سانج يونج أو KGM توريس.. هل تستاهل اللي بيتقال عليها؟؟ || Ssangyong KGM Torres review
Вставка
- Опубліковано 9 тра 2024
- سانج يونج توريس أو KGM توريس
عربية جديدة في السوق المصري بتحاول تثبت نفسها وسط عتاولة بقالهم سنين مسيطرين على عقول و قلوب الناس.. مسيطرين لدرجة إن بعض الناس على السوشيال ميديا قررت ترفض الفكرة أساساً إن ممكن يكون في عربية "كوري" جديدة في السوق بتقدم حاجة أحسن من الأختين الحلوين؛ هناء و شيرين فقرروا يهاجمو_ها هي واللي بيشكر فيها مقدماً.. 😁
جالي كم تعليقات غير منطقية على العربية دي أنا شخصياً استغربت منه.. ده في واحد كان ناقص يقول عليها أنها بتسر_ق صندوق تبرعات الجامع و بتاكل مال اليتيم 😅
فقلت مبدهاش بقى إحنا لازم نجرب العربية فترة كافية و نشوف قصتها إيه.. هل فعلاً تستحق الشكر اللي بنشوفه على النت ولا ده كله شغل تسويق؟؟
جربناها فترة كبيرة، قيمنا التجربة العامة، الاستخدام اليومي، الثبات، الأداء، العملية، الخامات، التقفيل، إلخ
و طبعاً منسيتش أقارنها بالمنافسين و أوضح نقاط قوتها و ضعفها و مميزاتها و عيوبها..
الريفيو تقيل و هيجاوب على كل تساؤلاتكم بخصوص التوريس.. كل اللي عايزه منك أنك تتفرج عليه كامل و بتركيز و بدون تحفز.. لأن العربية دي تستحق أنها تاخد فرصتها.
مشاهدة ممتعة للجميع و مستني رأيكم في التعليقات.
#عربيات #سيارة_جديدة #KGM #سانج_يونج #توريس #اختبار_قيادة #ريفيو #توسان #سبورتاج #هيونداي #كيا #السوق_المصري #العتاولة
🚨لينك أسعار توريس على موقع #هتلاقي
eg.hatla2ee.com/rh?c=28704
🔴 رقم تليفون #كاربروجيني:
01100333310
🔴 صفحة كاربروجيني على الفيسبوك:
/ carprogini
مشاهدة ممتعة للجميع. - Авто та транспорт
ريفيو مميز كالعادة يا هندسة. شكرا
تقرير محترم ومتعوب عليه ..الله يعطيك العافية . بالتوفيق
سياره فوق الممتازه نازله تصحح اوضاع السوق من حجم وشكل ورفاهيات وكفائه تسلم بجد على الريفيو الفوق المحترم❤
والله لايك و فيديو جامد من قبل ما اتفرج 😊❤
الله ينور ريفيو محترم كالعاده ❤
ريفيو محترم و شرح وافى كالعادة
سياره ممتازه جدااا
جربتها هنا في وكاله البازغي الرياض السعوديه
جبااااره صراحه وان شاء الله بشحنها قريب
قضي الامر الذي فيه تستفتيان توكلنا على الله ❤ رفيو محترم من شخص محترم
انا بحب العربية ديه جداً ماشاءالله
الشرح جميل يا دررش
ممتاز يا قائد ❤️
ريفيو ممتاز كالعاده
تحياتي للريفيو الموضوعي❤
ريفيو إحترافي و عملي و مجهود عظيم واضح
شكرا جزيلا... عرض متميز جداً
شكرا جزيلا على الشرح المحترم.
الله ينور عليك يا هندسه ريفيو محترم ومحترف لعربيه تستحق
العربية مشجعة بس المشكلة فى التوكيل اللى بقاله سنين بيقول هافتح مراكز صيانة زيادة ولا فتح حاجة .. اتمنى اشوف واقع و ليس اشتغالات . شكرا على الريفيو المتميز .
تقرير محترم شكرا لحضرتك ونطمع فى مراجعه لاختها الصغيرة التيفولى ٢٠٢٤ الشكل الجديد
بصراحه انت محترم جدا بشمهندس مصطفى وبستنى بجد ريفيوهات السيارات بالاخص بتشرح بالتفصيل وبضمير وكلامك مقنع شابوووووه اشكرك على مجهودك استمر انت عالمي ومحترم /اخوك محمد مصطفى من الخارجة الوادي الجديد 👋👌👌💪
تشرفنا 🙏🏼🙏🏼
تقرير ممتاز باشمهندس مصطفي ياريت رأيك ف kia sorento 24 بما ان الكلام عن العربيات الكوري وموديلاتهم الجديدة كتر الفترة دي وشكرا
سورينتو عربية ممتازة و معنديش أي ملحوظة سلبية عليها، فلو سعرها في المتناول هتكون اختيار موفق.
