Песен за Иван Алабако

Сиво ми сокле прелета, мори девојко,
од това село Белица,
низ това село Ораовец, мори девојко,
над Ивановите, леле, дворове,
низ това село Ораовец, мори девојко,
над Ивановите, леле, дворове.
Црно ми писмо донесе, мори девојко,
до Ивановите родове.
Во писмото пишуваше, мори девојко,
дека го Иван, леле, убиле;
Ивана - тој Алјабако - мори девојко,
во това село, леле, Белица.
Кога го чула девојка, леле девојка,
бело го чевре искина,
убав ми гергеф искрши, леле девојко,
крвави с`лзи, леле, пророни,
убав ми гергеф искрши, леле девојко,
крвави с`лзи, леле, пророни.