අධිකරණයට අපහාස කරන ආණ්ඩුක්‍රම ව්‍යවස්ථාව නොසලකා හරින ජනපතිට අගමැතිට කතානායකට සහ රජයක…
Вставка
- Опубліковано 8 вер 2024
- අධිකරණයට අපහාස කරන ආණ්ඩුක්‍රම ව්‍යවස්ථාව නොසලකා හරින
ජනපතිට අගමැතිට කතානායකට සහ රජයක විපක්ෂ නායකගෙන් රතු එළියක්
අද වන විට රටේ ඇත්තේ අරුම පුදුම ආණ්ඩුවක් බවත් මේ ආණ්ඩුව ශ්‍රේෂ්ඨාධිකරණයේ තීන්දු ප්‍රතික්ෂේප කරන බවත් රටේ ඉහළ ම උසාවියේ තීන්දු තීරණ අනුගමනය නොකරණ බවත් ශ්‍රේෂ්ඨාධිකරණයේ තීන්දු ක්‍රියාත්මක නොකරනඅනුප්‍රාප්තික ජනාධිපතිවරයා, අගමැතිවරයා, කතානායකවරයා, ආණ්ඩුවේ හොර කල්ලිය රටේ නීතිය අමුඅමුවේ උල්ලංඝනය කරමින් ආණ්ඩුක්‍රම ව්‍යවස්ථාව අමුඅමුවේ උල්ලංඝනය කරමින් රටේ නීතියට හා ආණ්ඩුක්‍රම ව්‍යවස්ථාවට පයින් ගසමින් යන බවත් විපක්ෂ නායකවරයා පැවසීය.
ඔවුන් කියන ආකාරයට ඔවුන් කියන දේ රටේ නීතිය වුවත් ඔවුන්ගේ ඉරණම තීන්දු කරන දවස අත ළඟ බවත් මෙරට ජනතාව යුක්තිය සාධාරණත්වය සහ නීතියේ ආධිපත්‍ය රජකරවන යුගයක් නිර්මානය කරන විට මෙසේ ආණ්ඩුක්‍රම ව්‍යවස්ථාව උල්ලංඝනය කරන පිරිසට නීතිය හමුවට පැමිණ මුහුණ දීමට සිදුවන බවත් විපක්ෂ නායක සජිත් ප්‍රේමදාස මහතා පැවසීය.
විපක්ෂ නායක සජිත් ප්‍රේමදාස මහතා මේ බව කියා සිටියේ අද බදුල්ල පස්සර පැවැති බලමණ්ඩල රැස්වීම අමතමිනි.
ජීවන අර්බුධයෙන් තෙරපී සිටින ජන කොට්ඨාසයට මේ වන විට විසඳුමක් සහ උත්තර අවශ්‍ය බවත් සමගි ජන බලවේගය බලයට පත් වූ පසු සාධාරණ කාලසීමාවක් තුළ දුකෙන් තොර කණගාටුවෙන් තොර අසහනයෙන් පීඩනයෙන් තොර ජන ජිවිතයක් නිර්මාණය කරන බවත් මාලිගාවල සුවපහසු ජීවිත ගත කරන රට පාලනය කරන ප්‍රභූවරුන්ට පොදුජන දුක නොතේරෙන බවත් මොවුන්ට අනුකම්පාවක් දයාවක් නොමැති බවත් මෙවැනි පාලකයන්ට බංකොලොත් අප රට ගොඩගත නොහැකි බවත් විපක්ෂ නායකවරයා පැවසීය.
අපේ රටට ඕන කෙළින් තීරණ ගන්නා නායකයෙක්
මෙරටට අවශ්‍ය ශක්තිමත් ජවසම්පන්න කෙළින් තීන්දු ගන්නා අනුකම්පාවක් දයාවක් ඇති ජනතාවගේ සිතුම් පැතුම්වලට අනුව තීන්දු තීරණ ගන්නා රාජ්‍ය පාලනයක් රටට අවශ්‍ය බවත් මේ අවස්ථාවේ රටට අවශ්‍ය වී ඇත්තේ මන්දිර දේශපාලනය නොව පොදුජනතාව සමඟ එක්ව උපරිම කැපකිරීම් සිදු කර සටන් කළ හැකි නායකයකු බවත් විපක්ෂ නායකවරයා මෙහි දී පෙන්වා දුන්නේය.
මන්දිර දේශපාලනයට තිත
තමා මන්දිර දේශපාලනය කරන දේශපාලනඥයකු නොවන නිසා ඒ මන්දිර නිදහස් අධ්‍යාපනය යටතේ නවීන තාක්ෂණයෙන් ඉගැන්වීම් කරන අධ්‍යාපන මධ්‍යස්ථාන බවට පත් කර නිදහස් උසස් අධ්‍යාපන මධ්‍යස්ථාන හරහා ලොව ජය ගන්නා සුහුරු සිසු පරපුරක් බිහි කරන බවත් විපක්ෂ නායකවරයා මෙහි දී පැවසීය.