كل اللى حضرتك قولته ده بالظبط اللى اقنعنى انى أفضلها عن التوسان و الاسبورتاج
كفايه الفتيس مافيش منه خوف
احسنت
رفيو محترف وعادل
ريفيو ممتاز 👏👏👏
يعني كده التوريس افضل كوري في السوق حاليا على اللي بتقدمه 👍 كنت منتظر الريفيو ده منك لأنك من الشخصيات القليله اللي بتفهم
Thank you for your hard work 👏
My pleasure!
سيارة ماشاء الله ممتازة عن تجربة
لو سمحت كنت عاوز اسأل حضرتك لو هنزل سياره من الخليج ومحتار بين
توسان
سبورتاج
توريس
احسنت انت فعلا راجل فاهم في مجالك وثقة انا مباخدش برأي السوق المصري المعوق واشتريتها وبعدت عن هناء وشيرين ولا يسوا خذوا صيت على الفاضي
ريفيو ممتاز يااستاذ مصطفي
ما شاء الله ربنا يباركلك علي مصداقيتك و بالله عليك خلي علي نفس المستوي من المصداقية ان بعتمد عليك والله لأن الواحد مبقاش يشوف حد عنده مصداقية ف المجال اليومين دول
شكرا على التجربة والتعليق و الرأي المتوازن
كنت اتمنى ان تذكر المواصفات في الفئات كلها ولاسيما الفئة الاولى والثانية لأنها الأكثر مبيعا حاليا
وهل هي قيمة مقابل سعر بذات الكماليات أم لا
كل التحية
الحمدلله انا عند xlv من ثلاث سنوات ونصف عمرى ما اشتكيت من العربية للأمانة عربية كويسة جدا جدا جدا
تحياتى لحضرتك ريفيو محترم وعربيه فعلا محترمه 👍👍👍
بصراحه بشوفها في الشارع ما شاء الله عليها تحفه فنيه من قدام بقول جيب ❤ ومن ورا بقول لاند روفر
أحسنت
برافو 👍
لو سمحت كنت عاوز اسأل حضرتك لو هنزل سياره من الخليج ومحتار بين
توسان
سبورتاج
توريس
ممتاز جدا يا مصطفى ريفيو بمنتهى الإحترافية وعندك ثقافة واسعة وبتعرف تعمل بالانس فى الكلام وظروف الناس وطريقة تفكيرهم وبتدمج ده كله وبتطلع في النهاية ريفيو رائع شكرا ليك😊
🙏🏼🙏🏼
راي حضرتك في هوندا zrv وهل ليها تجربه قريبه معاك
معملتش ليه تسارع مرة بالدفع الرباعي و مرة من غيره عشان نشوف الفرق
السلام عليكم م،مصطفي استوردها من كوريا بالمواصفات الكورية ولا اشتريها من التوكيل منطقه حره
حاليا المستورد بيعطي 3 سنين ضمان
عربية جميلة الحقيقة
ريفيو محترم من شخصيه محترمه موثوق فيها
اوجزت يا مصطفي بصراحة في الفيديو بس ياريت الوكيل يقبل عربيات المبادرة اللي جاية من الخليج
حضرتك نيست تقول ان البدي بتاع العربيه فيه 78٪ حديد صلب.... تحياتي
شرح وافي وسياره جميله لاكن نزول موديل ٢٠٢٤ باوربا سوف يغير المعادله خصوصا انه تم تغير التصميم الداخلي كليا من حيث شاشات العرض الحديثه وناقل الحركه المتطور وبعض الإضافات الجديده ، رجاء مشاهده الموديل الجديد وإعطاء رأيك فقط من جهه التعديلات الجديده حيث ان سعرها بالخارج لم يزيد كثيرا عن سعر الموديل القديم وفي انتظار رأيك وشكرا
انا معايا العربية دي في الخليج من سنة عربية تحفة توكلوا علي اللة
لو سمحت كنت عاوز اسأل حضرتك لو هنزل سياره من الخليج ومحتار بين
توسان
سبورتاج
توريس
@@abdelrahman_ahmed-qd2es بص انا كنت في نفس الحيرة دي بس اقدر اقولك في مجموعة من الأسئلة لو جوبتها هتقدر تحدد المناسب ليك زي - القيمة مقابل السعر - الاعتمادية والمساحات داخل السيارة - سهولة إعادة البيع - وكلاء العربية محترمين ولا حرامية في الصيانات . انا توصلت بعد كل ما جاوبت علي الأسئلة دي أن السانج يونج تكسب وبجدارة ...واتمني لك التوفيق في اختيارك
هى عربيه محترمه
بس أنا محتار بينها وبين نيسان اكس تريل الجديده e power
ابعد عن نيسان شركة اي كلام
هي افضل ولا سي5؟
احسنت
كم سعر
مساء الفل مصطفى بيه. عارف انه سؤال generic بس توريس ولا C5؟ 😅
رأى ال c5 طبعا. الاوروبى حاجة تانية .
