 加油.
呂師傅,好感恩,還有你用心承傳本派武術,發展會留給努力之人👍👍👍👍
你們的題材非常好👍,希望發掘多些不同人不同事,多謝你們的努力💪
我以為睇緊鏗鏘集添.不過你哋做得好好繼續加油
認真細個有學過不過無佢地咁恆心~
其實佢地D態度好應該學, 好有人情味~ 佢地正正因為咁就連結倒好多街坊~
懷念呂烈師傅
正呀好OLD SCHOOL
好師父 好徒弟!
我四十年前住過鴻運街,都成日聽到打鑼打鼓聲!
國術能夠傳承也要多謝街坊的包容!
呢個系列超正👍🏻👍🏻
好想講今集既鏡頭畫面攞得好靚!!!
呢啲片非常好睇,令大家可以了解更多本地文化,謝謝樓主,謝謝呂烈醫館!
最好加返英文字幕,好多外國人有興趣睇香港天台武館。
喜歡這類 topic,希望可以發掘更多舊區故事,係它們消失之前留一份珍貴嘅記錄 #MM
我哋會繼續努力!
如果可以改變經營模式,應該係可以燃續嘅!
又如果仲係原地踏步,相信係艱難嘅
現在好多體育會都已經放下門戶之見,原因只係想得到一種存在價值
好似參加舞獅比賽,國術比賽
香港而家正正係國術界嘅多姿多彩時候
加油💪💪💪
男學員都好cute好靚仔🤣🤣🤣
細細個都學過蔡李佛~~~
蔡李佛靠你们这班年青人承存落去,努力
看好感慨,
加油!
以 前 呂 烈 醫 館 在 鵬 程 街 的,我 就 住 在 鄰 近 的 一 座,已 經 是 五 十 多 年 前 了,現 時 在 麟 祥 街 ,每 次 經 過 都 望 著 醫 館 招 牌,回 憶 年 青 時 歲 月! 👻
你記錯了,呂烈醫館由六九年至今一直在麟祥街沒有搬過,鵬程街是另一位師傅
多 謝 哂 ! 😜
想起小時候看的一部台灣電影飛俠阿達,也是在天台練輕功。
#MM 正!支持繼續發掘唔同題材🔥
班候生好乖好可愛
好型!!!
好正嘅系列,繼續支持!👍🏻🧡🧡
今時今日仲有年青人肯比心機學,真係難能可貴🙏🏻
4:17師傅好幽默,哈哈。
All guys keeping good company, so nice and warm, moving on, ole
繼洪拳~詠春~~蔡李佛算係香港好多人學~~謝謝分享訪問
咪搞笑E家冇咩人會學啦👌個個去晒學泰Boxing啦😂
不過呢間拳館係教到班後生紀律同埋武德嘅👌係間好有愛嘅拳館
60年代跟呂烈師傅在旺角唐樓天台學了幾年拳,我相信我係呂師傅第一批徒弟,石鬼仔係我師兄,每逢大節都去新界各處出獅。土瓜湾的拳館剛開時都有上過去,只知呂師傅你有幾個家姊,那時你應該還未出世。有機會回香港一定去拜会你。
請問師兄什麼名字?在那個工會拜師?
@@luitakwing4147 我叫李潤生,當時只有十歲左右。有一雙象牙筷子上面刻有呂烈及我的名子的,可惜用壞棄了。
每逢有徒弟移民,家父都會送一對刻有名字的筷子作為紀念,果然係師兄!
@@sandyli8548 師兄,你是否以前住澤安村的?
@@sandyli8548 有什麼聯絡方法?
thank you for sharing
點解唔將啲套拳錄起佢,將來用作傳承之用。
加油!加強宣傳!
Dear Sifu, I will definitely visit your kung fu school soon. I live in Sydney but I was born in Hong Kong. I did Taekwondo in the past. I wish to learn a form from you. I will ring you soon from Sydney.
Support this series
拍得很好
#MM
唔知點解睇到好感動🥺
睇得開唔開心先!
原來夜粥係咁解🙏🏻👍🏻
啲片好正
Good Job Master Lui!!!!
學嗰啲全部都係細路仔👍
咁都比你地搵到出黎~好勁~
長知識了,我細時都系天台學。
係咪好曬㗎
加油,感謝#MM
有點懷舊,想起以前生鏽了的那種花款圖案的鐵閘。。。很多以前那些懷舊的東西逐漸消失
第一次睇 高質 訂閱了
Jeff啲氣功好勁!!!!!!!!!
呂師傅,你識唔識林日明? 佢自稱蔡李佛傳人
小弟人微言輕,見識淺薄,未必能夠認識所有蔡李佛同門
係愛丫
加油
努力💪
我完全無諗到中國拳術宜家係咪仲搵到食,我感覺好似現時的年青人比較喜歡學泰國拳術
RESPECT #MM
加油💪
你好!
請問有旡地址?
我想帶個孫去學國術,拜呂師父為師。
上網打呂烈醫館可以搵到我地網頁
多謝你嘅回覆!
諗返起細個學舞龍舞獅打鼓要墊紙皮 如果唔係會被人投訴
屯門虹橋間呂烈,是否一樣?
這間係屯門分會,以前家父在屯門開過館,很多徒弟在屯門
So cute 🥰
Eyes catching 😎
好鐘意你地☺️☺️☺️
👍👍
有無人去過拳館學拳!
學跆拳算唔算😅
@@bigking311 垃圾mm
@@bigking311 都算!
nice
夜粥易消化,以前窮麻.當然食得洛,訓得到更係食咩都得啦
老实讲,香港政府好應該支持佢哋,香港文化遗產。
😎哈!李小龍年代我都曾經係土瓜灣天台跟師傅學"蔡李佛"拳!學左幾次唔知乜原因停左...
😮三分鐘熱度👎
@@user-ti5bf7hl5l 李小龍學咗三年而非三
分鐘,亦非在土瓜灣天台而是在九龍仔公園學
@@augustuslau 🙄😯😮我係講 JoE ROBER這個人的呀,而當然知道李小龍不會是一個三分鐘熱度的人的拿,我係有聽及睇過李小龍的歷史的呀!前李小龍是個武痴離的呀!果吾係点會係個功夫高手及術家的呀!仲有,你有無聽台上一分鐘,台下十年功的呀?我就绝對明白這個道理的呀!因為我都是一個綀武之人的呀!
Mill milk勁!❤
華夏神功!
700 萬種生活
贵館之前是否在黄大仙授徒?
係,我父親在七一年在黃大仙開過分舘的