11 Αντάρτικο «Σο Μπέλες»

11. Σο Μπελες
Στιχουργός άγνωστος. - Μουσική παραδοσιακή
( Από το αντάρτικο στην περιοχή του βουνού Μπέλες του Κιλκίς)
Και σο Μπέλες μάνα μ’ σην οροσειράν,
(Και στο Μπέλες μάνα μου στην οροσειρά)
ακεί εφέκα το κορμόπο μ’, σο καφούλ κεκά.
(εκεί άφησα το κορμάκι μου στο σύθθαμνο κοντά)
Εντοκάνε με τα σφαίρας σο ψυόπο μ’ απές
(Με χτυπήσανε οι σφαίρες μέσα στην ψυχούλα μου)
και ν’ εφέκα το κορμόπο μ’ σ’ ορμόπον απές
(και άφησα το κορμάκι μου μέσα στο χαντάκι).
Και η χλαίνη μ’ εγωμόθεν όλο γαίματα,
(Η χλαίνη μου γέμισε όλο αίματα)
το γιαβρόπος ντ’εσκοτώθεν, κι έτον ψέματα.
(το γιαβράκι σου σκοτώθηκε, δεν ήταν ψέματα)
Η μανά μ’ κ’ εξέριατο, ο κύρη μ’ κι ζει,
(Η μάνα μου δεν το ξέρει, ο πατέρας μου δε ζει)
το επέμνεν το κορμόπο μ’ απες σο γιαζίν.
(ότι έμεινε το κορμάκι μου μέσα στην ερημιά)
Ποίος θα φέρτσε μάνίτσα μ’ τ’ άγρεν το χαπάρ,
(Ποιος θα σου φέρει μάνα μου το άγριο μαντάτο)
σο γιαζίν απές το κείμαι χωρίς μαξιλάρ.
(στην ερημιά μέσα πως κείμαι χωρίς μαξιλάρι)
Μάνα αράεψον τον τόπον, άψον με κερίν,
(Μάνα ψάξε τον τόπο άναψέ με κερί)
τοπλάεψον τα στουδόπα μ’, το γιαβρί σ’ κι ζει.
(μάζεψε τα κοκαλάκια μου, το γιαβρί σου δεν ζει)