بصراحة هي أحسن من وجهة نظري.. يعني لو بتقارن مع ٣٠٠٨ أو جراندلاند كانت الرد هيختلف، إنما C5 لأ..
ميل بدن مزعج في الملفات و كنبة خلفية ضيقة و خامات سيئة و ضعيفة في المقصورة فبصراحة مش شايف فيها أي نقطة تفوق على توريس.
توريس بتوفر مستوى راحة مقارب جداً لراحة C5 مع تحكم أفضل بكتير في ميل الجسم، بتوفر مقصورة أوسع و شنطة أكبر، مع أداء و استهلاك بنزين شبه متطابق بين الاتنين.. فأنا شايفها إجمالاً كفتها أرجح.
لو حضرتك هاتختار من فيتارا او داستر او ام جى zs
داستر
تسلم ياباشا لمجهودك بس مشفناش الشنطه
إزاي؟ تبقى متفرجتش 😀
@@ab_carz حبيبي لا اتفرجت😄 بأماراه ان الزبون المصري بيجوز في الاخر الي امه بتجبهاله بس يظهر فاتتني لقطه الشنطه انا بستنى ريفوهاتك ع طول
@@eslammahmoud7180 😁🙏🏼🙏🏼
شكرا علي الريفيو. عندي سؤالين لحضرتك، العربيه ديه اول ما نزلت في كوريا كان تمنها قرب ال ٣٠ الف دولار، وحاليا تمنها قريب من ٢٣ الف دولار، هل في سبب معروف لده؟
ايه راي حضرتك بالنسبه لضعف الشديد في المبيعات عالميا (خارج مصر) وانها ما تتبعش في الاسواق الكبري زي امريكا مثلا. شكرا لحضرتك مره تاني.
معرفش والله السبب بس أحياناً الشركات بتخفض الأسعار لتحسين المبيعات و بتحمل خسارة طراز على ربح طراز آخر، فممكن يكونوا عملوا كده بس ده مجرد توقع.
هى اول فئة فيها كاميرا خلفية
👍🏼
ايه افضل نسخه الاستيراد و لا الوكيل المصري ؟؟
و من فضلك هل موجود الفئه التالته و بكم ؟
👍🏻👍🏻👍🏻👍🏻👍🏻👍🏻👍🏻
حضرتك ترشح التوريس ولا التوسان ولا التوسان هايبرد؟
للاسف توكيل توريس مبيقدمش قطع غيار او صيانه للتوريس وارد الخارج وده للاسف مقلل كفه التوريس
هل متوفر لها صيانه او قطع غيار قرب اسكندريه؟
موجود
ليها جروب مخصوص ليها ولكل مستخدميها أدخل عليه هاتعرف كل حاجة ودا عالفيس
ايه رأيك في هوندا ZRV
مجربتهاش لعدم توفرها رسمي في مصر و للأسف مش هقدر أقول رأيي فيها أو أرشحها لحد لعدم توفرها وعدم توفر قطع غيارها هنا.
