Life at Mahailluppallama - පල්ලමේ ජීවිතය

පේරාදෙණිය විශ්වවිද්‍යාලයේ කෘෂිකර්ම පීඨය මගින් සංවිධානය කරනු ලබන " රැළි බිමෙන් සම බිමට " අධ්‍යාපන සත්කාරක වැඩසටහන.
සරසවිය කියන්නේ අපේ රටේ අධ්‍යාපනය ලබන හුගාක් ශිෂ්‍ය ශිෂ්‍යාවන්ගේ සුන්දර හීනයක්.ඉතින් ඒ හීනය සැබෑ කරගන්න හම්බෙන්නේ ඒ ලෙවල් විභාගයට පෙනී ඉන්න ශිෂ්‍යන්ගෙන් ඉතාමත් සුළු පිරිසකට විතරයි. අද වෙද්දි හැමෝම දන්නවා ලංකාවේ විශ්ව විද්‍යාල කොච්චර තිබ්බත් එයින් පළමු තැන ගන්නේ පේරාදෙණිය විශ්ව විද්‍යාලය කියලා. ලංකාවේ විතරක් නෙවෙයි, මුලු දකුණු ආසියාවෙම තියෙන සුන්දරම විශ්ව විද්‍යාලය වගේම ලෝක ශ්‍රේණිගත කිරීම් අනුව පළමු 500 අතරටත් තේරිලා තියෙන පේරාදෙණිය විශ්ව විද්‍යාලය පිහිටලා තියෙන්නේ මහනුවර නගරයට යාබදව හන්තාන කඳු පෙලින් වටවුන සුන්දර වූ මහවැලි නිම්නය කේන්ද්‍ර කරගෙන.
ඉතින් මේ පේරාදෙණිය විශ්ව විද්‍යාලයේ තමා ලංකාවේ හොඳම කෘෂිකර්ම පීඨය පිහිටලා තියෙන්නේ. අපේ රටේ වගේම සමස්ත ලෝකයේම කෘෂිකර්මාන්තය වෙනුවෙන් වැඩ කරන අතිදක්ෂ විද්‍යාර්ථයින් අවුරුදු පතා බිහි කරන පේරාදෙණිය විශ්ව විද්‍යාලයේ කෘෂිකර්ම පීඨය ලංකාවේ ප්‍රමුඛතම පීඨ වලින් එකක් විදිහට හදුන්වන්න පුළුවන්.
මේ කෘෂිකර්ම පීඨයට ලංකාවේ සතර දිග් භාගයේ ඉඳන් එන හැම ලමයෙක්ම වගේම ලෝකේ පුරා ඉන්න ආදී කෘෂි විද්‍යාර්ථයින් අනික් හැම විශ්ව විද්‍යාල ශිෂ්‍යයොන්ටම වඩා හරිම වාසනාවන්තයි වගේම හරිම සුවිශේෂී කියන්න පුළුවන්. ඒ මොකද ඒ එහෙම කියන්නේ?. ඔව්. ඒකට හේතුව තමයි එයාලට පලමු වසරේ මහඉලුප්පල්ලම උප විශ්ව විද්‍යාලයේ ගත කරන්න හම්බවෙන කාලය සහ අත්දැකීම්. මහඉලුප්පල්ලම ගම්මානය පිහිටලා තියෙන්නේ කැකිරාව නගරයට ආසන්නව. ගම්මානයේ සුන්දරත්වය නම් කියලා නිම කරන්න බැරි තරම්. එක් පැත්තකින් යාය හතර ප්‍රදේශයත් අනික් පැත්තෙන් කොල පාටට දිලිසෙන වෙල් යාය වගේම උප විශ්ව විද්‍යාලය වට කරගෙන ගලාගෙන යන ඇල මාර්ගය ගමේ අසිරිය තවත් වැඩි කරනවා. ඇත්තටම ඒ වගේ අත්දැකීමක් වෙන ලෝකේ කිසිම විශ්ව විද්‍යාලයක විද්‍යාර්ථයෙක්ට විඳින්න වාසනාව නම් නැතුව ඇති.