වතු ජනතාව රැවැට්ටු කාලය අවසන්
වතු ජනතාව නියෝජනය කරනවා යැයි කියන නායකයෝ පසුගිය කාලයේ අමුතු ඇන්දවිල්ලක් රැවටිල්ලක් ක්‍රියාත්මක කර බොරු ගැසට් එකක් හරහා වැටුප 1700ක් කරනවා යැයි කියූ බවත් එසේ කියා වතු අයිතිකරුවන්ට මීට විරුද්ධව නඩු දාන්න යැයි වතු හාම්පුතුන් සමඟ ඩීල් දමා ඇති බවත් මොවුන් දෙපැත්තම සමබර කර ජනතාව රවටන න්‍යායක් ක්‍රියාත්මක කරන බවත් විපක්ෂ නායකවරයා පැවසීය.
වතු කම්කරුවා නොව වතු ව්‍යවසායකයන් බිහි කරමු
පාලකයෝ කැමති වතු ජනතාව කම්කරු තනතුරේ තබා ගෙන වතු ජනතාව ලැයිම් කාමරවලට සීමා කිරිමට බවත් වතු ජනතාව වෙනුවෙන් වෙන් වූ ගම්මාන නිර්මාණය කරනවා වෙනුවට ලැයිම් කාමරයේ ගම්මාන සකස් කරන්න යන බවත් මේ රටේ රාජ්‍ය වතු ක්ෂේත්‍රයේ පෞද්ගලික වතු ක්ෂේත්‍රයේ වගා නොකළ මුඩු ඉඩම් අක්කර ලක්ෂ ගණනක් ඇති බවත් එවැනි තත්ත්වයක් තිබියදී වතු කම්කරුවන්ගේ වැටුප් වැඩි කරන බවට රවටන බවත් එසේ වතු ජනතාව රවට්ටන්නේ නැතිව වතු ජනතාව සදාකාලික කම්කරුවන් නොකර ඔවුන්ට ඉඩමක නිවසක හිමිකම ලබා දී කුඩා තේ වතු හිමියන් බවට වතු ජනතාව සවිබල ගන්වන බවත් විපක්ෂ නායකවරයා මෙහි දී පැවසීය.
එවිට වතු කම්කරුවන්ට ද කුඩා තේ වතු හිමියකු ලෙස තේ නිෂ්පාදනයට දායක විය හැකි බවත් ජාති ආගම් කුලමල පන්ති පක්ෂ භේදයකින් තොරව මෙම ක්ෂේත්‍රයට රුචිකත්වයක් දක්වන අනෙකුත් තාරුණ්‍යයට ද වතු ව්‍යවසායකයකු කිරීමට කටයුතු කරන බවත් වතුකම්කරු ප්‍රජාව වතු ව්‍යවසායකයා බවට පත් කරන බවත් විපක්ෂ නායක සජිත් ප්‍රේමදාස මහතා පැවසීය.
මෙරට කුඩා තේ වතු හිමියන්ට තේ ඉඩම් ප්‍රමාණයෙන් 40%ක හිමිකාරිත්වයක් තිබුණත් රාජ්‍ය තේ නිෂ්පාදනයට 70%ක දායකත්වයක් ලබා දෙන බවත් 60%ක් අයිති මහවතු හිමිකරුවන් ජාතික නිෂ්පාදනයට දායකත්වය ලබා දෙන්නේ 30%ක් පමණක් බවත් වගා නොකළ මුඩු ඉඩම් ලෙස මෙම ඉඩම් තබා ගෙන වෙනම රාජ්‍යයක් නිර්මානය කිරීමට උත්සාහ කරන නිසා මේ ඉඩම් ජනතාව අයිති දේපලක් නිසා ඒවා ජනතාවට ලබා දී තේ නිෂ්පාදනය ඉහළටම ඔසවා තබන බවත් විපක්ෂ නායකවරයා මෙහි දී පැවසීය.
සජබය දිනන බවට ඔප්පු වී අවසන්
මෙවර ප්‍රදේශයකින් පළාතකින් ජන කොට්ඨාසයකින් නොව සියලුම ආගම් ජාති සියලුම දිස්ත්‍රික්ක පළාත් 9ම උතුරු නැගෙනහිර බටහිර දකුණ ආදී සෑම තැනකින්ම සමගි ජන බලවේගය දිනන බවට සෑම සමීක්ෂණ වාර්තාවකින්ම ඔප්පු වී ඇති බවත් විපක්ෂ නායකවරයා මෙහි දී පැවසීය.