تبدل مع بيكانتو الوحش الكوري موديل٢٠١٠ وتدفع الفرق
لا ياعم أنا كده هدفع فرق كبير قوي ومش هقدر 😄
في مشكلة ف الرفيو من باب التوضيح ، مبدأيا لو العربية هتحط قطع و تطريزات معينة في الوجه الخارجي لازم تقر انه كا اكسسورا و ده بيدي ايحاء قبل ما تكون عملية لان دي مركبة لازم كل شئ فيها ليه تأثير ولازم توضح ان دي عيب مش ميزة ، و ثاني شى الشكل المعدني الي تحت ، اغلبية السيارات المحترمة بتكون معدن فعلا او كاربون فايبر او الكروم لان دي من السيفتي للراكب و لامحرك ، للاسف الريفيو واخد طبع الإعلان، وقبل ما حد يشتري عمتا يشوف ريفيوهات عن السيارة و رفيوهات عن سيارات تانيه عشان يقدر يحدد قيمته سيارته
كل القنوات بتعمل اعلانات للعربية دي مش ريفيوهات
يعنى هى افضل ولا سبورتاج
هي
التوريس افضل ام سوبارو كروستريك حد يرد من فضلكم
السوبارو. ملك الياباني لايقارن مع الكوري نهائيا
السوبارو ملك الياباني لايقارن مع الكوري
توريس أفضل بأميال في حجم المقصورة، مساحة الشنطة و في مصاريف الترخيص الضريبة و هتبقى قطعاً أفضل لأسرة كبيرة.
سوبارو أفضل في الإسم المعروف، التوكيل الأقدم و الكروس تريك فيها نظام معلوماتي أفضل.
الاتنين دفع رباعي، الاتنين مفيش فيهم مشاكل اعتمادية و الاتنين مش أحسن حاجة في إعادة البيع، الاتنين مستوى خامات واحد و الاتنين أداءهم قريب جداً من بعض بعد تزويد السوبارو بالموتور ال٢٠٠٠
الخلوص الارضي كام
١٩ سم.
تقريبا نفس مواصفات السنتافي الداخلية
مجربتهاش لعدم توفرها في مصر للأسف
تكيف اخبارو ايه ؟؟؟؟؟؟؟؟؟؟؟؟؟؟؟
كل دي علامات استفهام على سؤال أنا مجاوب عليه في الفيديو 😀
الرفيو حلو بس فيه غلطه في الرفيو العربيه فيها حساسات للضوء والمطر والمريات تعتيم وانتا بتقول مش موجودين فيها وانا معايا الفئه الوسط موجد فيها شكرا علي مجهودك ودا للايضاح فقط
مش موجودين في أي فئة في المواصفة الموجودة في نسخة الوكيل المصري.. أكيد يعني لو موجودين مكونتش هقول العكس.
@@ab_carz تمام بس حضرتك بتتكلم علي العربيه عموما مش عربيه التوكيل المصري فقط ممكن يبقي في توضيح ان المواصفات دي مش موجودة في نسخه الوكيل لاكن متوفرة في النسخه الخليجي اوالاستراد الشخصي
@@badrmoh5074
و أنا فعلاً قايل نصاً في آخر الفيديو ان معظم العيوب المذكورة راجعه للمواصفة المختارة مش العربية نفسها، و وضحت قبلها ان دي نسخة الوكيل المصري بس حضرتك مخدتش بالك.
@@ab_carz تمام تسلم فعلن مختش بالي شكرا لحضرتك
هي ولا الاتيكا
هي تتفوق مساحات داخلية و شنطة و راحة تعليق، و أتيكا تتفوق أداء و استهلاك وقود و منظومة نقل حركة و دقة توجيه و ثبات عام.. كمان أتيكا تتفوق في توفر قطع الغيار الميكانيكية أكتر خصوصاً بره التوكيل و أعتقد تتفوق في إعادة البيع و ثبات قيمة البراند.
لسه مازالت محتاجة تنزل 150 الف عن التمن الحالي،لان أصلا النزول اللي حصل في السعر كان مجرد نزول في الزيادة الغير منطقية اللي حصلت في بداية السنة ،واللي أصلا تقريباً ماحدش اشتري بالأسعار دي.. يعني ده اسمه ضحك ع الدقون ،وتسعير العربية يعتبر معمول علي أساس سعر الدولار ب 65 جنيه
❤👍👍
افضل او البيجو 5008
لو فرق السعر لا يشكل مشكلة يبقى ٥٠٠٨
أنا محتار جدا بينها و ميتسوبيشي إكليبس
ياريت رأي حضرتك
روح شوفهم و جربهم الاتنين ع الطبيعة و انت هتعرف الفرق الشاسع بينهم لصالح التوريس ... الاتنين نفس السعر تقريبا بس الفرق كبير اوي بينهم .... اوعي تشترى من غير اما تشوفهم ع الطبيعة و تجربهم و تقارن بينهم
هي أفضل من اكليبس في كل حاجة
الفرق بينهم في قيمة الوديعة
وكمان انتشاره وقطع الغيار
@@user-nk7dk3px3b
أنا بقارن عربية قصاد عربية فبقول توريس أفضل في كل شئ.