ඉතින් හා හා පුරා කියලා මේ මහලුප්පල්ලමට එන පේරාදෙණිය විශ්ව විද්‍යාලයේ කෘෂිකර්ම පීඨයේ පලමු වසර සිසුන්ගේ පලමුම අධ්‍යයන කටයුත්ත වන්නේ දෙමළ භාෂාව ප්‍රගුණ කිරීමේ
සහ ඉංග්‍රීසි දැනුම වර්ධනය කිරීමේ පාඨමාලාවන්. මේ පාඨමාලාවන් හරිම සිත්ගන්නා සුළු විදිහට තමයි විද්‍යාර්ථයින්ට දායාද වෙන්නේ.නැටුම් ගැයුම් වලින් පිරිපුන් හරිම ආසා හිතෙන ප්‍රායෝගික වැඩසටහන් ගොන්නකින් සැදුම් ලත් පාඨමාලාව නිම වීමෙන් පසු සිසුන්ගේ නායකත්වය වර්ධනය කරන්න නායකත්ව පුහුණු වැඩසටහනකුත් ඒ වගේම ගණිත පාඨමාලාවකුත් එකතු කරලා තිබීම මහඉලුප්පල්ලමේ තවත් එක් සුවිශේෂී අංගයක්. මේ ඔක්කොම මාස තුනකින් විතර ඉවර උනාම විෂය නිර්දේශයට අදාළ ප්‍රායෝගික හා සෛද්ධාන්තික ඉගැනුම් ක්‍රියාවලි ආරම්භ වෙනවා. මේ අතර වාර්ශිකව සංවිධානය කරන පිරිත, සූර්‍ය මංගල්‍යය, ක්‍රීඩා උත්සවය, වගේම ගොවි දවස වගේ ආසා හිතෙන අංග රාශියක් තියෙනවා.
මහඉලුප්පල්ලමේ හැම වැඩක්ම සංවිධානය කරන්නේ වීද්‍යාර්ථයින්ගේ අතින්මයි. ෆුඩ් කමිටුවේ ඉඳලා හැම වැඩසටහනක්ම සිසුන්ට ඕනේ විදිහට සංවිධානය කරන්න නිදහස හා අවස්ථාව දීලා තියෙනවා. ඒ වගේම අනුරාධපුරයට, දඹුල්ල ආදී ඓතිහාසික නගර වලට නිවාඩු දවස් වලට යන විනෝද චාරිකා
වලිනුත් පිරුණු හරි අපූරු කාලයක් තමයි මහඉලුප්පල්ලම උප විශ්ව විද්‍යාලය තුළ ගෙවෙන්නේ. ඇත්තටම කෘෂිකර්ම පීඨයේ හැම විද්‍යාර්ථයෙක්ගෙම සරසවි ජීවිතයේ ලස්සනම කාල පරිච්ඡේදය තමයි මේ මහඉලුප්පල්ලමේ ගත කරන්න ලැබෙන කාල පරිච්ඡේදය.
ඔයාලට මහඉලුප්පල්ලම ගැන තියෙන පල්ලෙහා අපේ වීඩියෝ එක බැලුවොත් ඒක අනිවාර්යයෙන්ම තවත් හොඳට තේරේවි....
• Life at Mahailluppalla...
♦️Subscribe us for more videos.🔔
♦️Follow us on Facebook:
🔘 / rali-bimen-sama-bimata...
🔘 / sentiero.lk
✅Video dubbed by - Hasuru Dissanayake & Nipuni Jayasinghe
✅Script by- Krishani Weerasinghe, Nilakshi Gammanpila, Punsara Nirmal, Kusal Bandara
✅Edited by - Imasha S Jayathissa & Udana Janith
✅Post designed by - Hasitha Dananjaya
♦️Subscribe us for more videos.🔔
#මහඉලුප්පල්ලම
#පල්ලම
#පේරාදෙණිය
#කෘෂිකර්ම පීඨය
#Mahailuppallama
#Subcampus
#Agriculture_Undergraduate
#Advanced_Level
#WisdomScape
#FOA #Faculty of Agriculture
#UOP