طبيعي تكون اكليبس أكثر انتشارا لأنها موديل أقدم و شركة أعرق و توكيل أكبر، قيمة الوديعة معرفهاش عشان أنا مش مغترب و معتقدش هتفرق الفرق الكبير.
@@ab_carz كنت متوقع كدة لكن تخيل إن توريس فئة كاملة حوالي ١١ ألف دولار وكذلك توسان و سبورتاج
إكليبس تقريبا ٥ آلاف ونص وحقيقي مش عارف السبب .
معاك طبعا كل ريفيوهات عن التوريس حاجة رائعة جدا
ربنا ييسر الحال
ولا عملت قلق ولا اي حاجه ولا ليها وكيل يضمنها ومحدش اشتراها
بعيدا عن أن توريس عربية
كويسة أو سيئة
هو ليه الربط في المنافسة فقط
بينها وبين توسان وسبورتاج
وليه مش هاتكون منافسة كمان للعربيات الأخري سواء الألماني أو الفرنسي أو الياباني أو الصيني
علي فكرة مش معني انها كوري يبقي هاتكون منافسة للعربيات الكوري فقط لأن اللي بيشتري العربية دي مش اللي كان ممكن يشتري توسان وسبورتاج فقط ممكن يكون كان هايشتري اي عربية تانية غير الكوري
مع ملاحظة ان توريس بحجمها الكبير بتنافس العربيات اللي من نفس الفئة ذات الحجم وهي كيا سورنيتو وتويوتا فورتشنر ونيسان اكس تريل وسوبارو فورستر وجيب جراند شيروكي وكودياك وهافال وجيتور وتيجو ٨ وشيفروليه كابيتفا وجيلي اوكافانجو
لكن توسان وسبورتاج فئة حجم اقل من توريس وكتير من اللي بيشتروا توسان وسبورتاج
مش عايزين أحجام اكبر منهما
مع ملاحظة ان العربية لم تظهر في قوائم اكثر العربيات مبيعا في عام ٢٠٢٣ ولا في الربع الأول من عام ٢٠٢٤ في مصر وجميع دول العالم
مع مراعاة لولا إختلاف الأذواق والاحتياجات والمتطلبات لبارت السلع وكل واحد بيركب العربية اللي تناسب ذوقه واحتياجه ومتطلباته
أخيرا
أنا لست مع أو ضد توريس
وممكن أكون من ملاكها مستقبلا
لكنها مجرد ملاحظات فقط لاغير
بعيدا عن الانحياز لأي عربية ايا كانت
بدون أي خناقات واتهامات وشتائم
لأن هما دول منافسينها الرئيسيات في السوق المصري، و مينفعش أحطها مع حد غيرهم في مقارنة في مصر من كل العربيات اللي كتبتها دي لأسباب عدة أهمها فروق الأسعار بينها و بين باقي اللي عربيات اللي من حجمها المكتوبة في التعليق.
هي تتحط في اختيارات الزبون اللي بيفكر في توسان أو سبورتاج و ممكن تتحط في اختيارات اللي كان هيشتري صيني عالي زي أوكافانجو أو هافال H6 .. غير كده مفيش.. حتى مينفعش أحطها كاختيار قدام اللي بيركب تيجوان أو كودياك لأن ده زبون دماغه غير دماغ اللي بيختار التوسان مع الاحترام للجميع.. يعني زيك كده يا باشا لما قعدت تسأل في كل حتة و كان ناقص نحلفلك على المياه تجمد ان التيجوان أحسن من التوسان وفي الآخر رحت اشتريت توسان.. زي ما أنا قلت كده في الفيديو بالضبط لو خدت بالك.. 🙂
فهي بتبقى قناعات و أنا فاهم دماغ الناس كويس و عارف بيفكروا إزاي و بالتالي لكل مقام مقال.
@@ab_carz
زي ماحضرتك قلت كده عن دماغ اللي بيشتري تيجوان برضه اللي بيشتري توسان وسبورتاج له دماغ تانية اللي بيشتروا توسان وسبورتاج طريقة تفكيرهم ونظامهم
بشراء المضمون فقط
ولايدخلون في مخاطر تحتمل الصواب والخطأ في شراء عربية جديدة في السوق غير معروف هيظهر منها
مشاكل ايه ولسه لم تنتشر
ولم يتوافر قطع الغيار والصيانات لها
بالقدر الكافي وإعادة البيع لها ضعيفة
وبالتالي توريس ليست في حساباتهم حاليا الا بعد سنوات
لو وصلت لما يناسب
طريقة تفكيرهم ونظاهم في الشراء
مع ملاحظة ان الكلام اللي بيتقال دلوقتي عن توريس اتقال زيه
لما نزلت تيفولي
بالنسبة لأني سألت في كل حتة وفي الاخر جبت توسان هو حضرتك بتقولها بسخرية ليه هل غلط ان الواحد يسأل في كل حتة ده طبيعي وكل الناس بتعمله وحضرتك قلتها في اخر الفيديو ان ده بيحصل عادي
وبعدين غالبية زملاء حضرتك من الأدمنز والخبراء نصحوني بتوسان طبقا لما أريده من الاولويات
وبعدين حلفان حضرتك ان عربية احسن من عربية مع احترامي وتقديري لحضرتك الإختيار في الشراء بيكون وفقا لمتطلبات كل واحد
واللي بتختلف من واحد للتاني
مفيش عربية في المجمل احسن من التانية
انا عن نفسي ماقدرش اتحمل سوء خدمة توكيل تيجوان من حيث الاسعار والخدمة نعم كل التوكيلات سيئة لكن توكيل تيجوان أسوء التوكيلات
يعني مثلا زي واحد من زملاء حضرتك قالي لو انا بختار لنفسي هختار تيجوان لكن لو بيختار لي وفق متطلباتي هيختار توسان
تحياتي وتقديري لحضرتك ❤️
هى افضل ولا إكليبس
هى طبعا
بص هو مش تحامل على الاكليبس، بس هو غالباً مفيش كروس أوڤر في السوق مش أحسن من الاكليبس 😅
@@ab_carz عندك حق هههه
@@ab_carz هل عربيه محترمه وجميله وو بس مشكلتها انها نزلت غاليه من اولها
غير المايك ضرورى
ليه؟ ممكن تعرفني ملحوظاتك على الصوت و في أي جزء؟
اعتقد الهافال افضل
هي كوري استيراد و لا نسخه الوكيل المصري
وكيل
@@ab_carz ممكن العنوان واللوكشن و المواعيد ان شا الله بنجلكو النهرده
@@ab_carz وهل موجود موديل 24 الجديد المعدل ؟
@@monaabdelrahman5080
يافندم أنا صحفي سيارات كنت بجرب العربية لتقييمها فقط.
للشراء حضرتك تواصلي مع توكيل السيارة شركة Arabiat .. مكانهم في مدينة نصر في عباس العقاد و في المهندسين في شارع شهاب.
@@ab_carz شكرا جزاك الله الخير
😂😂 مقابل السعر
مراجعة سهلة وملمة بكل شئ
فتيس و عزل سيء
ركبتها صبح و ليل و كذا مره و فى كل مره بحاول اقنع نفسى بيها مبعرفش، خامات تبان كويسه فى الكاميرا او للى خبرته قليله، انما انا مش شايف غير حقيقتها و هى انها عربيه تعبانه و مقارنتها بالاسبورتاج مثلا امر مضحك جدا جدا
رأيك إيه طيب في إكليبس كروس
شكلها وحش
مع احترامي ده اعلان وليس ريفيو
ياعم ارحمونا بقي
ماتشتريش
استاذ مصطفى ولا ليه فى الاعلانات ولا عمره بيحابى حد يا ريت منرميش الناس بالباطل واحنا منعرفش عنهم حاجة
مع احترامي ده ريفيو واحترافي كمان وليس إعلان
العربيه دي محترمه
لو سمحت كنت عاوز اسأل حضرتك لو هنزل سياره من الخليج ومحتار بين
توسان
سبورتاج
توريس
نصائحك في الصميم جبت الزتونه... فعلا صعب ارضاء البني ادم مصري... تاني عربية تشكر فيها بشكل واضح وصريح بعد التيجوان
مش فاكر بالضبط شكرت في إيه تاني بس أعتقد كان في عربيات تانية حلوة و شكرت فيها بشكل واضح برضه.. يمكن آخرهم ال٤٠٨ و الفورمنتور 😄